نشاورررركم يالربع

[خالد العطااوي]

سلام عليكم ورحمة الله وبركاته
انا ماعندي احدن فاهم فيها لكن بشاوركم فيه

لقيت لي سفاري ربع فتحه سقف الموديل 92

ورفارف سفاري وانا والله ماشفته وع ماذكر انه نظيف
وقالي الحد ب 15 الف

اخذه ولا لا ؟؟؟؟؟ وانا والله بقنص ولاني رايح بعيد حول الديره ان رحت رحت 500 كيلو

[عواد الشمري2]

كم مديله ....؟

[خالد العطااوي]

92 يعواد سفاري ربع

[عواد الشمري2]

مناسب اذا هو نضيف وقيمته غاليه بس اذا نضيف مافيه مشكله

[ابوسعد_966]

اخوي افحصه

واهم شي في مكينته ماتصرف زيت وكهرباء سليمه
واذا سليم وبديه زين خذه سعره مناسب

[التعـ King ـديل]

مشوار حول الديره 500 كيلو ياعمي حذفه عصا وانت برا الحدود

على العموم اذا نظيف تراه صيده مع ان السعر يخوف

[abo naser 1]

السلام عليكم

سعره ممتاز اذا حالته جيدة من محركات وداخلي وقفة أهم شي يكون صافي حرارة ممتازة مافيه نقص زيت واوراقة سارية

النظيف منها يتعدى العشرين ويوصل 25 اذا نظيف محركات وبدي وداخلي ومكمل وكفرات وياي وملحقاتها

[sgl2002]

سعره ممتاز اذا بديه ممتاز

اهم شي غير الرديتر وتماتيك المروحة وجميع الليات

وتاكد انه صافي الاشتغال وعزمه تمام


الباترول اذا ماجاه حرارة وحافظت على اجزاء التبريد فاعرف انك مابتدخله ورشه ابد

[خالد العطااوي]

لاهنتم ع الرد وبيض الله وجيهكم

[ذيب زلفاوي]

اشوف اقيمته ممتازه
ترا النضيف يتعدا25 الف

[خالد العطااوي]

بيض الله وجيهكم ع ألردود

[RW7..ALBDAWA]

النظيف يتعدى بعد 35 الف .. وفيه منهم اشوف اعلأنآت توصل 50 الف

[محب الهيف]

افحص الموتر وكانه نظيف لا يفوتك تراة صيدة

[قناص 28 عفيف]

السعر يخوف الموتر صيده اذا نظيف

[patrol vtc]

افحص يارجل , ترتاح ولا تندم بعدين .

عندك البريدي جيد في معارض النسيم , عن تجربه .

:)

[kmn]

السعر مايل للغلى لكن تراك بتتعرف على راعين الورش وتسلم عليهم .