سؤال عن ارتفاع صدر القارب أرجو الإفاده

[kharshoum]

عندي قارب الظاعن 19 قدم عليه ماكينه واحده ياماها 150 hpوالمكينه موزونه عالقارب مثل ماذكرتم في المنتدي من حيث الارتفاع ووزنيه جناح المكينه مع أسفل القارب والمشكله عندي هي ارتفاع صدر القارب بشكل ملحوظ أثناء المشي على جميع السرعات علما أن الرفاس مقاس 17 وش الحل أفيدونا يرحمكم الله لأني احس التحكم في القارب أثناء بداية الممشى على سرعات منخفضه صاير صعب واوقات في بدايه الممشي احس الصدر مرفوع مره والقارب مايتحرك بسرعه كنه يفحط في مكانه :mad:

[الواهج]

المكينه كبيره علي قاربك احسن الحلول هي وصع قطعه المنيوم بين المكينه ورقعه الطراد الخلفيه الجزء الي يمسك المكيته

يسمونها عندنا بالكويت بليته وهي قطعه المنيوم تزيد نسبه نزول المكينه بزاويه لكي ينزل الطراد صدره وسعرها لايتعدي 200 ريال اتمني تحصلها عندكم

[kharshoum]

المكينه كبيره علي قاربك احسن الحلول هي وصع قطعه المنيوم بين المكينه ورقعه الطراد الخلفيه الجزء الي يمسك المكيته

يسمونها عندنا بالكويت بليته وهي قطعه المنيوم تزيد نسبه نزول المكينه بزاويه لكي ينزل الطراد صدره وسعرها لايتعدي 200 ريال اتمني تحصلها عندكم
شكرا لك أخوي الواهج ماقصرت بس مدري هل حجم الرفاس او البروانه يفرق وياليت صوره للقطعه الي تقول عليها وبيض الله وجهك

[Barakuda]

السلام عليكم وتقبل الله الصيام والقيام

من وجهة نظري مافيه أي تناسب بين حجم القارب والماكينة...أعتقد الحل أنك تركب ماكينة 75 أو تغير ألى بوت على الأقل 24 قدم

[الواهج]

ابشر اليوم باذن الله اصورها

[kharshoum]

أخوي الواهج وأخوي براكودا بيض الله وجيهكم ماقصرتو بس حبيت اضيف معلومه وهي إن وزن القارب فاضي 850 كيلوجرام والقارب فيه 2 تانكي كل واحد سعة 200 لتر واحد ماء والثاني بنزين وفيه وانتو بكرامه مروش وحمام كامل يعني وزن الطراد بالماكينه وفل بنزين ومويه وفيه حوالي شخصين تقريبا حوالي 1500كيلو والمصنع مقترح له ماكينه 175 حصان :confused: وانا ركبت 150 وحده مو ثنتين عشان مايزيد الوزن فمدري المعلومات هذي تفرق في الحل المقترح ولا أغير الماكينه وأمري لله علما إن فيه ناس يقولون غير الرفاس بمقاس 19 يقل من قوه وسرعه الماكينه ويظبط الممشي

[الواهج]

[/URL]
[url=http://www.gulfup.com/show/X9e6plc0edoo4sg]http://im20.gulfup.com/2012-08-09/1344525345131.jpg (http://www.gulfup.com/show/Xs6jlunfcodck4)
هذه القطعه التي كلمتك عنها قبل لاركبها على طرادي كان ماينزل صدره الا اذا حطيت اغراض بالصدر وقلت للشباب يروحون صدر وبعد التركيب تعدل الطراد ولله الحمد
اي استفسار انا حاضر وهذا حلك الوحيد

[الواهج]

http://im19.gulfup.com/2012-08-09/1344525710701.jpg (http://www.gulfup.com/show/X2cjpziicmdwk4)

[kharshoum]

تسلم ومشكور أخوي الواهج بيض الله وجهك ماقصرت أجل بدورها بالدمام

[wafi6556]

السلام عليكم
اكيد انت مركب مكينه ساقها بنفس مقاس القدح
لأن اذا المكينه ساقها طويل على القدح تسوي نفس المشكله

انا واجهتني مشكله قريبه لمشكلتك وغيرت رفاسات بمقاسات مختلفه ولا جابت نتيجه
ونزلت المكينه 3سم عن الوضع الطبيعي وخفت المشكله بنسبة 70%
هذا اللي صار معايا يمكن تستفيد منه
وعسى ربي يسلطك على المشكله وتحلها

[kharshoum]

أخوي الوافي بيض الله وجهك للإهتمام فعلا المكينه ساق طويل بس لما ركبتها وزنتها يعني الجناح حق الجير في نفس مستوى القدح من تحت لاهي عاليه ولا نازله أنا بجرب البليته وان ماظبطت بنزل المكينه شوي لتحت وإن ماظبطت بركب جناح زياده بس المشكله الحين البليته ماحصلتها في الدمام مدري من يبيعها في الشرقيه ياليت لو أحديعرف من الإخوان يفيدنا

[kharshoum]

أخوي الواهج ممكن تقولي وين احصل القطعه هذي البليته في الكويت وبرسل واحد من إخوياي يجيبها ماحصلتها في الشرقيه

[الواهج]

انا شريتها من شركة سلطان السالم وكيل ياماها
00965 24815517

[wafi6556]

عساك على القوه
اذا المكينه ساقها طويل اصلاً على القدح فمن الممكن تكون مشكلة وزنيه
الـ3سم شي بسيط جداً ...لكن فرقت معاي كثير
لو انا منك وبما ان قطعه الألمنيوم غير متوفره انزل المكينه تكه
وممكن تسويها بدون اي تكلفه او قطع او اخرام جديده بالقدح
فك مسامير المكينه ونزلها على فتحة المسمار اللي تحتها مباشره...كل مكينه مثلك عارف فيها اربع فتحات للتثبيت انت استفيد منها وجرب...والله ييسر امرك

[الواهج]

تعليقا علي رد الاخ الوافي راح ابين لك مايقصده عقب صلاه القيام باذن الله

[kharshoum]

المكينه قاعده عالقدح مباشره مثل الي في الصوره حق الاخ الواهج مافيها مجال تنزل ومنتظر شرح الاخ الواهج بيض الله وجيهكم

[wafi6556]

حبيبي
تقول المكينه قاعده على القدح وموزونه
هل القدح عندك عالي
وش مقاس القدح
وهل هو v ولا فلات
ولو كان عندك صوره من الجنب للقارب والمكينه بمستوى قعر القالب تسهل على الشباب كثير وتوضح الصوره

[kharshoum]

فعلا القارب حرف v والقدح عالي عندي صوره خلني احوس عليها وانزلها ان شاء الله

[kharshoum]

http://www.mekshat.com/pix/upload06/images/2012/08/mk248712_20120609_133622.jpg

[kharshoum]

http://www.mekshat.com/pix/upload06/images/2012/08/mk248712_20120609_133721.jpg

[الواهج]

ارفع الصورة على سيرفر مكشات بارك الله فيك

[kharshoum]

http://www.mekshat.com/pix/upload06/images/2012/08/mk248712_20120609_133622.jpg

[kharshoum]

http://www.mekshat.com/pix/upload06/images/2012/08/mk248712_20120609_133636.jpg

[kharshoum]

هذي الصور الي عندي وبكره بإذن الله بنزل الماكينه واصورها من تحت صوره أوضح

[الواهج]

قبل لانركب البليته وندخل بالفك

http://www.mekshat.com/pix/upload06/images/2012/08/mk18871_yamaha.jpg

http://www.mekshat.com/pix/upload06/images/2012/08/mk18871_imagescaz4nmi9.jpg

http://www.mekshat.com/pix/upload06/images/2012/08/mk18871_22_10 ok.jpg
لاحظ ان لايوجد ماء يغطي ساق المكينه سوي بعض الرذاذ

السؤال الان ماهو وضعك لان اجابتك ستحدد

[الواهج]

توها تبين عندي صور طرادك ممكن طلب

قيس من اول نقطه الي اخر حرف ال v عند المقر وعطني القياسات
لاني شاك ان طرادك ساق قصير وليس طويل

من 20 الي 23 ساق قصير
من 24 الي ... ساق طويل
القياسات بالانش وليس السنتميتر
http://www.mekshat.com/pix/upload06/images/2012/08/mk18871_mk248712_20120609_133622.jpg

[kharshoum]

أخوي الواهج والوافي مشكور جزيل الشكر لإهتمامكم المسافه الي تقول عنها أخوي الواهج قستها هي بالضبط 23,5 إنش بالضبط 60سنتيمتر وحاولت انزل المكينه للآخر وأصورها بس هذا حدها لأنها بتدق في الأرض الحين بنزل الصور

[kharshoum]

http://www.mekshat.com/pix/upload06/images/2012/08/mk248712_1.jpg

[kharshoum]

http://www.mekshat.com/pix/upload06/images/2012/08/mk248712_3.jpg

[kharshoum]

http://www.mekshat.com/pix/upload06/images/2012/08/mk248712_2.jpg

[الواهج]

كلام من الاخر :) نزل الطراد بحر مع احد من اصدقاءك ومش على ضغط 4.5 بالنهار وشوف المكينه

اذا بهذا الشكل

http://www.mekshat.com/pix/upload06/images/2012/08/mk18871_11_22.jpg

ارفع براغي المكينه لفوق وباذن الله تكون حليت المشكلة لانه انت لمن قلت الضاعن انا فكرت انه نوع الصياد وليس الكلاسيك .

90% المشكلة من عيار المكينه

والله اعلم

[kharshoum]

الماكينه ماتمشي بالشكل الي في الصوره تمشي مسويه مثل خط محفور يعني تسوي حفره في الممشى

[حجر بحري]

الأخ الواهج
لك رساله عالخاص الله يقويك ويحفظك

[الواهج]

المكينه راكبه غلط ارفعها برغي او برغيين وجرب

[kharshoum]

بيض الله وجهك اخوي الواهج أمس اخذت عفريته ورفعت الطراد عن العربه من الخلف ونزلت المكينه عالآخر وكانت صدمه والله اني جلست ماني مصدق الماكينه نازله عن الوزنيه الي قلت لخوي يركب الماكينه عليها حوالي 8سنتيمتر ودقيت عليه لأني ماشيكت وراه هو ركبلي المكينه ونزله بحر وقالي تمام الوزنيه يمكن مو واضحه في الصور الي نزلتها وربي اني جلست امس حوالي نص ساعه أناظر فيها مو مصدق المشكله يومها ماكنت فاضي وهو فزع لي الله يهديه إن شاء الله برفعها وأجرب بيض الله وجهك وكذلك اخوي الوافي انكم نبهتوني ولا كنت بحوس الدنيا وماكانت راح تظبط بعدلها وأرد لكم خبر

[الواهج]

الحمدلله انك اكتشفت المشكلة

ارفع المكينه وخله يضبط الرقعه علشان تثبت المكينه

http://www.mekshat.com/pix/upload06/images/2012/08/mk18871_mk248712_1.jpg

[حجر بحري]

مشاء الله عليك يالواهج متابع أول بأول لمساعدة اخونا الله يبارك فيك وفي اهلك ويرزقك الجنه وخليك معنا منك نستفيد خبرتكم كبيره بالقوارب تحياتي لك يالنشمي

[wafi6556]

الحمدلله اللي لقيت المشكله
ان شاء الله تزين امورك وطمنا بالأخبار

[الرحموني]

الاخ الواهج والاخwafi6556

شكر الله لكما صنيعكما وجعل ذلك في موازين حسناتكما

[الواهج]

لاشكر علي واجبنا ياخوان واسال الله ان يوفقنا معكم في ليلة القدر ان شاء الله

[wafi6556]

الاخ الواهج والاخwafi6556

شكر الله لكما صنيعكما وجعل ذلك في موازين حسناتكما


اهلاً بصاحب الأيادي الخفيه
وانت كمان ربي يكتب اجرك
ويجعلنا واياك ومن يقرأ من عتقاء هذا الشهر الفضيل

[القصير111]

[SIZE="6"][/SIZEالسلام عليكم

الشباب ماقصروا الله يعطيهم العافية

وأنا مع الشباب المكينة تحتاج رفع وليس تنزيل

وياليت توافينا بالجديد ليستفيد الجميع]

[kharshoum]

معليش تأخرت في الردود والله إني تو راجع من مكه المكرمه الحين وعلى طول عالمكشات ودعيت للشباب كلهم الله يوفقهم ويتقبل منهم صالح الأعمال ويغفر ذنوبهم ويبارك فيهم وفي عيالهم آمين يارب الله لايحرمني منكم إن شاء الله برفع المكينه وأنزل الطراد بعد العيد واوافيكم بالأخبار

[م/عبدالله]

السلام عليكم ورحمة الله وبركاته

كل عام وانتم بخير .. ومن العايدين الفائزين ان شاء الله

ماهو مستغرب على رجالات مكشات ... وسعيد جدا بما طرح هنا من خلال هذا الموضوع
متابعه وفائده .. ولاشك تصب في مصلحة الجميع . .. انا ماعندي اضافة اكيده لان ماقيل جميل وهادف وفي محله ان شاء الله .




شوف اخوي ... اذا كان ارتفاع المحرك بهذا القدر وكما هو موضح بالصورة
وليس اكثر الى الاسفل ... اتركه كما هو .
اذا كان اكثر الى الاسفل يعني نازل .. قم بعمل هذه الوزنية بالضبط .

شوف الصورة هذه الخطوة الاولى ...

تحط مسطرة اة قطعة خشب مستقيمه اسفل خط استقامة القارب بحيث تكون مستقيمه
وتزن ارتفاع المحرك بهذا الشكل ليكون ارفع عن المسطرة بالمقدار الذي تشاهده
وشد المحرك . http://im13.gulfup.com/2012-08-21/1345557487691.jpg (http://www.gulfup.com/show/X7204krhfple5)

سوف يصبح ممشاه بهذا الشكل .. وهو سهل كعزم وسرعه ان شاء الله
http://im13.gulfup.com/2012-08-21/1345557487772.jpg (http://www.gulfup.com/show/X7204km9ews27)


نعود لحديثنا اذا كان هذا فعلا ماهو موجود لديك من قياس كمافي الصورة بالضبط
مشكلتك في القدح في وزنية درجة الميلان والمحرك اخذ زاوية الى الخارج او مستقيم تماما
وهذه مشكلة .. وربما يكون المحرك لا يعود الى الخلف تماما ويلتصق بمجموعة الهيدروليك ويبقى خارج قليلا

ولكن حسب ما شاهدته من الصور اقول لابد من وضع قاعده تضبط الميلان والزاوية كما قال اخونا الواهج
لان مثل هذه القوارب يكون لها قاعده بارزه تدعم القدح وتصنع الزاوية . ربما كانت موجوده وتم استبدالها
وانا شايف في الصورة خلف القاعده للهيدروليك عاملين وحده على مايبدو ولكن بدون ميلان .. وهذه هي سبب
مشكلتك . لان ضبط ميلان زاوية قاعدة المحرك الى الداخل من الاسفل والى الخارج من الاعلى يعطي توجيه سليم وصحيح
لقدرة المحرك خلف القدح
ومن ثم تتضح في ممشى القارب لانها ترفع المؤخرة عند السرعات العاليه ويستقيم القارب وايضا يتم احيانا زيادة
الميلان اكثر في حالة اصلاح الاخطاء في عدم اختيار المحرك كقدرة حصانية مناسبة لوزن القالب الاجمالي واحماله

فقد العزم وانخفاض السرعه ورفع الصدر سوف يختفي تماما
عندما يتم تصحيح مسار القوة الدافعه للمحرك خلف القارب
بحيث يرفع ويستقيم مع السرعه ان شاء الله

[kharshoum]

المهندس عبدالله وجميع الاخوه شكرا لإهتمامكم حبيت اوضح بالصور المشكله الي ساعدوني الاخوه الافاضل بإكتشافها بس باقي طبعا ماعدلتها للحين منتظر أحصل رافعه عشان تحمل الماكينه وقت التعديل وياليت لو أي ملاحظات أكون شاكر لكم
http://www.mekshat.com/pix/upload06/images/2012/08/mk248712_222 (2).jpg
http://www.mekshat.com/pix/upload06/images/2012/08/mk248712_333 (2).jpg

http://www.mekshat.com/pix/upload06/images/2012/08/mk248712_333.jpg

[kharshoum]

http://www.mekshat.com/pix/upload06/images/2012/08/mk248712_77.jpg

[م/عبدالله]

حياك الله اخوي

المحرك نازل كثير ... ومثل ماشرحوا لك الاخوان .... كلامهم صحيح
انا ارفقت لك الصوره اضبط عليها .. وامورك طيبه ... تقريبا ومن الواضح معي
من الصوره ان زاوية الميلان تمام ان شاء الله ... ارفع المحرك فقط

http://im13.gulfup.com/2012-08-21/1345557487691.jpg (http://www.gulfup.com/show/X7204krhfple5)

ملاحظة
ارفع بمقدار 1سم الجناح عن المسطره الخشب ... مثل ماهو بالصورة
هذا يحسن السرعه ويسهل التوجيه اثناء القياده .

[kharshoum]

إن شاء الله برفع المحرك وانزل الصور بعد التعديل والتجربه عشان يستفيد منها الاخوان بالمنتدى وشكرا لك ولجميع الاخوه

[kharshoum]

السلام عليكم ورحمه الله وبركاته اخيرا ولله الحمد سويت التعديل ورفعت المكينه المسافه المناسبه وهي حوالي 3 إنش أو بالضبط 7سنتيمتر وطبعا مثل ماقالو الشباب بارك الله فيهم ريحت المكينه على قطعة خشب قويه سويتها في المنجره كلفتني 20 ريال وحصلت واحد عنده رافعه مكاين يأجرها في الدمام ويجيبها لين البيت تخلص شغلك وياخذها ولله الحمد له خبره في شغل الطرادات وساعدني كثير ماقصر وبيض الله وجهه وعنده عده كامله ودريل وتوصيلات ماشاء الله عليه وإن شاء الله بكره الخميس أو الجمعه بنزل الطراد وأجربه واقولكم بالنتيجه وهذي الصور بعد التعديل

http://www.mekshat.com/pix/upload06/images/2012/08/mk248712_e.jpg

http://www.mekshat.com/pix/upload06/images/2012/08/mk248712_q.jpg

http://www.mekshat.com/pix/upload06/images/2012/08/mk248712_r.jpg

http://www.mekshat.com/pix/upload06/images/2012/08/mk248712_w.jpg


:good2::good2::good2::good2::good2:

[حجر بحري]

الله يستر عليك ويزين ممشاه

[kharshoum]

السلام عليكم ورحمة الله وبركاته الاخوه المكشاتية نزلت الطراد أمس وطلعت فيه وكان فيه هواء داخل البحر لكن ولله الحمد الطراد ممشاه صار فوق الممتاز وصدر الطراد نزل عن الاول بكثير وصار التحكم فيه أحسن وصرت أحس أكثر بقوه وقدره الماكينه بيض الله وجيهكم ماقصرتو وشكرا لكم ولطوله بالكم معي ولكل من ساعدني في حل المشكله بارك الله فيكم :good2::good2: