للـــبيع صقر حر نادر بالصور والمواصفات بالداخل

[قرناس النير]

بسم الله الرحمن الرحيم
http://www.mekshat.com/pix/upload06/images/2012/08/mk254270_img_2199.jpg
السلام عليكم ورحمت الله وبركاته اخواني اعضا منتديات مكشات ولمصداقيتكم حبيت
استشف من معلوماتكم الوافره في هاذا الصرح الشامخ برواده الرائده في مجال الطيور.

اخواني انا رجل احب الطيور من صغر سني ولكني اعيش بيئة عمل لاتسمح لي بتربية الطيور وحيث انه هديه عزيزه علي من احد اصحاب السمو الملكي . ومقناصه وهدته اغلبها خارج السعوديه ومنها الجزاير ومنغوليا والسودان وبما انها نفس رطبه وضعت الطير في مربط للطيور /// وسيم ب 16000 الف ريال وكل من شاف صورته وسمع عنه قال يجيب اغلى رصيده الطير من الحبارى فقط 227 غير الحمام والكروان الخ واهذي صورته هل تنصحون بالبيعه ام انتضر عليه علماً باني حاطه في مربط له سمعته وغالي ليعتني به هل تنصحون اخاكم بالبيع علماً بائن موسم الهدد قريب جداص ام مشورتكم اعضاء منتديات مكشات وجزاكم الله خيرا لتسهيل ووضع المعلومات الكافيه وبيض الله وجيهكم ..... للتواصل fsn-2010@hotmail.com
http://www.mekshat.com/pix/upload06/images/2012/08/mk254270_img_2195.jpg

http://www.mekshat.com/pix/upload06/images/2012/08/mk254270_img_2194.jpg

[ســـبــار ربــعـــه]

الله يبارك لك فيه.
تحياتي.

[جـرح الشمـال]

هلا اخوي الغالي قرناس النير
الله يبارك لك به
اخي انتظر لعل ظروفك تنتهي
واكيد لو بعته رايح دور على طير
والي مارس الصقاره ماريح يجلس بدون طير
مهما كانت الظروف
ماادي صورت الطير قديمه ام جديده
ولكن انصحك انت تعرضه على مستشفى خاص باالطيور
لتاكد من صحته اكيد تبغى تقول وش دخلك او تقول مافيه شي
بس هذي وجهت نظري
وانت انظر لعين الطير وتعرف
سلامي لك
اخوك ابو فهد

[حامد الحنيني]

هلا اخوي الغالي قرناس النير
الله يبارك لك به
اخي انتظر لعل ظروفك تنتهي
واكيد لو بعته رايح دور على طير
والي مارس الصقاره ماريح يجلس بدون طير
مهما كانت الظروف
ماادي صورت الطير قديمه ام جديده
ولكن انصحك انت تعرضه على مستشفى خاص باالطيور
لتاكد من صحته اكيد تبغى تقول وش دخلك او تقول مافيه شي
بس هذي وجهت نظري
وانت انظر لعين الطير وتعرف
سلامي لك
اخوك ابو فهد
:good2::good2::good2:

[كلي فخامه]

الكبر شين.... ياجرح الشمال ..
الطير شكله كبير

[جلاد الحباري]

الطير ان كانه صايد وصيده ثبات والاحوال الماديه لك عليها شوي انصح انك تقضب لانك ماراح تلقى طير صايد بقيمه رخيصه

[عساف1]

هلا اخوي الغالي قرناس النير
الله يبارك لك به
اخي انتظر لعل ظروفك تنتهي
واكيد لو بعته رايح دور على طير
والي مارس الصقاره ماريح يجلس بدون طير
مهما كانت الظروف
ماادي صورت الطير قديمه ام جديده
ولكن انصحك انت تعرضه على مستشفى خاص باالطيور
لتاكد من صحته اكيد تبغى تقول وش دخلك او تقول مافيه شي
بس هذي وجهت نظري
وانت انظر لعين الطير وتعرف
سلامي لك
اخوك ابو فهد
اهنيك على قوه الملاحظه الله يحفظك من كل شر ولا يضرك

[برق المغيب]

صح لسانك ياجرح الشمال سبقتني وان دايم سبوق في الطيب ...ياصاحب الطير ربي يبارك لك فيه ... ونصيحة الاخوان تؤخذ على الرأس ...

[BO-SALEM]

شف وانا اخوك الطير يتعوض بطير
ان كان عندك ظروف قويه ولا تقدر عليها ومالك الا هالطير
فا انا اقول بيعه والله يرزقك بغيره

اما ان احوالك مستتبه وانا اتمنى ذلك فأن احتفظ بالطير والله يوفقك لما يحب ويرضاه

[قطع سبوقه]

الطير طيب وراعيه اطيب ان كان الطير سليم فاقضب طيرك

[راكااااان]

انا مع اخوي ابو سالم اذا انك من حد حيل الله لايحد مسلم اله بطاعته وذا انك عندك قدره انك ماتبيع احفظ الطير ونا اخوك

[الصقارالمغربي]

الله يرزقك البيعه اللي تسرك وتسر المشتري

[معسف العاصي]

وش فيكم شبيتو على الرجال لاتبيع وماتلقا لك طير. الرجال يقول الطير جايه هديه ولاهو راعي طير ويستفسر عن قيمته فقط هل يبيع ولا ينتظر بداية الموسم
يجيب له قيمه ازين. الركاده زينه.
اخوي قرناس النير بيع ترا القيمه زينه لان الطير باينه فيه ذبة العمر يعني صار عود. وجهة نظر والله يرزقك

[الشقاوي22]

الطير هذا مريض ومهموم اتوقع

بس انصحك تعرضه ع مستشفى

واذا انت ضروفك لاتسمح تبيعه افضلك

واتوقع اصحاب السمو مايشترون هالنوعيه ولايهدونها

[اقدم صقار]

شدتني كلمة نادر !!!

الطير وضعه ما عجبني


مخرج من صاحب سمو او من غيره ما يهم


ودامك تقول ان الطير مسيوم بالملبغ اللي تقول اناا انصحك تصلي في مراحه


ما اعتقد يجيب لك مبلغ مثل ذا


يعني تبيع وعندي ملاحضه يا الربع على الطير مقصوصه بريكاته ومسكته للدس ماهي طبيعيه مخرج (14)


اخوي من استشارك استذمك انصح تبيعه بدون مجامله وبدون زعل والله اني منصح لك


اخوك ابو منصور

[ألاشعل]

وانا اقول قل لا الله الي الله بعه وريح راسك مالك ومال الصقاره الطير مايبي رجال عنده دوامات واشغاله تحده عن مهده وافهم علي توجر

[عادل العيباني]

اخواني اعضاء مكشات المصداقيه اهم شي وهذا شعارنا في هذا الصرح الرائع والساكت عن الحق شيطان اخرص ولا انا غلطان انا ماكنت اتوقع ان فيه ناس ماعندهم ذمه لهالدرجه صراحه الطير هذا لا هو مخرج من امير ولا شي والشخص هذا كل الكلام اللي ذكره كذب واحذر اخواني في المنتدى بالاخذ بكلامه لان الطير كان طيرنا العام اللي فات والصور هذي مصوره وهو على يدي في محلي والطير عووووود والحجل اللي فيه عليه اسمي بعد والشريحه اللي فيه بإسم خويي اللي قبلي اللهم اني بلغت اللهم فأشهد

[ألاشعل]

يراعي الطير انا اسومه ب ٥٠٠ ريال ابكسبه اجر وابيه ونيس للي عندي ان بعتني راسلني علي الوات ساب

[راشد الهاجري999]

والله انا اقول ان كانه طيرك وجاب ١٦٠٠٠ بعه ولا تمالي لانه مايسوا. لا وجه ولا قطعه بس ريشته حليوه وان كان تكذب علينا في هالشهر الفضيل فالله حسبك

[حزم الفيضه]

البيع زين ولا تشاور تحياتي

[المررزم]

شدتني كلمة نادر !!!




الطير وضعه ما عجبني


مخرج من صاحب سمو او من غيره ما يهم


ودامك تقول ان الطير مسيوم بالملبغ اللي تقول اناا انصحك تصلي في مراحه


ما اعتقد يجيب لك مبلغ مثل ذا


يعني تبيع وعندي ملاحضه يا الربع على الطير مقصوصه بريكاته ومسكته للدس ماهي طبيعيه مخرج (14)


اخوي من استشارك استذمك انصح تبيعه بدون مجامله وبدون زعل والله اني منصح لك



اخوك ابو منصور





:good2::good2::good2::good2:

من ناحيتي ماعقب كلام ابو منصور كلام وانت ابخص وادرى وش في الطير

[رفحاااااوي]

اخواني اعضاء مكشات المصداقيه اهم شي وهذا شعارنا في هذا الصرح الرائع والساكت عن الحق شيطان اخرص ولا انا غلطان انا ماكنت اتوقع ان فيه ناس ماعندهم ذمه لهالدرجه صراحه الطير هذا لا هو مخرج من امير ولا شي والشخص هذا كل الكلام اللي ذكره كذب واحذر اخواني في المنتدى بالاخذ بكلامه لان الطير كان طيرنا العام اللي فات والصور هذي مصوره وهو على يدي في محلي والطير عووووود والحجل اللي فيه عليه اسمي بعد والشريحه اللي فيه بإسم خويي اللي قبلي اللهم اني بلغت اللهم فأشهد




افا يعني الرجال طلع نصاب حسبنا الله عليك غميضت الرجال اللي فزعوا لك ياراع الطير

في كل كلمه قالوا الرجال تعطيك نصايح واتلا شي تكذب

لا وبهالرمضان الله يهديك بس

[خيال الهيلا]

بيض الله وجهك وكثر من أمثالك يالعبياني