الفزعه يا أهل البارول

[أبو محمد 2012]

السلام عليكم ورحمة الله وبركاته ..
أخواني الله أكرمني وشريت جيب باترول ربع جديد موديل 2012 مكينة 4800 من الامارات - دبي .. على فكره الي يبي يشري لا يشتري إلى من هناك لأن ميزاته حلوه ربع GL وبيوصل ان شاء الله ها اليومين.
المهم عندي أستفسارات بخصوص نصبة الموتر لانه مثل منتم عارفين خشم الموتر مرتفع .. وش تنصحون فيه!
- أركب كعكات .. وكم الارتفاع المناسب بحيث ينصب الموتر ولا يطلع صوت العمود.
- أركب ياي استرالي خلفي فقط ولا أركب أمامي وخلفي؟ ووشهي أنواعه ووين أفضل محل تركيب.
أفيدوني بارك الله فيكم.
وأبي أعرف الصوت الي يطلع في العمود اذا رفعت الموتر له مضار على السيارة؟!

والله لا يهينكم وش تنصحون أعبي تانكي البنزين (91 أو 95)
كثرت عليكم يا الوجيه الغانمة العذر والسموحة

[sgl2002]

الكعكات والرفع الخلفي الزايد تجيب لك صوت حرة العمود

ومع الوقت يخرب العمود وممكن تنقز مطناج والا شي ويكسر القير لان العمود ماعاد له مساحه يتحرك

ان طعتني ركب عليه مساعدات شاص فقط لانها قوية وتشد الموتر ومع التحميل مابينزل الموتر من الخلف

وان كان لابد من الرفع الخلفي ركب يايات استرالية فقط وتاخذ ارتفاع عالي خذ النوعية اللي تبع الربع الباترول

وركب معها مساعدات اربع حقت شاص مع اني احب مساعدات الوكالة

طبعا لاترفع من قدام لانه رفيع خلقه

والله يبارك لك عز الله انك اخترت الموتر الوافي

بس واضب على صيانته والعناية به

[محرين باالخير]

الف مبروك مقدما وان شاء الله شايف خيره
رئيي خلي كلش بلد ماعدا الياي الخلفي دور حق الباترول الصالون الاصلي وركبه بيرفعه من الخلف شوي ويكون مطبه اخف من الاسترالي انا مركبه عندي وماشي ولا احلي ,
لاكن لو انت راعي تحميل وعفش وتانكي ماء كبير يمكن مايناسب .

[المميـز]

:

ماشاء الله الف مبروك الموتر الله يعطيك خيره ويكفيك شره

ركب ياي استرالي خلفي ٣ سم + مساعدات مونرو خلفي ويكون مطبه حلو ان شاء الله

والبنزين عليك بال ٩٥ افضل للمحرك واقوى للعزم واقل صرفيه

:

[أبو محمد 2012]

يعطيكم العافية يا أخوان ومالنا غناة عن آرائكم

أخوي المميز: الياي 3 سم يطلع حنه بالعمود؟

وبالنسبة لرأيك أخوي محرين بالخير: هل الياي حق الصالون شد بلد يرفع الموتر بحيث يكون أرفع من الي قدام بشوي؟

ومشكورين على مرورك وتفضلكم بالرد

[اكسجيين]

اولاَ مبروك الموتر والله يعطيك من خيرة ويكفيك شره ، وزين ماخترت ماشاء الله تبارك الله


بخصوص رفع الموتر من الخلف انا من رايي لاتتعدى اليايات الاسترالية ( وكيلها الرماية) ولديهم نوع خاص للربع الباترول (300كيلو) موزعه كل ياي 150 ك ج وهذا المناسب والمجرب ولاشفت منه اي خلاف ، ووقفت الموتر مرتفع شي بسيط ومعقول بدون حمولة ، واذا حملت اغراضك وعبيت تانكي الماء يستوي تقريباَ حتى المطب يخف معاك وتحس فيه مرونة اكبر بحكم عرض الياي مقارنة بشد البلد ، طبعاَ تبي تستلم الموتر ان شاء الله مع كفرات برجستون عريضة ماجازتلي ابداَ عداَ انها طامنه وعريضة والبرجستون في قساوة ومطبه اقشر ، فانا اقتراح عليك تبدلها بشي ارفع واسخف قليلاَ ويكون 10/10 ، بخصوص البنزين من كتاب المصنع مذكور انه 91 والله اعلم

[ابوسند9]

ابو محمد حيا ك الله
ومبروك ماشريت والله يطعمك خيره ويكفيك شره
شوف بالنسبه لشكل السياره انا اشوف ان ارتفاعه كويس ورفيع عن الارض ماشاء الله
لكن اذا بتركب تانكي ماء وعزبه واغراض فهنا يختلف الكلام وراح ينزل مع الخلف
واذا بتركب ياي استرالي خذ اقل ارتفاع ونفس طول شد البلد حتى يكون شكل السياره متناسق ولو حملت اغراض او ركب معك احد خلف ما راح ينزل ابد واللى اقصده ياي خلفي فقط اما امام فخليه شد بلد وللعلم الياي الاسترالي يقاس بالكيلو وليس با الارتفاع واذا بتركب امام زين على زين
نجي للكعكات
هي فقط لرفع السياره ومع ذا لن تستفيد اذا حملت اغراض او ركب معك احد , راح ينزل وما كانك ركبت كعكات وهذا غير الاصوات
انواع الكعكات :
- كعكات حديد او المنيوم ما انصحك فيها لانها تحدث صوت وتنقل الضجيج داخل السياره
- كعكات ربل واللى موجود بالسعوديه سيئة الجوده وكم شهر وهي متفرمه
لكن اذا لك زرقه لقطر يوجد بالمحلات اللي بطريق سلوى كعكات ربل ممتازه جد وقويه ولا تتقطع مع الوقت وميزتها ان تعزل الصوت نهايا عن كبينة السياره واغلب اصحاب الجيوب الديزل يركبونها
يعني لو نفرض انك ركبت ياي استرالي خلفي فالافضل انك تركب قدام كعكه ربل قدام 2 سم وخلف 1 سم
نجي للياي الصالون الفتك :
ياي الفتك يختلف عن ياي الباترول السلق سواء الربع او الصالون اللي هو 4500
الارتفاع نفس الارتفاع
لكن ياي الفتك يفرق بالعرض عشان يتحمل ثقل مكينة الفتك فقط يعني لفة الياي عريضه
لكن مادام الربع الباترول 2012 مكينة فتك اتوقع نفس ياي الصالون الفتك
اما مساعدات الشاصي ما انصحك فيها ابداااا لاني قد ركبتها على فتك وعليه ياي استرالي والله العظيم سافرت علية وكاني ركب جيب ربع او شاص تويوتا بس يناقز قااااااسيه مره ومافيه زي مساعدات البلد
واخيرا انت اصبر على السياره ولاتغير شي وجرب دامها جديد ويمكن ما تحتاج كل ها الاشياء
واي خدمة حاضرين ولاعضاء ما راح يقصرون معك واهم شي نبي كشته عليه

[alwamwy]

ياي استرالي
خلفي 5 سنتم
امامي 3سنتم

[المنيعي1]

الله يجعله مبروك
بس ممكن سؤال كم سعره

بنسبه لرفع موترك جديد أنصحك ماتغير شيء
وأذا ملزم ركب كعكات 2 أو 3 سانتي
البنزين مايضر كله واحد

[أبو محمد 2012]

المنيعي: سعره 127000 ،رفارف سود، مراتب عرض، مكينة 4800 فتك، الأرضية فرشة المرايات كهرب ونيكل زي الفتك، مسكات الباب نيكل، والمهم والأهم انه يجي ثلاجه.
بالرياض يبيعونه 125000 بدون هذي المواصفات كلها.
أكسجين - أبو سند : يعطيكم العافية رائيكم وهداية الله بس تكرماً لو كلفت عليكم اي فرع من فروع الرماية تركيبهم تمام؟!

[هويدي]

ماشاء الله الف مبروك الله يطعمك خيره ويكفيك شره


ماقصروا الربع بس لو تاجل اليايات بعد ما تقطع السياره كم الف للتمرين لان بعضهن يتدلع يبدا يونون على خفيف ويضيق صدرك ولامنه ضرر لانها بحدود المعقول
او مش حالك بكعكات المنيوم 2 سم ونص فترة التمرين
وبيصير ارتفاعه مثل اللي بالصورة الله يذكرة بالخير
http://up.arabseyes.com/uploads/18_07_1213426362921.jpg (http://up.arabseyes.com/)

وبالنسبه للتركيب سهل اذا كان بذمة وعندك عفريته صح :)


وفروعهم كلها تمام ان شاء الله شركه كبيره وتهمها سمعتها "بس كتجربه شخصيه


ورشتهم اللي بمحطه نفط على طريق التخصصي
ونت متجه شمال بعد تقاطع طريق الامام سعود


وللمقارنه بين الارتفاعين او الفرق هذا عليه يايات اللي ذكروها الاخوان 3 سم ومساعدات بلد


http://up.arabseyes.com/uploads/18_07_1213426366571.jpg (http://up.arabseyes.com/)

[اتجاه السحاب]

الله يطعمك من خيرة ويكفيك شرة
مبرروك ماشريت,,
المساعدات الاماميه: مساعدات مرسدس
الخلفيه: بوالين بوسط الياي ينفخن بهوا تتحكم بدرجت الارتفاع ..مجربهن على صالون ممتازات بالحيل
البنزين:95 أنشط وحتى مايسبب لقلقه ..