عندي مشكلة تغيير طلمبة البنزين في 8 شهور مرتين

[كشته2006]

عندي مشكلة / طلمبة البنزين جيمس يوكون 1998 غيرتها مرتين خلال 8 شهور ايش الحل.

[مفطح]

السلام عليكم أنا عندي لومينا 2000 نفس الحكاية ولكن كل 9 شهور أغيرها مرة بعد الإستفسارات صار السبب أني أخلي تانكي البنزين ينزل تحت الربع علشان كذا تخرب فصرت أعبي التانكي فل قبل ما يوصل الربع والحمد الله ألحين صارت تمام فلعله السبب نفسه

[سرداح]

الأخ الزومان ماقصر عطاك المفيد ولكن عندي اظافه ايضا يا كشتة 2006 جايبه من الوكاله وهي على حسب كلام المهندس اللي هناك عقب ما كلفتني الطرمبه تقريبا 5000 ريال وهي انك يجب ان تطفي السياره عند التزود بالوقود ضروري جدا حسب كلامه وحرصا على سلامة الطرمبه



دمتم بخير

[شبح الصحراء]

السبب في اعتقادي هو انه عند تعبئة الوقود تتحرك الوساخات الموجودة في قاع التانكي وتنسحب إلى طرمبة البنزين أثناء اشتغال السيارة فتتعطل الطرمبة واظن افضل طريقة هو اطفاء المحرك عند تعبئة الوقود ، ولكن يا كشتة لماذا لا تجرب ترهيم صفاية بنزين إضافية توضع في الماسورة الخارجة من التانكي قبل وصول البنزين للطرمبة وبذلك تضمن نظافة البنزين وسلامة الطرمبة من التعطل .

[ولد شقرا]

مثل ماقالك اخوي شبح الصحراء
انتبه تعبي والسياره شغاله هذا شي وياخوي حل ان تحرص على تغير صفايه البنزين كل 20000 حرصا على تجنب المشكله
تحياتي

[السنع كله]

تغيير صفاية البنزين كل 20.000كم لان محطات البنزين عندنا سيئة جداغيرت مرة صفاية البنزين في الكويت وكانت متسخة جدا قال الميكانيكي اكيد تروح للسعودية كثير قلت وليش قلت كذا قال لان اللي يسافرون للسعودية تجي متسخة كثير

[ميكا مكشات]

تصدقون يالربع إن اللي ينقلون مدرسات على الصوالين من نفس النوعية التالية ( شاقين ) البودي على قد طرمبة البنزين وحاط معه طرمبة سبير بحيث إذا خربت الطرمبة اللي بالتانكي شال الغطاء وفكها وركب الطرمبة الجديدة بدون ماينزل التانكي ولا شي وعلى قولت المثل من له حيلة فل يحتال.. وكل الشغلة نص ساعة .... ذيب والله خايف على بنات الناس

[معهم]

هذي مشكلت الامريكي ماينضمن الطرمبة خراب اساسي بالسيارات الامريكية

[ابو99]

السلام عليكم ورحمة الله وبركاته
حبيت اشاركم انا كانت معي نفس المشكله بالباترول وعندما ارادت تخرب للمره الثالثه فكينا التانكي ولقيته مليا ن وسخ ونضفنا التانكي والحين ولله الحمد ما عندي مشاكل لان المحطات شكل العمال لا جت التريله يزودون لهم 4 براميل مويه ويختلط مع البا نزين والله يوفق الجميع والسلام