استفسار عن انواع الكفرات وجودتها

[القنـاص2008]

السلام عليكم ورحمة الله وبركاته


صبحكم الله بالخير


اخواني


الله يعطيكم العافيه


بغيت استفسر من فضلكم عن انواع الكفرات من ناحية قوتها وجودتها ومدة الحياه


http://www.mekshat.com/pix/upload01/prof022/mk68622_d.jpg





لاني الان حاليا وقت تغير كفرات للسياره ومحتار مابين الانواع


اكيد ان سوق متوفر فيه انواع كثيره منها ميشلان وبرجيستون و تويو هانكو وكموهو وغيرها من الانواع


لذا ارجو كل واحد منكم يدلي بدلوه علشان اختار نوعيه طيبه في جودتها في الطرق والبر


طبعا اتمنى ان فيه روابط تتحدث عن هذا الموضوع


ارجو الافاده


بيض الله وجيهكم


تحياتي لكم


اخوكم


القناص2008

[m3ax]

بسم الله نبدا

هانكوك ممتاز بالنسبة لسعره وخدمته ونعومته لكن يعيبه الصوووووووت يون بشكل يجيب الصداع

البريجستون تقريباً الافضل من ناحية الجودة ومدة الاستخدام لكن عيبه غالي ومطبه قاسي لكن يعمر معك اكثر من ثلاث سنوات بالراحه وتغيره وهو باقي فيه عمر

[aaeenn]

من خلال تجربتي طوال 25 سنة تويو يجمع بين الجودة والسعر المناسب ميشلان افضل جودة من تويو لكن سعرة قد يصل للضعف مع ان جودته عن تويو وعمره الإفتراضي لا يصلان للضعف

[sgl2002]

اقول ماخليت كفر ما جربته

غير الهانكوك ماتحصل

الوالد كان يركب ع الجيب دانلوب وكل سنة يغير

الحين ركب هانكوك من ثلاث سنين ومشى عليها ٧٠ الف وللحين جديدة

[شاهين12]

عليك بالبرجستون نوع درجه اولى ياباني وترى يجي انواع.
لاركبته ماراح تغير عنه.يتحمل سرعه 210 والظاهر انه يجي سرعه مفتوحه كلامي على كفرات الجيوب.طبعا السيارات العاديه يجي نوع يتحمل سرعه مفتوحه.
الهونكوك العريض مرن فوق اللزوم لايصلح الا للرمل .يتحمل سرعه210.
الدنلوب العريض قاسي ومايتحمل الحراره طبعا يتحمل سرعه 190.

كلهن مجربهن مع الرمل،ومع الارض الوعره ومع الخط ,

اكثر عمر واستخدام واقل تبنشار مافيه مثل البرجستون وسلامتك.

[القنـاص2008]

عليك بالبرجستون نوع درجه اولى ياباني وترى يجي انواع.

لاركبته ماراح تغير عنه.يتحمل سرعه 210 والظاهر انه يجي سرعه مفتوحه كلامي على كفرات الجيوب.طبعا السيارات العاديه يجي نوع يتحمل سرعه مفتوحه.
الهونكوك العريض مرن فوق اللزوم لايصلح الا للرمل .يتحمل سرعه210.
الدنلوب العريض قاسي ومايتحمل الحراره طبعا يتحمل سرعه 190.


كلهن مجربهن مع الرمل،ومع الارض الوعره ومع الخط ,


اكثر عمر واستخدام واقل تبنشار مافيه مثل البرجستون وسلامتك.




الله يعطيك العافيه

[عبون الجواء]

تصدق يا اخوى القناص2008 الى الان ما شريت كفرات للجيب باترول مركب عليها دنلوب مقاس 16 وابي اجدد ووجد انواعها متعددة ناس تقول هنكوك وناس تقول شاهين وذا قناس تقول برجستون وكتب عنها في المنتدى وتفاعلوا معي الاخوان ولكن
والى الان ما ادرى وش اغير
تقبل تحياتي اخوك / ابو عبدالله

[راعي المطافيل]

لا تقرب القودير غالي على قله سنــــــــــــــــــــــــــــــــــــــــــــــــ ــــع ان كان عندي قودير على يوكن يتشقق ويبس
عليك بالميشلان او التويو
لكن فيه امور لازم تدقق فيها قبل ما تشتري الكفرات

[MAGNUM]

انا مركب علي جيب سفاري كفرات بريلي عراض 265 زينات للخطوط وللكشتات

انحش عن الفالكون كان لي تجربه معه سيء وعمره قصير ويحوص بالبر

[أبلج]

1- ميشلان
2- يوكوهاما
3- برجستون
لكن بشرط تاخذهم من الوكيل الرسمي ونفس مواصفات صانع السيارة وتاريخ جديد متوسط 6 شهور من انتاجه ويتحمل سرعة عالية حتى لو انت ماتسرع وانا ضد السرعة ولكن احتياطا لان جودته تكون عالية وبإذن الله يتم ثلاث سنوات او 75 الف بدون مشاكل
ولا يردك ارتفاع اسعارهم
بين الطيب والردي شي بسيط

[أبلج]

طبعا انا جربتهم ثلاثتهم ومجرب غيرهم

[كوووول]

كيف كفرات cooper هل هي زينه

[أبو تميم 506]

دنلوب رهيب ، واذا بغيت القاسي اللي يدوم برجستون ، واذا بغيت النوع اللي سعره حليو و يمشيك سنة و شوي تقريبا ، فعليك ب الماكسس

[كسير الحظ]

اذا على الافضل المشيلان ما يحتاج ينمدح
لكن حسب الاستخدام هل هو بر و طريق والا الغالب على مشاويرك داخلية و البر كثير يعني منت راعي خطوط

اذا راعي خطوط فالميشلان مثل ما قلت لك ما يحتاج مدح
واذا انك راعي مشاوير داخلية وراعي بر يبي لك كفر لين بالتراب وخفيف
- يعاب على الميشلان الثقل نوعاً ما ونفس الكلام ينطبق على اليوكوهاما
وعن تجربه لي مع اليوكوهاما خذ كفر للطريق لكن بالبر ثقيل
كان على موتري مارشال ولين بالبر وخفيف لكن عيبه ماهو بقوة اليوكوهاما طبعاً وعمره قصير مقارنة بالميشلان و اليوكوهاما

فأخيراً تحديد استخدامك يساعد في اختيارك للكفر المناسب لك
وبالتوفيق

[.أبوعبدالرحمن]

بحسب خبرتي كفرات تويو ما مثلها ركبت طقمين وما شاء الله تبارك الله

طبعا الميزه أولى الوكيل يعطيك ضمان مفتوح وكذلك المواصفات عال العال

ما شاء الله تبارك الله ونشتها ما تلقط حصى لأن بعض الكفرات نقشاتها تلقط

حصى و إذا مشيت يتطاير الحصى على البدي و ويقشر البوية شوي

طبعا التويو إللي مركبها نفس إللي بالصورة إللي أنت حاطها والصراحة كفرات

ما عليها كلام وسعرها ما هوب بعيد من الهانكوك مقارنة بالكفرات اليابانية تعتبر

أسعارهم مناسبة طبعا وكيلها العامودي