لأهل الخبرة يوكن 2007 استخدام

[ابو وفى]

السلام عليكم


لدي جمس يوكن xl 2007 استخدام امريكي
دبل الممشى 160 ألف
مشتراه قبل شهر

هل تغيير زيت الجربوكس يضر
لأن الزيت اسود ومحروق وشكله ما تغير
وحذروني بعض الميكانيكية يقولوا يمكن تغير الزيت تقع في مشكلة لا سمح الله
حبيت اخذ رايكم ومشورتكم

[Lover gmc]

نعم

قد توضب القير عشان هالشي

انت رح لترايستار اتوقع يعرفون هالامور

او خلنا نقولك وش تسوي

تفضي زيت القير مقدار علبه وتزوده علبه جديده

وتمشي عليه اسبوع ممشى طبيعي لادعس ولا شي

كرر هالشي يفضل 10 مرات

وبعد اخر مره بـ اسبوع غير الزيت كامل مع الفلتر

[الربان]

اخي ابو وافي

وعليك السلام ورحمة الله وبركاته

تغير زيت القير مهم كل ( 40,000 ) الف كيلو متر تقريباً

اما بالنسبة لي فأول ما اعمله من بعد شراء السياره هو تغيير زيت القير

سواء كانت امريكي او ياباني وأيضاً كانت من هنا او امريكا واخرها مثل

اللتي معك ولله الحمد لم يحدث شئ لسياراتي على مر السنين هذا والله اعلم .

ولكن اعجبتني فكرة اخي lover gmc وهي تهيئة القير لتجديد الزيت .

[ابو وفى]

الله يجزاكم خير
أشكركم على ردودكم

[ابونبيل]

احذر تغيره واحد مغيره على جمس 2009 ماشي 80 وقام ينتع فيه عقبها..

[ابو وفى]

والله شي يحير ويلحس المخ
ابغى اعرف السبب ؟ يعني ما غيره اخليه لين يخبط
شي ععععععجيب!!!!!!!

[Lover gmc]

ياخي انا مجرب بجمس كان معي ماشي 140 الف

اخذته مستعمل

غيرت زيت القير خبطت الكلتشات

وانت حر بمالك وحلالك

تبي تغيره مثل ماتبي غيره

حنا قلنا لك اللي علينا

[ayay]

السلام عليكم
مع احترامي لجميع الشباب انا معاي يوكن دبل 2007 وارد التوكيلات
الي الان مغير الزيت ثلاث مرات مع الفلتر وزي الحلاوة