استفسار يأخوان عن جيب الربع نيسان ((سلقه))

[القصيعة]

بسم الله الرحمن الرحيم
السلام عليكم ورحمة الله وبركته
أعذرون يأخوان لي مدة ما شركت معكم في هالخيمة ولاأشرك اللى للحاجة لاكن غديكم أن شاء الله تقدرون الضروف

عندي استفسار عن جيب الربع النيسان - سلقه - هل هو زين وتمدحونه لي لأني أبيه للبر والسفر وماهي أسعاره وما هي أختلافات أنواعه واللون الزين والمرغوب وهل قيمته تطيح بعدين وهل هو يسرف بنزين لأن الباترول معروف عنه زيادة الصرفية وعن الأسعار للجديد والمستعمل

أدري أني كثرت الهمق (( الكلام )) لاكن كل واحد يدلي بدلوه.


أبوعبدالله

[باترول 4×4]

وعليكم السلام ورحمة الله وبركاته
سأدلي بدلوي ( حسب معرفتي )
بالنسبة لأنواعه فهو نوعين : سفاري يعني فل ، ثلاجة ، قزاز تماتيك ، مكيف لمس ، جنوط كروم. وعادي مافيه شيئ مما ذكر .
بالنسبة لأسعارهن : بالثلاثينات الموديلات اللي أقل من 2002 والباقي أكثر حسب النظافة .
أما البانزين فبعد التخفيض : 55 ريال إذا كان يقطع وغالباً 50 إذا كان على الخط . طبعا هو تانكي واحد .
بالنسبة للسفر مايقارن بالسيارات الأمريكية لأن لأمريكي لحاله بالسفر لكن مقارتة بالياباني في نظري ما فيه فرق من ناحية الراحة ، لكن الرساوة ماهو راسي إذا كانت الهوا قوية وهذا طبيعي لأنه مرتفع وخفيف .
أما القيمة فطبيعي أنها تطيح فليس البيع كالشراء .
أما اللون فكل واحد ورغبته ، وأنا أفضل الزيتي ( لون سيارتي ) .
ورايي ان الموتر طيب وحبيب اذا لقيت النظيف .
هذه معرفتي ولعل الاخوان مايقصرون .

[عاشق نيساني]

والله يا الغالي انا تسان معي 2003 كربريتر وطبعا سلق وسياحي بصراحه موتر ماعليه خفيف وقوي لكن من ناحية الصرفيه يمشيني ديره 350وخط من 380 الى 400 كيلو وعلى حسب السرعه لكن اذا فلوسك زايده خذ لك بخاخ اقوى واخف صرفيه والبخاخ يجيك موديل 2004و2005و2006 اما 2003 فيه نوعين نوع كربريتر والنوع الثاني اللي هو البخاخ وبصراحه يا الغالي اذا عن الموتر للبر فأشهد انه خوي لكن اذا للسفر اولا غير الكفرات اذا كان الجيب نوع سياحي لان كفراته سخاف وسلق وغيرها بعراض ورصصها زين واهم شي ان الكفرات تكون عراض وانشاء الله ماعليه....
اما الالوان على حسب النوع اذا كنت بتاخذ سفاري اللي هو الفل فعند الرمادي والفضي والاسود والؤلؤي
اما اذا كنت بتاخذ سياحي عندك الابيض والفضي....
بس اهم شي انك تاخذ بخاخ ومكينته تجي 4500 و230 حصان اولا اقوى من الكربريتر بكثير ثانيا مايصرف يعني صرفيته زينه لكن البخاخ اغلى منى الكربريتر... واتمنى اني افدتك وانشاء الله موفق

[القصيعة]

الله يجزاكم خير على هالأفادة لاكن ماتدرون كم سعر السفاري بالوكالة.


أبوعبدالله.

[البيـرق]

للرفع
والله مهم

[anas]

انا كذلك مثلك تماما ابحث عن واحد موديل 2002 وطالع مكينة 4500 بخاخ لكن على حسب ما درت في المعارض حصلت هذه الأسعار :
2003 فتحة مكينته 4500 ماشي 54الف فقط =51الف ريال في جدة(الغريب انه سلق وسألت صاحب المعرض قال الفتحة وكالة)
2000 مكينة 4500 =40الف ريال في جدة
2002 مكينة4500 =56الف ريال في الرياض
2005 الشكل الجديد مكينة4500=61الف ريال في الرياض

[جماز]

أخوي anas:
غريبة الأسعار هاذي أو بالأصح مرتفعه..
أنا كان معي واحد موديل 2004 سلقه جديد ماشي 50000 كم
ما فيه غير تعديل بباب السواق ومكمله بجنوط وكفرات شاهين
وعلى الله بعته 49000ألف قبل ثلاث شهور عند اليوسف للسيارات..

[باترول 4×4]

أخوي جماز بيع المعارض دائماً أرخص من الساحة لأنهم يشترون منك السيارة علشان يبيعونها ، لكن بالساحة وخصوصاً يوم الجمعة في معارض النسيم قد تجد من يشتري ليستخدم .

[anas]

دلني وانا شراي يا اخوي جماز .. ولاحظ اني سألت حتى في جدة مو بس الرياض .