المساعد الشخصي الرقمي

مشاهدة النسخة كاملة : الي عنده خبره في رفع الباثفندر من الخلف ؟؟؟؟


هواي البر
07/07/2006, 01:54 AM
السلام عليكم ورحمه الله وبركاته


يالله حيي النشامي والشقرديه !!!


ودي اسألكم عن رفعه الباثفندر من الخلف لاني ودي ارفعه الي يعرف طريقه رفعه من يايات او اي شئ ثاني ؟؟؟

في ناس يقولون بدل الياي الوكالة باليايات استراليه أو البالون يركب وسط الياي أو الكعكات ؟؟

لو ماعليكم كلافه ابغي الفرق كل واحد منها ؟؟؟

وكم سعرها !!!
والافضل في تركيبها ولاهنا مضره بالموتر !!!

وسمعت ان البالون تقدر تتحكم في رفع الموتر بنفخه هل هذا صحيح ؟؟


مشكوريين وماقصرتوا
لاتنسونا بالرود



وشكرا
راجح
07/07/2006, 03:30 AM
يااخوي ان كان دراهمك واجد ركب مساعدات استرالية بحوالي 500 ريال الصراحه أنها جيدة وان كانك طفران ركب كعكات ب250 تقريبا حسب سمكها ولاتخلا من الطيب ..
ابو مرهش
07/07/2006, 04:04 AM
السلام عليكم ...

ياهاوي البر ترا العلم عندي ولا يهونون الربع انا معي باث فندر ومركب في الخلف ياي استرالي ومساعد جبريل غاز حق دوج طويل ومركب كعكات قدام وورا مقاس 4 والمساعدات الي قدام بعد مونرو

بالنسبه للرفع بصراحه انصحك بالياي الاسترالي ترا مامثله ابد بالراحه والرساوه وخلفية الموتر تبي ترتفع وتصير انصب وعندي التحميل مايصير يضرب ابد مثل ياي الوكاله

واي خدمات حنا حاظرين
ولد الشايب
07/07/2006, 03:28 PM
عليك بالياي الاسترالي لكنه ينزل شوي مع التحميل

أما البالون يمكن افضل من ناحية التحميل لكن شغلت انفخ ونسم واللي انشق مانشق

ركب ياي استرالي وانسى الموضوع
ولد الشايب
07/07/2006, 03:31 PM
ابو مرهش

الله لا يهينك ابسألك عن الكعكات اللي قدام هل هي تنقص من عزم الموتر واستهلاك البنزين يفرق معاك عقب الرفعه مع ذكر نوع القير
هواي البر
08/07/2006, 12:28 AM
مشكوريين وماقصرتوا الله يعطيكم العافية ؟؟؟

طيب اخوي ولد الشايب

وين احصل البالون وبكم سعرها ؟؟

وطريقة تركيبها سهله ؟؟؟
ابو مرهش
08/07/2006, 01:54 AM
والله ياولد الشايب بالنسبه للرفع ماشوف انه الموتر فرق بشي بالبنزين ولا العزم لآن الباث فايندر اهو اصلا طامن حتى مع رفعته
وبالنسبه للقير عادي موديله 2003
ولد الشايب
08/07/2006, 01:54 PM
مشكوريين وماقصرتوا الله يعطيكم العافية ؟؟؟

طيب اخوي ولد الشايب

وين احصل البالون وبكم سعرها ؟؟

وطريقة تركيبها سهله ؟؟؟


اذا كنت بالشرقيه بادمام رح لمخطط 91 في محل يقال له الدفع الرباعي ممتاز جداً وفاهم الشغلة واظن السعر حول 900 ريال
ولد الشايب
08/07/2006, 01:56 PM
والله ياولد الشايب بالنسبه للرفع ماشوف انه الموتر فرق بشي بالبنزين ولا العزم لآن الباث فايندر اهو اصلا طامن حتى مع رفعته
وبالنسبه للقير عادي موديله 2003

يعطيك العافيه بس يمكن يفرق القير لأن اللي عندي تماتيك والا تعتقد انه ما يأثر
عجاج
08/07/2006, 02:38 PM
السلام عليكم ورحمة الله

انا مركب كعكات المنيوم فقط ورى ارتفاعهن 3سم وسعرهن 50 ريال وتركيبهن 70 ريال يعني الاجمالي 120 ريال

الصحيح اني مركبهن قلت ابي اجرب هن حلوات ولا لا لان مبلغهن قليل يعني مايضر اذا خسرت 120 ريال ماخس من تجربة

وبصراحة لي الان حوالي 6 شهور وجدا جدا عمليات وماشفت منهن الا الخير ( اسأل مجرب ولا تسأل طبيب)
قرم
08/07/2006, 06:43 PM
هواي البر.. السلام عليكم.

عندي سؤال الله يسلمك . مالسبب اللذي تريد من أجله ان ترفع السياره من الخلف بالتحديد ؟ وسأوافيك بالحل كما أعتقده بأذن الله .. تحيه طيبه
ابو مرهش
09/07/2006, 12:52 AM
السلام عليكم ...

بالنسبه للمضره ياولد الشايب ماضن ان فيها اي شي ابد مع العلم اني مركب اكبر مقاس وترا غير موتري ثلاث باثفندرات مركبينهم قدام وورا مع ياي استرالي ولله الحمد لها اكثر من سنه ودايم خطوط وروحات وجيات ولاموتر اشتكى منها

وما اعتقد انه فيه فرق بين العادي والتماتيك
ولد الشايب
09/07/2006, 01:30 AM
السلام عليكم ...

بالنسبه للمضره ياولد الشايب ماضن ان فيها اي شي ابد مع العلم اني مركب اكبر مقاس وترا غير موتري ثلاث باثفندرات مركبينهم قدام وورا مع ياي استرالي ولله الحمد لها اكثر من سنه ودايم خطوط وروحات وجيات ولاموتر اشتكى منها

وما اعتقد انه فيه فرق بين العادي والتماتيك

يعطيك العافيه يا غالي
هواي البر
09/07/2006, 11:05 AM
أشكر كل من تفاعل معي في الموضوع !!!


هلا اخوي (( قرم ))

الغرض من رفع الموتر لانه طامن إذا حمل الموتر في البر او في النفود يحك من خلف ويأثر على الصدام الخلفي !!!

طيب اخوي انا ما أعرف شئ عن البالون على الياي هل هو عملي ؟؟

وكم سعرها كان عندك خبر عنها ؟؟

وهل تنصحني في البالون او الياي افضل ؟؟


وشكرا
قرم
09/07/2006, 04:44 PM
هواي البر.. السلام عليكم

ياأخي في إعتقادي المتواضع ومع إحترامي لإراء الشباب إن إرتفاع السياره مناسب . توازن السياره جد مهم دعه كما هو فإرتفاعها من الخلف فقط سيجعل شكلها غير مقبول . بعدين ستضطرلرفعها من الأمام وستدخل في مشكلة مقاومة السياره للهواء وإنخفاض العزم في الخطوط الطويله وصرف اكثرللوقود اضف إلى ذلك إرتفاع الهيكل سيجعل السياره نوعاًما عرضه اكثر من غيرها لفقدان التوازن .
انا اشير عليك بالياي الإسترالي وكذلك المساعدالأسترالي. فهؤلاء سوف يحلون لك مسأله الميوعه الزائده والإنخفاض المفاجيء عند التحميل فالياي الأسترالي اقوى من الأصلي بمراحل وكذلك المساعد والكلفه حوالي 1100ريال . هاتين الأداتين في نضري المتواضع هم الأجدر بالثقه من البالونات ذات ال 900ريال واللتي هي في اصلها نوع من المطاط القابل للتلف مع اي سوء إستخدام.. اما الكعكات ستحل مسألة الإنخفاض فقط وتبقى الميوعه كما هي
هي فقط ترفع السياره ..عنديلك حل: ركب ياي إسترالي إن حل المشكله ولا زد عليه ما شئت مساعدات , كعكات. ولو إني اميل ل للياي والمساعد معاً كما اشرت سابقاً

تحيه طيبه واسأل الله لك التوفيق :p
ربع باترول
09/07/2006, 06:40 PM
السلام عليكم اخوي هواي البر:)
بالنسبه للبوالين على الباثفندر ماتصلح لانه يصير غير مريح جداً وإذا كنت تبي البوالين خابرلك واحد يبي يفك الي على موتره ويبيعهن موتره 2005
ربع باترول
09/07/2006, 06:45 PM
السلام عليكم اخوي هواي البر

بالنسبه للبوالين ماتصلح لانه يصير غير مريح جدا وإذا كنت تبي بوالين اخبرلك وحدي يبي يفكهن ويبيعهن موتره باثفندر 2005
ربع باترول
09/07/2006, 06:48 PM
السلام عليكم اخوي هواي البر

بالنسبه للبوالين ماتصلح لانه يصير غير مريح جدا وإذا كنت تبي بوالين اخبرلك وحدي يبي يفكهن ويبيعهن موتره باثفندر 2005
ربع باترول
09/07/2006, 06:50 PM
السلام عليكم اخوي هواي البر

بالنسبه للبوالين ماتصلح لانه يصير غير مريح جدا وإذا كنت تبي بوالين اخبرلك واحد يبي يفكهن ويبيعهن موتره باثفندر 2005
ابوسليمان119
09/07/2006, 10:32 PM
انا اشير عليك بالياي الإسترالي وكذلك المساعدالأسترالي.:p


بيض الله وجهك يا قرم :good:



هذا كلام اصحاب الورش ذوي الخبرة برفع او بتبديل الياي والمساعد



مشكور وما قصرت والله



انا راح اسوي نفس كلامك ياقرم ومقتنع فيه تماما بعد السؤال والتحري ..



اخوك / ابو سليمان:cool:
قرم
09/07/2006, 10:49 PM
مقلوب بالعكس .. يالله حيه :p
بالله إذا ركبتها وجربتها حاول توافينا بكل معلومه وكيف صارت السياره بعد هالتغيير حتى تنفع إخوانك ممن هم مترددون في التركيب . والله يحفظك :good:
هواي البر
11/07/2006, 12:56 PM
يالله حيي الرجاجيل


الله يعطيكم العافية على الردود الي تبيض الوجه !!!


ومشكوريين على ابدائكم لرايكم المتواضع ؟؟؟


بالنسبة لي يوم اسأل عن البالون ما أعرف عنها شئ بس يوم دريت ان سعرها حوالي 900 ريال والياي اقل سعر منها وافضل من المطاط ؟؟

بس عندي سؤال ؟؟

هل الياي يرفع الموتر واجد لاني اخبر كبير على الموتر هل ينقص من الياي (( يقص منه )) ؟؟


ومشكوريين على تفاعلكم معنا ....


واشكر اخوي قرم و ولد الشايب ؟؟
والاخوه المشاركيين في الموضوع جزيل الشكر ؟؟






وشكرا
هواي البر
11/07/2006, 12:57 PM
وارجوا ان يفيدنا اخوي (( مقلوب بالعكس ))

عن الياي ومدى تجربته معه !!!

لو يكون مدعم بالصور يكون افضل ؟؟؟
المنبسط
11/07/2006, 01:29 PM
السلام عليكم ورحمة الله وبركاته
الله يمسيكم بالخير يالربع
اخوي هواي البر انا تعبت من السؤال ولا خليت واحد معه باثفندر الا سألته وش الحل وتوصلت ان الأفضل هو تركيب ياي استرالي وهو افضل من البالون ومن الكعكات على حسب كلام اهل الخبرة ومن جربها وبعد السؤال ركبت ياي استرالي وقلت ياحسافة على وقت مضى ما ركبت فيه ذا الياي وارتحت ايضا في الخطوط من اللي يكبسون بالنور بسبب ارتفاع النور لأن الموتر صار نزوله من الخلف بسيط اتمنى اني خدمتك وأنصحك انك تركبها عند ورشة الرماية بـ70 ريال وترى فيه فلبيني فاهم فيها طبعا فرع الرياض طريق التخصصي وأي خدمة حاضرين.
المنبسط :)
ابو مرهش
11/07/2006, 01:47 PM
نصيحة ياهاوي البر الياي اول ماتركبه بيكون جديد وشي طبيعي بتشوف الموتر مرتفع من ورا شوي بس هذا امر طبيعي فتره بسيطه ويرجع الموتر على رفعته الاصليه بدون نزول مع الاحمال الزايده ويكون متساوي بالحمل ولا بدونه اما اذا قصيته فتره بسيطه وبتشوف الياي صاير مثل ياي الوكاله نازل مره

وبالنسبه للتليين الحراري بعد ما انصح فيه واحد اعرفه عنده لندكروزر وركب اقوى نوع وصار موتره طاير بالسما قام لينه بالحراره وصار ياي الوكاله احسن منه واضطر بنفس الاسبوع يشتري ياي استرالي ثاني جديد
قرم
11/07/2006, 01:51 PM
السلام عليكم جميعاً.

هواي البر. اهلاًبك مره أخرى. شوف الله يسلمك ومن يحضر :director: في إعتقادي المتواضع ألياي الإسترالي تقريباً نفس طول الأصلي لكن يفرق في السماكه ومقاومة الأحمال وأكدلي هالكلام البائع في الرمايه . :good2:
هنالك رقمهم في جده والرياض في مشاركه لي . حاول تتواصل معهم وتسأل عن اللي يقرقع بقلبك :p ولا تخلي شي
ترى انا دايم اغثهم بالإتصالات والأسئله .وهم يدورون اللي يحاكيهم خاصه اللي بجده الباكستاني عثمان ..ياحليله ;)
هواي البر
12/07/2006, 10:31 AM
ياهلا ومرحبا

اشكر اخوي ابو مرهش و المنبسط و القرم !!
على الردود الي توسع الصدر ؟؟


واشكركم ايضاء على النصائح ؟؟؟


والله يجزاكم الجنة

ماقصرتوا




وشكرا
salehhd
13/07/2006, 08:15 PM
السلام عليكم

ياليت حد يفيدنا عن سعر الياي الاسترالي ووين ممكن احصلة واركبة في الشرقية

والله يعطيكم الف عافية
قرم
14/07/2006, 07:12 PM
salehhd.. هلابك

قيمته 520 ريال للجوز في جده وفي الرياض عند الوكيل الرمايه اما في الشرقيه مادري هو عندكم وكيل ولا لا؟

الرمايه هاتف 014628249 الرياض .. مع السلامه :p
ابوسليمان119
15/07/2006, 01:32 PM
هاوي البر والقرم وبقية الأعضاء

ارجو ان تزورو هذا الرابط


http://mekshat.com/vb/showthread.php?p=443753#post443753

وشكرا
salehhd
15/07/2006, 06:10 PM
salehhd.. هلابك

قيمته 520 ريال للجوز في جده وفي الرياض عند الوكيل الرمايه اما في الشرقيه مادري هو عندكم وكيل ولا لا؟

الرمايه هاتف 014628249 الرياض .. مع السلامه :p


الله يجزاك خير اخ قرم ويرحم والديك

واخبر في محل عندنا في الدمام اسمة 4x4 بمر علية واشوف
Abo Nader
16/07/2006, 06:15 PM
السلام عليكم


أخوي مثل ما قالو الشباب عند الرماية

أنا ركبتهن و حطيت من نفس الرماية كعكات فوق كل ياي ثنتين كلفتني 700

و هذي الصور

هذا الياي وفوق القاعده الكعكات
http://www.mekshat.com/pix/upload/images18/mk9081_dsc00504.jpg

قبل:D
http://www.mekshat.com/pix/upload/images18/mk9081_dsc00110.jpg

بعد
http://www.mekshat.com/pix/upload/images18/mk9081_dsc00502.jpg




و بالنسبة لرساوه ماتغيرت و بالنفود أضل ما صار يتعلق من ورا
و حملت عليها 3 عزب +4نفر+35 لتر ماء نزل2سم
هواي البر
17/07/2006, 02:00 PM
هلا اخوي (( مقلوب العكس )) وكل الاخوه المشاركيين

مشكور وماقصرت على الرابط !!!


الله يعطيكم العافيه