مشورتكم يالي جربتوو او سمعتو عن هالسياره

[كلاسيكو]

بسم الله الرحمن الرحيم
السلام عليكم وكل رمضان ونتوووو بصحه وعافيه

ندخل بالموضوع
انا معجبتني سيارة البيك اب غمارتين متسوبيشي دبل 6 سرندل الي بتكون مكينتها 3500 بحجم مكينة الجيب الباجيروو
انا ودي اعرف عنها معلومات عن قوتها هل بالفعل تحس بفارق ان مكينتها 6 سرندل تحملها سرعتها على الخط قطع غيارها
ووين احصل اكثر تواجد لها بالسعوديه اي معرض يوفرها
وكالة السعوديه وقفتها بعد موديل 2008 والامارات ماشاء الله للحين موجوده تنزل عندهم
كلمة وكالتها بالامارات قالو سعرها 92 الف درهم

هل احد عنده معلومات عن توفرها بمعارضهم لو الواحد راح هناك وهل بيكون سعرها فيه نزول عن الوكاله بالمعارض بشي يستاهل انك تروح وتشتريها
ومشكورين
وجعلنا الله واياكم ممن غفر له في هذا الشهر الكريم وكان ممن نال العتق من النار

[المدير1]

حسب ما اسمع القطع نار

[خمسين]

دور لك مستعمل بتحصله في حدود 45 الى 55 النظيف وكذا مره انعرض في موقع حراج 6 سرندل
والحقيقه السياره هذي مظلومه على مافيها من قوه تحمل وكد و وسيعه من الداخل ومنظرها جميل الا انها مالها شعبيه ابد بين الناس وانا اعرف واحد شخصيا معاه 2009 4 سرندل ديزل دبل الحقيقه عزمها جدا ممتاز مع الخط ومع الطعوس ماتصدق انها ديزل اتمنى اني افدتك والله ولي التوفيق

[راعي عيده]

المستوبيشي ممتاز لكن:
قطع الغيار نار
وكيل المستوبيشي سيء

[كلاسيكو]

حسب ما اسمع القطع نار

يعطيك العافيه على المرور الطيب

[كلاسيكو]

دور لك مستعمل بتحصله في حدود 45 الى 55 النظيف وكذا مره انعرض في موقع حراج 6 سرندل
والحقيقه السياره هذي مظلومه على مافيها من قوه تحمل وكد و وسيعه من الداخل ومنظرها جميل الا انها مالها شعبيه ابد بين الناس وانا اعرف واحد شخصيا معاه 2009 4 سرندل ديزل دبل الحقيقه عزمها جدا ممتاز مع الخط ومع الطعوس ماتصدق انها ديزل اتمنى اني افدتك والله ولي التوفيق

على كلامك احس انها مظلومه والوكيل كذا مره امر عليه ويقول انه موقفها والجديد لازم من الخليج

كثر الله خيرك على المعلومات المميزه

[كلاسيكو]

المستوبيشي ممتاز لكن:
قطع الغيار نار
وكيل المستوبيشي سيء

عز الله ان الوكيل قليله بحقه قولة سي

شاكر لك المرورو

[slo0oom]

اششتر مستعمل علشان لو ما اعجبتك ما يطيح سعرها بعكس الجديد لا بغيت تبيعه يطيح سعره بسسرعه لانه ما له طلاب ككثير مثل التويوتا

[راعي المعرض]

قطع الغيار نار مثل ماقالو الشباب لكن تعيش اكثر من التويوتا والنيسان

[.أبوعبدالرحمن]

ينقل للقسم المناسب

[sniper-]

نصيحتي لك لا تشتريها لان وكيلها سئ و قطعها غالية و اذا جيت تبيعها بيطيح سعرها

هل سيارة كان يقدر وكيلها يخليها متواجدة بكل شارع بس هو كره الناس فيها

[التعـ King ـديل]

وكيلها سيئ زي ماقالو الاخوان ولكنها سيارات صنعت لتقول لا للاعطال والخرابات

سيارات تتعطل كل كم سنه وليست مثل تويوتا ونيسان سيارات محبه للاعطال مقارنه بالميتسوبيشي

[ذيب زلفاوي]

اذا صار الباجيرو ماشاء الله مايرده شي فما بالك لو كانت مكينته على وانيت

اذا الشكل عاجبك لا تتردد لاني انا صراحه مايعجبني شكلها

اهم شي قطع الغيار لاتردك لان حتى قطع التايوتا نااار رحت ابشرتي قطعه للهايلوكس حق الوالد اعتقد اسمها فحمة كمبرسر او شي زي كذا لقيتها بالمحلات 800 وشوي اجل كيف لو خرب الكمبرسر وسمعت ان دودة الدركسون حقت الهايلوكس سعرها اكثر من 3 الاف

والددسن والنيفارا اتوقع سعر قطع الغيار مناسب


واذكركان فيه موضوع عنها فالمنتدى وكان فيها مواصفات حلوه