ماهي الطريقة السليمة للمحافظة على القير الأتوماتيك في البرادو؟؟؟

[جبل قهقور]

السلام عليكم جميعا
أعرض خبرتي مع القير الاتوماتيك في الامريكي لعل يستفاد منها في البرادو وكذلك استفيد من الاخوان في الجوانب الي تخفا علي
1-في النزول من العقبات:
حسب خبرتي في الامريكي الاتوماتيك يكون التحميل في النزول على الفرامل والقير لاتعطيه نمر ثقيله خلي التحميل عليه خفيف مثل البرادو على رقم 4 حسب سرعتك. لما؟
الفرامل امرها بسيط يتغير القماش اذا تضررت اما اذا تضرر القير فهذي مشكلة!
مع التوقيف على فترات حتى يبرد الهوب ولاتولع الفرامل وتتجاوز المنحدرات الشديدة بسلام
2-الشد على السيارة في القومات يضر القير.
3-توقيف السيارة ثم وضع القير على البي ثم شد البريك يضر القير والصح اولا شد البريك حتى يمسك السيارة ثم التعشيق في البي لان تعليق السيارة وثقلها على القير يضره .
4-في حالة السفر وخصوصا اذا كان الخط فيه مرتفعات ولو متوسطة الافضل الا تشغل المثبت خصوصا اذا بدا القير يرجع نمر.
5-بالنسبة لزيت القير لاتستخدم الا الاصلي اما الزيوت الاخرى مثل التي تستخدم لعلبة الطارة تتلف القير.
6-صعود العقبات مثل الي بالجنوب لاتطلع بd حول على التغيير اليدوي وخل القير على رقم اربعة اذا بدا القير عندك يبدل نزله على ثلاثة وهكذا ولاتشد على السيارة وخلي دعستك فوق المتوسط
7- المحافظة على مستوى الزيت في القير وتغييرة والفلتر بانتظام .
ارجوا التعليق واعطاء المشورة من الاخوان ودمتم بخير.

[وزن بلوف]

جزاك الله خير

[رحال الجنوب 7]

اخوي فيه ملاحظه في الطلوع حسب كتلوج الوكاله حق البرادو يكون في الدي افضل لانه رايح يغير نمر وهذا الصح في النززول نمره ثقيله مع فرامل وانمير الظغط لايزيد عن ٤ ومشكور على الموضوع

[وضاح القمر]

طيب ﻻهنتوا.. أنا معي برادو 2012..

ومشيت عليه الآن 63 ألف.. وودي أغير زيت القير.. فاللي يعرف ويدلني على مكان معروف لبيع زيت القير وتغييره .. ﻻيبخل علينا..

وهل الأفضل .. تغيير زيت القير أم تغليقه ؟؟؟

[محمد البديري]

مشكور على موضوعك المفيد خصوصاً انا مقبلين على اجازة

عندي البرادو مافيه عيار لزيت القير ياليت تفيدونا كيف اشيك على مستوى الزيت

[ابوشاهه]

السلام عليكم جميعا
أعرض خبرتي مع القير الاتوماتيك في الامريكي لعل يستفاد منها في البرادو وكذلك استفيد من الاخوان في الجوانب الي تخفا علي
1-في النزول من العقبات:
حسب خبرتي في الامريكي الاتوماتيك يكون التحميل في النزول على الفرامل والقير لاتعطيه نمر ثقيله خلي التحميل عليه خفيف مثل البرادو على رقم 4 حسب سرعتك. لما؟
الفرامل امرها بسيط يتغير القماش اذا تضررت اما اذا تضرر القير فهذي مشكلة!
مع التوقيف على فترات حتى يبرد الهوب ولاتولع الفرامل وتتجاوز المنحدرات الشديدة بسلام
2-الشد على السيارة في القومات يضر القير.
3-توقيف السيارة ثم وضع القير على البي ثم شد البريك يضر القير والصح اولا شد البريك حتى يمسك السيارة ثم التعشيق في البي لان تعليق السيارة وثقلها على القير يضره .
4-في حالة السفر وخصوصا اذا كان الخط فيه مرتفعات ولو متوسطة الافضل الا تشغل المثبت خصوصا اذا بدا القير يرجع نمر.
5-بالنسبة لزيت القير لاتستخدم الا الاصلي اما الزيوت الاخرى مثل التي تستخدم لعلبة الطارة تتلف القير.
6-صعود العقبات مثل الي بالجنوب لاتطلع بd حول على التغيير اليدوي وخل القير على رقم اربعة اذا بدا القير عندك يبدل نزله على ثلاثة وهكذا ولاتشد على السيارة وخلي دعستك فوق المتوسط
7- المحافظة على مستوى الزيت في القير وتغييرة والفلتر بانتظام .
ارجوا التعليق واعطاء المشورة من الاخوان ودمتم بخير.
عندي عدة استفسارات ... انا اول مره اشتري اتوماتيك وابغى اعرف وش لون استخدم اليدوي ... هل اوقف السياره ؟ وكيف اختار النمره في اليدوي ؟ ... وبعدين اليدوي هل اقدر استخدمه زي القير العادي داخل المدينه والا كيف ؟ ... وابغى اسأل ولو طولت عليكم الدبل اللي يسمونه خفيف على شكل x اضغط الزر والقير التوماتيك في d والا كيف ؟ الصراحه ودي لو تتكرم وتشرح لي بالضبط كل شئ .. تراني وانا اخوك في وادي واتوماتيك في وادي !!!

[ابوغلاالقصيمي]

طيب ﻻهنتوا.. أنا معي برادو 2012..

ومشيت عليه الآن 63 ألف.. وودي أغير زيت القير.. فاللي يعرف ويدلني على مكان معروف لبيع زيت القير وتغييره .. ﻻيبخل علينا..

وهل الأفضل .. تغيير زيت القير أم تغليقه ؟؟؟


زيت القير يتغير على 80 الف

[ابوغلاالقصيمي]

عندي عدة استفسارات ... انا اول مره اشتري اتوماتيك وابغى اعرف وش لون استخدم اليدوي ... هل اوقف السياره ؟ وكيف اختار النمره في اليدوي ؟ ... وبعدين اليدوي هل اقدر استخدمه زي القير العادي داخل المدينه والا كيف ؟ ... وابغى اسأل ولو طولت عليكم الدبل اللي يسمونه خفيف على شكل x اضغط الزر والقير التوماتيك في d والا كيف ؟ الصراحه ودي لو تتكرم وتشرح لي بالضبط كل شئ .. تراني وانا اخوك في وادي واتوماتيك في وادي !!!


بدون ماتوقف وحتى لو انت تمشي فوق ال120 تحوله للعادي ماعندك مشكله

لأنك مجرد ماتحوله للعادي بيروح للترس الرابع يعني كأنك حاطه بالرابع

واذا بيغت تغير لنمره اقل رجعه للخلف

واذا تبي نمره اعلى حرك القير للأمام

ماله داعي تستخدمه بالمدينه لأن التماتيك اريح

حلاته بالبر

بالنسبه للدبل الخفيف فهو زر جنب فرار الثقيل عليه رسمة كفرات سياره بشكل X

تقدر تشغله وانت تمشي بسرعات بسيطه يعني ماتتجاوز 60 وتقدر تفصله وانت تمشي كمان

الأهم هو الدبل الثقيل

اذا جيت تشغله لازم توقف تماماً وتحطه القير ع N وتضغط ع الفرامل بعدين تفر فرار الثقيل

اذا دخلت للبر افصل التراكشن عن طريق ضغطه مطوله خمس ثواني للزر الموجود عند ركبتك اليمنى بتولع لمبتين بالطبول يعني فصل معاك

بالتوفيق لك

[مشلخ الذيب]

اضيف نقطة :
اذا جيت تنقل القير من N الى D أو R يجب ان تكون السيارة متوقفة تماما وتضغط فرامل عند التغيير