أفضل طريقه لتجنب التغاريز؟؟!!

[ياوجودي999]

السلام عليكم ياإخوان

انا سيارتي لاندكروزر جي اكس آر 2005 طبعاً 6 سلندر قير اوتوماتيك

أبي أعرف وش افضل طريقة لتجنب التغاريز اذا طبيت بأرض نفود وغراز

وش وضع القير الأوتوماتيك تحطه على أي نمرة؟

ودعسة البنزين وش طريقتها تزر عليها والا تقطع؟

والدبل متى تحتاج الثقيل والخفيف؟

أرجو الرد من أصحاب التجربه والخبره للفائده.. أغلبنا يملك الاندكروزر أو سيارات الدفع الرباعي ولايعرف يتعامل بمناطق التغاريز مع امكانيات سيارته...

[كبسولة2]

حياك الله اخي الكريم

اول شئ سلمك الله تنسيم الكفرات حتى يرتاح الموتر في المشي

حتى أنك تستطيع المشي بدون دبل

عدم الوقوف في أماكن منحنية مثل أمامك طلعة وخلفك طلعة

عدم لف الطارة يمين أو يسار أثناء الخروج من تغريزة وضعها مستقيمة

بأختصار الكلام ماينفع واناخوك لازم تعيش الوضع مباشرة حتى تكتسب خبرة

[ياوجودي999]

ألف شكر اخوي كبسوله...ومنكم نستفيد.

[جزر العرب]

يا اخوي ياوجودي999 ان شاء الله يفيدونك اهل الخبره التماتيك

ولكن انا ابي اقول اذا ان الارض طعوس و تغاريز عليك بالكفرات نزل من مستوى الهواء وعلى حسب

وحط القير على D2 او 3 وتوكل على الله وهم شي اهتم انك ما تضغط على المكينه

مع العلم استخدامي قير عادي واذا فيه ملاحظ على قولي فالواحد يخطي و يصيب

وان شاءالله يوضحون اهل التماتيك ونستفيد من خبراتهم

وشكرا

[ياوجودي999]

مشكور اخوي جزر العرب... هو البلا ان القير اوتوماتيك والا العادي يستجيب لك متى مابغيته. لكن الاتوتوماتيك انا اول مره استخدمه.

[المميـز]

:

الدبل الخفيف للتمشي بالنفود وللغراز الخفيف

والدبل الثقيل للغراز القوي ومايصلح تمشي عليه

:

[ابو العز بلس]

وعليكم السلام ورحمة الله وبركاته

اهم شيء تنم الكفرات مو اذا غرزت نسمت نسم اول شيء
بالنسبة للقير التوماتيك صراحة انا احوله على وضعية ال s عادي يعني وبين نمرة 2 و3
وتكون الدعسة خفيفة نوعا ما

[SAS2]

والله مهنا خبرة لاكن اهم شي لا تستعمل الدبل الخفيف ابد اذا الدفع الرباعي
شغال على طول لانه بتطلع لك ريحة التروس وخصوصا اذا ابطيت وانت مشغلة

[ليل الدجا]

أفضل طريقه لتجنب التغاريز
لاتطلع البر

[السناعيس .f16]

أفضل طريقه لتجنب التغاريز
لاتطلع البر
صح لسانك
محد يطلع للبر الى الخبير وسواق ولابد من الغراز اما تظرب بريك او رباظه او تعلق الموتر في سبف وغيرو
100%100
هاذاء غير اذا تعطلت وانت في عرق
يمنك طلعه ويسارك طلعه يعني مثل الفنجال :D:good::good2: وش راح تسوي يابطل ولاتنساء مافي شبكه والكنود مثلن تعطل وانت الحالك :p:p ومعك نص قاروره ماء حار:good:

[sgl2002]

اذا دقر الموتر لاتدعس له بالدبل الخفيف والا بينعدم عليك كلتشات القير

اذا طبيت بتغريز فجأة عط الموتر الخفيف ورده نمره قوية وادعس لاتوقف

اذا بتوقف وقف بنزول او ارض قاسية

اذا نشبت بتغريز حاول تطلع باقل سرعه يعني لاتدوس بقوة خله على اخف دوران

لف الطارة يمين وشمال وانت تحاول الطلوع

القصوص اذا جيت تتجاوزها فهي انواع:
نوع مثل الخيمة هذا تعاله مع الجنب وخل الموتر يركب على القص ركوب الحصان ثم اكسره جهة نزولك وانت على نفس الدعسه وغير مسرع

قصوص مثل الجدران انزلها نزول عايدي



مافيه شي مثل التجربة حاول تجرب بنفسك لين ماتخطي وتتعلم من اخطائك

لكن لاتاخذك الثقة الزايدة بنفسك لكي لا تطب بموقف لايحمد عقباه

انا تفننت واجد بالنفود لدرجة خيالية وانتهت بعد خبرة سنين بقلبه على الشاص����

[Salamah.y]

بالنفود أهم شي تنسيم الكفرات مهما كان الموتر نشيط , استخدم القير بين 1 و 2
و اذا تعدلت الارض حطه على الدي و انت ضاغط زر الـ O/D

و لا ترحم الموتر اذا شفت ان الأرض صعبه , حط رجلك و لا تستسلم
لكن اذا وقف الموتر , و غرز , هنا عليك بالركاده و المسايس ~

,

و الممارسه هي اللي تعلّم
مووفق أخوي @~

[النووي 2009]

نسم الكفر 20 او 25 وبإذن الله ماتحتاج الدبل
واذا غرزت حط الخفيف وان مارضا عليك بالثقيل

[ياوجودي999]

مشكورين كلن بإسمه..

اخوي2002 sgl الله يعوضك بشاص أحسن منه.. وباللي تمنى.

[السناعيس .f16]

نسم الكفر 20 او 25 وبإذن الله ماتحتاج الدبل
واذا غرزت حط الخفيف وان مارضا عليك بالثقيل


تقولي 20او;)25
والله ماراح حتاء يمشي بنفود ون غرز ماراح يطلع افضل مقاس 15عليناء قال وشو قال25 :eek::eek::eek::eek::eek:

[السناعيس .f16]

صباح الخير صباح الفطور من دون خبز تخيل

ندخل بموضوع افضل طريقه مجربه مني انا خاص و الحمدالله ما غرزت الا وطلعت ..لازم اشرح وشو موتري وكيف استخرجه من التغريز
..........................................
موتري هايلوكس دبل شد بلد مغير بس حجم الكفرات
وفي الحوض تانكي ماء 185لتر ...
نباء في الواقع وشبه الخيال .
انا يوم الخميس الي مضاء طلعت انا وشخصين الى الثمامه و بعده كملناء لين وصلن نفود العاذريه مني متاكد من المسمى .وحناء ماشين بحدود سرهة 50او40الى الموتر طاح في رباظه طبعن وقف بسرعه

طبعن طريقه لي خاصه لاستخراج الموتر ..
نفه للكفرات يعني(شل التراب الي امام الكفر والي خلف الكفر )بعد ما اتشيله طبعن عندي الماء متوفر افتح صنوبر الماء وارش الماء على التراب الي اما م الكفر والي خلف بعد لين تحس التراب تماسك بعد طبعن شغل الموتر وافتح الكبوت لجل ترتاح المكينه و الكلتش .....وضعية الدبل (ثقيل)وضعية القير على واحد1 او اثنين2 طبعن لازم تكون الكفرات سيده يعني (قدام الى الامام)ولاتكون على رفعه وطبعن تكون شغلت الموتر وحطيت دبل ثقيل عندك طريقتان
1.ترقيص لازم الموتر يكون على نمره2.3 الترقيص بس اضغط على الكلتش
2.او على 1.2وشل رجلك عن البنزين شوي شوي لين اتشوف الكفرات تدور و انت شايل رجلك عن الكلتش كسر الكفرات يمين و يسار وارح تطلع باذن الله او اذا شفت رفعت رجلك عن الكلتش وطفاء الموتر شغله وشغل المكيف ماراح يطفي الموتر ..هاذي من عندي من تجربه لاني اول انا زيك اسال بس مالقيت الي يجاوب لين بعد تجربه

والله الموفق ولا تنساء اذا جربته بلغن

[ALBAROOD]

و لا ترحم الموتر اذا شفت ان الأرض صعبه , حط رجلك و لا تستسلم
لكن اذا وقف الموتر , و غرز , هنا عليك بالركاده و المسايس ~

,

و الممارسه هي اللي تعلّم
مووفق أخوي @~

السلام عليكم ورحمة الله وبركاته

الاخوان كفوو ووفوو بالاجوبه

بس اهم نقطتين ذكرها اخونا Salamah.y

لانه 6 سلندر وتماتيك يكسل االقير بسرعه وينزل عزم المكينه وماياخذ ريس عكس 8 سلندر في النفود

وفي الطلعات الحم رجلك ع الريس وقت الغرزه خل رجلك خفيفه ع الريس

ومع الممارسه تروح اماكن قريبه بتكتسب خبره في كل مره مع المواقف الي بتمر عليك
وكلها بتكون دروس

وبالنسبه لاستخدامي 6 سلندر 2004 تماتيك اسخدمته سنتين في السفاري والكفرات سيام حجم 16 مع 7 اشخاص في السياره واخلي الهوى 14 والحمدالله ماشتكيت من القير لاني كل 40 الف كيلو
كنت اغير الايل والفلتر وكاله والحمدالله ماشتكيت من القير

وبالتوفيق

[sgl2002]

تنسيم الكفر حسب الارض اللي تمشي بها

بعضها تنسم 25 وبعضها 20 وبعضها 15 وبعضها 10

[abo mani3]

واذا غرزت شف الجهة الاسهل للخروج من الغراز ولا تستعجل فكر زين

والموتر الي معك طويل لازم تحرص في النزلات والطلعات

[مواطن مدني]

وعليكم السلام ورحمة الله وبركاته
معلومات تمام من الشباب الله يعطيهم العافية استفدت منهم ..
برأيي تخلي معك ماطور هواء صغير وكويس .. يفيدك فائدة كبيرة
لأن اذا غرز الموتر تغريزة جامده ممكن يكون الحل الوحيد تنسيم الكفرات لين تفرش
عشان تطلع بس مو مره عاد .. وقتها ماعندك مشكلة دام معك ماطور هواء ..

[ياوجودي999]

مشكورين على خبرتكم اللي طرحتوها لنا... ومنكم نستفيد.

[مكشاتي 2011]

ومنكم تستفيد بيض الله وجهيكم يالربع