يارجال مكشات فزعتكم

[أبوبسام 0104]

السلام عليكم ورحمة الله وبركاته
اناعندي التيما 2005وخبط القير وودي اروح الكويت واجيب القير من التشاليح لان سعره حصلته ب3000وعندنا هنا اقل واحد ب6500 فكيف الطريقه احدجاب منكم ومشوه الجمارك وإلاالدعوى صعبه أتتظر ردودكم يارجال

[ms662]

الله يسهل امرك
الافضل انك تشحن السيارة عشان يركبونه لك وتجربة
وبالنسبه للجمارك ماادري عنهم

[المسروحي]

الله يسهل امرك ....
وانا اتفق مع الأخ ms662 واشوف انه الراي الأمثل

[escape_man]

انا جبت قير موظب لموتري (موستنق) وطلع فيه ونه ورجعت ثانيه للكويت علشان اغير له بعض القطع

بالنسبة لي عادي لتواجدي الشهري بالكويت. لكن الي ماله ارتباط بالكويت ما انصحه الا انه يشيل السيارة بكبرها واشحنها بالسليماني

لاقرب ديره للحدود ولتكن حفر الباطن وكمل الباقي بسطحه للتشاليح.

بالنسبة لسعر القير فقبل شهر رحت انا وواحد من الشباب بمكشات بباثفايندر 2005 وغيرنا القير

راكب مع البديل = 170 دينار

طبعا لان الي يدور معنا واحد من الجماعة كويتي

جربت انا و رفيقي ندور بتشاليح ثانية ولقينا اسعارها 190-220 دينار لانهم اكتشفو من ثيابنا اننا سعوديين.

[أبوبسام 0104]

بيض الله وجيهكم وماقصرتوا
لكن لوجبت القير معي من التشاليح الجمرك يدخلونه عادي أولازم يكون بصندوق خشب وخالي من الشحوم والزيوت ومعه شهادة ضمان حسب شروط مصلحة الجمارك الأخيره وإلايمشي الوضع ماعندك مشكله لوماالتزمت بالشروط

[التعـ King ـديل]

تكلفه السفر والشحن او شحن السياره بتكون مقاربه لسعره عندنا هنا

انا اشوف انك تفاصله وتركبه هنا على الضمان ولو لاسمح الله صار فيه شي تقدر ترجع وتغير وتبدل

احسن لك من المرمطه والمشاوير

[أبوبسام 0104]

رأي ممتاز
الله لايحرمك الأجر

[نيسان فتك]

سألت واحد عن موضوعك وقال عادي يدخلونه لكن لازم فاتورة للجمركة
عشان اذا تعقدت عندك الامور في الجمارك تعطيهم جمركة القير على حسب الفاتورة وتمشي

[أبوبسام 0104]

نيسان فتك
ماقصرت وعلمك غانم
الله يجزاك الجنه ووالديك ومن يقرا