أفضل ورشه للبويه بمنطقة القصيم أو حائل

[جزاء الشمري]

السلام عليكم ورحمة الله وبركاته
مبروك عليكم شهر رمضان المبارك
سيارتي تعرضت لهبوب وتقشرت البويه الأماميه اللي تحت الزيك من ضرب الحصا .
فاللي يخبر لي ورشه رشتهم ممتازه يذكره لي وجزاه الله الف خير .

[ااابوعابد]

ورشـــه ســهــم الشارع الثالث صناعيه حايل


ورشــــه الحســــــــــــــــون القصيم

هذا والله اعلم وصلى الله وسلم على نبينا محمد

[جزاء الشمري]

بيض الله وجهك يابو عابد

[ااابوعابد]

بيض الله وجهك يابو عابد

ماسوينا شيء يالغالي

[خبايا انسان]

ورشة ابو فهد ايضا ممتازة بعنيزه

[Salamah.y]

عندك ورشة المركز السعودي بحائل
عماله تركية , شغلهم فن , و انا شخصيآ مجربهم , و الله يشهد على كلامي
صراحه ما تعيب على شغلهم , خصوصا ً تطبيق اللون يطبقونه لك صح ~

,

و فيه ورشة اسمها المستقلّه بحايل
ما جربت الشغل عندهم , و لكن يمدحونهم ماشاء الله

,

كل التوفيق ~

[المنيعي1]

ورشة الصملي بحايل
اعند المدير الباكستاني ﻷن فيه فرعين
شغلهم ممتاز

[جزاء الشمري]

الله يكتب لكم الأجر ويغفر لتا ولكم وجزاكم ربي جنة عرضها السماوات والأرض

[رااعي الفزعات]

ورشة الرسم
القصيم بريده .. الشارع التجاري
انا مجربهم ماشاء الله شغل مظبووط وسعرهم مناسب ..
وخصوصا مطابقة الصدامات للون يضبطونه وكاله ..
الله ييسر امرنا وانرك وكل مسلم ..

[حائل.]

المركز السعودي بعد ماتعدا سعود العبيد لقطع غيار السمكره وانت وجهك شرق للمعارض يجيك على اليسار المركز السعودي عامل اسمه متين تركي هو الريس حقهم اسال الله لنا ولك التوفيق.

[جزاء الشمري]

مشكورين يالطسبين وجزاكم الله كل خير ووفقكم .
جيت الحسون بعنيزه أسعارهم نار بالرغم أن القطعة اللي ناوي أرشه صغيره وهي الصاج اللي تحت الشبك فقط .
جيت ورشة ابو فهد بعنيزه سعره مناسب لكن يقول مزحومين ويالله تبي لك أسابيع حتى ياصلك الدور .
جيت ورشة السهم بحايل حصلت رشتهم ممتازه وسعر مناسب جداً وبيوم واحد وهي خالصة الشغله .
أكرر شكري وتقديري وأمتناني لكل من شارك وساهم في منفعة أخوانه وجزاكم الله كل خير .