أستفسار بخصوص البواجي ثنائية وثلاثية الرأس [الأرشيف]

الضاري

08/07/2006, 02:33 AM

السلام عليكم ورحمة الله وبركاته

مساكم الله بالخير

فية واحد من الشباب معة ددسن دفرنسين بدل بواجيها وركب بواجي لها

رأسين

ويقول أن عزم السيارة صار أفضل وصرفية السياره للبنزين صار أقل شوي

وش رأيكم ياشباب في هذا الكلام

وبعدين الميكانيكي بالورشة قال لة فية بواجي لها ثلاث رؤوس ألمانية الصنع أذا لقيتها لا يفوتنك

مع العلم أن سعر البوجي ثنائي الرأس 10 ريال

أتمنى أني أشوف أرائكم في هذا الموضوع وهل هناك تأثير على مكينة

السيارة

والله يجزاكم خير مقدما

برادو

10/07/2006, 03:15 PM

السلام عليكم
البواجي الثنائيه والثلاثيه تعزز من احتراق البنزين فهي تحرق ما تبقى بعد اشتعال الشراره الأولى من غاز البنزين في غرفة الإحتراق بشراره ثانيه وثالثه متتاليه فيعطي عزم اعلى واحتراق افضل يوفر استهلاك الوقود.

الضاري

10/07/2006, 10:32 PM

الله لايهينك يابرادو على التكرم بالرد

لكن هل تنصح بتركيبهن ؟؟

تراني أنتظر ردك أبمشي أركبهن بالصناعية .

برادو

11/07/2006, 10:26 AM

يعتمد على نوعها بعضها بلاتين وبعضها عادي ويمكن سيارتك مايصلح لها احد هالنوعين يفيدك اقرا النشره اللي على العلبه وتلقا تفصيل اكثر من ناحية المكاين اللي تمشي معها.

ابو ناصر2020

11/07/2006, 10:18 PM

السلام عليكم
البواجي الراسين انا مركبهن على هايلكس دفرنسين واسلك بواجي رياضية بلعكس عزم الموتر صار احسن من اول بكثير وانصحك بهن

شبح الصحراء

11/07/2006, 11:05 PM

أبو ناصر انا معاي هايلوكس دفرنسين وشلون اقدر اركب البواجي هذي وأسلاكها؟ وما أسمها؟ في اي مكان تباع؟؟ وكم سعرها مع الأسلاك؟ وهل الفرق في العزم يستاهل؟ وهل هناك ضرر على المحرك؟ أسئلة كثيرة ولكن انا متعشم فيك ، وشكراً .

ذريف

11/07/2006, 11:59 PM

اللي أعرفه أن البواجي ذات الراس الواحد تركب على الددسن (كاربوريتر) شد بلد

البواجي ذات الرأسين تاركب على الددسن البخاخ ..

ذريف

ابو مرهش

12/07/2006, 12:30 AM

السلام عليكم ...

ياشباب بالنسبه للبواجي والاسلاك ماتعطي فرق عزم اذا ماتركب ام اس دي ولا اي مقوي كهرب ثاني لآن قوة الكهرب الي تطلع من الديلكو ثابته غيرت الاسلاك ولا البواجي نفس قوة شرارة بوجي الوكاله حتى لوحسيت بالفرق هذا يمكن عشان البواجي كانت قديمه وغيرتها جديد

يعني لابغيت تحس بفرق البوجي والاسلاك لازم تقوي الكهرب لآنك ركبت اسلاك توصل كهرب زياده وبوجي شرارته اكبر

ابو ناصر2020

12/07/2006, 12:40 AM

لا عدي اسال الي تبي بنسبة للبواجي الي انا مركبهن بواجي بي أم من الوكالة ماخذهن وسعرهن الواحد 15ريال يعني 4حبات 60ريال واسلك البواجي سعرهن 300 وتحصلهن عند محلات التعديل يجي عرض السلك 10ملي وبنسبة للعزم يفرق وخاصة بنفود لان الهايلكس الدفرنسين دايم يطيح عزمة اذ حطيت القير بثاني وراح تحس بتغير أن نشاءاللة هل الهايلكس الي معك بخاخ ولا كربريتر لان يفرق ونسبه لضرر مفية أي ضرر ان نشاءاللة لان كل الدعوة زيدة احتراق مثل مقال برادو
وأي استفسار انا جاهز أن شاءاللة .

الضاري

12/07/2006, 12:59 AM

الأخوة الأعزاء ..

برادو

ابوناصر 2020

شبح الصحراء

ذريف

ابومرهش

أشكركم على التجاوب والتفاعل مع الموضوع وسوف أركبهن وأجرب عزم السيارة هل هو تغير أم لا

مع خالص شكري وتقديري لكم

البيـــــراوي

12/07/2006, 02:17 AM

الله يوفقك ويطرح فيهن البركه
واشكر باقي الشباب على المعلومات الطيبه
بس ماعرمتنا وشهو موتر يالضاري
وتقبل تحياتي

البيـــــراوي

12/07/2006, 02:26 AM

الله يوفقك ويطرح فيهن البركه
واشكر باقي الشباب على المعلومات الطيبه
بس ماعلمتنا وشهو موتر يالضاري
وتقبل تحياتي

شبح الصحراء

12/07/2006, 03:21 AM

شكراً والهايلوكس اللي معاي بخاخ يا ابو ناصر ، طيب وين القى محلات الترهيم في الرياض؟ وهل يحتاج مقوي كهرباء؟ وعند تركيب هذه البواجي متى أغيرها المرة الثانية؟ هل اغيرها كل 50 الف كيلومتر؟ .

الضاري

12/07/2006, 05:25 AM

الله يوفقك ويطرح فيهن البركه
واشكر باقي الشباب على المعلومات الطيبه
بس ماعلمتنا وشهو موتر يالضاري
وتقبل تحياتي

الله يجزاك خير يالغالي

الموتر اللي أبركب علية البواجي شبح حوض ( ددسن ) :D

tomas73

12/07/2006, 07:09 AM

الضاري

12/07/2006, 05:04 PM

سلام عليكم فيه بواجي امريكية في الدمام اسمها سبليت فاير راسين نوع بلاتنيوم ما تبدل الا بعد 100.000كيلو وانا عندي دتتس دفرنشين 2003 وابشر بقل البنزين وزيادة في الممشى وان بغيت رقم حجم البوجي عطني خبر وسلامتك

الله لايهينك ياخوي

أفزع لنا برقم حجم البوجي

لكن من متى مركبهن بالموتر ؟؟ وشلون عزم الموتر بالطلعات بدون دبل هل تغير شوي ؟؟

والله يعطيك العافية

tomas73

12/07/2006, 05:52 PM

تفضل الرقم ( TP392D) والله يوفقك

الضاري

12/07/2006, 09:14 PM

تفضل الرقم ( TP392D) والله يوفقك

الله يجزاك خير ويوفقك

سأبحث عنهن واركبهن في الموتر

محب النياق

13/07/2006, 08:54 PM

طيب من يخبر لنا المحل اللي نلقى فيه كل هالاغراض

يعني البواجي والاسلاك والدينمو لان اللي يبي يغير عزم السياره لازم يغير كل شي

علشان يطلع الفرق واضح

وشكرا لكم..............

sameer_1798

14/07/2006, 02:07 AM

السلام عليكم يالربع
تراني جربت البواجي الراسين على سيارتي هايلكس دفرنسين إيه والله زاد العزم وخفت الصرفيه
وكانت أسلاك بلدها , لكن البوجي حق كامري .

الضاري

14/07/2006, 06:51 AM

أشكر كل من ساهم في هذا الموضوع بتقديم خبرتة من خلال التجارب التي قام بها

فللجميع التحية والتقدير وجزاكم الله ألف خير

شبح الصحراء

14/07/2006, 01:31 PM

السلام عليكم يالربع
تراني جربت البواجي الراسين على سيارتي هايلكس دفرنسين إيه والله زاد العزم وخفت الصرفيه
وكانت أسلاك بلدها , لكن البوجي حق كامري .

وعليكم السلام هلا اهوي ترا موتري نفس موترك وش رايك اركب البواجي اللي تقول عنهن؟ البواجي حقات الكامري هل يجي راسين؟ هل غيرت أي شي ثاني غير البواجي؟ اذا عندك معلومات اضافية عنهن لا تبخل علينا :) .