المساعد الشخصي الرقمي

مشاهدة النسخة كاملة : ياراعين الباثفندر..إدخلوا..: )


::الرهيب::
28/06/2006, 09:37 PM
السلام عليكم...

أنا معي باثفندر2005 قير أوتوماتيك... :)

(1)
*** وأبغا الأشياء الأساسية اللي تحتاجها سبارتي

مثل
-تغيير الزيوت...ووش أفضل أنواع الزيوت لـ سيارتي..وكم أمشي بعدين أغير الزيت..؟؟
وغيرها..من الأشياء المهمة في الباث...

++
(2)
فيه مشكلة صارت لي..
يوم طلعت (أطعس) قبل كم يوم...طبعاً أول مرة أطعس بسيارتي لأن مالي إلا شهرين شاريها.
كانت الكفرات مليانة....لكن ماشاء الله مشت السيارة..<<-- بالدبل الخفيف
طحت بغراز جامد....وماعطيت السيارة عزم..غرزت..
حاولت أطلعها بالدبل الخفيف..مانفع.
المهم قلت خلنا نجرب الثقيل....
شبكت الدبل الثقيل...ودعست شوي..تحركت..بس مابغيت أزر عليها..
لأن الحرارة إرتفعت.... :confused:
طفينا السيارة..ونزلنا..
قعدت أسمع الرديتر وهو يغلي... :confused:
المهم..خلينا السيارة تقريباً ربع ساعة..

ثم رجعنا ولا الحرارة نازلة لـ وضعها الطبيعي..
نسمنا الكفرات...وشبكت الدبل الخفيف..
ومشينـــــــــــا...

++
قلت لكم التفاصيل عشان أعرف وش المشكلة...

ليش إرتفعت درجة الحرارة.؟
هل هي من تشغيل الدبل الثقيل..؟؟

يحتاج أوديها الوكالة..ولا شيء طبيعي..؟

++

بـــــــــانتظاركم..

: )
غضنفر
29/06/2006, 05:33 AM
الحرارة ارتفعت يا ابو الشباب لأنك ما نسمت
والثقيل ما له دخل بالحرارة
فلان بن عفتان
30/06/2006, 07:14 AM
السلام عليكم ..

مبروك أخوي الرهيب على الموتر والله يعطيك خيره ويكفيك شره .

مثل ماقال أخونا بلاك باث الأمر طبيعي


يحتاج أوديها الوكالة..ولا شيء طبيعي..؟

ههههههههه بدينا بالوسوسه من الحين ..

عموماً الباثفيندر سيارة رائعه لاكنها ماتنفع لتطعيس لأن نظام التعليق ضعيف.وأيضاً التورك منخفض ...مقارنه بالباترول وغيرها من الجيوب ..

.......................

أفضل زيت موبيل 1 وتغيره كل 6000 بالصيف و 8000 إلى 10000 بالشتاء
::الرهيب::
04/07/2006, 09:21 PM
السلام عليكم..



الحرارة ارتفعت يا ابو الشباب لأنك ما نسمت
والثقيل ما له دخل بالحرارة


يلوموني فيك يــا (الباث الأسود)... :D
ماقصرت الله يبيض وجهك..

:::


مبروك أخوي الرهيب على الموتر والله يعطيك خيره ويكفيك شره .

الله يبارك فيك أخوي (فلان بن عفتان)

وعقبال ما تجي أم العيال... :p


ههههههههه بدينا بالوسوسه من الحين ..
خخخخخخخخخخخخخ
تصدق عاد...أنا منب راعي وسوسة...
ساحب على السيارة.... :p
بس حبيت أتأكد ... :D

::

يعطيكم العافية...ماقصرتوا..
طبعاً يوم الجمعة دزيت الثمامة...ونسمت..
مـــا صار شيء..الوضع تمام..أبشركم.. :)

::

أخوكم
الرهيب
ولد المزاحمية
05/07/2006, 02:24 AM
الثقيل وشلون يشبك في الباث فندر كلما جيت اشبكه يقر ويطلع صوت
::الرهيب::
05/07/2006, 09:14 AM
السلام عليكم..


الثقيل وشلون يشبك في الباث فندر كلما جيت اشبكه يقر ويطلع صوت

هلا أخوي (ولد المزاحمية)..

إذا حقك تماتيك...
أبد إضغط (قير الدبل) تحت...ثم غير من
H2
إلى
N
ثم إلى
L4

أكيد تعرف... :D

بس الطقة...هاذي عادية على كلام الشباب...
أتوقع تجي إذا بغيت تحول من N إلى الدبل الثقيل أو الخفيف..
وقد صارت لي مرتين.... :p

لكن إذا الدبل الثقيل مايشبك عندك...فما أدري وش السبب...؟؟

أخوك
الرهيب
escape_man
05/07/2006, 11:45 AM
اول شيئ اقولك اخوي مبروك وانا بعد صارلي اسبوع شاري 2005 اسود وخرب علي الله يهديه بلاك باث يوم حجز هالاسم قبلي

المهم يبيلنا طلعة سفاري بقيادة 2003 حق ولد المزاحمية ان ماخاب ظني في موديل موتره ونشوف علة هالحرارة. انا متعود على الباترول

والتويوتا ومهوب بديت اوسوس الا وسوست وقضيت وبديت افكر في جيب قرمبعة للتطعيس وهذا باخلية للخط وبس.

مشكلة الطقة الي بالقير للقير التماتيك بعد مضيقة صدري ويقولون عادي لكن انا شكلي ماراح اطول معه ولاهو مطول معي.
نمر بن حثلين
05/07/2006, 01:28 PM
الثقيل وشلون يشبك في الباث فندر كلما جيت اشبكه يقر ويطلع صوت

الثقيل اذا جيت تشبكه لازم يكون الموتر واقف تماما وزياده بالتاكيد حط رجلك على الفرامل
والقير على الفاضي او n اذا كان تماتيك

لان الموتر لو كان معشق او يمشي يقررر الدبل الثقيل
القرم
05/07/2006, 03:07 PM
انا مع نمر في الي قاله... وعندي اضافة بسيطة: اذا استمر الدبل يصدر صوت اذا بغيت تنقل العصا من الخفيف للثقيل وطبعا ما اقصد صوت الطقه اقصد صوت مستمر ومزعج.. في هالحاله طف الموتر وفض الدبل والقير ثم شغل واشبك الدبل الثقيل لأن الكلتشات اذا طلع الصوت هذا تتأثر... والف مبروك على السيارة .. وانا معي موديل 2003 من سنتين استعمله ولا عليه خلاف ولله الحمد.
ولد الشايب
05/07/2006, 03:20 PM
الثقيل وشلون يشبك في الباث فندر كلما جيت اشبكه يقر ويطلع صوت

مثل ما قالو الشباب وقف تماماً وحطة بالفاضي

ورجع قير الدبل دقه ( هذا الخفيف )

ونزل قير الدبل واسحبه بسرعة إلى آخر شي ( هذا الثقيل )

أهم شي بسرعة لأنك إذا تمططت يطلع هذا الصوت ( طقه قشره )

أما بالنسبة لصوت اللي يطلع في التماتيك هذا ما عمري سمعته في سيارتي ( على العموم التماتيك بالباثفندر الجديد قوي ويتحمل )
ولد الشايب
05/07/2006, 03:24 PM
اول شيئ اقولك اخوي مبروك وانا بعد صارلي اسبوع شاري 2005 اسود وخرب علي الله يهديه بلاك باث يوم حجز هالاسم قبلي

المهم يبيلنا طلعة سفاري بقيادة 2003 حق ولد المزاحمية ان ماخاب ظني في موديل موتره ونشوف علة هالحرارة. انا متعود على الباترول

والتويوتا ومهوب بديت اوسوس الا وسوست وقضيت وبديت افكر في جيب قرمبعة للتطعيس وهذا باخلية للخط وبس.

مشكلة الطقة الي بالقير للقير التماتيك بعد مضيقة صدري ويقولون عادي لكن انا شكلي ماراح اطول معه ولاهو مطول معي.

بالنسبة للحرارة فلا تشيل هم نسم وان طقة طقة ما وصلت حتى الثلث .( لا تكثر وسوسه ):D
أما الطقة اللي في القير أول مره اسمعها واعتقد انها عادية جداً
salehhd
06/07/2006, 06:56 PM
السلام عليكم

شكلي جيت في الوقت بدل الضايع :D

ما علينا;)

بالنسبة للزيت انا حالياً جربت زيت 4x4 من بترومين العلبة ب22 ريال ، بس ما دري كم صارت الحين والي الان ماشي علية 9000 وزي الحلاة الزيت لزج ولا في حرارة ولا شي وحسب كلام الشركة انه يمشي 10 الاف

بالنسبة لطقة القير التماتيك فهي عادية في اغلب الجيوب وليس الباث فقط للعلم

عليك بالتنسيم 15 ولا عشرة وكل شي يصير تمام

للعلم معي باث 2004 برضوا اسود:D