أنواع الكفرات

[جبل خزة]

أخواني الأعزاء أعضاء مكشات الكرام ..
السلام عليكم ورحمة الله وبركاته ..
حبيت آخذ شوركم في موضوع حيرني وانا رايح اركب كفرات (إطارت) لسيارتي الكامري ، وخلاني أرجع من دون ما أركبها ، لأني قلت لازم آخذ شور الطيبين شرواكم .
بلا طول سالفة ، أنا كنت أركب نوع برجستون ياباني ، ويوم رحت للغرابي ما لقيت إلا أندنوسي ما ادري ماليزي وسألت عن أنواع ثانية ولقيت مصانعها متغيرة لبلدان ثانية .
الحين أنا محتار ما دري وش أركب لسيارتي ؟
عطونا رايكم وأفيدونا أفادكم الله .

[عادل 2]

هلا اخوي سامر الحي فيه اسم كفرات للكامري حلوات مره و الكفر لين مافيه مطبات اسم الكفرات يوكوهاما

[GMC79]

وخذها بتلقاها برجستون اصلي اغلى من البرجستون العادي الياباني اوغيره بحوالي 25% إلى 30%لكن صدقني تكد صعف مكدة العادية وان كانك لابد بتاخذ العادية لانك طفران مثلا فانصحك تاخذ اندنوسية ارخص من البرجستون العادي بحوالي 25% وتكد مثلها


يعني خذ الزينه الغالية او الرخيصة الاندنوسية اما الوسط الكاذب اتركة

[جبل خزة]

أخوي عادل مشكور وما قصرت وجزاك الله خير هذي عوايد الطيبين .

أخوي gmc79 اللهم لك الحمد والمنة ما وصلنا حد الطفارة ، والزين ما يعلى عليه بس كيف أعرف الزين من الياباني العادي ، يعني فيه شي يميزه وواضح ، لاني أخاف انهم ينصبون علي ، واخوك في هالأمور يالله يدبر عمره .

[GMC79]

معليش يالغالي ما قصدي اهانتك بالطفره والعذر والسموحة

وردي الاول مدري ليش ما نزل كله لاني كنت كاتب ان البرجستون الاصلي هو نفس كفر الوكالة غالي شوي بس رهيييييييييييييييييب وقوي ومكدته طويله

واسال عنه محلات الكفرات الكبيره في الغرابي قل ابي كفر وكالة كامري ويعطونك اياه وتاكد انه نفس النقشه اللي كانت في كفر الوكالة

وان شا الله ما حد ينصب عليك

تحياتي

[راعي الكيف]

ياويخيي سامر ...

صبحك الله بالخير ..

محاتسيك معه كامري ... وقد ركب كفرات نوع فالكون ... الصناعة على ما اعتقد انها يابانية ... عز الله انها تبيض الوجه ... واحرص انك تاخذ بعرض 205 بدلا من 195 عشان تضمن الراحة والرساوة وتطويل عمر الكفر .... وفي المقابل راح تزداد صرفية موترك او يقل عزمه .. لان السبب يكمن في ازدياد مساحة احتكاك الكفر بالارض .. عموما انا من وجهة نظري ماهوب مهم العزم في مقابل رساوة السيارة والراحة وطول عمر الكفر ...

فزي ما قلت لك .. الله الله بالفالكون ... والله انها شقردية واني ابطيت عليها ولاقد قالت اح ...

وانت ورايك عاد ... وعسى الله يكتب لك الخيرة من امرك

[جبل خزة]

حبيبي gmc9
صدقني ما زعلت ولا جا في خاطري أي شي وبالعكس كلمتك عن الطفارة عجبتني كثير ووسعت صدري وخلت للموضوع روح الدعابة الرائعة من أخ أروع . تأكد انه ما جا في خاطري شي ، وسامحني إذا أنا أخطيت في حققت .

أخوي راعي الكيف ، شكلك تستمخ عقب الفجر مثلي ، ما ودك انت وباقي الشباب تقهوون عندي .
الله يعطيك العافية على العموم هالنوع من الكفرات أول مرة أسمع عنه ، لكن شورك فيه الخير والبركة شروى الطيبين اللي يشاركونا في هالموضوع .