راديو الاكسبدشن

[سراج]

السلام عليكم ورحمة الله وبركاته

بغيت اسأل عن راديو الاكسبدشن عندي مهوب صافي حتى الاف ام
فيه تشويش كأن مافيه انتل (اريل) فهل له حل ؟؟

والسلام خير ختام

[يوكون ابوفهد]

نفس مشكلتك

[اكسبلوري]

اذا السيارة امريكية او العدد فردي لازم تمر محل مسجلات يبرمجه لك

[سراج]

السياره جديده شاريها من توكيلات الجزيره وعلى قولتهم صناعتها امريكيه :)


ووين احصل محل تنصحون امره يشوف المشكله ؟


وجزاكم الله خير

[جامعي]

لا تلعب فيها خارج الشركة

مشكلتك يشملها الضمان

[سراج]

جزاك الله خير
الاسبوع الجاي عندي موعد صيانه تغيير زيت
ببلغهم ان شاء الله

[بن نويشر]

يا أخي اتوقع ان المشكلة ليس من الرادو ، أتوقع ان المنطقة منطقة نجد الإرسال فيها ضعيف جداً ويبغى لها رادو بن كلب (عزكم الله) يجيب الموجات بكافة ترادداتها .. مثل روادو قبل ... لكن رح مثلاً للمنطقة الشرقية وشف الفرق أو الغربية وناظر المهم أطلع من نجد ... وتبي الصراحة أنا عندي نفس المشكلة وأفكر أغير الرادو واركب شاشة وأفتك ...


أذكر مره كان عندي هايلوكس موديل 81 والمسجل حق بلاده خربان بالمره وقمت طقيت واحد من الغرابي بس ياهو والله رادو أنه يسوى الموتر نفسه .. تصدق كان يجيب مواجات الدوريات وصافي أصفى من أجهزة الدوريات نفسها ... قديمك نديمك


تحياتي ،،،

[سراج]

يا أخي اتوقع ان المشكلة ليس من الرادو ، أتوقع ان المنطقة منطقة نجد الإرسال فيها ضعيف جداً ويبغى لها رادو بن كلب (عزكم الله) يجيب الموجات بكافة ترادداتها .. مثل روادو قبل ... لكن رح مثلاً للمنطقة الشرقية وشف الفرق أو الغربية وناظر المهم أطلع من نجد ... وتبي الصراحة أنا عندي نفس المشكلة وأفكر أغير الرادو واركب شاشة وأفتك ...


أذكر مره كان عندي هايلوكس موديل 81 والمسجل حق بلاده خربان بالمره وقمت طقيت واحد من الغرابي بس ياهو والله رادو أنه يسوى الموتر نفسه .. تصدق كان يجيب مواجات الدوريات وصافي أصفى من أجهزة الدوريات نفسها ... قديمك نديمك


تحياتي ،،،



هههههههههههههه
اجل لاحق على هايلوكس 81 :)

طيب الشاشه اللي يقولون فيها خرائط ودي في دي رادوها يختلف عن الرادو ابو رفسه اللي راكب هالحين ؟؟

ودي اركب الشاشه بس ابي نفس الاصلية مع الكميره بس ابي اطلبها من برا عن طريق النت لأن هنااا تعرفون كل شي سعره بدل بسبب ارتفاع سعر الدجاج :)

[سحايب صيف]

السلام عليكم

انا حصلت الشغله هذي مع واحد من الشباب

واكتشفنا انها من التضليل

في انواع من التضليل تكون تاثر على الاستقطاب

والاريل عندك موجود على القزازه الثالث

فتاكد من نوع تضليلتك

لأن لما رجعناها للشركه اللي ضللت السياره

قالت فعلا النوعيه اللي ركبناها تاثر على الراديو

وحتى لو فيه جهاز جي بي اس كان اثارت على الاستقطاب

وغيروها له وصار بعدها اوكيه عنده

[سراج]

غريبه ياسحايب صيف !!
انا من اول يوم طلعت السياره والمشكله فيها قبل التظليل
شكل خويك بعد التظليل الرادو خلص شحنه :)

شكرا على التوضيح

[مركز جوانا]

اذا السيارة امريكية او العدد فردي لازم تمر محل مسجلات يبرمجه لك


:good2::good2::good2:100% ذا السب
بالامكان برمجتها بالجهاز الخاص بفورد
اسمهids vcm
لابد ان ايكون الجهاز محدث لتغيير الخواص
بالتوفيق