استفسار لاهل الدداسن االدبل

[فتئ البر]

السلام عليكم

الله يتقبل منكم ومنا صالح الاعمال

اخواني انا شريت ددسن 2008 دبل والموتر جديد ماشي تحت 70 الف وبصراحه اول مره استخدم الددسن الدبل

بس للاسف اكتشفت ان عزمه طايح في البر وحركته ثقيله ومايطلع اذا غرز الا بالثقيل

برغم اني مسوي له صيانه كامله ومغير كل القطع الاستهلاكيه من بواجي وفلاتر وتصفيت بخاخات مالخيت شي

انا راعي حلال واطلع للبر شبه يومي

والمطنقه الي حنا فيها يبالها موتر عزمه زين

والمشكله يااخوان الموتر ماخذه ب 50 الف وماله معي 3 اسابيع

وصعبه ارجع ابيعه لانه ماراح يرجع لي الدفعته فيه


رحت وستفسرت من محلات التزويد قالو لي ركب هدرز واسلاك بواجي وبواجي ليزر !

وناس يقولون غير المكينه وركب 6 سلندر
بس ماقالو لي وش الشي الزين والي يركب علئ الددسن وهل له عواقب وهل في ورشه توفر وتركب مثل هذي الشغلات في الدمام او الخبر


ااتمنئ من لديه حل او طريقه يقدمها لنا والله يكتب له الاجر والثواب


في انتظار ردودكم

[ذيب زلفاوي]

يمكن العيب من الكفرات

ومن الطبيعي ان الددسن اضعف من الجيوب

[(سكود)]

انا عندي نفس السياره وهذا طبعها ثقيله في العزم لاتنسى انها 4 سرندل والسياره دبل يعني محركاتها وبديها ثقيل على مكينتها وهذا من الطبيعي على الاسفلت مشيها طيب وماعندها مشكله وفي البر تمشي مع الجيوب بأي مكان سياره قويه ونصيحتي لك لاتعدل ولا تبدل فيها شي اطلاقأ فيه ناس ركبو لها ماطور سدرك ومانفع لان الكرونه تختلف اختلاف كبير عن كرونة السدرك
لذالك لاانصحك بالتعديل نهائيأ وتقبل مروري

[ابو فهد...]

الددسن طقله هدرز ويطلع جنان

[هُمْهُوم]

الددسن هدرز اسلاك بواجي وبواجي رياضيه وفلتر

بعد 6شهور وظب السياره والددسن ياله تحمل مكينتها مع المحافظه خذ العلم مني

الددسن عزمه حليو العادي عاد كيف الدبل اكيد بيكون ثقيل وماراح يمشي

نصيحه 50 بعه وخذ هايلكس من 2002 الى 2005 عادي ولادبل بتطربك وتستانس

كارونة الدفرنس حق الهايلكس مشرك ماهو مثل الددسن

[الحزوبر]

ركب لها كفرات لينه والهوى لايتعدى 25 وبشر باللي يسرك والددسن الدبل من افضل السيارات استخدمت 2003 و2008 وعزالله انها سيارات وماعليها كلام.

[الشيخ الظريف]

الددسن نعم ثقيله وتعتقد انك شايلها على كتفك ولكن حببيبه ممكن تكسرك ولا تنكسر وهي صديق بالبر نادرة الاعطال وخفيفه على الارض بالشعبان وكم من مره. خرجت من الشعيب والجيب اضطر لتنسيم الكفرات ومع العلم عنديجيب ولكن ولكن افضلها وماشيه ٤٣٥٠٠٠الف كيلو وماشا الله لم تحتج توظيب ونصيحتي قلل الهواء بالكفرات

[Salamah.y]

ماشاء الله السعر يعتبر رخيص , مقارنه بأسعار الجديد
و لكن انت يوم تشتري الددسن وش متوقع منها بالضبط ؟!
اكيد عزمها ماراح يكون مثل الجيب , و لا تدخل بمعمعة الترهيم
حرام موتر نظيف , ياخي بعه يستفيد منه غيرك , و خذ لك موتر انشط

,

مووفق و الله يبارك لك بحلالك
ودي @~