اين طريق روض بن هادي افيدوووني جزاكم الله خير

[ثعل البرد2]

بسم الله الرحمن الرحيم
السلام عليكم ورحمة الله وبركاته

اخواني ودي اروح لقرية (روض بن هادي) ابودي الوالدفيه واحد يفصد ويكوي وانا ساكن غرب الرس
من وين افرق لها وكيف طريقها زين والا تعبان .
ارجو المعذره اذا كان المكان غير مناسب .
كما ارحب باي اقتراح من الاخوان فيما يخص الطريق .
تحياتي للجميع والله يوفقكم جميعا

[العقاري2010]

وعليكم السلام ورحمة الله وبركاته

اخوي طريق روض بن هادي

اذكنت طالع من حائل تمسك طريق حائل الغزالة المدينة المنور وبعد 200 كيلو متر من حائل تجيك مدينة الحليفة السفلي قبلها ب 2 كيلو متر تفرق غرب يجيك لوحه روض بن هادي 25 كيلو متر وانت بوسط روض ابن هادي

واذكنت جاي من المدينة المنوره من الحناكية بتجاه الحليفة حائل 150 كيلو متر يجيك مفرق روض ابن هاددي

[الرهاوي2008]

هلا اخوي

ما قصر اخوي العقااري وصف لك


لاكن انا بروح لمنحى اخر

دامك تبي تفصد وتكوي الوالد الله يشافيه

فيه واحد قريب من الرس يكوي ويفصد

ساكن في نبيهه قريبه بين النبهانيه وصبيح

يمدحوونه كثير

اذا تريده ممكن اجيب لك رقمه واسمه

واقصر عليك العنوه

[حبـران]

ماقصر اخونا العقاري

واذا كنت جاي من الشملي بأتجاه الحائط حدود 90 كيلو

[فهد 003]

ماقصرو الشباب بالوصف ومثل ماقال الرهاوي فيه واحد قريب منك يعالج بالكوي و الفصد
وأنا بنفسي وديت الوالده يفصدها ويكويها قبل ثلاث سنوات
وقبل تقريبا 7 سنوات وديت له عيال خالي وتشافو بعد الله ثم الكوي
وقبلها بفترة عالجنا 2 من اقاربنا عنده وبعد الله تعافو من اراضهم
ويسكن في نبيهه واخر مره جيته حصلته يعالج كل يوم الصباح
يبحث عن الأجر ولا يطلب مال واذا انت عطيته من كيفك يستاهل ومرات يرفضها