الطير والشاعر والطلح*

[أبوتركي]

السلام عليكم ورحمة الله وبركاته ...

صبحكم الله بالخير جميعا ..

حبينا نشارك معكم في هالخيمة بقصيدة مشهورة للشاعر الكويتي حمد السعيد ..( الطلح ) ..

وهي تحكي قصة ضياع طير للشاعر في صحراء موريتانيا ..

والقصيدة معروفة وهي تتحدث عن نفسها ...


للتحميل ..

اضغط هنا

http://www.9q9q.net/index.php?f=WXudBavs

تحياتي لكم ..

[أبو شعلان]

بسم الله الرحمن الرحيم

لاهنت اخوي ابوتركي وصح لسان الشاعر
والله يعطيك العافيه

ـــــــــــــــــــــ تقبل تحياتي ـــــــــــــــــــــ
:j :j

[ابوالجازي]

السلام عليكم ورحمة الله وبركاته
الله يعطيك العافيه على النقل الطيب يابو تركي للقصيده الرائعه المميزه وصح لسان شاعر المقناص والصيد بالطيور حمد السعيد

[خيال الصبحا]

السلام عليكم

كيف حالكم جميعاً

قصيدة لا أعلم إن كان مرت

عليكم أو سبق لها أن نشرت هنا

هي قصيدة يالطلح للشاعر حمد السعيد





يالطلح مامرك مع الصبح صافـي






...........................طيرٍ غدا لي امس والشمس حيه






اتلى العهد به راح يطرد مقافـي






...........................خبري به اوما في جناحه هنيـه






.






.






(ورد الطلح)






.






.






لاوالله الا مرنـا العصـر وافـي






...........................كنـه غـلامٍ مستغيـر بهـيـه






اقبل علينا ثـم اخـذ بانحرافـي






...........................يوم الحباري وقعـن لـه سويـه






.






.






(قال الشاعر)






.






.






يالطلح قل لي عل مابـه خلافـي






...........................البارحـه بـرد وشمـالٍ قويـه






كانه تعشى قلـت علـه عوافـي






...........................والحي يجمعه الولي مـع خويـه






.






.






(ورد الطلح)






.






.






لاوالله الا صـاد خـرب متعافـي






...........................واخذ عليه من الثنـادي شويـه






لامفلـسٍ مـره ولاقـال كافـي






...........................يوم اخلفنه عـن عشـاه حقبيـه






.






.






(قال الشاعر)






.






.






خابـره والله قاطـعٍ مايخـافـي






...........................دايم على الصيده تجي له حميـه






انشدك باللي منبتـك بالسوافـي






...........................عساه فـي خيـرٍ ولافيـه سيـه






.






.






(رد الطلـح)






.






.






خبري به اقرش في سبوقه خلافي






...........................مابه بلا وامرح على هالحصيـه






والفجر شخّص بالنواظر وشافـي






...........................طلعـه بعيـد ويمتـه ساحلـيـه






.






.






(قال الشاعر)






.






.






يالطلح ذا حبـه ولاهـو بخافـي






...........................متعـادلٍ حبـه بحـب البنـيـه






بعض الطيور ان راح قلنا عوافي






...........................لاشك هـذا ويـن ابلقـى حليـه






.






.






(رد الطلـح)






.






.






اتعب عليه وعادت الحـر يافـي






...........................اضرب سهلها والوعر والشقيـه






يجيبـه اللـي رازقٍ هالعجافـي






...........................بهايمٍ تمشـي علـى غيـر نيـه






.






.






(قال الشاعر)






.






.






يالطلح لك مني يابو غصن ضافي






...........................لاجابـه الله وكـل نيـه مطيـه






لاجيك انا في موتر القش هافـي






...........................واسقيك هاللـي باقـي بتانكيـه






وآطا على رملة سوافيـك حافـي






...........................وكلٍ على ماقيـل يذكـر خويـه













وشكراً

[أبو شعلان]

بسم الله الرحمن الرحيم

اخوي خيال الصبحا دائم تحب التميز لان هذه القصيده لايختارها إلا من يتذوق الشعر ويتميز به
ولا أصدق أن هناك أحد لم يسمع أو يقراء هذه القصيده لجمالها ولمكانتها عند اهل الطيور

عموماً الله لايهينك ويعطيك العافيه

اتمنى لك التوفيق وننتظر المزيد

ـــــــــــــــــــ وتقبل تحياتي ــــــــــــــــــ
:j

[نجم حفرالباطن]

لاهنت ويعطيك العافيه