المساعد الشخصي الرقمي

مشاهدة النسخة كاملة : حرارة القراند شروكي


daef19
28/06/2006, 04:39 AM
السلام عليكم ورحمة الله وبركاته

كيف حالكم يا اخوان

انشاء الله تكونون باللف خير


بصراحة عند مشكلة ودي اقولها لكم وبي منكم الفزعه

المشكله انا عندي قراند شروكي موديل 99 6سلندر

الحراره توصل النص (210) واحيانا تتعدا النص بشويه

هل الحراره عادية ولا مرتفعه وشكرا

وممكن تقولوي اذا كانت الحراره مرتفعه وش الحلول


السؤال الثاني هو ان الرديتر اذا كان السياره حاره(210) اذا فتحة الغطاء يخرج الماء هل هذي مشكله ولا عادي


وشكراااااااااااااا مقدما يا اهل الخبرة
الوشاح
28/06/2006, 12:16 PM
اخوي اعتقد ان موترك امريكي

عموما .. انا حرارة موتري مثل كذا ( طبيعي )

من زود الحرص غيرت حساس مروحة الكهرب من 100 إلى 85

وبعد كذا الحراره على الثلث ونادر ماتوصل النص

اتمنى اني افدتك

تحيتي لك
aziz2727
28/06/2006, 01:36 PM
انا ما عند شروكي
بس اخوي وواحد من الشباب عنده
وحسب ما عرفت منهم انهم يغيرون بلف الحراره ويحطون بداله بلف كابرس
والافاضل انك تتأكد من المعلومه .
GMC79
29/06/2006, 08:04 AM
اذا كانت الحرارة ممتازة
وما ارتفعت الا الان فترى الموضوع فيه ان
دور علم وشف السبب اكيد فيه خلل ما

تحياتي
daef19
29/06/2006, 04:23 PM
مشكورين اخواني

الوشااااااااااااااااااااااح

وaziz2727 (http://www.mekshat.com/vb/member.php?u=7677)

و GMC79 (http://www.mekshat.com/vb/member.php?u=29424)

على مساعدتي


بنسبة يا اخ وشاح للحرارة عندي النص والمروحة الكهربائية خليها تشتغل مباشرة مع السلف

يعني الحراره النص والمروحه الكهربائية شغاله



اما الاخ
GMC79 (http://www.mekshat.com/vb/member.php?u=29424)

وش قصدك بان الحرارة ممتازة
الوشاح
29/06/2006, 06:17 PM
انا ما عند شروكي
بس اخوي وواحد من الشباب عنده
وحسب ما عرفت منهم انهم يغيرون بلف الحراره ويحطون بداله بلف كابرس
والافاضل انك تتأكد من المعلومه .

كلام سليم

نسيت اقولك اني مبدل بلف الحراره الاصلي ببلف كابرس

جرب .. إن شالله بترضيك النتيجه

تحيتي للجميع
][الكاشت][
29/06/2006, 06:39 PM
السلام عليكم ورحمة الله
أخي الحبيب ..
أنا معي شروكي كلاسيك ... والحرارة عندي تحت خط النص مباشرة بالليل ... وفي القوايل النص تماما .. واستفسرت من ناس فاهمة ورحت لورش وكلهم قالوا لي طبيعي .. بس أنا ما أرتحت للحرارة ... ودي القى حل يخلي الحرارة الربع أو الثلث بالكثير ..

سؤوالي / هل البلف اذا غيرته ببلف كابر بلاحظ فرق واضح ؟؟ أو الغي البلف تماما ؟؟
الوشاح
29/06/2006, 11:54 PM
[الكاشت][']السلام عليكم ورحمة الله
أخي الحبيب ..
أنا معي شروكي كلاسيك ... والحرارة عندي تحت خط النص مباشرة بالليل ... وفي القوايل النص تماما .. واستفسرت من ناس فاهمة ورحت لورش وكلهم قالوا لي طبيعي .. بس أنا ما أرتحت للحرارة ... ودي القى حل يخلي الحرارة الربع أو الثلث بالكثير ..

سؤوالي / هل البلف اذا غيرته ببلف كابر بلاحظ فرق واضح ؟؟ أو الغي البلف تماما ؟؟

اخوي الكاشت

غير بالف الحراره .. ركب بلف كابرس وتنزل الحراره شوي

باليل فقط

وإذ تبي الحراره تنزل بالنهار .. غير حساس المروحه الكهربائيه من 100 إلى 85

تحيتي لك
MOHAID
30/06/2006, 01:26 AM
هذي الحرارة تراها طبيعية وممتازة انا كان عندي شروكي زيه تتعدى النصف وعادي وتاصل احيانا الخط الاحمر وعادي
daef19
30/06/2006, 02:05 PM
شكراااااااااااا لجميع الاخوان الي تفاعلو مع الموضوع
daef19
30/06/2006, 02:09 PM
شكراااااااا لجميع الاخوان الي تفاعلو مع الموضوع


اخوي وشاح اذا غيرة البلف ببلف كابرس بتقل الحرارة يعني توصل كم

والبلف بلف كابرس موديل كم

وكم سعره بالسوق (تعبتك بكثرة الاسئلة بس منك نستفيد )

والمروحه الكهربائية اذا ابغيرها باي نوع تنصحوني

وشكرااااااااا مقدما لجميع الاخوان وارجو التفاعل مع الموضوع لانه يهم ناس كثير وشكرااا
][الكاشت][
30/06/2006, 04:50 PM
مشكور أخوي ----------------------- الوشاح ---------------------

شكلي بغير البلف والحساس ؟؟؟

بس زي ما قال أخوي daef19

بلف الكابرس لأي موديل ؟؟ والمروحة ياليت توضح لي الحساس من 100 الى 85 وش المقصود وهل الحساس من نفس النوع (jeep) والا حساس من وكالة ثانية ؟؟؟

أخوك عليمي .. بس مو بالحيل ... خخخخخ
GMC79
01/07/2006, 10:40 AM
انا اقصد اذا كانت ثابته عند الثلث تقريبا من شريت السيارة ثم زادت فجاة الى فوق النص فترى في خلل في السيارة دوره وصلحة ولاتقعد تلفق في السيارة
مهراس
01/07/2006, 12:03 PM
السلام عليكم ورحمة الله وبركلته:

حرارة الشيروكي طبيعيه بس لا توصل الخط الأحمر، وبلف الكابرس ما يخفض الحراره اطلاقا، ولكن يبطىء تسخين السياره عند تشغيلها في الصباح ولكن الحراره القصوى تبقى كما هي والتعليل كالآأتي:

بلف الكابرس يخفض الحراره ليش ( لأنه يفتح البلف لمده أطول وهذا يساعد في مرور الماء المبرد اسرع للمحرك وبذلك تنخفض الحراره) بعد ذلك يرسل حساس الحراره درجة الحراره للكمبيوتر اللي هو مبرمج على ابقاء حرارة المحرك الى الحد المطلوب للحصول على افضل اداء للمحرك، طبعا الأن الحراره منخفضه، الكمبيوتر يرسل اشاره للبخاخات لزيادة الوقود ورفع درجة حرارة المحرك الى الحد المطلوب من الكمبيوتر. وهذا الجذب بين البلف والكمبيوتر يقلل من عمر المحرك ويمكن يطلع لك اعطال جانبيه.

طبعا هذا الكلام في الصيف والمفروض الكل يشيك على السياره لتجنب ارتفاع الحراره بالطرق التاليه ولا تقول تكاليف زياده، فكر يوم تتعطل عليك السياره في الصيف وخاصة اذا كان معاك العائله:
1- فحص المبرد عند صاحب اللديترات(فحص بالنظر- تغسيل بالمكينه-تسييخ ولحام أو تغير اللديتر اذا لزم- تغيير بلف الحراره اصلي- فحص الهوزات والقفزان- تغيير ماء المبرد اصلي والنوع الأخضر ماهو بطال بس يكون اصلي- فحص تهريب الكوع والليات - فحص غطا اللديتر وتغييره اذا ما يمسك مزبوط)
2- وزن المكينه أو Tune Up وهو فحص البواجي- تغيير الشاكوش وغطا الديلكو والكويل واسلاك البواجي اذا لزم - فحص البخاخات Fi ودفع مضخة البنزين- فلتر الهوا - فلتر بخار المكينه Pcv- فلتر البنزين
3- وزن هوا الكفرات خاصة قبل السفر ولازم الكفرات تكون نفس الماركه ماهي مختلفه ويكون مسحها متساوي وموزونه ومرصصه عند محل عنده اجهزه حديثه - فحص الرمان بلي للكفرات الأماميه وتشحيمه وتغييره اذا فيه بوش (اتحدى اذا فيه ميكانيكي يسوي هالشى بصفه دوريه)
4- فحص القماشات ووزنها اذا كانت ماسكه على الهوبات اكثر من اللازم لأن ذلك يؤدي الى مايسمى بالأنجليزي (drag) أو الجذب (عكس الدفع) مما يؤدي الى زيادة الدعس على البنزين وبدوره يرفع درجة الحراره
5- فحص كلتش المروحه أو حساس المراوح الكهربائيه.
6- فحص المكينه بالكمبيوتر واصلاح أي عطل.
7- تجنب تحمبل الساره اكثر من طاقتها أو وضع عفش على السقف ايضا اكثر من الازم لأنه كما تعرف هذا من عوامل رفع الحراره.
هذه هي الأحتياطات القياسيه وصدقني اذا سويت كل ها الأشياء سوف تكون حرارة السياره طبيعيه ان شاء الله،

أرجو ان اكون افدت الجميع والمعذره عن الأخطاء والأطاله.

أبو فهد
daef19
02/07/2006, 04:28 PM
مشكورررررررررين مره اخرى ياباب على تفاعلكم مع الموضوع



وانا قلت سؤال ولا احد رد عليه وهو

تنصحوني اغير المروحه الكهربائية في الجيب ولا لا

وهل فيه انواع افضل من المروحة الكهربائية شد بلد ولا لا

هل تنصحوني اغير الاديتر ولا لا

وشكرااااااااااااااااا
captin999
02/07/2006, 04:33 PM
بيض الله وجهك يامهراس

بصراحه كفيت ووفيت

هذا مهو رد هذي دورة في الميكانيكا مجانية

اتمنى لك اجازة سعيده
الوشاح
03/07/2006, 01:27 AM
بنسبة يا اخ وشاح للحرارة عندي النص والمروحة الكهربائية خليها تشتغل مباشرة مع السلف

يعني الحراره النص والمروحه الكهربائية شغاله






daef19 (http://www.mekshat.com/vb/member.php?u=30127)

اكيد الحراره تبي تكون النص .. لأن البلف مايسمح للماء بالدوران إلى عند 100 درجه

غير البلف .. ركب بلف كابرس موديل قديم ( اسي ديلكو ) فيمته 25 ريال

بأذن الله تشوف الفرق

نصيحه اخوي لاتخلي المروحه دايم شغاله .. يأثر على الدينمو



اخوي وشاح اذا غيرة البلف ببلف كابرس بتقل الحرارة يعني توصل كم


قلتلك بالنهار تكون اقل من النص .. واليل تكون الثلث


تعبتك بكثرة الاسئلة

تعبك راحه ياقلبي :)



بلف الكابرس لأي موديل ؟؟ والمروحة ياليت توضح لي الحساس من 100 الى 85 وش المقصود وهل الحساس من نفس النوع (jeep) والا حساس من وكالة ثانية ؟؟؟



البلف سبق توضيحه

ركزو معي ياشباب .. ابقولكم وش سويت بموتري

بعد ماشتريت الموتر بالصيف الماضي .. كان همي الاكبر القضاء على الحراره

بعد استشارة شباب من عنيزه ( مشهورين بحبهم لشروكي )

اعطوني الحل

وش الحل ؟؟

بدلت المروحه الميكانيكيه بمروحه كهربائيه (سوبارو)

ركبت للمروحه الكهربائيه الجديده حساس 85 درجه

صار عندي مروحتين كهربائيتين

الاولى ( سوبارو )

تشتغل عند 85 درحه ... إذا ارتفعت الحراره زياده ووصلت 95 وأكثر تشتغل المروحه

الثانيه ( شد البلد )

الوضح هذا تمام بالشتاء .... المشكله بالصيف

الحراره تاصل النص سريعه

رجعت للكهربائي وقلتله اشبكلي المروحه ( شد البلد ) على حساس مروحة ( السوبارو )

وكذا قضيت على الحراره

اشغل المكيف الساعه 2 وحرارة الجو 45 .. الحمد لله الحراره ماتاصل النص ( قبل النص بشوي )

الشغل هذا كله كلف علي 270 ريال

انا مانصحكم تركبون مروحه كهربائيه اضافيه

لأنه يبغالها واحد متخصص .. مب اي كهربائي

اسهل طريقه انك تغير حساس مروحة الكهرب من 95 إلى 85

لاكن مادري وش الحساس البديل

يعينكم الله دورو :)

اكيد تبي تلقون


مهراس

يعطيك العافيه على التقرير الرائع

اعتقدانك توافقني الرئي في ان الحراره الزائده تسبب تلف في اجزاء المحرك ( لو على المدا البعيد )

وهذا الي حاصل بالشروكي

حراره لاتطاق بالصيف

صحيح إذا كان مؤشر الحراره على النص يكون طبيعي .. لاكن إذا كان اقل راح تلاحض الفرق

اما انه إذا قلت الحراره زاد الصرف .. الحقيقه انا ماقتنعت بهذا الكلام

ممكن يكون صحيح وممكن .. لا

يعطيك العافيه

تحيتي للجميع
ابو بريك
03/07/2006, 02:31 PM
يا اخوان وش فيكم موسوسين . انا عندي قراند شيروكي 6 سلندر والحراره من شريته ثابته على النص وذا وقفت في عز القايله والمكيف شغال ترتفع شخطه فوق النص وهذا طبيعي جدا في نوعية هذه السياره حتى لو تروح الوكاله بيقولون لكم طبيعي
ابو-الوليد
04/07/2006, 12:48 PM
يا شباب تغيير البلف ما ينزل الحرارة ابداً سبق وان جربت الطريقة والحرارة على النص ثابتة وهذا طبيعي اما تركيب مروحة ما اعتقد ان الطريقة مفيدة لان:

محرك السيارة يعمل بكفائة عند وصوله لدرجة الحرارة المطلوبة يعني النص للشوروكي وهذه هي ال normal operation

مين فيكم غير البلف ونزلت معاه الحرارة ؟

ارجو الاجابة على هذا السؤال للي جربو الطريقة فقط.

للي يسأل عن درجة حرارة الشروكي:

موديل شوروكي ليبرتي : قبل النصف بقليل ما ترتفع ابداً الا بالتطعيس ويمكن تتعدى النصف بقليل فقط.
موديل قراند شوروكي : في النص او قبله بقليل في هذا المعدل فقط ويمكن تتعدى النصف بقليل بالتطعيس ( الاجابة منقولة من عدد من مالكي هذا الموديل )

الرجاء من اصحاب الشوروكي بجميع موديلاته وضع معدل الحرارة بسياراتهم في حالة السواقة العادية واولكم انا:

قبل النصف بقليل.

شكراً لكم.
الوشاح
05/07/2006, 06:50 AM
انا بعد ماغيرت البلف وركبت المروحه الاضافيه ماوصل النص ابدا




الحراره اكبر عيب بالسيارات الامريكيه والالمانيه




واسمحلي ماني مقتنع بالكلام هذا :)






محرك السيارة يعمل بكفائة عند وصوله لدرجة الحرارة المطلوبة يعني النص للشوروكي وهذه هي ال normal operation









ياليت تقدر تقنعني :)




تحيتي للجميع
ابو-الوليد
05/07/2006, 09:46 AM
اخي الوشاح...بكل صراحة هل اختلف معاك عزم السيارة قبل وبعد وهل للاضعف او للاقوي.

هل تعتقد شركة جيب او اي شركة المانية زي ما قلت بيصعب عليها وضع الحرارة على الربع مثلاً ؟

صنعت السيارات لاهل المناطق الباردة والمعتدلة والحارة في الخليج (مواصفات خليجية ) حرارة الشوروكي 2/1 مناسبة لجميع الاجواء في جده في السودة في الرياض في الربع الخالي لا تفكر بالحر دائما فكر بالبرد ايضاً.
على كذا يبغاللك تشيل البلف والمروحة لو انتقلت للعيش في منطقة باردة.

لوكانت سيارتك مافيها خلل في نظام التبريد او اي نظام يأثر على حرارة المكينة......تقدر توقف سيارتك في عز الصيف لساعات والمكيف شغال الساعة 1:00 ظهراً وما راح تترتفع الحرارة جرب واعطيني خبر.


تحياتي..
الوشاح
05/07/2006, 03:01 PM
اخي الوشاح...بكل صراحة هل اختلف معاك عزم السيارة قبل وبعد وهل للاضعف او للاقوي.











بصراحه .. لا



لم الاحض شي .. ولو لاحضت شي كان رجعت كل شي شد بلد



قبل ماركب المروحه الاضافيه كانت الحراره ( بالصيف ) بالنفود تتعدا النصف بشرطه



كانت المكينه تضعف بشكل ملحوض بعد النصف



والكلام هذا مجرب على اكثر من شروكي






هل تعتقد شركة جيب او اي شركة المانية زي ما قلت بيصعب عليها وضع الحرارة على الربع مثلاً ؟









نعم اخي الكريم .. انا واثق من ان شركة كرايسلر تقف عاجزه عن حل هذه المشكله او على الاقل غير مباليه



لأن الخليج (بسبب الحراره ) يحتاج تصنيع بجوده اعلى معناه تكاليف اعلى >>> هذا مالا يريده المصنعون



اما الشركات الالمانيه فالخليج مايمثل 10بالميه من السوق العالمي .. علشان كذا مومهتمين كثير



عزيزي لومينا



تدري ايش مصدر الحراره ؟؟



من وين جت الحراره ؟؟



الحراره ماتجي من فراغ



مصدر الحراره عدم اكتمال عملية الاحتراق بشكل صحيح



عموما .. المسأله تحتاج إلى خبير



اتمنى من احد الاعضاء المختصين بالهندسه الميكانيكيه يفيدنا



تحيتي لك :)
إبن فيصل
06/07/2006, 03:29 AM
انا من أصحاب الشيروكي الي معي هو جيب شروكي سبورت الي بالتوقيع وهذه صور للحرارة بعد تغيير البلف ببلف كابرس 60 وحساس مرسيدس يفتح المروحة على درجة حرارة 65 وتركيب مروحة كهرب بدال المروحة العادية الي مشتبكة بالمكينة مباشرة.
هذه صورة عداد الحرارة وأنا ماشي بالطريق على سرعة حوالي110كم بالساعة
http://www.mekshat.com/pix/upload/images17/mk26692_abcd0007.jpg

وهذه صورة للعداد وأنا أطعس بالثمامة
http://www.mekshat.com/pix/upload/images17/mk26692_abcd0010.jpg
وهذه للعداد بعد التطعيس والوقوف
http://www.mekshat.com/pix/upload/images17/mk26692_abcd0006.jpg
وهذه للعداد بعد ما مشيت ومسكت الخط راجع للرياض



http://www.mekshat.com/pix/upload/images17/mk26692_abcd0008.jpg
daef19
06/07/2006, 04:12 AM
شكراااااااااااااا ياشباب على التفاعل مع الموضوع

وصراحه اجابات تدل على فهم عالي


لا كني حصلت المشكله مروحة المكينه ما تدور اذا دعسة لسيارة قالي الميكانيكي تماتيك المروحه خربان وغيرته وماتغير شي
يعني وش المشكله

وش تتوقعون ؟؟؟؟؟؟؟؟؟؟؟؟؟؟؟؟ظ
ابو فهد 1
06/07/2006, 05:34 AM
شف ياقلبي غير مروحه شد البلد وركب مروحتين سوبارو وركب حساس 70 75 وركب بلف كابرس وراح تنسى الحراره صيفن وشتاء وراح تخف السيارة وتروح الحنه وتقل صرفيه السياره ........
اذا انت من القصيم فيه محل اسمه العثيم في صناعيه الراوف سعودي وشغيل وعنده كل شي بس تحط الموتر عنده كل الاغراض من الي .........
اذا انت من الرياض فيه واحد اسمه الدغيري سعودي شغيل وعنده كل الاغراض ...... وشغل المراوح مع كل شي مع الحساس والفاصل والاسلاك يكلفك من 550 الي 700 بس انت حدد موقعك وابشر بسعدك ... وعليهن ضمان سنه على الشغل والمرواح..

والسلام عليكم.....
daef19
06/07/2006, 09:33 AM
شكراااااااااا ياشباب على تفاعلكم مع الموضوع


وجدت مشكلة الحرارة مروحة الماكينة ماتدور تمام رحت لاكثر من مهندس قالو لي تماتيك المروحة خربان غيرته
ولا تغير شي المروحه ماتدور تمام بس وهقوني بتماتيك المروحه

الي عنده خبره في هالمجال ياليت يقول لي وش السواه

وشكراااااااااااااااااااااا مقدمااااااااااااااااااااااااا
الوشاح
06/07/2006, 05:28 PM
شي غريب

أذا انت بالرياض رح للمطيويع .. ويبي يحل مشكله إن شالله

وإذا تبي شوري شل مروحة الشدبلد وركب كهرب



تحيتي لك
الوشاح
06/07/2006, 05:33 PM
إبن فيصل

شكرا على المشاركه

شكلك مركب فريزر بالمكينه ههههههه

( مشالله ) >>> لاتقول نحوت

المهم

لمبة التشييك عندك شغاله

اشتغلت عندي قبل فتره وصار سدد بالبخاخ

نضفته بـ30 ريال وطفت

تحياتي لك
إبن فيصل
07/07/2006, 03:26 AM
أخي الوشاح لمبة التشييك ظهرت بسبب تغيير حساس السيارة بحساس مرسيدس والذي تختلف طريقة توصيلة بالكهرباء عن الشد بلد عشان كذا أشتغلت لمبة التشييك.
وبعدين إذا اشتغلت لمبة التشييك لأي سبب قد يكون عارض أفصل البطارية وتزول إضاءة اللمبة.
وشكراً لك.
ابو-الوليد
07/07/2006, 03:53 AM
اشكرك اخي الوشاح على الرد.

واستناداً لتوضيح الاخ إبن فيصل جزاه الله خيراً الحرارة راح توصل النصف رغم التعديلات المضافة للسيارة باي شكل من الاشكال.يعني النصف طبيعي.

والحرارة ما بتنزل الا بتغيير الحساس يعني تغير البلف لوحده ما ينفع هذا اللي اقصده.


شكرا لكم.