وداعا للداب وداعا للثعابين وداعا لكل قارص ولادغ ولاسع [الأرشيف]

مشاهدة النسخة كاملة : وداعا للداب وداعا للثعابين وداعا لكل قارص ولادغ ولاسع

KoKaToo

28/06/2006, 03:02 AM

طريقه حلوه جدا للقوانيص او الكشاته الي مايبون يثبتون بمكان واحد طول طلعتهم ويبون التجوال بحريه اكثر بدون الالتزام بموقع الخيام والعوده له بعد كل قنصه او كشته وكذلك للي يحاتي المطر والغرق مع الغرضان اقول كان زمان...
وكذلك للي يحاتي الداب بانواعه ويتفزز كل شوي هقوته شي مشى على رجله مثل واحد من الشباب يوم قام الصبح ولا نايم معاه بالفراش فار يدور الدفا ..... هذي الامور خلاص بح ماعادت تشغل البال
خلكم مع الصور اوضح للمعنى...

http://www.mekshat.com/pix/upload/images17/mk9183_tent_1400_1.jpg

هذي خيمتنا
اشلون؟؟
شوفوا

http://www.mekshat.com/pix/upload/images17/mk9183_tent_1200_4.jpg

يازينها والله
حليلها
http://www.mekshat.com/pix/upload/images17/mk9183_tent_1600_1.jpg

وهذي عزكم الله مع حمامها

http://www.mekshat.com/pix/upload/images17/mk9183_tentshower.jpg

طبعا الفكره حلوه وتصميمها سهل لانه ماشاء الله شبابنا مبدعين وما اشوف انه يعصى عليهم شي ولله الحمد وسعر هذي الخيمه خيالي وابيكم تحكمون اذا تسوى هالسعر ولا لأ لان السعر تقريبا 5000 ريال او اكثر والحمام الله يعزكم لحاله سعره ما يزيد عن 1000 ريال
تعتقدون يسوى هالسعر
ولكم جزيل الشكر وسامحونا على القصور

البيـرق

28/06/2006, 05:17 PM

مشكور على الموضوع بس النوم بخيامنا مامثله............

غالي

28/06/2006, 05:23 PM

ان جيت الجد غاليه حدها 1800 بالكثير
هذا من رايي لانك لو تلاحظ تراها مثل البلاستيك يعني فيك خير ادخلها بالشتاء :)
وشكرا لك اخوي الفكره جدا رائعه لكن لو يخلون عنهم هالعالم الطمع ويصيرون واقعيين

سفير الجزيرة

28/06/2006, 05:32 PM

مشكور اخوي على هالتصميم
لكن وشلون تبغانا ننام فوق التندة !!!

أبو شعلان

28/06/2006, 05:56 PM

بسم الله الرحمن الرحيم

اشكرك اخوي على الفكره الرائعه للي يخافون الدواب بانواعها
عموما الله يعطيك العافيه

ياززززززززززين قرائة الوٍرد زززززززززيناه

ــــــــــــــــــــــــــــ وتقبل تحياتي ـــــــــــــــــــــــــــــ
:j

KoKaToo

29/06/2006, 04:06 AM

مشكورين ياشباب على التفاعل السريع وصحيح هي من الطربال وهذا الي تشوفونه نوع من كذا نوع وتصميم هابين فيه عندهم والي عرفته بعد البحث المكثف ان الافضل الجنوب افريقي من حيث التصميم ونوعية الالمنيوم المقوى المستعمل ونوع الطربال ..
اما عن السعر فهو جدا غالي ومو معقول وبيني وبينكم انا عندي خيامنا اشرح واونس والجمعه فيها هي الي تحلي الطلعه ولا اشرايكم ..

الدبل الثقيل

29/06/2006, 10:56 AM

جزاك الله خير... طيور البر المسلمين في غنى عن هذا .... اقرأ الاذكار بعد التوكل على الله ...وافعل الاسباب بدون تكلف ومبالغه... وان شاء الله مايصيبك شيء... واما السعر غالي جدا ومبالغ فيه..

عجمي

29/06/2006, 07:38 PM

اخوي الفكرة مقبولة نوعاًما لكن التطبيق صعب والمعروف ان الخيمة بالصيف ماتنفع ابد يعني زودن على الحر

ابجلس وانام بخيمة هذا شي والشي الثاني اذا كانو اكثر من اربع اشخاص ؟؟؟

وبعدين جوهم هم مقبول وبارد بالصيف مهب مثلنا سموم تحمس العصافير اللهم عافنا

عموماًمشكور على الموضوع والطرح

اخوك عجمي

منتعش

01/07/2006, 07:49 PM

يعطيك العافية

الـــــهدد

01/07/2006, 08:04 PM

مشكووور
وما قصرت

أبوسرحان

01/07/2006, 08:15 PM

الله يعطيك العافية
لكن والله حدها غالية
أبوسرحان

http://www.9q9q.org/index.php?image=L0bsPOcDBed (http://www.9q9q.org/index.php?image=50ZNpn20)

Lance

12/07/2006, 07:54 PM

والله هذى فكرتها مثل الهودج ظلال ومرتفعه عن الأرض بس أنصح الى يبى يستعملها خاصة اذا كان يتقلب اويمشى وهو نايم لأنه راح ينزل بدون بريك هو وحظه على راسه والا على ظهره والا على بطنه

تحذير : الشركه غير مسؤوله عن الأصابات التى تحدث نتيجة الخطأ او الاءهمال والرجاء ابعادها عن متناول الأطفال

الاستاد

12/07/2006, 10:40 PM

ربعنا دورهم عند النثرية بس

الرهدن

12/07/2006, 11:05 PM

السلام عليكم /

ماش وأنا أخوك هذي ماتصلح لربيعنا هذي للخواجات وبس00
لأنك تبي تصير فرجة للي يسوى واللي مايسوى00
طبعآ هذا إذا ماتدربيت على رفيزك اللي بالحمام :D
أما السعر مالأمه داعي (واحد عربجي :p )

أقضب أرضك وأقرأ وردك00 تراه أزين لك00

يعطيك العافية أخوي00

أخيكم / بومحمد00

خيال الغلبا

12/07/2006, 11:14 PM

هذي تبغا لها اصنصير وانا اخوك .....
ليست عملية .....

خيال الغلبا

12/07/2006, 11:16 PM

طيب وشلون نخدر الشاهي فيها ...
وشلون نشب الضو فيها ...

ابــوجــاســم

12/07/2006, 11:42 PM

مشكور على الخيمه

بس لما يكون انت نايم في جو ما ترتاح

الله يعز خيامنا

salehhd

13/07/2006, 08:05 PM

السلام عليكم
فكرة حلوة لاكن تنفع للوانيتات لان الجيوب غمارتها ما راح تتحمل الوزن وراح تنطعج

الضاري

14/07/2006, 07:08 AM

ابوذيب

14/07/2006, 08:48 AM

مع احترامي لك ولصاحب الفكره
اللي يبي البر والكشتات لاتصلح له هذه الخيمه حتى الخكاريه ما اضن يستسيغونها ، هذه خيمه تصلح لمناطق وحول وادغال فيها نامس وارض رطبه وبها جو معتدل

وجهة نظري وبعدين بالشتا والربيع ماسمعنا على طول ها السنين ان احد قرص او لدغ لان الزواحف في بيات شتوي وكل الاحتياطات من المطر ،

وتسلم على طرح الموضوع

الهـ911ـدد

14/07/2006, 09:40 AM

الصـراحـه فكـره حلـوه بـس ... ماعنـدك أحــد :D
يعنـي وشلـون وجهـك لا صـرت بالصمـان والقيض حاديك .. إشرب حليب نياق وخل عنـك الميرنـدا :o .
قصــدي شلـون وجهـك لا طلعـت كشتـه ونزلت خيمتـك وفرشتـه وجاك بـدوي يبي قهوه شلـون تبي تدخلـه بالخيمـه .. :p لا تقول راجع الكتلـوج .. وانت الصـادق راجعنـا بعـد إسبـوع ... :j
خـلاصـه الكـلام يـازيـن الارض زينــاه :D

See u :good: :D

المحدرة

14/07/2006, 10:07 AM

السعر غير معقول بالمرة
عمومآ تصلح للحج لأنها ماتأخذ حيز

عنوان موضوعك لم توفق للأسف في إختياره

m1m

14/07/2006, 04:07 PM

لو أشتريها ماكلموني ربعي 10 سنين .. وانطرد من البيت من غير شرّ :)

اللي يخاف يا طويل العمر .. كلها لتر ديزل .. ويعمل دائرة على الخيمة من بعيد شوي .. وبإذن الله لن ترى الخشاش عندك :)

صقر بني ياس

15/07/2006, 02:49 AM

جزاك الله خير ومشكور على هذا
الموضوع وما قصـــــــــرت

ابومدين

15/07/2006, 03:28 PM

الاستاد

15/07/2006, 11:19 PM

اقول قرصة الدا ولا الطيحة من فوق وانت نايم لاني اتقلب كثيير وانا نايم وعقدتي السرير هههههه تبيني ارقى فوق

طخيمان

16/07/2006, 12:34 AM

ومن يتهيب صعود الجبال ### يعش أبد الدهر بين الحفر

أصعب قرار

16/07/2006, 06:22 AM

مشكوووووور اخوي

أبوسالم2006

16/07/2006, 06:34 AM

ي على العموم ما عليها لكن يعذربه سعرها

فتى الطيري

16/07/2006, 07:39 AM

السلام عليكم
في نظري انها غيرجيده واتوقع انها غير عمليه وغير مريحه
وشكرا لاجتهادك

KoKaToo

16/07/2006, 08:11 AM

جزاكم الله خير ياشباب على الردود الطيبه والآراء الي نستفيد منها والخيمه هذي تراها ماهي لكشتاتنا وهذا واضح ولكنها جدا مفيده لكثير من الناس الي يسافرون بالسياره ولمسافات بعيده ، يعني تخيل انت طالع من الكويت بتروح عمان وحبيت تريح على الخط ايهم افضل واسرع اجيب لي خيمه بحبالها وهواديها ولا افك الي فوق السقف ونام لي شوي.

اعيد واكرر هذي خيمه نايلون ماتصلح لشب نار ولاتعتبر خيمه ثابته ولكنها تصلح لهواة التصوير او المستكشفين الي كل شوي بمكان ويكثر تنقلهم.