فزعة مشورة من مستخدمي شاص العز

[الجراد نت]

السلام عليكم ورحمة الله وبركاته
صباح الخير لأعضاء المنتدى وقرائه
ومبارك عليكم الشهر الفضيل
تكفون ياربع أنا من عشاق الشاص وشريت بريمي 2012 والحمد لله لكن مشكلتي مع كفراته شد بلده ( رفيعة وعضلة بالنفود وجنطه شنبر )
سؤالي لأهل الخبرة وش أفضل جنوط اركبها وافضل كفرات ممتازة للرمل والحجرة ؟وتراي تبهذلت كان معي شاص 2008وغيرت جنوطه كانت شنبر ، وشريت نيكل الفراشة وانكسر علي واحد منهن يوم بنشر ، وشريت بدالهن جنوط هلل تجاري وذبحن بالرجن ، بالعربي خساير لكن الحمد لله ، لذلك حرصت إني ما اعيد البهذلة من جديد ، بمشورت النشاما شروا من يقرا تكفون أشيروا عليه الله ييسر أموركم ويسعدكم ، ما دام كفرات الموتر وجنوطه جديدة
تحياتي للجميع

[السناعيس .f16]

وعليكم السلام
صباح الخير
افضل كفر معروف للجيوب و غيره دنلوب
وافضل جنط خفيف جي تي او خذ جنط حق فكس ار

[صياد الجبل]

السلام عليكم


اخوي عندك هالجنوط ممتازه جدا وهي تجي على الشاص والربع ابو رفارف


وانصحك فيها


http://www.mstaml.com/imagesData/i133988012780470031.jpg







بالنسبه للكفرات عاد مايحتاج دانلوب

[وبل نجد]

نصيحتي لك وانا من جربين الشاص

اشتر هلل جيديده وهذا اهم شي ولازم تاخذ ضمان عليها
والكفرات اللي على موترك مقاسها ٢٢٥/٩٥
اشتر ٢٤٥/٨٥ وخذ دنلوب او شاهين وافضل الشاهين

نصييييييحه من وااقع تجربه خذ شوري

[الجراد نت]

معذرة عن التواصل في الرد لقلة دخولي على النت
شاكر تفاعل النشاما وصدقهم في المشورهم
وحبيت استفسر عن الجنوط الهلل الأصلية هل هي بالوكالة فقط وكم سعرهن ؟

[صياد الجبل]

الجنوط الهلل تجي على جيب الاندكوزر ((G)) و ((GX)) شد بلد اصليه

شوف هالصوره

http://up.2sw2r.com/upfiles/oAA33068.jpg

ولو تروح عند عبداللطيف جميل قطع الغيار وتسلهم وتشوف اذا هي تركب على الشاص دون خرط

[كاسبر البقمي]

الجنوط الهلل بتكون نحيفة والكفر بيكون نحيف عشان الجنط وهاذي في البر ماش لكن في الحجرة زي ما قلت انت تمام

وانصحك زي ما قال اخوي صياد الجبل نفس الجنط حق الشاص ابو رفارف هاذي في البر ممتازة لانها عريضة وفي الحجرة لا بأس بها

[الجراد نت]

شاكر لكم تفاعلكم والله يسعدكم
تحياتي للجميع

[Salamah.y]

أفضل شكل , على الشاص , هي جنوط الجي اكس الديزل
معروفه عند البناشر , قل لهم جي اكس ديزل , ميزتها اصليه
يعني ان شاء الله بتسلم من الرجه ,, و أعرض من الشنبر شوي
و لكن ماهي عريضه حيل , ~ و شكلها جداً روووعه على الشاص
و الكفرات خذ دنلوب حجري ابو لبنه , اللي يجي على الجي اكس وكاله
اعرض من كفر الشاص , و ينفع بالبر و بالنفود لاباس فيه ~
و شف صورتها على الشاص ~ و اعتذر على عدم الوضوح

http://www.m5zn.com/uploads/2011/4/26/photo/042611030440xeytgw6lrub7.jpg

,

او زي ما تفضل احد الأخوان
خذ لك جنوط ابو رفرف , اصليات
ممتاز شكلها و خفيفة و بنفس الوقت تحمّل

,

مووفق @~

[عبرووود]

اخوي انصحك بجنوط الهلل الاصلية اسئل مجرب خذهن من البازعي وبرزهن عند المخرطة
والاركب جنوط شاص رفرف حلوت مرة كلهن مجربهن 100% للشاص ومريحات

[المسنلم]

الموضووع المهم0000000000 لييييش اسعار الكفرات وصلت للمواصيل ذي وفين و زرةالتجاره وحمايةالمستهلك عنها!
0والله شي عجيب مهم شاطرين غير بساهر والعذر لتقليل الحوادث !!
طيب حنا فدوله رقعتها كبيره طبعا اذا جيت تسافر جو عندنا افشل خطوط جويه بالعالم لاحجوزات ولاخدمات ووو00
والقطارات طبعا معدومه هالخدمه تقريبا عندنا ولااحد يدري ليييش على ان الدول الفقيره تعج بالقطارات وحنا ماعندك احد!
تجي بتسافر بسيارتك وهو الخيار الوحيد المتوفر لدينا000الطرق متهالكه00واغلبها زراعيه000وساهر لك بالمرصاد 00والكفرات غاليه!00وخذ حوادث ووفياات00الله يفرجه على المسلمين0000

[الجراد نت]

يا ملا العافية اشكر الغالين على الافادة والشور السديد
واعتذر مرة اخرة لعدم التواصل لخبرة المتواضعة مع النت
وارجوا تكرما من الشوالتية الافادة عن لو ركبت جنوط الرفارف
اولا وين احصل الاصليات ببريدة وسعرهن تقريبا ؟
ثانيا هل تركب كفرات البريمي شد بلده عليهن وهل هن مناسبات ؟ اكرر تقديري للجميع

[كبسولة2]

السلام عليكم


اخوي عندك هالجنوط ممتازه جدا وهي تجي على الشاص والربع ابو رفارف


وانصحك فيها


http://www.mstaml.com/imagesData/i133988012780470031.jpg







بالنسبه للكفرات عاد مايحتاج دانلوب


بارك الله فيك أخي صياد الجبل

نعم هذه أفضل جنوط للشاص 100%

[شاهين12]

السلام عليكم

انتبهو ياخواني



جنوط الشاص ابو رفرف وجنوط الكروم لها صواميل خاصه ومسامير مخصصه ايضا.

تجي مثل اللي بالصوره
http://www14.0zz0.com/2012/07/23/21/281707046.jpg (http://www.0zz0.com)

كنت مركب على موتري كروم ولاحظت ان الصواميل تفكك
دائم معي .

واكثر المسامير خربت وبعضها تكسر خاصه لاكنت تفك الكفر وتركبه.
اثناء تبنشار وغيره.
طبعا كنت مركب جنوط كروم المعروفه بالفراشه والصواميل تجي معها.
والغلط اني مركبها بدون تغيير المسامير.

رحت لوكاله تويوتا بعد ماراح كم مسمار ولقيت عندهم المسامير والصواميل نوعين حقت الشاص
جنوط شنبر وحقت جنوط الكروم ابورفرف.

بعدها اخذت مسامير جنوط الشنبر حقت وكالته.

وغيرت الجنوط هلل جدد ب 600ريال قبل سنه،وميزتها تركب نفس جنوط الشنبر .
مع ان جنوط الهلل اعرض من جنوط الشنبر بشي بسيط.
وتجي الهلل فئتها نوعين درجه اولى تتحمل الوزن تقريبا فوق طنين ،وهذي مركبها بموتري ممتازه جدا لارجه ولا شفت مشكله فيهن ومركب عليهن كفر شاهين الياباني.
وهذي صورة الجنط اللي مركبهن
http://www14.0zz0.com/2012/07/23/22/664250879.jpg (http://www.0zz0.com)

وفيه الدرجه الثانيه اقل جوده ولانصح فيهن.


واتمنى اني افدكم

[هات وخذ]

اخوي الجراد نت
الشهر عليك مبارك
ومبروك الشاص
والله يعطيك من خيره ويكفيك شره
لك رساااااله على الخاص ( مهم )

[الدليله1]

اهم شي قبل الكفرات فكبت مسامير الثلاجه لان ماكينة الشاص الي معك ماكينة برادو

[نواف685]

اذا انت بتدفع ولا تهمك الخساير انصحك بجنوط الديزل مقاس 16 حقات gx القديم يعني من موديل 2000 فما فوق وكفرات دانلوب جراند ترك