مراوح الكهرب وارتفاع الحرارة (للفائدة)

[زيد المحمد]

السلام عليكم

عندي سيارة جيب ربع سفاري مركب مراوح سوباروا

الشغل مايحتاج بس ملاحظتي عليها وقت الظهر ترتفع شوي

الحرارة مع السرعه فوق 160 وبالليل تكون طبيعي الحرارة علي

اي سرعه وش الفرق . هل حرارة الجو يؤثر علي التبريد

وش الحل هل تغير الرديتر بنوع اكبر يفيد

السيارة موديل 2007

الموتر مايشتكي من حرارة الا مع السرعه بس وغيره حلوو مرة


وش الحل . وهل احد صادفته نفس المشكلة

[ابوريان 470]

السلام عليكم

حسب معرفتي وصارت معي بعد سرعة 140 ترتفع الحراره هذا سببها الاديتر . سوله تسييخ او خذلك اديتر اردني يمدحونه .
ولك تحياتي

[زيد المحمد]

والله انا اشك في الرديتر

بس متحسف لانه حق الوكالة
واخاف اغيرة ولا استفيد

شكرا لك

[ابوريان 470]

لا تحسف وانا اخوك الزم ما عليك موترك توكل ع الله وشيك عليه لو تسيخه ما يضر

[زيد المحمد]

مشكوووووووووور

[المنيعي1]

السلام عليكم

حسب معرفتي وصارت معي بعد سرعة 140 ترتفع الحراره هذا سببها الاديتر . سوله تسييخ او خذلك اديتر اردني يمدحونه .
ولك تحياتي

:good:
نفس كلام أبو ريان

[زيد المحمد]

:good:
نفس كلام أبو ريان


الرديتر الموجود حق الوكالة وسليم 100%

والحرارة بس فوق 160 وعلي خفيف


هل الرديتر الاردني بيكون افضل من تبريد من رديتر الوكالة

[escape_man]

لا تسرع جعلك الصلاح

من زين هالموتر ورساوته :)

بالنسبة للرديتر ابو رصتين فعز الله انه علاج

الاردني مدي عنه لكن الي جربته الصيني الي عند ابوصالح بالصناعية القديمة حقت الرياض

بعز الصيف ودرجة الحرارة 52 وبمنطقة شويخ الي معروف بازدحامها الحرارة ماتتعدى

الثلث .. اما بالسعودية فاقل من الربع.

فوق 160 ماني معلمك :j

[هواوووي 666]

انا صارلتي نفس المشكله وصارت المشكله من الغطاء
اتمنى اي افدتك

[زيد المحمد]

لا تسرع جعلك الصلاح

من زين هالموتر ورساوته :)

بالنسبة للرديتر ابو رصتين فعز الله انه علاج

الاردني مدي عنه لكن الي جربته الصيني الي عند ابوصالح بالصناعية القديمة حقت الرياض

بعز الصيف ودرجة الحرارة 52 وبمنطقة شويخ الي معروف بازدحامها الحرارة ماتتعدى

الثلث .. اما بالسعودية فاقل من الربع.

فوق 160 ماني معلمك :j

هههههه
جزاك الله خير
الدعوه مهب هم للسرعه بس ليش ترتفع الحرارة مع السرعه

ثاني شي وين احصل الرديتر الصيني او وصف محل ابو صالح

شكرا لك

[FORD1969]

http://a6.sphotos.ak.fbcdn.net/hphotos-ak-ash2/61972_149555341748885_100000832597301_218265_91096 _n.jpg

اخوي بن غيثات الصورة ذلي اعلاه وين

[زيد المحمد]

ياجماعه الموتر مافيه الا العافيه قبل المراوح

بس ركبتها بدت ترتفع مع السرعه فوق ١٦٠

[ms662]

ياجماعه الموتر مافيه الا العافيه قبل المراوح

بس ركبتها بدت ترتفع مع السرعه فوق ١٦٠

لان الهواء الخارجي سريع والمراوح شغاله عندك سرعتها اقل من سرعة الهواء الخارجي فترد بعض منه
في عندي فكره لكن جربها على مسؤوليتك واسأل وتمحص واستخر
حط فاصل للمراوح ولما توصل السرعة هذي طفها وخل التبريد يكون بالهواء الخارجي
مع الانتباه للحراره

[زيد المحمد]

المراوح خلف الرديتر . كيف تتاثر من الهواء الخارجي والمراوح الي عليه سوباروا

[ms662]

المراوح خلف الرديتر . كيف تتاثر من الهواء الخارجي والمراوح الي عليه سوباروا

المراوح الي خلف الرديتر من وين تجيب الهواء تسحب الهواء من خلال الرديتر الي هو يجيه الهواء من برى مع الشبك
وتبي تعرف كيف تتأثر المراوح من الهواء الخارجي قفل وجه الرديتر بكرتون غطه كامل وشغل وشف هل بتنفعك مراوح السوبارو او حتى المروحة الاتوماتيكية او لا وعطنا خبر

[زيد المحمد]

بسوي تجارب وافيدكم

[capricorn99]

السلام عليكم

اخي الكريم انا كانت معاي المشكلة لفترة طويلة الى درج ان الحرارة قامت توصل فوق النص. هنا حسيت الموضوع ما ينسكت عليه ورحت لواحد وصوني عليه الشباب وفعلا...كانت المشكلة من الرديتر (كان اقتراحه اني اسيخ الرديتر قبل لا اوديها عند احد يتفلسف علي).
اول ما فتح طبلة الراديتر شفت ترسبات الصدء زي الطين. وقلت له ايش رايك اغير رديتر احسن؟ قال شوف ناس واجد تجي وتغير رديتر عندي لكن ما يجلس زي رديتر الوكالة. فعلا انا سيارتي موديل ٢٠٠٦ ولا حسيت بالمشكلة الا من وقت قريب. فقال انت بكيفك بس حرام تغير حق الوكالة لأن سعره حول ٣٠٠٠ ريال وفي السوق ممكن تلاقي ب ٢٥٠ او ٣٠٠ ريال بس ما انصحك وانت بكيفك. وخليته يشتغل على التسييخ ولله الحمد حتى شغله نظيف ومرتب. وبعد ما اخذت السيارة عطاني غرشة مياه مقطرة قال لي احتياط بس شيك عليها ثاني يوم واذا نقصت المويه زيدها لكن اذا تكررت الحالة عندك لازم تشيك عليها مرة ثانية... ولله الحمد ما شتكيت منها. وعشان اتأكد، طلعت من عنده وعلى الخط دعست للموتر الى ١٦٠ الحرارة مستقرة فوق الربع بشعرة. :good2:

اذا انت من الخبر ابشر اوصف لك اياه (على الخاص)

[زيد المحمد]

مشكور يالغالي بس الموتر رديتره جديد
ولو انه مسدد كان ترتفع علي مروحة الوكالة
انا الحرارة بدة تشكل من يوم ركبت مراوح كهرب يعني الخلل من تبريدها للسياره وانا متاكد لو ارجع مروحة الوكالة رح يرجع طبيعي
انا ابي اعرف هل هو خلل من المروحة السوبارو او ان المراوح ما تعطي التبريد اللازم فا اغيرها بمراوح لومينا

لاني بصراحه راغب المراوح الكهرب لانها فاكتني من الازعاج

بس الي مستغرب منه اغلب الشباب الي ركبوها يمدحونها هذا الي مخليني اشك ان الخلل من نفس المراوح الي مركبها

[capricorn99]

تأكد من البلف المركب عند حرارة كم يفتح؟ ممكن يكون مركب لك بلف يفتح على حرارة عالية.
بس ما فهمت قصدك بمروحة الوكالة؟؟؟ اذا انت غيرت لمراوح الكهرب مروحة الوكالة لازم تشيلها.

[وبل نجد]

طبيعي ترفع شي بسيط خصوصا مع مرواح. الكهرب

[sgl2002]

ياخوك موترك اللي مسبب الحرارة فيه هو المراوح هذي

مديلات الباترول من ٢٠٠٥ وفوق رديترها يختلف عن القديم

يعني موترك رديتره كبير بالطول والقديم كبير بالعرض

يعني المراوح تصلح للمديلات القديمة ، وكل اللي ركبو مراوح على مثل موترك قالوا ان الحرارة زادت عن اول
رجع مروحة الوكالة وشف الحرارة كيف ترجع تمام

المراوح ماتضبط على مثل موترك

[(ابو عبدالله)]

السياره وهي مسرعه متحتاج للمراوح قد ماتحتاج لاديتر سليم
صيخ الاديتر حققك وبتشوف الفرق
انا خرت معي مروحة الكابرس المكنيكيه وفكيتها وجلس السياره معي لمدة اسبوع ورحة عليها لضرما والخرج والحراره ماترتفع
يعني بالخط الوا يكفيك عن المراوح

[sgl2002]

لاتفك شي من الموتر واسمع كلامي رجع مروحة البلد

موترك مايصلح له مراوح الكهرب

ولاتفتح على نفسك باب

[زيد المحمد]

والله صادقين برجع مروحة البلد

المراوح ما ضبطة علي موتري تخيلوا صارت الحرارة تلعب في الديره الظهر ترتفع ارتفاع قوي حول الاتش
وبا الليل تكون وسط
وقبل ماكانت تشكل ثابته لييل نهار

فا الوكاد ان المراوح الكهرب ما تصلح لموتري بالمرة

[sgl2002]

^^^

هذا الكلام

وزي ماقلت لك ماتصلح الى على ٢٠٠٣ وتحت

[السومر]

ان شاء الله ان الاخوان افادوك

[مهند 2009]

أخوي أنا معي نفس موترك الحرارة أبدع مايكون
لكن أذا مسكت خط ومسيتة ترتفع وأذا دخلت النفود ومسيتة على طول ترتفع
ورحت وسألت ناس مختصة مراوح وكهرب يقولون مايضبط على الباترول 2005 ألا مراوح قراند شروكي أو فرد والله يوفقنا وياك و المسلمين أجمعين

[زيد المحمد]

الله يجزاكم خير

السوبارو فاشله علي موتري من تجربه شخصيه

والحمد الله افتوني وشكرا لكم

[ابوريان 470]

السلام عليكم

اخوي شيك على المروحه لايكون وحده تدفع هواء للمكينه والثانيه تدفع هواء على برا

قد صارت مع نسيب لي وكل ورشه اخس من الثانيه في التشخيص وفي الاخير لاقى الاسلاك معكسه

[عرنكش]

يالغالي انا اعلمك بالحل اذا انك تقول لا مشيت 160 ترتفع الحراره هذا دليل جهد على السياره وهذا شي طبيعي ولا تنسا الجو حار وبعدين لاتوسوس في الحراره طبيعيه 100% ولا تخسر نفسك
وبعدين خذها نصيحه
من اخوك حاول تروض نفسك على سرعه 130 وتحت لان روحك غاليه عند امك وابوك تكفى لتهلك نفسك

اخوك
عرنكش

[escape_man]

هههههه
جزاك الله خير
الدعوه مهب هم للسرعه بس ليش ترتفع الحرارة مع السرعه

ثاني شي وين احصل الرديتر الصيني او وصف محل ابو صالح

شكرا لك

ماودي اقول بموترك شي ولا اقدر احكم انها طبيعية. لكن اذا كانت ترتفع حتى على سرعات اقل فيمكن بسبب الرديتر. على العموم هذا جوال ابوصالح والعامل حقه.

جوال الاخ ابوصالح
0555425574
وهذا جوال الباكستاني مسعود
0541004208


http://a6.sphotos.ak.fbcdn.net/hphotos-ak-ash2/61972_149555341748885_100000832597301_218265_91096 _n.jpg

اخوي بن غيثات الصورة ذلي اعلاه وين


دامك تقول (ذلي) فانت عارف وين هالبيت الاثري وباي منطقة ياجدي :f

الشيبان عليكم حركات :good2:

[زيد المحمد]

ياجماعة الخير

فكيت المراوح الكهرب ورجعت الموتر بلد
رجع الموتر زي اول الحرارة طبيعي لا زياده ولا نقص

هذا يدل ان المراوح السوبارو اهي السبب في الحراره لا رديتر ولا غيره

رجعة المروحة المكانيكيه وماشاء اللله الحراره طبيعيه علي اي سرعه

انا حبيت ابين للشباب ان المراوح السوبارو ماتنفع علي اي سياره

اي واحد من الشباب عنده افاده لايبخل لنا بخصوص مراوح الكهرب

[sgl2002]

اخوي زيد

انا مراوح الكهرب مفيدة لبعض السيارات

انا قلت لك من ٢٠٠٥ وفوق باترول مايصلح له مراوح سوباروا

[زيد المحمد]

والله انا محد نبهني لها كل من قلتله بركب مراوح مدحها
ويوم ركبتها اكتشفت مساوئها

علي العموم انا فكيتها ورجعة لشد البلد

[nan9]

اخوي الله لايخسرك المراوح الي فكيت للبيع عطني رساله خاص

[RW7..ALBDAWA]

مرآوح السوبآرو رديئه بنضري وتجربـه كآنت معي بمرآوح سوبآرو كآن الموتر

بآترول 95 اذآ مشى بهدآوهـ الحرآره تحت الربع بشرطه واذآ مشششى 120 ارتفت لفوق الربع بشرطـه واذا تعدى 120 وصلت لفوق الربع بششكل كبير المهم على سرعت 170 الحراره قبل النص بشي بسسيط

[مجنون الفتك]

مشكور يعطيك العافية

[Salamah.y]

يمكن انت مركب مراوح مخصصة لمحرك 4 سلندر
او ان دينموهات المراوح ماتشتغل بالشكل المطلوب ~

المروحة الميكانيكية , ميزتها , ان سرعتها دايماً مع سرعة المحرك
لذلك , تجد الحرارة تقل مع الدعس , بسبب ان المروحة تسرع أكثر

اما المراوح الكهربائية , فهي تشتغل على سرعة ثابته , و احيانا ً على سرعتين
و هالسرعات لازم تكون أعلى من سرعة دورة المكينة , عشان تحافظ على الحرارة الطبيعية
اما اذا كانت اقل من سرعة دورة المكينة , فـ الله يعيننا وياك على الحرارة ~

,

كلامي ماهو علمي اكيد
و لكن لأن هذا المبدأ العام لعمل مراوح التبريد في السيارات
و الله أعلم @~

اذا انت حريص على المراوح الكهربائة
دور لك مراوح , تكون على محركات كبيره
و سرعتها عالية ,

,

موووفق @~

[زيد المحمد]

شكرا لكل من شارك وافادنا

[najd star]

المراوح الكهربائية ما تصلح للسرعات العالية

[escape_man]

المراوح الكهربائية ما تصلح للسرعات العالية

http://a4.sphotos.ak.fbcdn.net/hphotos-ak-snc7/380265_270286553009096_369156952_n.jpg

معليش ياشباب .. علشان مانحكم على الشي من تجربة شخصية واحدة

الموستنق الي بالصورة مكينة 8 سلندر

عليه كام خشن وتعديلات داخل المكينة وخارجها

وشهي المراوح الي عليه ؟

عليه مراوح سوبارو

وشلون سفاري ومكينة المنيوم وترتفع حرارتها؟

اتوقع بان المرواح ضعيفة / او وحدة منهن مقلوبة / الحساس من مؤقت صح والبلف مو
مناسب.

[زيد المحمد]

انا اختلف مع الي يقول المراوح الكهرب ما تنفع مع السرعات العالية

صحيح انها مانفعت مع موتري بس في سيارات كثيرة ناسبتها ولا اشتكو من شي

وااغلب السيارت الجديدة مراوحها كهرب ولا تشتكي من شي رغم ضخامت مكاينها
وهي نفس الفكرة

[NissaN 1990]

مرآوح السوبآرو رديئه بنضري وتجربـه كآنت معي بمرآوح سوبآرو كآن الموتر

بآترول 95 اذآ مشى بهدآوهـ الحرآره تحت الربع بشرطه واذآ مشششى 120 ارتفت لفوق الربع بشرطـه واذا تعدى 120 وصلت لفوق الربع بششكل كبير المهم على سرعت 170 الحراره قبل النص بشي بسسيط


كلامك صحيح
عند واحد من الربع باترول 1993 الموتر نظيف ومحركاته ممتازه ومغير له أديتر أردني
الموتر كان وهو واقف بالمروحه الميكانيكه يتعدى الربع ويوصل الثلث لأن تمايتك المروحه خربان


،،،،،،،،،
وراح ركب له مراوح سوبارو عند مهندس معروف وبعد ماركبها صارت المشكله عكسيه مع الممشى تحتر السياره فوق الربع وكل مازاد السرعه لحد 160 توصل النص
وإذا وقف ماتتعدى الربع

وأقترحت عليه أنه يرجع المروحه الميكانيكيه للمشى ويركب مرواح خارجيه سواء حقات مرسيدس أو VX-R عشان تبرد عليه أذا وقف ،،،

[زيد المحمد]

كويس بدينا نشوف ردود ناس عايشة الوضع

[جلاد الحباري]

شيش الرديتر يابو محمد وان كان الرديتر نوعيته طيبه بتدعيلي والحرارة انا اشوف ان الوقت الحين حار جدا وماينلام هالحديد يوم يحتر عموما شيش الرديتر وان كان المشكله منه تراها انحلت باذن الله وان كان المشكله غيره فانت سويت اضافه للموتر ولا هي بخساره

[aboody123]

السلاام عليكم...شهر مبارك

الله يعطيكم العافيه شبااب ع المعلومات الجيده
عندي استفسار بسيط بعد اذن صاحب الاعلان بس ...
انا عندي باترول 2007 ستاندر 4500 عندي سلمكم الله الاديتر ينقص الماء وغيرت بعض الليات الي تحتاج للتغيير ولا نفع وسيخت الاديتر وبرضوا ينقص بس النقص موب واجد يمكن ينقص نص القربه لمدة 4 او5 ايام ومادري وش السواات وصوت المراوح بعد قوي مره .
وهالايام بغيت اركب مراوح كهرب بس بعد ماقريت موضوع اخوي زيد هونت عنها
وش السوات يااجماعة الربع ......
افيدوني الله يجزااكم خير

[RW7..ALBDAWA]

السلاام عليكم...شهر مبارك

الله يعطيكم العافيه شبااب ع المعلومات الجيده
عندي استفسار بسيط بعد اذن صاحب الاعلان بس ...
انا عندي باترول 2007 ستاندر 4500 عندي سلمكم الله الاديتر ينقص الماء وغيرت بعض الليات الي تحتاج للتغيير ولا نفع وسيخت الاديتر وبرضوا ينقص بس النقص موب واجد يمكن ينقص نص القربه لمدة 4 او5 ايام ومادري وش السواات وصوت المراوح بعد قوي مره .
وهالايام بغيت اركب مراوح كهرب بس بعد ماقريت موضوع اخوي زيد هونت عنها
وش السوات يااجماعة الربع ......
افيدوني الله يجزااكم خير

اخوي السوآت عندي ان شاء الله فيه حآجه اسمهآ روك او بروك تبآع بمحلأت الزينـه قيمتهآ 5 ريآل تصبهآ مع الرديتر شكلهآ مثل الرمآد متجمعه بوسط علبه صغيره صبهآ بالرديتر وانسى انه ينقصصص مويـه بآذن لله طبعاً كان موتري نفسس حآلت موترك ويوم صبيتهآ ليومك هذآ الموتر تمآم التمآم ..

[sgl2002]

نصيحه لاهل الباترول من ٨٩ الى ٩٧

ركب مروحه او ثنتين حسب المكان خلف الشبك

تشتغل مع المكيف ومع الحرارة الزايدة

وخل المروحه الميكانيكية على ماهي عليه

وراح تشوف فرق كبير بالمكيف وبحرارة السيارة

طبعا يبغا لك كهربائي فنان

[4x4ofroad]

بالنسبه لي جربت مراوح السوبارو على الفكسار كانت ممتازه داخل البلد لاكن اذا مشيت بالخط 170 وزود اكثر من ثلاث دقايق تبدا الحراره بالتزايد
وبالنفود مع الجلد ترتفع بسرعه
تحليلي الشخصي
مروحه السوبارو سرعتين والسرعه العاليه ماتتعدى 3000 دوره بالدقيقه
لاكن مروحه المكينه تدور اسرع من السوبارو ولما تكون على سرعه 170 تكون دورات المحرك على 4500 دوره بالدقيقه واذا احتر الموتر شبكت مروحه الكلتش وبتعطيك ممكن الى حد 4500 دوره وبيكون تبريدها افضل
وبالنفود نفس الشي بتظغط على الموتر وظغط المكينه بيوصل 5 احيانا ومروحه السوبارو حدها 3000 او 2500 حسب ما قريت عنها من فتره فما تلحق مثل مروحه المكينه اللي اذا كلتشها صاحي واحتر الموتر بتعطيك دوران مع دوران المكينه
المهم مالكم بالطويله ركبت مروحه قراند شيروكي ولقيت فرق ملحوظ
لاكن اللي يبي موتر اعتمادي يخلي مراوحه بلد

[حمودي666]

انتبه لا يكون مركب حق الحراره في الكوع الي فوق
نصيحه ركبه في الي تحت انتبهوا ياجماعه

[تويوتا 2010]

انتبه لا يكون مركب حق الحراره في الكوع الي فوق
نصيحه ركبه في الي تحت انتبهوا ياجماعه

وضح وش تقصد

البلف والا الحساس

[RW7..ALBDAWA]

انتبه لا يكون مركب حق الحراره في الكوع الي فوق
نصيحه ركبه في الي تحت انتبهوا ياجماعه

غريبه انآ مركبه فوق وعطآني قرآيه بالطبلون افضضل من اللي تحت

[ابوبدرالعريمه]

السلام عليكم ....انا مركب مراوح سوبارو عند العثيم ببريدة اذا الموتر واقف الربع اذا مشيت وتعديت الميه تبداء الزياده الموتر باترول 97 تحياتي

[زيد المحمد]

تعتمد علي تبريد الرديتر
المشكلة الرديتر صغير

اغلب الباترول يركبون رديتر لاند 96 افضل للتبريد لكبر الرديتر
وبجرب واعلمكم

[كديان]

اسباب الحرارة
مراوح ما تلحق يعني مهب مثل حقت المرسيدس
اذا اشتغلت نام انبير الدينمو هههه و نزلت الحرارة
بس ميزة المراوح و انت واقف مكيف ثلوج
ربما تحتاج وزن ديلكو اذا وقت الشرارة ١٠٠٪ تزين الحرارة
غطا الاديتر دايم تصير يجي غطا برتقالي و يجي غطا بدون استكر برتقالي
الماء له دخل ١٠٠٪ اذا كان المحلول زايد
لازم تحط محلول لتر و نص او لترين و الباقي مقطر
اخبر حطينا جالونيين ٢ محلول بموتر جيب طبعا غلطنا
تخيل الحرارة ع النص عيت تنزل بطريق الجوف و الساعه ١٢ ليلا
المهم فرغنا الما و حطينا محلول
يوم انه نامت الحرارة
المحلول يحتوي ع زيت و اذا كثرت منه يصعب جدا تفريغ و طرد الحرارة
عندك راعين المرهمات يحطون محلول مرسيدس بنز و يجي حق بي ام دبيلو
كلهن ع لتر و نص ب٣٥ ريال يبرد المكينة و زود الباقي مقطر
الاديتر مافي مثل حق البلد رصتين و ع طول يفرغ الحرارة
الاردني رصه عريضه و عيبه يبطي ما يطرد الحرارة

عيب الرصتين الاصلي الوحيد انه المجرى نحيف يعني اية تسكير المجرى
طين او غيره ع طول ترتفع الحرارة

[يوعلي]

صيخه اوركب غيره:good2:

[جي يونت]

اسباب الحرارة
مراوح ما تلحق يعني مهب مثل حقت المرسيدس
اذا اشتغلت نام انبير الدينمو هههه و نزلت الحرارة
بس ميزة المراوح و انت واقف مكيف ثلوج
ربما تحتاج وزن ديلكو اذا وقت الشرارة ١٠٠٪ تزين الحرارة
غطا الاديتر دايم تصير يجي غطا برتقالي و يجي غطا بدون استكر برتقالي
الماء له دخل ١٠٠٪ اذا كان المحلول زايد
لازم تحط محلول لتر و نص او لترين و الباقي مقطر
اخبر حطينا جالونيين ٢ محلول بموتر جيب طبعا غلطنا
تخيل الحرارة ع النص عيت تنزل بطريق الجوف و الساعه ١٢ ليلا
المهم فرغنا الما و حطينا محلول
يوم انه نامت الحرارة
المحلول يحتوي ع زيت و اذا كثرت منه يصعب جدا تفريغ و طرد الحرارة
عندك راعين المرهمات يحطون محلول مرسيدس بنز و يجي حق بي ام دبيلو
كلهن ع لتر و نص ب٣٥ ريال يبرد المكينة و زود الباقي مقطر
الاديتر مافي مثل حق البلد رصتين و ع طول يفرغ الحرارة
الاردني رصه عريضه و عيبه يبطي ما يطرد الحرارة

عيب الرصتين الاصلي الوحيد انه المجرى نحيف يعني اية تسكير المجرى
طين او غيره ع طول ترتفع الحرارة


من واقع تجربه , أتفق معك 100% :good2:

[زيد المحمد]

مافي اتفاق علي حل المشكلة