كفرات هيرو بالون

[طير الخرما]

السلام عليكم ورحمة الله وبركاته أعضاء المنتدي الاعزاء
هل كفرات الهيرو بالون جيده للإستخدام او الماكسس أفضل وكم سعره بالسوق.

[مهند 2009]

أخوي أبعد عن الماكسس الفيتنامي لايهمك ينسم مع الشفة حقت الجنط كل يومين أو ثلاث أيام تروح تعبية هوا وبالنسبة للهيرو الصراحة ماجربتة

[التعـ King ـديل]

الماكسس افضل

[طير الخرما]

الله يجزاكم خير للرفع

[ابوسند9]

اخوي
ايش نوع السياره وكم المقاس اللي تبي؟
اما الماكسس لو يقالك بريال لا تقربه ينسم مع الاجناب ويسلخ وكل كفر يبي نص كيلو رصاص الماكسس اول كان جيد وانا كلمت الوكيل وقال احنا عارفين المشكله وجالسين ندرس الاسباب

[قلقانش]

حياك الله أخوي

من واقع تجربة بحكم ان البالون هو كفرنا بالشرقية فا سجل عندك الاتي

أفضل البالون :

1- سيام تاير (سعره غالي لكن هو الافضل )

2- هيرو التايواني (هو البديل عن السيام تاير ووقفته ممتازة على مقاس 16 )

3- مالوان تاير ( هو البديل الثاني عن السيام تاير والبديل الاول بعد الهيرو والافضل هو التايواني والافضل بمقاس 17 )

4- الماكسس ( وهو الاقل كفاءة وبنظري هو الاخطر واضعف الايمان لو بتركب يفضل التايواني )

وبالاخير لا تنسى الترصيص الارضي للبالون لانه يسبب رجه

اذا انت بالشرقية فا الترصيص الافضل عند التالي :

الدمام / محطة الرواسي عند مدخل ضاحية الملك فهد
الخبر/ ورشة مكي صناعية الثقبه الشارع الرئيسي مقابل المقبرة
الجبيل/ البنشري بشارع عبدالعزيز خلف الخزان بجوار مركز طب الكلى .

وبالنسبة لمقاس الجنط خذ عندك الترتيب بالاولوية :

مقاس 16> اولا سيام ثانيا هيرو ثالثا مالوان رابع ماكسس
مقاس 17> أولا سيام ثانيا مالوان ثالثا هيرو ولا يفضل ماكسس نهائيا


وبالتوفيق

[طير الخرما]

الله يجزاكم الف خير اما بالنسبه لسؤالك يا ابو سند موتري سفاري
م٩٠ صالون مكينة لكزس جنطه ١٦حديد وانا بصراحه عاجبني الهيرو تايواني
ودمتم بخير.

[ابوسند9]

اخوي
بقولك شي انت ليه بتركب بالون؟
اذا كنت منت راعي فما انصحك فيها اللى الى اذا كنت تبغاه كشكل
واذا كنت راعي بر ونفود بس فما انصحك فيها
واذا كنت راعي بر وروحاتك لارض وعره وحجره فا هنا انصحك فيها بس خلى الهواء 18
نجي لا انواع الكفرات
الاسيام تير اثقل كفر على وجه الارض وارفع كفر وركبته على فتك ومع ذا ثقيل مره واذا انتصف عمره وانت راعي حجره توقع ينشق مع الدعسه في اي لحظه وغالي على غير سنع لكن الشباب يركبونه كونه شكل ويملى الرفرف واللي يخليه ينشق فيه خيوط يعني مو بالون خالص زي الماكسس وغيره يعني مثل المشلان والكفرات العاديه
الماكسس زي ما قلت لا يقربك وبالنسبه للصناعه التايوني معاد فيه شي اسمه تايوني ذاك اول الحين فتنامي
الهير والمالون كويسين لكن عيبهم الغلا بالنسبه لمقاس 17 اما مقاس 16 ما عندي خلفيه عن اسعارهم
وفيه الهندي الجديد اسمه ابولو فيه ناس تمدحه مره وفيه ناس تسبه وانا الحقيقه ما جربته

[تميم2222]

انحش عن الماكسس الجديده خااااااااااااايسه

[طير الخرما]

الله يجزاك خير اخوي ابو سند وانت والاخوان الاعزاءانا بصراحة ما اطلع علي الموتر الا للبر مقناص من شهر ٩ ميلادي الين شهر ٤ ميلادي
وانا ساكن بالشمال الشرقي وانت عارف الارض عندنا شوي وعره
علي كذا اركب بالون وكنت اركب ماكسس لكنه ما هو مثل قبل
فيه ناس مدحولي الهيرو وانا ناوي اركبه بصراحه
ويعطيك العافيه وانت والاخوان وجزاكم الله الف خير
ودمتم باااالف خير

[التعـ King ـديل]

انا جربت الماكسس التايواني والماكسس الفيتنامي

طبعا التايواني ماعاد يجي كل اللي بالسوق فيتنامي نجي للزبده .. باترول 90 افضل شي عليه الماكسس بس ركب جنط خفيف مثل الهلل او الاستراليه

اهم شي تركب ماكسس جديد لا تشتري مستعمل وعند التركيب احرص على راعي البنشر يركبه صح لانه ممكن يتضح لك انه راكب صح وفيه تنسيم

وغالبيه مشاكل الماكسس عند التركيب اول مره اذا ركب صح امورك طيبه انا ركبته وسافرت عليه ولا احلا منه وتوهقت وركبت سيام تاير ثقيله وغاليه

والله العظيم لولا الحسوفه على قيمه السيام ب 750 مشتراه كان ابيعه بس انا عارف انه مب جايب شي فبخليه لين ينمسح والتغير الجاي ماكسس

نصيحه مجرب

[فهد بن مشبب العاصمي]

هيرو لا تعدااااااااااااااااااااااااااااااااااااااااااااااا ااااااااااااااه

ولو اقدر على السيام مااتعداه بعد :)

[ابوعبدالله46]

انحششششششششششش
عن الماكسس
معاد زي اول وتعال عندنا بالقصيم شوفها عند محلات بيع الكفرات جديده وسلخ وتنيسم مع اطراف الجنط والترصيص 300 جرام للكفر الواحد وعلى جنوط اصليه
اخوي كنج ركبها وراح تتذكر كلامي

[الثويرات]

الماكسس مشكلته التنسيم والا هو كفر قوي مع الارض الوعره

[الليل السرمدي]

يالربع انا ركبت الماكسس المروح والله ياهو هستربي هستره بس ينسم من اﻷطراف وكل يوم عند هالبناشر واعبي هواء وقبل ويوم اخذ له تقريبا شهرين من التركيب وهو يتقوس من نص الدعسه ويرثع بي بالرجه شي غير طييعي الله لايعيده ولو احصله بريال والله ماركبه