شرايكم بالونيت الجمس بدون دبل ؟

[بآوزير]

السلام عليكم ..

شرايكم بالونيت الجمس بدون دبل ؟ z71 ، 2007


هل جيد بالبر و النفود ؟


لاني لقيت رخيص وناوي عليه ان شاء الله ..

[بآوزير]

تكفون يا النشامى ولاخاب من استشار

[لاتكب البيالة]

ما ينفع بالنفود
وطبعا الدبل مهم جدا بالنفود خاصة اذا بتحمل عزبه وماء وعفش وهو اصلا ثقيل

[PHANTOOM]

ما فيه z71 بدون دبل
هذا النوع حق البر لان دفرنساته غير ونظام التعليق فيه يختلف عن العادي لان فيه نوع دبل بس مو z71

بالنسبة الا الدبل .
نصيحة لا تاخذ بدون دبل لانك بتحتاجه حتى لو كنت منت راعي بر لان استخدامات كثير.
الطلعات اذا كنت محمل .
النزلات اللي تكون قوية تضطر انك تشبل الدبل ولا بتولع الفرامل .
السحب .

انت شاري شاري ادفع الفرق البسيط وتوكل على الله

[كديان]

اهم حاجة بالدبل
اذا غرز برمل ناعم او هيار اشبك الثقيل
اريح للقير و للدبل الكلتشات ماتحترق و لا تضعف
الارض المستوية اشبك الخفيف
نفود رفيع حط للقير ب3 اذا نزل العزم 2
تجر احد مغرز حط 1 و الثقيل اريح لكلتشات القير
زيت الدبل كانه تعبان غيره حط زيت 10 موتر كرافت
ياخذ تقريبا لتر و نص او اكثر
شيك ع زيت الدبل كل 50 او 80 الف
زيت القير غيره كل 50 الف
ان كان تعبان لازم تغيره كل 15 او 20 الف
حتى ينظف القير نهائيا تحصل رايش او برادة حديد من الكلتشات


احرص ان هوا الكفرات مناسب بالنفود من ٢٠ الى ١٥ اريح للموتر و للقير

[ابونبيل]

مايصلح ابدا لانه ثقيل لو غرز مايطلع بالدف لازم سحب

خذ دبل حتى لو انه مو فل ع الاقل مايفشلك

[أبوصالح9]

لا يقربك

لاتغرك مكينته والله اذا قعد قعد مير خذ واحد بدبل واحسن شي قير عادي والله ان تنطرب طرب اذا ضعف نزله نمره واذا مافاد طق دبلك واطلق حجاجك

بس بكل الاحوال دبل او بدون دبل -تبي تحافظ على موترك نسم كفراتك قبل ماتدخل للبر بس مهب تبطيح اذا موترك دبل يكفي 25 بالراحة وانت اعرف بالمنطقة اللي بتدخل فيها يعني مهب كل النفد وحده بوه نفد هيار اقصد طحين--- ونفد رملها خشن ومندك- مندك = مرصوص حتى لو مانسمت عادي-بس طبعا مهب يكون الكفر فيه 40 وتقول ماش مانفع الدبل-وانت ابخص-موفق خير

[عبدالله20008]

كل عام اونتم بخير

[RW7..ALBDAWA]

الصرآحـه الدبل بالجمس فآشل خرآبآت×خرأبآت

الا غير وجهة نظرك عن الجمس نهائياً

< متعقد من سيراً 99

[بو خليفه]

جمس بدون دبل اشتر البديل ونيت ياباني

[M Z A G Y]

لا تشري الا دبل وهذي نصيحه بالتوفيق يارب

[التعـ King ـديل]

اذا ماعندك موتر بر لا تاخذه الا بدبل

انا عندي فتك وعندي مفخذ بدون دبل مخليه لمشاويري بالديره والخطوط والتحميل واذا نويت اكشت طلعت بالفتك

[بدوي جنوبي]

اذا بتروح عليه البر اشتر بدبل

بالنسبة لفئة الz71 يجئ بدون دبل كلام أكيد

[كديان]

هههههههه اقعد يا فانتوم
رد عليك بدوي جنوبي
يجي بدون دبل