ام دباب - اكبر تجمع شبابي في العيد

[راعي عنيزة]

السلام عليكم ورحمة الله

هذي خريطه ووصف لاسهل الطرق للوصول الى ام دباب الي تشهد في ايام العيد تجمع كبير من المطعسين من مختلف المناطق

اذا كنت في خط الرياض القصيم السريع قبل القصيم بحوالي 40 كيلو يجيك كوبري ام سدره اطلع معه واتجه غرب وبتكون المحطه على يسارك
ابتل مع الخط لحد ما تجيك لوحه مكتوب عليها : مزارع الفوزان ادخل معها يسار وامسك الخط لاخره لحد ما ينقطع عند بيوت قليله وبتشوف الرمل قدامك ادخل معاه وامسك الخطوط اكثرها متجهه لام دباب

وهذي الاحداثيه N25 59.843 E44 21.962
والتجمع اكثر شي يكون في ثاني وثالث العيد ومن العايدين مقدما

http://ra3i.jeeran.com/Image1.jpg

[راعي بر]

تسلم على هالتوصيف الزين

والخرائط

والاحداثيات

ولكنني ما انصح ان الناس يرحون لام دباب بعد العيد (( بالنسبة لغير القصمان )) لا نه بعيد عليهم واذا كانوا بيطقون مشوار يرحون شمال شوي ويدورون الربيع .

هذي وجهت نظر فقط

وانشاء الله سوف احاول التطعيس في طعوس ام دباب مسقبلاً

[أبوسليمان]

يامال العافيه
أخوي راعي عنيزه

بس ابسألك متى يتجمعون بأي وقت كم الساعه

وكم البعد من نهاية الطريق الى أم دباب

تحياتي
أبوسليمان

[راعي عنيزة]

راعي بر
هلا بك اخوي
الربيع تو الناس عليه ويبي له شهر او اكثر
وعلى فكره ترا نسبه كبيره من المتواجدين من خارج القصيم خصوصا هواة التلغيم والعام الماضي كان فيه ناس من قطر والكويت


ابوسليمان
حياك الله يا خلفهم ويجتمعون طول النهار لكن اكثر شي العصر
والمسافه تقريبا 8 كيلو - جواد رمل سهله