وش تنصحوني برادو ام سكويا

[بو رؤى]

السلام عليكم

اخوكم عزم على شراء سيارة جديدة
ومحتار بين

برادو

و

سكويا

علما انني :

1- صاحب بر قليل
2- صاحب خطوط سفر
3- عائلة 5 افراد
4- يهمني اسعار قطع الغيار
5- يهمني مسك السعر عند البيع
6- لست صاحب تبديل سيارة كل 4 سنوات بل قد تجلس عند السيارة ان كانت زينه 15 سنة http://www.toyota4arab.com/forum/images/smilies/SnipeR%20%2813%29.gif
7- يهمني راحت المقاعد



=================

هل سوف يكون تغيير في الشكل والمواصفات

بين موديل 2012
وموديل 2013


اشكر مقدما كل من تفضل بالنصيحة لي

[قناص2000]

والله يعطيك العافية ياخوي والله بالنسبة لموضوعك يحير ليه انا افضل البرادو بس مهب الجديد اي موديل 2009 وتحت وسته سلندر المكينه راس واحد اما السكويا من يوم مانزلت غسلت يدي منها لانها من غير دبل وبعدين جت بالايام الاخيرة الدبل بها لكن مهب زي دبل البرادو تروس وليست محركات وفالك التوفيق ياخوي

[ابوصالح3]

ياخوي السكويا حقت عايله وثقيلة وشكلها بقرة ,,,,, خذ البرادو خفة وقوة ورساوة ورهيب


اسأل الله ان يبارك لك بالسيارة مقدما ,,,,, وان يبارك لك فيما تبقى من رمضان ويجعلنا واياك من صوامه وقوامه

[ناصح]

مقارنة غير عادلة

لو قارنت بين السكويا والتاهو اليوكن نقبلها

لكن برادو اصغر من اللاند تقارنه بسكويا ...!!!

عموما إذا العائلة 5 اشخاص كبار البرادو ما يزبن صغير

وإذا العائلة 5 وفيهم أطفال وانت تقول أن السيارة تطول معك خذ سكويا لأن الاطفال يكبرون بسرعة وتضيق السيارة ويكثر العفش

والسكويا مع أكثر من شخص أعرفهم وما عليها كلام ممتازة وراحة وقوية ومناسبة جدا للسفر ..

ولا تنس الاستخارة وربي يوفقك إن شاء الله

تقبل تحيتي

[بو رؤى]

جزاكم الله خيرا على النصيحة
وبارك فيكم
وهل فيه فرق بين موديل 2012 و 2013

[قناص الأشهب]

أنت أخترت موترين مختلفين عن بعض
ولكن على وضعك وعدد العائلة البرادو ماينفع لك لأنه أصغر من المأمول مع أن هذا الموتر أنا معجب فيه جدا
ولكن خذ لك سكويا طيبة وتشيلكم كلكم ونت مرتاحين
عسى الله ييسرلك ما فية خير لك وأن يرزقنا وياك رضاه والجنة

[بآوزير]

خذ برادو خليجي فل كامل تانكيين دبل اكيد خطوط لون لؤبؤي فتحة جلد شاشة = رزة + قوة + رساوة

[راعي جملاء]

انحش عنهن كلهن خساره تحط فيهن ريال واحد

[عام1433]

اخوي الله يوفقنا واياك لميحب الله ويرضى

ابقولك تجربتي عندي لاندكروزر وعندي سيكويا
السيكويا عندي افضل بالف مرة من الاندكروزر بالنسبة لسيكويا عزم ماشاء الله رساوة و ثبات وسعة و تكييف ممتاز و كماليات اخرى تتفوق على الفكسار
بالنسبة للبر فهي بوجهت نظري مثل الاندكروزر ومع الرمال افضل من الاندكروزر(بشرط تركيب فاصل تركشن خاصة لرمال قيمته مع التركيب 169 ريال )

العيب الوحيد : ووقته بالليل نزولها مع التحميل مما يجعل الناس يتأذون من النور ولو كان النور القصير

[0راعي الجبيل0]

انحش عنهن كلهن خساره تحط فيهن ريال واحد


ليه خسارة ..
جيب سيارة واحدة اقل تكاليف استخدام بعد عشر سنوات ..لنقول خمس سنين ..

لاتقول الشكل ومالشكل والكماليات فالهدف من السيارة انها وسيلة وليست غاية ..

ماعندي اصرف على السيارة شهريا مع عيالي ..

جربنا كل الانواع ..ولالقينا موتر اقل تكاليف استخدام مثل محركات التويوتا ..

الفورد ابو ثلاجة والجمس ابو طرمبة ..يابنزين ..والحين زيت ..

[ابو الجموس]

عليك بالسكويا كلن مع الوالد يمدحونه الناس ويمسك سعره وشيلكم كلكم

[بومحمد1]

السلام عليكم وتقبل الله طاعتكم وصيامكم

يا جماعة الخير وش تشورون علي اشري سكويا ولا يوكن ؟
قطع الغيار وش ارخص اليوكن ولا السيكويا ؟
صرفية البنزين وش ارخص اليوكن ولا السيكويا ؟
وجزاكم الله خير

[0راعي الجبيل0]

السلام عليكم وتقبل الله طاعتكم وصيامكم

يا جماعة الخير وش تشورون علي اشري سكويا ولا يوكن ؟
قطع الغيار وش ارخص اليوكن ولا السيكويا ؟
صرفية البنزين وش ارخص اليوكن ولا السيكويا ؟
وجزاكم الله خير


قطع الغيار وصرفية البنزين والصيانة الممكنة في اي مكان ..

كلها من صالح اليوكن فلا يوجد منافس لليوكن من ناحية قطع الغيار وتوفرها ورخصها وصرفية البنزين الا الفورد الاكسبيدشن ..

السكويا الميزة الوحيدة فيه هي الرحابة الداخلية والاعتمادية وتحمله لحرارة الصيف ..

[الحزوبر]

سكويا ورح لهلك محرك ضخم ومركب وسيع ولك وللزمن

[muhajer]

بالنسبة لوضعك , ودام ميزانيتك في حدود اسعار السكويا والبرادو, وتبي موتر عملي وكبير و "مريح",,,,, ارشح لك فورد اكسبديشن القصير .

مر وكالتهم وجربه وجرب مركبه ,,, والله يكتب الخير في اللي بتشتريه.

[عاشق اكستريما]

انصح بالبرادو
وتقبل مروري

[قلب مكشات]

اتوقع السكويا عائلية بجدارة وترا كلهم تويوتا في النهاية يعتمد عليهم وعليك بلاستخارة اولا واخيراً

[مياس الحربي]

البردو افضل شي

[بو رؤى]

لكل من شارك برأيه ونصيحته

اقول جزاكم الله خيرا


لكل هناك فرق سكويا بين موديل 2012 وموديل 2013

[سلطان الغدرا]

الاستخارة قبل كل شيئ وبالنسبه لي ارشح لك السكويا وله مع الوالد الله يطول بعمرة على الطاعه سنه ونص موتر تفوق بالمقارنه على البرادو والفكسار

[Abukhaled-503]

ياخوي السكويا حقت عايله وثقيلة وشكلها بقرة ,,,,, خذ البرادو خفة وقوة ورساوة ورهيب


اسأل الله ان يبارك لك بالسيارة مقدما ,,,,, وان يبارك لك فيما تبقى من رمضان ويجعلنا واياك من صوامه وقوامه


والله يعطيك العافية ياخوي والله بالنسبة لموضوعك يحير ليه انا افضل البرادو بس مهب الجديد اي موديل 2009 وتحت وسته سلندر المكينه راس واحد اما السكويا من يوم مانزلت غسلت يدي منها لانها من غير دبل وبعدين جت بالايام الاخيرة الدبل بها لكن مهب زي دبل البرادو تروس وليست محركات وفالك التوفيق ياخوي



الظاهر ماقريته وضعه زين !!

ماهب راعي طلعات بر كثيرة
راعي خطوط
عنده عائلة تتكون من 5 افراد

ونصيحتي السكويا مافيه مثلة
وبخصوص قطع الغيار هي على القطعة المتعطلة
وحلوه اسعار قطع الغيار

من رايي سكويا

[ابونبيل]

انا اقول الاسكبدشن سعره ستاندر دبل 116الف موتر ممتاز مريح وفي البر ممشاه حلو والراحه مايحتاج فورد

[سيوف الدهناء]

السكويا
خطييييير

كأنك تسوق سيارة صغيرة
لفته خفييييفة دعسته اخفففف
يعني خفييييييييف نفس ووسيع ومكينة جبارة

[Shqra]

بإختصار شديد راح أتكلم عن نقطة إن السيارة تطول معك وتجلس فترة طويلة

الجواب :
براااو ومافيه أمل السيكويا يصف مع البرادو من ناحية طول العمر لأنه ياباني مئة بالمئة بينما السيكويا تصميم أمريكي

البرادو بيثبت سعره + إذا حافظت عليه بيجلس معك لو 20 سنة في أفضل حال بإذن الله
أهم شي برو وارد الساير + سبير علاق ولك إختيار المحرك 4.0 أو 2.7 مع إني أنصحك ب 2.7 إذا إنت مو راعي بر وإقتصادية وقطع غيارها متوفرة وسهل إصلاحها

[ابوعبدالعزيز]

علما انني :

1- صاحب بر قليل السكويا افضل لك
2- صاحب خطوط سفر السكويا افضل لك
3- عائلة 5 افراد السكويا اوسع واريح
4- يهمني اسعار قطع الغيار كلاهما بنفس الاسعار
5- يهمني مسك السعر عند البيع البرادو افضل من السكويا في البيع
6- لست صاحب تبديل سيارة كل 4 سنوات بل قد تجلس عند السيارة ان كانت زينه 15 سنة http://www.toyota4arab.com/forum/images/smilies/SnipeR%20%2813%29.gif اذا النقطه رقم 5 لاتهمك

7- يهمني راحت المقاعد السكويا هنا هو الرابح

نصيحتى اذا كنت تقدر على اللاندكروزر فهو الافضل

[yes999]

الله يسامحك تقارن البرادو بالسيكويا - كانك تقارن شقه ب فله - عموما السيكويا عن تجربة وبعد بحث وحيره بين التاهو واليوكن والسيكويا - وجدت السيكويا افضل بمراحل - اما حكاية انه ينزل سعره - اختلف معك الناس ماتعرف هالسياره لانها من 2009 نزلت السوق السعودي والحين اشوفها بكل شارع - بتشتريها وتلقى بعد 5 سنوات يعرفونها اكثر من الكامري - وقتها يكون لها شعبيه وتمسك سعرها .. مثل الفورتشنر زمان الناس ماتعرفه والحين غير وقت نزوله كان 2006 لاول مره بالسعوديه .. عيبها البنزين تصرف شوي .. والله يكتب لك الخير

[أبوبشير العنزي]

السلام عليكم وتقبل الله طاعتكم وصيامكم

يا جماعة الخير وش تشورون علي اشري سكويا ولا يوكن ؟
قطع الغيار وش ارخص اليوكن ولا السيكويا ؟
صرفية البنزين وش ارخص اليوكن ولا السيكويا ؟
وجزاكم الله خير


تويوتا ذهب 24 وشيك في جيب . هذا كلام عملاقة السيارات.

[أبوبشير العنزي]

انا اقول الاسكبدشن سعره ستاندر دبل 116الف موتر ممتاز مريح وفي البر ممشاه حلو والراحه مايحتاج فورد

ابعد عن الفورد سيارة خرابها كثير والكترونية كثير وقطع غيارها غالي وسعر بيعها مشكلة كبيرة.
التويوتا جبار ويفوق الفورد كثييييييييييييييييييييييييييييييييييييييير


الفورد خمس سنوات يخدم معاك والتويوتا يخدم معاك 20 سنة .

[شاووش]

صراحه مقارنه غير عادله
انت نطيت من فئه لفئه اخرى
وصوتي للسكويا معى اني ماجربته
وانصحك تطلع على اليوكن والتاهو ,
من وجهة نظري انها افضل من السكويا ..

[حزوبر]

رغم اني ما ارتحت للسكويا لكنها أفضل من البرادو لصاحب العائلة البرادو موتر شبابي وسعره خيالي
السكويا افضل من الفورد لكن عليك ان تعرف انه وسيلة وليس موتر ترزز
لو كنت بشتري موتر لعائلة لا شك ان اليوكن موتر وهو خياري الأول والأخير

[كومبو]

السلام عليكم




اخوكم عزم على شراء سيارة جديدة
ومحتار بين


برادو


و


سكويا


علما انني :


1- صاحب بر قليل فالسكويا أكثر من رائع
2- صاحب خطوط سفر فلا مقارنة السكويا أفضل
3- عائلة 5 افراد طيب خلال الـ 15 سنة القادمة أكيد بيزيدون الله يخلي لنا لك يا رب
4- يهمني اسعار قطع الغيار قطع غيار السكويا الاستهلاكية نفسها نفس الـ VXR/LX570
5- يهمني مسك السعر عند البيع اللي بيستخدم أكثر من 10 سنوات فما يهمه مسكة السعر
6- لست صاحب تبديل سيارة كل 4 سنوات بل قد تجلس عند السيارة ان كانت زينه 15 سنة http://www.toyota4arab.com/forum/images/smilies/SnipeR%20%2813%29.gif خلال تجربتي لـ 3 سنوات يعيش أكثر من 10 سنوات
7- يهمني راحت المقاعد لا مقارنة فرق راحة المقاعد بشكل واضح




=================


هل سوف يكون تغيير في الشكل والمواصفات


بين موديل 2012
وموديل 2013




اشكر مقدما كل من تفضل بالنصيحة لي


الشكل إن شاء الله 2015-2016 ويمكن التغيير يكون طفيف مثل الفرق بين 2011-2012 للاند كروزر والفوتشنر والهايلوكس
المواصفات مهما كانت ما تخليني أترك العرض اللي على 2012 وأشتري 2013
العرض خصم 15.000 ريال على 2012

أنا أكلمك عن تجربة
معنا سكويا وهذي تجربتي لها http://www.mekshat.com/vb/showthread.php?t=531666
ومعنا GX 460 اللي ما يقارن بالبرادو أصلًا
http://automobill.ru/wp-content/uploads/2011/10/leksus-gx-460-video.jpg

[كومبو]

السلام عليكم وتقبل الله طاعتكم وصيامكم

يا جماعة الخير وش تشورون علي اشري سكويا ولا يوكن ؟
قطع الغيار وش ارخص اليوكن ولا السيكويا ؟
صرفية البنزين وش ارخص اليوكن ولا السيكويا ؟
وجزاكم الله خير

وعليكم السلام

أشور عليك بالسكويا
http://www.mekshat.com/vb/showthread.php?t=531666 (http://www.mekshat.com/vb/showthread.php?t=531666)
قطع الغيار السكويا أرخص بلامنازع وتوفرها أكثر
الفحمات وفلتر الزيت والفلتر الهواء وفلتر المكيف والهوبات والجنوط وفلتر زيت القير وأي قطعة ميكانيكية أو كهربائية للقير والماكينة مشتركة للسكويا وvxr و lx570

صرفية البنزين اليوكن يتفوق فيها
السكويا 100 لتر يمشيك داخل المدينة من 450-500 كلم حسب سواقتك
وفي الخطوط 550-600 كلم
اليوكن 98 لتر يمشيك داخل المدينة 550-600 كلم
وفي الخطوط 650-700 كلم

[hilux2002]

السكويا افضل بكثير عن البرادو
بحسب التجربة معي 2011 ماشاء الله مريح ودبل

[البدراني11]

والله يعطيك العافية ياخوي والله بالنسبة لموضوعك يحير ليه انا افضل البرادو بس مهب الجديد اي موديل 2009 وتحت وسته سلندر المكينه راس واحد اما السكويا من يوم مانزلت غسلت يدي منها لانها من غير دبل وبعدين جت بالايام الاخيرة الدبل بها لكن مهب زي دبل البرادو تروس وليست محركات وفالك التوفيق ياخوي

مكينة البرادو راسين 4000
من عام 2003 الى 2012
يعني مكاين الفكس ار والاف جي والربع والفورشنر التالية كلها مكاين برادو

[aham707]

برادو ولاتشاور مره هذا ياباني والسكويا امريكي