سوال لأهل الخبرة في السلق

[حرف العين]

السلام عليكم ورحمة الله وبركاته
اخواني في مشكله عند احد الأخوان وسالني عن حلها ولاكن ماقد مرت علي نفس هاذي المشاكل وهي:
عنده ذيخ(اعزكم الله) وفي المهدات على الظبي تلاحظه يقرب اول ضاريه ويتحرش بها ويترك المهد ولا يلحق الظبي
واذا كان اللي في المهد ذكور يركض ولاكن عندما يمر على اي سلق يقرب منه ويفتن عليه ومما يودي الى تاخيره .
اتمنى من اهل الخبره يوضحون رايهم في الموضوع وعن الحل لهاذه المشكله.
( وجزاكم الله الف خير)

[العاطفي]

يمكن يا اخوي حرف العين انه صاحبك كان يتركه يلعب عند الكلب الثانيه كل الوقت ولا علمه انه يكون رزين ونصيحه انه اذا تكرر
هاذي الحركه يضربه ويهده بروحه ويقطع عنه الكل واذا اعتدل يعطيه وسلامه في راسك ياعزيزي

[العتيبي %]

اخوي على ما اظن ان الذيخ مخروش

والله اعلم

[حرف العين]

السلام عليكم ورحمة الله وبركاته
مشكور اخوي العاطفي واخوي العتيبي على المرور وعلى وجهات النظر.

[حرف العين]

يتبع:
اخوي القناص+بومطلق+اخوي شعوان+الكاشت+السارب+الباهلي+طبيعي
ويسمحولي الاخوان اللي ماذكرتهم وين ارائكم وخبرتكم اتمنى اتفيدوني بخبرتكم

[السنعوووسي]

حرف العين ياليت لو توضح كم عمره وأنشاء الله تلقى الجواب

[أبـ [مطلق] ـو]

شف وانا اخوك

اتوقع النوع هاذا متروك على راحته يعني صاحب السلوقي ما يقوله شي

او ان راعي السلوقي يخلي السلوقي الي يبيه

المفروض إذا شفته راح لم السلقه تظربه وتخليه يتعود انه ما يهتم للسلق

بس انا الشي هاذا اسويه من يوم السلوقي جرو اما هاذا ما ادري عن عمره الآن

وانا شايف ذيخه واجد ما ينفعن ابد إذا طلعت وصار معنا سلقه يصير مغير يطرد السلقه ماهو لم الصيد

واكثر الذيخه كذا .. إذا شاف سلقه خلاص ما عاد يناظر راعيه ولا يلقيله بال

لكن تلاحق على الذيخ ولا تخرب طبعه ترا ان تركته على كيفه .. يصير ما عاد يهتم لك ولا يطيعك ابد ابد

ومعاد ينفع بعدها

وان شاء الله الاخوان ما يقصرون معك


تحيااتي

.

[حرف العين]

مشكور ياخوي السنعوسي وابو مطلق على ردودكم .
وللعلم الذيخ تقريبا عمره سنه و6 شهور.

[احساس مجروح]

تقدر تخصية عند الطبيب

[الوافي عزام]

اخوي حرف العين ولا يهونون الربع الكلب ماعلم زين دامة يقدر يوصل للصيدة ويتركها او انة حصل لة شي خوفة من الظبي .

[القـــناص]

ياطويل العمرحاول انك ماتهده مع ذيخه هده مع سلق بس

[طبيعي]

السلام عليكم ورحمة الله وبركاته

اخوي حرف العين اولا انت شخبارك انشاءالله طيب
وبالنسبه للموضوع سبق واجهتني مثل هالمشكله
والحقيقه انها مشكله عويصه لانها تتعلق بطبع الكلب
اعزكم الله
اسباب هذه المشكله من وجهة نظري:
1-تميز السلوقي بالسرعه الفائقه اضافه الى قصر في النفس
وهذا يجعله غير قادر على مجاراة السلق الباقيه

2-تعمد في تأخير انطلاقة السلوقي اثناء السباق

3-حده في الطباع وهذه مشكلة

4-مشاركة السلوقي مع سلق اضعف منه واصغر منه وبالتالي يشيخ عليهم

اما الحلول:
1-الحرص على مشاركة السلوقي مع سلق تمتاز بالسرعه اذاكان هو ايضا سريع

2-الحرص على فتنة السلوقي على الظبي وجعله يطرح اكثر من مره ولوحده

3-في اسؤ الحالات قد تحتاج الى ان تخصي الكلب اعزك الله

اخوي حرف العين انشاء الله لي عوده
وهنا اختم لانشغالي الطارئ
مع السلامه

[حرف العين]

السلام عليكم ورحمة الله وبركاته
تسلمون على الردود والاراء اخواني احساس مجروح +الوافي +القناص+طبيعي
اخوي طبيعي عساك على القوه

[طلو]

السلام عليكم اخو ي حرف العين مسيك بالخير قريت موضوعك وعندي لك اكثر من حل
1 في الهدد تحاول انك تخليه يهد قبل السلق ما ينطلق
2 ان راعيه يعوده علا صوته وعلا بوري السياره ويتقدم بالسياره ويصيحله ويعلق البوري
3 واخر طريقه هي الضرب

[قناص بغداد1]

السراحه ما اعرف لسلق

[هيبة قناص]

فك له ضبي لحالة او فك له حصني لحاله وش وقعه في الحصني اذا ماسوى لها شيء فعرف انه يخاف من الضبي مجرد فكرة لا اقل ولا اكثر