اقتراح بخصوص تانكي الماء للسيارات ( هبوب الشمااال )

[هبوب الشمااال]

السلام عليكم ورحمة الله وبركااته


عندي فكره واقترااح بنفس الوقت عن توانك الماء للسيارات
رحت للصنااعيه قبل فتره ابفصل تانكي ماء وسالت عن اسعار الاستيل والالمنيوم والحديد ولقيت ان اسعاار الاستيل والالمنيوم اسعاارها ناااااار :f

واسعار الحديد رخيص بس مشكلته يصدي بخلال 6 شهور
وطلعت الفكره الي بقوله لكم الحين

سياراتنا معروف عنها انها حديد مضبوط :good2: بس ماتصدي لو جاها ماء لانها مرشوشه بويه :good:

الفكره انك ترش تانكي الحديد بويه من داخل التانكي وتخليه اسبوع عشان تروح رحية البويه وبعدين تفصل التانكي على كيفك

وان شاء الله اكون وصلت المعلومه وفهمتوا علي :D

وتراا هاذا مجرد فكره واقترااح والله اعلممم

[يكفيني نظرة]

يبي لك بويه وعازل ويمكن قار ..
لكن فيه فكرة تلبيس الحديد زي خزان البيت الارضي؟

[do7my]

طيب مع اللحام تطير البويه ;)

الصدا أغلب شي يكون مع أماكن اللحام

أما الصاج مهوب يخالف

[هبوب الشمااال]

يبي لك بويه وعازل ويمكن قار ..
لكن فيه فكرة تلبيس الحديد زي خزان البيت الارضي؟

فكره جديده وممتازه الف شكر لك

[هبوب الشمااال]

طيب مع اللحام تطير البويه ;)

الصدا أغلب شي يكون مع أماكن اللحام

أما الصاج مهوب يخالف

كلامك صحيح 100٪100 اشكرك على توضيحك

[كبسولة2]

فكرتك حلوه

فصل التانكي الي تبي بعدين رشع قار كاااامل وخله ينشف بعدها

رشه بوية زيتية وبإذن الله مايصدي

[هبوب الشمااال]

فكرتك حلوه

فصل التانكي الي تبي بعدين رشع قار كاااامل وخله ينشف بعدها

رشه بوية زيتية وبإذن الله مايصدي

بيض الله وجهك وهاذي اعتبرها شهاده منك 1000شكر لك :good:

[تميم2222]

جربنها ومانفعت وحطينا عوازل .. وبويات المشكله انها تطعم بالمويه .. وفوق هذا كله الضربات اللي تجي التانكي تطيح البويه الداخليه وتسبب الصدى مبااااشره ^_^ تقبل مروري الالمنيووووم وبس

[sameer_1798]

طيب ويش الازين تحت الجيب المنيوم او استيل وين يباع المستعمل النظيف ؟

[جزاء الشمري]

فصل لك توانك ألمنيوم وأرتح يابعدي بلا قولت صدأ أو طلع له ريحه .... بدل ماتخسر على هالحديد اللي ماينفع عليك بالأستيل أو الألمنيوم .

[ابوصطيف]

المنيوم وريح راسك
عندي المنيوم ظهر واقف راكب على فورشنر ياخذ حول 80 لتر
اذا لك نظر لاني ببيع الموتر

[do7my]

طيب ويش الازين تحت الجيب المنيوم او استيل وين يباع المستعمل النظيف ؟

الحديد ميزته رخيص والأكثر تحملاً للضربات ويعطيك مجال اوسع في التفصيل (من ناحية الزوايا والكسرات وغيره)
بس عيبه الصدا
ولا يقربه موية تحليه
ان عبيته موية تحليه فإكتب عليه السلام
عن تجربه


الستيل مافيه كلام بس
بس عيبه الغلااااء الفاحش يعني اذا بتفصل تحت الجيب مستحيل تحصل بأقل من 1500 ريال
عيبه يتشقق مع الضربات بسرعه يعني اقل تحمل من الحديد

الألمنيوم السعر حليل يعني بتحصله في حدود 1000 إلى 1200 ألمنيوم 3ملم راكب وملبس عازل بعد ويحطون لك تحته صاجة حماية حديد وشيالات حديد ومايطعم ولا شي
اشوفه الخيار الأنسب
عيوبه اذا صرت بتفصله مسدوح في الشنطه مايصلح تحمل فوقه ضعيف شوي بينكسر
مايعطيك مجال في التفصيل من ناحية الزوايا والكسرات (اللحام الواجد يضعفه يفضل يكون تطعيج كله)
اما تحت الموتر يلبسونه لك عازل ويحملونه على صاجة حديد تحته ومايضره شي بإذن الله


الورش اللي تشتغل التوانك الألمنيوم في الرياض:
1- اليحيا خلف مقبرة النسيم
2- المميز في صناعية الدائري
3- سوافي

بعد بحث ومقارنات بين الورش الثلاث اللي ذكرت عشان افصل تانكي تحت السياره على اف جي

استقريت وركبت عند سوافي للأسباب :
1- السعر (المميز 1250 بدون تلبيسة عازل - اليحيا 1200 شامل كل شي بضمان - سوافي 1050 شامل كل شي بالضمان)
2- الجاهزية (المميز تفصيل يجلس الموتر عنده يومين - اليحيا تفصيل يجهزه لك بعد يومين - سوافي تحصله عنده جاهز ريوس عالحفره وركب)
3- الضمان (المميز بدون ضمان - اليحيا ضمان مدى الحياة - سوافي ضمان 10 سنوات)
4- جودة التفصيل والتركيب ( المميز ماشفت تفصيله وتركيبه - اليحيا كسراته واجد ولحامه واجد ونازل من جهة الدفرنس يعني راكب بميول يعني واضح شوي من تحت - سوافي اغلبه تطعيج واللحام من جهتين بس ، نازل شوي سنتي واحد تقريبن من جهة الصدام الخلفي بس راكب متواسي مافيه ميول)
5- الحجم ( سوافي حوالي 92 لتر - اليحيا 90 لتر - المميز 85 لتر)


واللي يبي يركب ستيل عنده ورشة المواهب في الصناعية القديمه بـ 1800 ريال
وورشة المميز في صناعية الدائري 1750 ريال


الأسعار هاذي على تانكي اف جي
اللاند كروزر ماسعرته

[قناص*07]

مركب ستيل على شاص و صالون من 3 سنوات عند المواهب ممتاز ولا به عيب

الالمونيوم الناس تخاف منه لانه قد يضر الصحه مع الزمن ( استعمالنا له في القدور في القصدير وفي باقي الاواني ما يخوف!!!!! هههههههه)

[تميم2222]

شف فيه محل اسمه السوافي ... يجهزها تحت للباترول ولاند كروز المنيوم ..ويسوي لها بطانه وايضا يركب صاج حامي لضربات يمكن يعجبك ... ان شالله ..وانتبه لا تشتغل عنده تمديد كهرب تراه خرب من تالي ... بتوفيق خيووو ^_^

[هبوب الشمااال]

بيض الله وجيهكم يالربع ولاهنتوا على المرور :good2:

[رساوي جارح]

مشكور اخوي هبوب الشمااال موضوع مميز ويثير من حوله تسالات ووجهات نظر مختله ومتعدده اتمنا ان تعم ايجابياتها الجميع

[رساوي جارح]

عذراا وجهات نظر *مختلفه

[هبوب الشمااال]

مشكور اخوي هبوب الشمااال موضوع مميز ويثير من حوله تسالات ووجهات نظر مختله ومتعدده اتمنا ان تعم ايجابياتها الجميع

المقصد من هاذا اخي رساوي جارح ان نستفيد من خبراتنا وافكارنا
وجهت نظر احترمها :good2:

[فيصل البهيشي]

ابو صطيف التانكي يركب على الاف جي ؟ ارسلي له صورة على الخاص لأهنت مشاركاتي تحت ال50 مقدر ارسلك خاص

[براري القصيم]

من واقع تجربة تانكي الحديد أبو نجمة مايصدي لكن لابد يكون دايم فيه ماء ولو قليل لأنه إذا خلص الماء وترك فارغ صدأ

[هبوب الشمااال]

من واقع تجربة تانكي الحديد أبو نجمة مايصدي لكن لابد يكون دايم فيه ماء ولو قليل لأنه إذا خلص الماء وترك فارغ صدأ

كلامك صحيح جدا :good: ولاكن حديد ابونجم منقطع من فتره طوووويله
اشكرك على افادتك :D

[كاشت بالبر]

اذا بتشرب منه

الصحة والعافية :)
اهم واغلى من الفلوس

[sameer_1798]

الحديد ميزته رخيص والأكثر تحملاً للضربات ويعطيك مجال اوسع في التفصيل (من ناحية الزوايا والكسرات وغيره)
بس عيبه الصدا
ولا يقربه موية تحليه
ان عبيته موية تحليه فإكتب عليه السلام
عن تجربه


الستيل مافيه كلام بس
بس عيبه الغلااااء الفاحش يعني اذا بتفصل تحت الجيب مستحيل تحصل بأقل من 1500 ريال
عيبه يتشقق مع الضربات بسرعه يعني اقل تحمل من الحديد

الألمنيوم السعر حليل يعني بتحصله في حدود 1000 إلى 1200 ألمنيوم 3ملم راكب وملبس عازل بعد ويحطون لك تحته صاجة حماية حديد وشيالات حديد ومايطعم ولا شي
اشوفه الخيار الأنسب
عيوبه اذا صرت بتفصله مسدوح في الشنطه مايصلح تحمل فوقه ضعيف شوي بينكسر
مايعطيك مجال في التفصيل من ناحية الزوايا والكسرات (اللحام الواجد يضعفه يفضل يكون تطعيج كله)
اما تحت الموتر يلبسونه لك عازل ويحملونه على صاجة حديد تحته ومايضره شي بإذن الله


الورش اللي تشتغل التوانك الألمنيوم في الرياض:
1- اليحيا خلف مقبرة النسيم
2- المميز في صناعية الدائري
3- سوافي

بعد بحث ومقارنات بين الورش الثلاث اللي ذكرت عشان افصل تانكي تحت السياره على اف جي

استقريت وركبت عند سوافي للأسباب :
1- السعر (المميز 1250 بدون تلبيسة عازل - اليحيا 1200 شامل كل شي بضمان - سوافي 1050 شامل كل شي بالضمان)
2- الجاهزية (المميز تفصيل يجلس الموتر عنده يومين - اليحيا تفصيل يجهزه لك بعد يومين - سوافي تحصله عنده جاهز ريوس عالحفره وركب)
3- الضمان (المميز بدون ضمان - اليحيا ضمان مدى الحياة - سوافي ضمان 10 سنوات)
4- جودة التفصيل والتركيب ( المميز ماشفت تفصيله وتركيبه - اليحيا كسراته واجد ولحامه واجد ونازل من جهة الدفرنس يعني راكب بميول يعني واضح شوي من تحت - سوافي اغلبه تطعيج واللحام من جهتين بس ، نازل شوي سنتي واحد تقريبن من جهة الصدام الخلفي بس راكب متواسي مافيه ميول)
5- الحجم ( سوافي حوالي 92 لتر - اليحيا 90 لتر - المميز 85 لتر)


واللي يبي يركب ستيل عنده ورشة المواهب في الصناعية القديمه بـ 1800 ريال
وورشة المميز في صناعية الدائري 1750 ريال


الأسعار هاذي على تانكي اف جي
اللاند كروزر ماسعرته
جمل الله حالك يا do7my وبيض الله وجهك
شرح وافي ماشاء الله عليك

[هبوب الشمااال]

اذا بتشرب منه

الصحة والعافية :)
اهم واغلى من الفلوس



عزالله انك صادق اهم شي الصحه والعافيه .... اشكرك

[ksa 8888]

تنكى حديد وخله يلحمه بلحم استيل :r:l:f:c:lr

[ياسر السليم]

السلام عليكم اخوي فكره خطيره وأنتبه انك تسويها لأن البويه مهما كان يكون طعمها في الماء والبويه اللي بترش بها الحديد لازم يكون معها مواد كيميائيه ممكن تكون مسرطنه او مواد ضاره للكبد او للكلى لأن التانكي هو للغسيل والشرب والطبخ ففي هذه الحاله ازيد 500 ريال لصحتي وراحتي وللبيع في المستقبل وللزمن البعيد أن الله أعطاني وأياك عمر
(لاتخاطر في مثل هذه الأشياء صحتك تسوى أموال الدنيا)