يالبتاااااااااااااااار وين أنت

[ذيب حوما]

الأخ / البتار
السلام عليكم ورحمة الله وبركاته
أولا ًَ : جزاك الله خير وين ما وجهت والله يعطيك العافيه وأنا تراي أخذت بنصيحتك وشريت جهاز قارمن
(( gps )) والحقيقه أنه جهاز يستاهل وثمن ٍِ فيه مخلوف لكن عندي (( مشكله )) وهي يوم أني رحت
أشبك الأريل والسلك الأسود اللي بالخلف طلعلي عدة أسلاك قال اللي شبكه فيه [[ أثنين ]] للكهرباء حق
السياره والباقي يمكن أنهن حقات تحميل الجهاز من الكميوتر أو مدري أدخال أحداثيات جديده عن طريق الكمبيوتر أو صور أوتحسينات 000 المهم اللي قال لي الكهربائي لكن يقول يبن أفياش 00
وأنا بلشت أركب أفياش على ماقال أو00000 المهم عطوني الرأي السنع وشلون أسوي بالاسلاك
أشبـّـك وأزيّــن وإلا أخليه على طمام المرحوم بعدين عندي سؤال ؟
س / هل لل((gps )) تعريب لو ماهو بكله لو بعض الصفحات أخاف أنا نتعبــّــر لو بعض الشيْ ؟
شف يالبتار أقولك رد علي بسرعه والا دعيت لك بالخير 0
أرجو أني ماطولت عليك 0 لأن اللي عندي اللي هو [[ ذيب حوما ]] يقول قص رجلي أذا البتار فهم
من كلامك شي 0 والله اعلم أنه حول حروه وألا مرماع ٍِ طيب 0
هـــــــــذا والسلام عليكم ورحمة الله وبركاته 0

الرساله من واحد ٍِ يغليك ويدعيلك بالخير أنت وكل مسلم 0

بواسطة /////////// ذيب حوما /////////////

[البتار]

هذي والله الساعة المباركة يالغالي أنت وذيب حوما ... وأشكرك على كلماتك اللطيفة الممزوجة بروح المداعبة والمزح .

والله لا يحرمنا من دعائكم .

شف اخوي انت و ذيب حوما .

الأسلاك اللي عندك شف تلقى واحد منهن أسود والثاني أحمر رح لم الكهربائي وخله يشبكلك هالسلكين على فيش ولاعة .. تمام

أما بقية الأسلاك فأنت لست بحاجة لهن قصهن بس لا يلتمسن .

وإلى اللقاء في القريب العاجل

[ذيب حوما]

مشكور أخوي وما قصرت لكن باقي 00000
وشلون أشبكه على الكمبيوتر وكذلك هل للماخوذ تعريب ؟ والى لقاء قريب
أن شاء الله وجه لوجه ماهو بالرسائل 0
أجمل تحيه من (عكاش )
بواسطة


/////////// ذيب حوما /////////////

[البتار]

شف اخوي لازم تشتري لك كيبل كمبيوتر يوصل بينه وبين القارمن وبين سلك الكهرباء حتى يكون الجهاز شغال أثناء تنزيل وتحميل الخرائط والإحداثيات .