استفسار لاهل الدداسن االدبل

[فتئ البر]

السلام عليكم

الله يتقبل منكم ومنا صالح الاعمال

اخواني انا شريت ددسن 2008 دبل والموتر جديد ماشي تحت 70 الف وبصراحه اول مره استخدم الددسن الدبل

بس للاسف اكتشفت ان عزمه طايح في البر وحركته ثقيله ومايطلع اذا غرز الا بالثقيل

برغم اني مسوي له صيانه كامله ومغير كل القطع الاستهلاكيه من بواجي وفلاتر وتصفيت بخاخات مالخيت شي

انا راعي حلال واطلع للبر شبه يومي

والمطنقه الي حنا فيها يبالها موتر عزمه زين

والمشكله يااخوان الموتر ماخذه ب 50 الف وماله معي 3 اسابيع

وصعبه ارجع ابيعه لانه ماراح يرجع لي الدفعته فيه


رحت وستفسرت من محلات التزويد قالو لي ركب هدرز واسلاك بواجي وبواجي ليزر !

وناس يقولون غير المكينه وركب 6 سلندر
بس ماقالو لي وش الشي الزين والي يركب علئ الددسن وهل له عواقب وهل في ورشه توفر وتركب مثل هذي الشغلات في الدمام او الخبر


ااتمنئ من لديه حل او طريقه يقدمها لنا والله يكتب له الاجر والثواب


في انتظار ردودكم

[طير الطيور]

أشتر شاص أفضل لك

[صاروخ الغطغط]

مهيب فيد دبل معروفه في عزمها ضعيف ولاتطلع من التغريز الا اذ اخذتلك عزم من بعيد والددسن بالدبل حتى مع الخط ماتمشي لهيب مثل الجيب ولا الهلي الدبل

[أبوسعد111]

وعليكم السلام ورحمة الله

مر على رابطة ملاك الددسن الدبل وإن شاء الله بيفيدونك
هنا
http://www.mekshat.com/vb/showthread.php?t=329518&page=42

موفق

[معوكس]

اهم شي نوع الكفرات يا الغالي

بالنسبه للددسن الدبل والله عن تجربه حليوه وتؤدي الغرض وزياده اهم شي احرص على نوع الكفرات المنلسب للمنطقه اللي انت فيها ونسم هواها شوي وتوكل على الله


موفق

[جنيفاوي 503]

ركب مراوح سوبارو وفرغ الشخالات بيفرق عزم الموتر