ارجوا الإفادة للي جرب كفرات بالون ماكسس دفعة 2012

[ابو محمد543]

السلام عليكم

كيف حالكم

حبيت احط موضوع عن البوالين علشان كلن يستفيد وابي اللي جرب ماكسس الدفعه الجديدة 2012 يعلمنا لان فيه ناس مدحوهن وكل واحد يحط تاريخ الكفرات واي اسبوع ومقاس الجنط وملاحظاته عليهن طبعا 2012 لان اللي قبله2011 الفتنامي معروفه مشاكله وانا جربته اقسا مطب من التايوانيات ورجه ونقص هواء وتسلخ مع الوطية

الصراحه انا تعبت من التدوير في البوالين وعجزت احصل شئ نفس البالون الماكسس التايواني والانواع الثانية اللي يمدح واللي يسب وضعنا بينهم بالنسبة لي انا جربت المالون جنط16 الصراحه كفر فاشل ماأحس اني مركب بالون
1- قاسي مطبه اقوى من الكفرات المضلعه
2-اذا وقفت اربع ساعات وفيها يسفط الكفر لكن يالله يعتدل اوصل لبيتنا وهو توه وحتى لو قدمت السيارة شوي نفس السالفه بس يخف السفطه .
3-ثقيل على السيارة ويتشلخ مع الوطية.
بس ميزته شكل ورساوه

وفيه نوعين بعد البحث وناس مدحتهن لكن نبي اللي جرب
1-اكمي.
2-هنديات مدري وش اسمهن

[شبل نايف]

خذ لك كفرات بالون سيام وتوكل على الله

[جزاء الشمري]

والله ودي أركب لموتري ابو جمل ومتردد بسبب كلام الأخوان عنه ... مع ان اللي فيه الآن ابو جمل وله اربع شهور .

[ابو محمد543]

غريبة مافيه احد جرب 2012

[وجعين]

الي انا مركب فيتنام اول ماركبتهن قبل سنه ماهنا احسن منهن لارجه ولا بنشر اصلا هن معدومات البنشر نقص الهو صح لابطى واقف المهم لهن سنه هلحين ماخليت مكان لاسفر ولا بر هلحين يحتاج اغيرهن لان الي قدام حق الراكب ذبحن برجه ولانب مركب غيرهن بس انت تقول 2012 فيهن مشكله وشي المشكله يعني اركبهن جدد يرجن ولا وش القصه

[خبايا انسان]

والله احترنا ,, احدن يقول ركب ومامنها خلاف , واحدن يقول لا تركب ,,

عموما انا بركب والله يكتب الي فيه الخير

[ابو محمد543]

الي انا مركب فيتنام اول ماركبتهن قبل سنه ماهنا احسن منهن لارجه ولا بنشر اصلا هن معدومات البنشر نقص الهو صح لابطى واقف المهم لهن سنه هلحين ماخليت مكان لاسفر ولا بر هلحين يحتاج اغيرهن لان الي قدام حق الراكب ذبحن برجه ولانب مركب غيرهن بس انت تقول 2012 فيهن مشكله وشي المشكله يعني اركبهن جدد يرجن ولا وش القصه

اخوي اللي اقصده ان الماكسس الفتنامي فيه مشاكل من طلع وهو انه ينسم وينسلخ ورجه
والدعوه تراها توافيق حظك نصيبك انا شريت طقم فتنامي صادفني واحد ينسم بس والثلاثة الباقيات ماينسمن ,
وواحد منهن مافيه رجه ابد على المكينة حقت الترصيص يعطيني 50 والثلاثة الباقيات على 250-300

وسمعت من شخصين في احد المنتديات يتكلمون عن دفعه الجديده 2012 يمدحونهن ويقولون اخف رجة ولاينسمن مثل اللي قبل بس ابي اتأكد من هالمعلومه


والله احترنا ,, احدن يقول ركب ومامنها خلاف , واحدن يقول لا تركب ,,

عموما انا بركب والله يكتب الي فيه الخير

عز الله انا ضعنا لكن اخوي خبايا انسان الماكسس الفتنامي توافيق انت وحظك

واذا ركبت جدد 2012 ياليت تقولي رايك فيهن؟؟

[بدوي نمبر ون]

خذلك بالون سيام بس خذ 8 كاندس والله اني منصحلك وتلقا كلامي
والله يوفقك

[محب الهيف]

انا ركبت بلون فتنامي اخر اسبوع من 2011
الصراحه ماعجبني عيبة بالخط اما بالبر مشاءالله
والي يشتريهن يارسلني على الخاص
وهن اخوات الجديد

[ابو محمد543]

خذلك بالون سيام بس خذ 8 كاندس والله اني منصحلك وتلقا كلامي
والله يوفقك
حياك الله اخوي

بس المشكله ان البالون اسبام قاسي مطبه طبعا كلام ناس جربوا انا والله ماجربته
والبالون اذا صار قاسي وش الفايده

[ابو محمد543]

انا ركبت بلون فتنامي اخر اسبوع من 2011

الصراحه ماعجبني عيبة بالخط اما بالبر مشاءالله
والي يشتريهن يارسلني على الخاص

وهن اخوات الجديد

حياك الله
اكيد البالون ماراح يكون احسن من الكفرات العاديه في الخط

سؤالي عن 2012 فقط من ناحية ماينسمن هواء والرجه والليونه؟؟؟

[جزاء الشمري]

سؤالي عن 2012 فقط من ناحية ماينسمن هواء والرجه والليونه؟؟؟

[محب الهيف]

حياك الله
اكيد البالون ماراح يكون احسن من الكفرات العاديه في الخط

سؤالي عن 2012 فقط من ناحية ماينسمن هواء والرجه والليونه؟؟؟
والله ونا اخوك ماجربتهن مير ان شاء الله يفيدونك الاخوان

[وجعين]

انا اقول الي محتار يركبهن ولا لا اقوله ان كانك راعي بر ركبهن ولا تشاور احد والشتاء مقبل وهن يصلحن حتى للغشيم لانهن مايغرزن ابد والموتر صعب يتعلق لانهن يرفعن الموتر اما الي والله راعي سف ويتردد من ديره الى ديره مثلا موضف بالرياض وهله بحايل لا والله لا يركبهن ولا يقربهن ابد لانهن بعد الكرف مع الخطوط كم شهر ويبدن يرجن خاصه انهن مايتحملن القار والسرعه لانهن مخصصات لسرعه منخفضه بلعربي حقات ديره وبر

[جزاء الشمري]

سألت عن ابو جمل الماكسس الليلة بحايل يقولون 465 ريال صناعه 2012
ولقيت كفر فتنامي بالون نسيت اسمه لكن حول سايبر نفس السعر ويمدحه ابو يمن لكن خفت منه .

[ابو محمد543]

سألت عن ابو جمل الماكسس الليلة بحايل يقولون 465 ريال صناعه 2012
ولقيت كفر فتنامي بالون نسيت اسمه لكن حول سايبر نفس السعر ويمدحه ابو يمن لكن خفت منه .

اخوي جزاء النوع الثاني اخو الماكسس في الشكل لكن اسمه الظاهر بريسا فتنامي ماني متأكد من الأسم وونفس المشاكل اللي في الماكسس فيه على كلام واحد من الاعضاء


بالنسبة للبالون الجديد (( بريسا ))

يعطون عليه ضمان سنة

بس الاحظ عليه انه ينقص مع الجنط اسرع من القديم

[جزاء الشمري]

كلامك صحيح يابو محمد اسمه بريسا .... لكن من كثر مدح اليمني له أشتكيت أنه ماينفع .
يمني حاط رجل على رجل بمحله وش يدريه عنه .

[ابو محمد543]

كلامك صحيح يابو محمد اسمه بريسا .... لكن من كثر مدح اليمني له أشتكيت أنه ماينفع .
يمني حاط رجل على رجل بمحله وش يدريه عنه .
انحن ماوهقنا غي ابو يمن واشكاله

[بدوي نمبر ون]

طيب جرب الهيرو مادامك تقول السيام قاسي معني مالاحظت انه قاسي
ياقاسي

[بدوي نمبر ون]

نسيت اقول اجزم ولاتحتاسي

[ابو محمد543]

طيب جرب الهيرو مادامك تقول السيام قاسي معني مالاحظت انه قاسي
ياقاسي
حياك الله

سمعت ان الهيرو اخو المالون وانا مجرب المالون قاسي مطبه

[ابو محمد543]

للرفع
للرفع

[S3llo]

السلام عليكم
يالربع اسمعوا الكلام..فيه كفرات بالون اسمها.يونيلي.تراها جت بعد ما نقل ماكسس لفتنام
وتراها تايواني ممتازات واعرف اثنين من العيال مركبينهن ويمدحونهن مررررره
وشكرا..

[ابو محمد543]

السلام عليكم
يالربع اسمعوا الكلام..فيه كفرات بالون اسمها.يونيلي.تراها جت بعد ما نقل ماكسس لفتنام
وتراها تايواني ممتازات واعرف اثنين من العيال مركبينهن ويمدحونهن مررررره
وشكرا..
وعليكم السلام

حياك الله اخوي

طيب اليونلي لينات والا عضلات(قاسيات)؟؟؟

ومن ناحية الترصيص يحتاج ترصيص واجد زي الماكسس ؟؟؟

[التعـ King ـديل]

السلام عليكم ورحمه الله وبركاته

انا ماجربت ال 2012 لان الطقم اللي على موتري الان سيام تاير

لكن انا من مستخدمين كفر البالون الماكسس من سنوات صحيح التايواني لا يعلى عليه من ناحيه الصبر والتحمل وطول مده الاستخدام

ولكني جربت 2011 الفيتنامي لايختلف كثيرا عنه طبعا كثير من الناس يقول انه ينسم ومشاكله كثير انا اقولكم السبب ليش يصير كذا

معروف طريقه تركيب كفر البالون على الجنط متعبه لانه يحتاج الى شخصين لتركيبه وغالبيه البناشر اللي عندنا تلاقي ابو يمن يستعرض

بعضلاته انه قادر على تركيب البالون بمفرده وهذا يسبب عدم انتفاخ الكفر على كامل الجنط ويكون فيه زي التهريب من شفه الكفر

طبعا التهريب غير مرئي وتشوف الكفر وكانه طابق صح ولكن هذا الشيئ يسبب حاجاته كثيره منها تنسيم الكفر بشكل سريع ونقص الهواء فيه

يسبب رجه وعدم اتزان الكفر حتى مع الترصيص الارضي والحل اذا شفت البالون ينسم عندك كل فتره ولا يضبط مع الترصيص الارضي

تروح لاقرب بنشر وتقوله يفك الكفرات ويركبها من جديد وتنبه عليه الاهتمام بااطباق شفه الكفر على الجنط وعدم جرحها علشان ماترجع نفس المشاكل

وكلامي هذا يدل على ان العيب من طريقه التركيب وليس من الكفر نفسه لجميع كفرات البالون وليس الماكسس بس

[محطم عنيد]

حيرتونا والله يا إخوان

وش نركب؟؟

بالون ماكسس الفتنامي ؟ ولا بريسا إخوه ؟

ولا بالون ماركة ثانية ؟؟؟

الموتر باترول

ووش رأيكم ينفع جنط أبوهلل مقاس كم ؟ ولا جنوط سمبوسة (نجمة) ومقاس كم ؟؟


لاتبخلون علينا يا إخوان


شكرا لكم

[ابوسند9]

اخوي ابو محمد طيب ليه ما تبحث عن اللي يقول اخونا العضوs3llo وما دام انها تايواني اتوقع انها جيده.
واخوي كنج كيف حالك ومن زمان ما شفناك وان شاء الله انك طيب
وتعقيبا على كلامك غير صحيح وبعيد عن المنطق وطريقه التركيب مالها دخل وليه الناس ما كانت تشكي من البالون الماكسس الاول مع العلم انا كنا نخلي الهواء في البر احينا 10 ويجلس اسبوع ما نقص
عكس الجديد تحط فيه هواء 50 وبعد ثلاث ايام تحصل الكفر فيه 35

[ابوعلي M]

السلام عليكم
يااخوان تنسيم الكفر وحلول فيه عند محلات الزينه علبه 15ريال نزل الكفر صفر وعب نص العلبه انس انه ينسم
لن التنسيم من الجنط في كفرات البلون له مع اكثر من شهرين مانزل
وشكرا

[ابوعلي M]

غلط في الطباعة (محلول)
وشكرا

[تميم2222]

يقولون انها ضبطت لكن انا من رايي لا تاخذ الا متاكد وناس جربت ... مالك الا سيام تاير هذا رايي

[ابن عكاش]

للرفع للفائدة

[@قرناص@]

افضل حل لعدم تنسيم الكفر
تركيب لستك ياباني وهو مجرب وعملي جدا

[الكدن1]

السلام عليكم
مركب بالون ماكسس نوع يسمى ( بريزا)2012 من شهرين تقريبا
على جنوط باجيرو اصلي
لم اواجه اي مشاكل
لا تنسيم
لا رجه

[ابوسند9]

افضل حل لعدم تنسيم الكفر
تركيب لستك ياباني وهو مجرب وعملي جدا
اخوي ايش الفايده من تركيب اللستك انا مركب البالون عشان احط الهواء في الوعر 15
وانت تعرف البالون يدخل فيه مليون شوكه بس ومع ذا ما يبنشر
لكن لو ركبت لستك راح يبنشر في اول الشعيب

[ابوسند9]

ومافيه جديد اهم شي ابعدوووو عن الماكسس عموما سواء 2012 او 2030 حتى يرجع زي اول

[عاشق الحيسية]

السلام عليكم ورحمه الله وبركاته




انا ماجربت ال 2012 لان الطقم اللي على موتري الان سيام تاير


لكن انا من مستخدمين كفر البالون الماكسس من سنوات صحيح التايواني لا يعلى عليه من ناحيه الصبر والتحمل وطول مده الاستخدام


ولكني جربت 2011 الفيتنامي لايختلف كثيرا عنه طبعا كثير من الناس يقول انه ينسم ومشاكله كثير انا اقولكم السبب ليش يصير كذا


معروف طريقه تركيب كفر البالون على الجنط متعبه لانه يحتاج الى شخصين لتركيبه وغالبيه البناشر اللي عندنا تلاقي ابو يمن يستعرض


بعضلاته انه قادر على تركيب البالون بمفرده وهذا يسبب عدم انتفاخ الكفر على كامل الجنط ويكون فيه زي التهريب من شفه الكفر


طبعا التهريب غير مرئي وتشوف الكفر وكانه طابق صح ولكن هذا الشيئ يسبب حاجاته كثيره منها تنسيم الكفر بشكل سريع ونقص الهواء فيه


يسبب رجه وعدم اتزان الكفر حتى مع الترصيص الارضي والحل اذا شفت البالون ينسم عندك كل فتره ولا يضبط مع الترصيص الارضي


تروح لاقرب بنشر وتقوله يفك الكفرات ويركبها من جديد وتنبه عليه الاهتمام بااطباق شفه الكفر على الجنط وعدم جرحها علشان ماترجع نفس المشاكل


وكلامي هذا يدل على ان العيب من طريقه التركيب وليس من الكفر نفسه لجميع كفرات البالون وليس الماكسس بس




ياخوي بالنسبه للماكسس من يوم صار فيتنامي وهو دمار
والهوا ينقص..


فكيتها كم مرة عند البنشر وركبتها ثانيه مانفع
مع العلم إنها توافيق كفر ينقص وكفر لا...



ويازين السيام وبس ماينقص هواه
وأرسى....

[سعيد المعمري]

هلا

اخوي ما انصحك في الماكسس عمي جربها ولا مدحها

عليك في السايم تاير و عبية غالي وبعد يجي الهيرو .......... مجرد راي

[كريزي نت]

وش البالون الـ 17 الحلوو حالياً

الماكسس وينسم والمالوان والهيرو اللي ثقيل واللي مايرفع الموتر زين واللي ... واللي ..

ابي كفرات حلووه و عمليه في نفس الوقت ولاتنسم وراسيه وش تنصحون يهل التجربه ...؟

[عبدالرحمن81]

غريبه انا مركب لي سنه بوالين ابو جمل 2011

الحمد الله ما عمري اشتكيت منهم


لا رجه ولا شي

[هدفي قرناس]

والله مشكلة احتارو كل الناس بالبالون

[على رمشي تمشي]

انا ما اركب الا ابوجمل - الحين على موتري ابوجمل 2011 ممتازه جداً رغم ان خويي معي بالاستراحه يسبهن والحين ركب السيام - يارجال كل شى بهالدنيا توافيق - توكل على الله وركب الدنيا تجارب ياتخيب ياتصيب

[عاشق وسم]

حياكم الله جميع ..

أنا ركبت بالون ماكسس أبو جمل فتنامي 8 غاط .. تاريخها 2012 اسبوع 20 ..

إستخدمتها شهر ونصف ولا شفت منها اي خلاف الحمد لله .. ما تنقص أبد ..

والرجة رصصت أرضي عند العضيب وتقدر تقول راحت الرجة بنسبة 98%

طبعاً ألاحظ الرجه خفييييف على سرعه 90 الى 110

قبل كنت مركب نفسها تاريخها اخر 2011 وتنقص دايم كلما جيت أعبي بنزين امر البنشر أعبي هواء :D

توكل على الله وركب والدنيا حظوظ وتوافيق .. الله يوفق الجميع ..

[الصحافة 15]

بالون مكسس بريزا مجربها لي 4 أشهر ممتازة ولا تنسيم ولا تهريب

[رياح الشرق1]

يا الربع انا شريتهن ولا ركبتهن ماكسس قلت 2012 قلت لا فضيت اركبهن بس كلامكم شككني بهن مدري اركبهن ولا اردهن