المساعد الشخصي الرقمي

مشاهدة النسخة كاملة : الفورتشنر تويوتا وشهو من لحية


ممدوح العوفي
29/06/2006, 12:20 PM
بسم الله الرحمن الرحيم

السلام عليكم ورحمة الله وبركاته
وبعد

استفساري عن الجيب الفورتشنر

http://www.toyota.com.sa/media/saar/images/showroom/fortuner/fortuner_top_z_2.jpg

وشهو من لحية طبعا اتكلم عم 6 سلندر
الدبل الثقيل
29/06/2006, 09:50 PM
والله ياخوك ابعد عنه ... عندنا مثله .... ماتحس انه ياباني ... وسعره غالي ... وارتفاعه عالي..
ممدوح العوفي
30/06/2006, 01:59 AM
بارك الله فيك

طيب والبرادو
الدبل الثقيل
30/06/2006, 08:23 AM
والله ماجربته .لكن عسى الله يرزقك بشاص..
رمو77
30/06/2006, 07:44 PM
السلام عليكم
انا من زمان ادور واحد جرب الفورتشنر

وين الله جابك يارعي( الدبل الثقيل) ابيك الله لا يهينك تفصفص لي الموتر من طقطق الى السلام عليكم
اهم شي العزم
2-الصرفية كم تعبيه وكم يمشيك

3-الرساوة في الطريق

تراني عاشقه والله من أول ماطلع وصراحة حبيته وناوي اشتريه الله لايهينك ابيك تعطيني التفاصل الكاملة ولا تبخل علينا

وشكرا للك ترى الشكل ماهمني
الدبل الثقيل
30/06/2006, 08:45 PM
عليكم السلام.... والله الجيب للوالد ... لكني سقته مرتين.... طبعا فل كامل 6 سلندر والقير أوتوماتيك..... والصراحه يوم سقته قلت في نفسي ليتني ماسويتها...... لأني أحس انه ماهو متماسك ومشدود مثل ماتعودنا من جيوب تويوتا.... اما العزم الصراحه فيه عزم ... اما الصرفيه والله ماحسبت له..وكذلك الرساوه ... لكن ان شاء الله أسأل الوالد عن كل شيء.... وترى حكمي عليه مجرد احساس من أول مره اسوقه.. والصراحه اشوف الفل كامل غالي ... تقدر تاخذ بقيمته جي اكس مستعمل اخو الجديد.... والله يسهل امورك..
GMC79
01/07/2006, 10:37 AM
اظاهر ان تايوتا طلعته عشلن تعلمنا قيمة البرادو

لاهو جيب ولاهو ونيت

لحيته متقدمه بشكل هايل يعني تحك في اقرب جرف

والعزم قوي لكن عينك على الحرارة

حتى المنظر مصندق ورفيع واذا اسرعت بعد 110ك/س تسمع الهوا يصجك

انا انصح اللي يبي يشتريه يصبر للموديل الجاي كود يعدلون فيه بعض الشي ودمتم
salehhd
06/07/2006, 07:24 PM
السلام عليكم
الموتر حسب علمي يجي مكينتين وحدة 4 سلندر 2.7 وهي نفس مكينة الهايلوك والثاني 4 لتر نفس مكينة البرادو 250 حصان
السيارة مبنية على قاعدة الهايلوكس ( الي احترق اكثر من 11 واحد في وادي الدواسر ) ويحتوي على 3 صفوف من المقاعد
ارتفاع مبالغ فية

نصيحة اذا تقدر على قيمة برادو 6 سلندر خذة اصرف من الفورنتشر وهذا راي شخصي ولا خذلك باجيرو تراه لحية غانمة وسعرة فيه

في الختام انصحك بالاتسخارة فما خاب من استخار
طخيمان
07/07/2006, 05:22 PM
والله يا شبا ب انا عندي واحد مع الوالد وأحيانا كثير آخذه أنا والله الموتر في البر و النفود نشيط ونشيط بقوة بعد وزود على هذا عو فيه بعدهزاز أو ما يسمى ديفلوك وميزته أيضا انه خفيف مقارنة بجيوب ثانية لكن مشكلته انه رفيع ولا فيه اللا تانكي واحد ولاهوب كبير بعد يعني نعبيه ب30 ريال يمشينا 340 كيلو ومشكلته أيضا المرتبة الثالثة صغيرة يعني ما يركب فيها اللا بزارين أو انك تسفطها وتحط العفش بدالها ولكن السيارة متماسكه وقوية ولكن طبعا البدي الخارجي ضعيف مثله مثل باقي السيارات الجديدة الله يخلف علينا .
برادو
08/07/2006, 02:18 PM
انصحك انك تزود فليساتك وتاخذ البرادو لأنه مصمم كجيب أما الفورتشينر فهو قريب من الهايلكس بأمور كثيره
ممدوح العوفي
21/07/2006, 10:33 AM
شكرا لكم على هالتعاون

انا البرادو براسي من سنة بس اللي قاهرني فيه القير لو هو زي قير الفورتشنر تحس انه مرتب شوي وطبعا انا قليل طلعاتي للبر بس احس ان الجيب هو السيارة

وإن شاء الله يكون 2007 مرتب اكثر ويسهل اننا نشريه

الله يوفقكم في الدنيا والأخرة
ولد المشقر
21/07/2006, 01:44 PM
انا انصحك بابرادو لان اقوى واكبر واحلى شكل