من منكم سمع عن ال( ماغنيسيوم فاير ستارتر)magnesium fire starter

[الوراد]

السلام عليكم ورحمة الله وبركاته

هذا سلمكم الله عباره عن قطعه معدنيه (مغنيسيوم) صغيره بحجم ميدالية المفاتيح
وبها قطعه معدنيه ملصقه بها عباره عن عود معدني

طريقة عملها كالتالي

تأتي بالقطعه المعدنيه
ومن ثم تفركها بالعود المرفق او اي قطعه معدنيه على الحطب او الفحم اللي تبي تولعه
ومن ثم تشعل فتات هذه القطعه بنفس العود بس من جهه اخرى من القطعه

اللي جربها يقول ان الفتات يبطي ما يطفى

ويقول بعد
ان القطعه تبطي ما تخلص

وان قدرت احط صورته هنا بحطه

اللي سمع عن هالشي تكفون لا يبخل علينا بمزيد من العلم

انا بصراحه ناوي اطلبها من كندا
وابي اشوف ان كانت الفكره مجديه والا لأ ؟
http://www.mekshat.com/pix/upload/images/mag.jpg

[smart]

حبيبي هذي تباع هنا بس و الله ناسي وين انا شفتها

[فرد حمزة]

تقصد هذا ...:)

اللي في الصورة

هذا عند واحد من الربع ،،،

بنشده عنه من وين شراه :)
http://www.mekshat.com/pix/upload/images/3762.jpg

[الوراد]

سمارت
تسلم يالغالي

وياليت تقولي وين تنباع فيه



فرد حمزه ثاير ثاير

تكفى قل لي عنه

هل هو زين؟
عملي؟
يستاهل؟

والا حتسي بس وتحميس على الفاضي

وهل صحيح انه يطول في الأشتعال؟
يعني يغني عن البنزين والديزل والفحم الأبيض؟!؟!؟!



بعدين تعال
وش قصتك مع الصور

ماشاء الله عليك

لكل شي عندك صوره؟ ماشاء الله عليك



:good:

[الشيب]

السلام علكيم ورحمةالله
هلا أخواي الوراد
هذي القطعه انا شفتها عند السنيدي في القصيم رقم ت 063251371:good:

[الوراد]

الشيب

يسلم قلبك يالغالي

ما قصرت والله

والسنيدي معروف مكانه

كانه اللي ببريده !

[فرد حمزة]

الوارد ...:)
الله يوردنا وأياك والقاري للجنة

والله يالغالي هذا أشوفه مع قرناس دايم كل ما نطلع للبر أشوفه معه ،،، لكن بعطي خبر لقرناس الله يقومه بالسلامه يكتب لنا مرائياته حوله ومن وين شراه
على السحر بتصل عليه وبعطيه خبر ...:)

[فرد حمزة]

عزيزي الوارد

بالنسبة لسالفة الصور

أنا هاوي تصوير وين ما أروح الكميرى معي
وكل شي أصوره
الكميرى ديجتال والممري فيها 128 ميقا يتسع لـ244 صوره بدقة 1200×1600

لذلك كل طلعه أقعد أصور من قرابة الستنين وهي عندي لذلك توقع أي ما يخطر على البال مصوره :D

[فرد حمزة]

كلمت قرناس

ويسلم عليكم
ويقول أشتراه من السنيدي بالقصيم

ويقول عمليه جداً ..

تحياتي فرد حمزة :)

[الوراد]

يسلم قلبك والسامعين

والله يا فرد حمزه

تسانك ثاير ثاير:p

فجعلك ثاير بوجه الشر

وانا عاجز عن الشكر لك ولجميع اللي شاركوا بالموضوع وانشاء الله يكون بالموضوع فايده للجميع

ومقدر اقول
الا

جزاك الله خير الجزاء http://maz1.jeeran.com//fyd2.jpg

[راعي عنيزة]

يعطيك العافيه الوارد على تنبيهنا لهذي الطريقه الممتازه خصوصا انها تفكك من غثا المكعبات البيض وبسرعه ينشفن ويخربن


ابوهمام اكشخ وش ذي التصاوير والكشخات :D
الكاميرا حقتك وش نوعها وكم ميجا بيكسل ؟

عندي كاميرا كرييتف 1.3 ميجا بيكل 16 ميجا وتصور 85 صوره على 1024x768 و 200 صوره على 640x480

لكنها ماش اذا جيت تصور مناظر بعيده شويه ما تكون الصوره واضحه وما تبين التفاصيل

[فرد حمزة]

العفو عزيزي الوارد
هذا بسيط من حقكم علينا

والله أني بهالمنتدى معاكم أحس أني كاشت على طول
يازينكم ويازين سوالفكم

والله ما يطري علي إلا مثل هالجلسات وهالخواطر اللي بالصورة
http://www.mekshat.com/pix/upload/images/ex0002 copy.jpg

تحياتي لك ... فرد حمزة

[فرد حمزة]

أبو حمد
ياربي حيه

هذي الكميرى
ماركه نوع
HP Photosmart C618

http://img.dpreview.com/reviews/images/hp_c618.gif

دقتها
2.11 million
وهذي الصفحه طال عمرك بطاعته
مواصفاته


أبعز بهذا (http://www.dpreview.com/reviews/compare_post.asp?cameras=hp_c618&method=sidebyside)

وهذي صفحة الموديلات الجديده من ماركة الـHP
أبعز بهذا (http://www.dpreview.com/reviews/specs/HP/)

وهالموقع هذا يسوي لك مقارنه بموصفات جميع ماركات الكميرات الرقيمه
وصراحه موقع حلو بالحيل خصوصاً إذا كنت ناوي تاخذ لك كميرى محترفين :D
أبعز بهذا (http://www.dpreview.com)

إذا فتحته شف على يسارك قائمه أختر كلمة كميرى بالعنقليزي وتضهر لك قائمة منسدله فيها جميها منتجات ماركات الكميرات الرقمية

شف ياعزيزي من واقع تجربتي مع كميرات الـHP
أكبر عيوبها أنها على بطاريات الأصبع AA
ولا يقومها إلا الإنيجايزر الغالي اللي الأربعه بـ12 ريال :(
وشره بالحيل بالصور يعني يادوب تمشيك 70 صوره
أنا بالحيل توقهت ياكم حجر شريت :(
المهم دبرت لي طريقه
وهي بطاريات البانسونيك ريجارج أبل القابله لإعادة الشحن وأرتحت نوعاً ما
وأيضا طلبت من أمريكا الأدابتر وقيمته 310 ريال الله لا يخسر :( علشان أربكه في اللي يركب بالولاعه ويطلع كهرب 220 يعني حوسسسسه
والمومري اللي جاه معاها 16 ميقا نوع كومباكت فلاش شريت لها شريحه مومري 64 ميقا ثم طورت وشريت لها شريحه مومري 128 ميقا وكل وحده سعرها في حدود الـ300 ريال
:(

أحلى مافيها أني أستخدمها كهاردسك متنقل أنقل عليه بيانات وأي شي وأنلها لكمبيوتر ثاني
وفيها كيبل صوت وصوره يطلع للتلفزيون وتصير كميرى عرض ، عندي كرت فيديو أستخدمها عن طريقه ككميرى كام للإنترنت
وفيها مسجل لمدة 45 ثانيه على كل صورة
وباقي الوصفات تلقها في في صفحة الموصفات

آمل أن أكون أفتدك عزيزي أبو حمد

تحياتي لك يا ابو حمد ... أخوك فرد حمزة

[اخو نورة]

السلام عليكم ورحمة الله وبركاته
ان كان المقصود هو الى شفته فبشر بعزك
هذا سلمك الله والقارين اجمعين قد شفته في الغرابي وبالتحديد عند سوق الخيام وايضاً عند ذيب في طريق العليا 0
وهو عباره عن قطعتين حديدييتين متلصقتين وحده لونها غامق شوي اقرب مالها الصلب والثانيه فضيه اقرب مالها النيكل ومعها حديده كما المفتاح شكلها تقريبا تاخذ من الغامق شوي بالحديده ثمن تحك الحديده بالفاتح ويظهر شرار ويشب ضوك وسلامتكم وترا قيمته 15 ريال وحجمه تقريباً بطول 10 سم
والسلام عليكم ورحمة الله وبركاته

[راعي عنيزة]

يا جعلك تسلم يابوهمام وبيض الله وجهك
وباين ان الكاميرا على ملحقاتها الي شريت كلفتك اكثر من لو انك شاري كاميرا احترافيه كامله الاغراض :rolleyes: لكن ما عليه الحياة تجارب يا ولد :p


اخور نوره
مادري القطعه تكفي لكم توليعه ؟ وهل لها دخان او ريحه قويه ؟

[نافل1]

وجدته من سنوات لدى محلات بيع البلاستك في عتيقة ب 15 ريال