ارغب في السفر .... ساعدوني في اختيار وجهه

[محمدين عتريس]

السلام عليكم ورحمة الله

الاخوة الكرام ....

ارغب في السفر ان شاء الله في اجازة الربيع القادمه بين الفصلين

ومحتار وين اروح ...

طبعا باقي وقت بس الحجوزات لازم بدري والتخطيط والتنظيم للرحله

طبعا بدون عائله ....

( السعوديه لفيناها كلها ولله الحمد + الخليج كامل + الاردن + تونس + الفلبين +

اندونيسيا + سيرلانكا + )

اوربا ما تصلح في وقت اجازتي ( شهر يناير ... برررررررد + ثلج ما احبه )

لا تهمني الطبيعه ليست بالضروره

رشحوا لي دوله

[سعد بن مطلق]

وعليكم السلام ورحمة الله

ارشح لك اما

المغرب خصوصاً مراكش

او كيرلا بالهند

[محمدين عتريس]

وعليكم السلام

المغرب ×××××××××× لا والف لا مع احترامي لك

كيرلا .... احسنت ... الان اقرا في التقارير

[الخزز تقليد]

راح يم باكستان ولا منغوليا

[محمدين عتريس]

راح يم باكستان ولا منغوليا


هلا ومرحبا

ما ادلها تخاويني محفول مكفول

[الخزز تقليد]

هلا ومرحبا

ما ادلها تخاويني محفول مكفول


لا اخوي انا افضل السياحه الداخليه

[رااعي الفزعات]

الهند .. وجهةنظري
وياليت توضح مطلوبك وهدفك من الرحله ..
(طبيعه:تسوق:بحري:استكشاف..
وان شاء الله يفيدونك الشباب ..

[محمدين عتريس]

استكشاف في المقام الاول يعني تصادف طبيعه ... تسوق .... الخ

البحر لا اعشقه ... ولا احب الانشطه البحريه

[محمدين عتريس]

لا اخوي انا افضل السياحه الداخليه

الوطن على العين والرأس والحمدلله زرنا 90 % من مدنه الغاليه

بس سياحه ... ما عندنا الا السواط والحكير .... وشقق لاتملك من مقومات السكن

ادني معدل واليوم ب500 وكأنه معطيك اياها بلاش

ومدن الالعاب عندك 4 بزارين تدفع دخول على الواحد 20 ريال اقل شي

علشان تدخل شبك في 5 العاب والخمس دقايق ب 10 ريال

الله يحفظك عندنا ازمه في السياحه سويناها بانفسنا بمباركه من هئية السياحه

وشكرا لك

[مخترع ولكن]

وعليكم السلام ورحمه الله وبركاته


هلا ابو عتريس ..


شهر مبارك وكل عام وانت بخير ..


لقيتها لك دولة ما تحلم فيها وخصوصا شهر يناير وفبراير الجو فيها يكون رووووعه ...


اذا تبي .. سفاري .. اسواق .. اماكن سياحيه .. جنسيات من مختلف دول العالم .. اثار .. جبال ... وديان ..


شواطي .. تعليم .. ثلوج .. صحاري .. مهرجانات .. محيطات مو محيط .. طبيعة غير .. حدائق .. شلالات ..


سجون خخخ فيه سجن عالمي داخل جزيرة الحين صاير متحف للزوار .. وفوق ذا كله رخيصه ..


وفيها افضل جامعه بافريقيا والشرق الاوسط .. يعني الدولة مو متخلفة ..


بصراحة دولة قريت عنها كثير مع اني ما سافرت لها وان شاء الله مخطط اسافر لها ...


وان كان تبيني خوي ( محفول مكفول .. ابشر ) :)


بس انت توكل على الله ولا يردك الا كيبوردك وخلنا نطلع لها ..


الدولة هي


( جنوب افريقيا )


اقرا عنها وشوف بعينك .. لا تسمع كلام اللي يقول مافيها امن .. فيه سعوديين يروحون لها في شهر العسل ..


شاور نفسك واستخير .. والله يكتب اللي فيه الخير .. وان شاء الله تكون رحلة العمر ..


اذا قررت عطني خبر


..

[محمدين عتريس]

مخترع ولكن


السلام عليكم ورحمة الله

يشرفني خوتك في اي مكان


انا ما يهمني انتقاد الناس ... بعض الناس ما عندها ثقافة سفر


اهم شي يسافر لدوله غاليه ... والكل يعرفها


انا تهزأت يوم سافرت سيرلانكا ... وهي من اجمل دول العالم


جنوب افريقيا وجهه ممتاازه ومحترمه ...


بس من مقومات نجاح السفر لها من وجهة نظري ان يكون العدد لايقل


عن خمسة اشخاص


وانا معي واحد او اثنين فقط ....


اضف الى جنوب افريقيا كوجهه اخرى مماثله وقد تكون اجمل ( اديس ابابا)


وش رايك في ( الهند او تايلاند)

[دغيم1]

السلام عليكم ورحمة الله وبركاته
حياك الله أخوي
ابارك لك هذه الخطوة وهي:
التفكير المسبق والتخطيط المبكر للرحلة
الوجهة ضرورية والتأكد من سلامة الإختيار شيء أهم
من وجهة نظري إذا طول المسافات لايعني لك شيء
فعندك :
أستراليا او نيوزيلاند
بلد طبيعة وحضارة وتجد فيها المتعة
فيها الأمن
إلا أن مايعيبها
هو غلاء المعيشة هناك
وكذلك لاتنسى كوريا الجنوبية
وستجد في ماكتبه الأخوة عن رحلاتهم لتلك البلدان مايفيدكو يغنيك
تقبل تحياتي وامنياتي
اخوك / ابو فيصل
كوانزو - الصين الشعبية
تمنياتي لك

[محمدين عتريس]

ابو فيصل .... تحية طيبه وشكرا على المرور

ولي عوده على كلامك