الدفع الرباعي المستمر ايجابياته وسلبياته..... [الأرشيف]

مشاهدة النسخة كاملة : الدفع الرباعي المستمر ايجابياته وسلبياته.....

المرابط

09/07/2006, 05:49 AM

السلام عليكم ورحمت الله وبركاته

اخواني اعضاء مكشات نبغا نطرح موضوع ونتناقش

وكل يدلو بسطله :D ويطلع اللى في جعبته :D ونزيد

ثقافتنا ومعلوماتنا ونكتسب خبره

ودي كل واحد يكتب مميزاته وعيوبه

وهل هو افضل من الدفع الثنائي

وماهي افضل سياره تمتاز بهاذهى

الميزه

انا عندي معلومات متواضعه

من مميزاتها تعطي السياره

الثبات والأستقرار وقوة الإنطلاقة

مفهوم هذا النظام في أنه يعتمد على الدفع الرباعى المستمر المصحوب بالتحكم الديناميكي في القيادة ، ويسمح نظام "xDrive" بتوزيع القوة المتغيرة فيما بين محور العجلات الأمامي والخلفي طبقاً لظروف القيادة مما يضمن بدوره أماناً أكبر في القيادة وأداء أكثر تطوراً على الطريق.

كما يتيح الدفع الرباعي المستمر عملية تقسيم بنسبة 50/50 مستمرة للطاقة من الأمام إلى الخلف. وإذا ما حدث أي انزلاق، فإن جهاز الدفرنش يتدخل ويقوم بتوجيه العزم إلى العجلات بأقصى قوة سحب.

اما عيوبه بعض الناس ماترغبه ليش ماادري

يمكن علشانهم يمشون على الطقه القديمه وبس.:D

ارجو من الا خوان ان يضيفو مالديهم ولو كان قليل.

شبح الصحراء

09/07/2006, 07:07 AM

بصراحة ما ادري عنه بس حلاة الجيب اذا غرزت وقمت عشقت الدبل وطلعت الموتر وحسيت انك فعلاً راكب جيب .

ابوقاسم

09/07/2006, 08:01 PM

عيوب هذا النظام تتلخص في انه محتاج للصيانة اكثر من غيره لانه مرتبط بعمل العكوس الاماميه وهي دائمة العمل
اي ان خراباته كثيرة ويبيلها دراهم واجد
علشان كل شوي يبيلها صيانة بعكس النظام القديم اللي ما تشغل الدبل الاوقت الحاجة
ومشكور على الافادة

فتى شنه

09/07/2006, 09:01 PM

صدقت اخي المرابط على الموضوع

وكلام اخي ابو قاسم صحيح مشكله العكوس تخرب لاني قد غرزت على فكسار تماتيك ولا نسمت الهواء دعست عليه والى انواع الطقطقه والدركسون كان عدال مالفيت يمين ولا يسار وخوفني الصوت ولست ادري من ويش فهل احد يفيدني

والسلام

ابو ناصر2020

09/07/2006, 11:25 PM

انا عندي نفس المشكلة هاذي بس بدبل الثقيل فقط سوان نسمت ولا منسمت

المرابط

10/07/2006, 02:17 AM

شبح الصحراء

ابوقاسم

فتى شنه

ابو ناصر2020

اشكركم ياشباب على ردودكم نورتو الموضوع

نبي اراء الباقين وين باقي الاعضاء.

ابوقاسم

10/07/2006, 12:55 PM

اخوي فتى شنه اذا طلع عندك صوت على طول روح للوكالة وهم ابخص يصلحونه اذا يتصلح او يستبدلونه اذا لزم الامر لانه بعدين راح يطلع لك عند اي حركة للدركسون وانت ماشي

السحاب

13/07/2006, 05:26 PM

المرابط

16/07/2006, 06:31 PM

السحاب

حياك الله علومات مفيده وقيمه تسلم

وبارك الله فيك.

وين باقي الشباب :confused: :confused:

عـبـود 911

16/07/2006, 08:22 PM

من خلال التجربة كروزر Gx-r 2006

مزاياه : التماسك عند المنعطفات وخصوصا وقت الامطار

بداية القومه قويه

مايفحط بالبداية :)

ما يحتاج تشغل الدبل بالمراقي

عيوبة : اكثر صرفية بنزين عن موديلات 2003

بس

وياليت تتأكدون من مشكلة العكوس لأنها صراحه خوفتني

وشكراً

Abdulmalik

18/07/2006, 10:22 AM

صحيح ونا خوكم مشكلتها في العكوس بس وهذي المشكلة عانيت منها

ونصيحة للأخوان في حال خراب العكوس يجب تصليحها في الوكاله او انك تشتريها وتركبا بورشه أما الحلول الآخرى مثل المخرطه وغيره تعتبر حل سيء جداً وغير عملي .

تحياتي

برادو

18/07/2006, 01:52 PM

العكوس حلها سهل وهو المحافظه على نظافتها فبعد كل رحله رمليه رشها بالماء لإنزال الرمل عنها لأن اكثر ما يضرها الرمل. اما بالنسبه لإيجابياتها فهي كثيره جدا فأنا مجرب للبرادو وماشاء الله الدفع الرباعي المستمر يعطيك تماسك وثبات ما تلقاه في غيرها من سيارات خصوصا عند المنعطفات القويه مع السرعه.

عـبـود 911

19/07/2006, 12:00 PM

العكوس حلها سهل وهو المحافظه على نظافتها فبعد كل رحله رمليه رشها بالماء لإنزال الرمل عنها لأن اكثر ما يضرها الرمل

الحمدلله طمنتني ان ما يضرها اللا الرمل وانا صراحه ما اطعس فيه بس امشي على الرمل وان مشيت عليه وعودت للديره على طول بستم ومكبنه وبدي

هاوي الله

20/07/2006, 03:14 AM

الشكر لصاحب الموضوع الرائع.
من خلال تجربة:
مزايا الدفع الرباعي المستمر:
- التماسك في حالة المنعطفات وعدم الانزلاق في الأراضي المبللة.
- عدم الحاجة إلى تشغيل وفصل الدبل عند السير على الرمال.
- قوة عزم عند بدء حركة السيارة(القومه).
- ثبات العزم عند صعود المنحدرات مثل الدفع الأمامي(مايطيح العزم بسهولة كما في الدفع الخلفي).
- خفة وزن السيارة لاستبدال الدفرنس الثقيل بالعكوس الخفيفة.
العيوب:
- ثقل الدركسون نسبياً أثناء سير السيارة في حالة الانعطاف.
- مشاكل العكوس المعروفة. ولن يعاني منها إلا من يكسر الطارة وهو داعس مثل التطعيس.

بالنسبة لصرف البنزين
اللي جربوا Gxr و Vxr
يقولون ال Vxr أقل بريال أو ريالين
يعني مافيه فرق
لأن السيارة مصممة لتسير دائما بدفع رباعي مستمر. وليس كباقي السيارات.
أرجو أن أكون قد أفدتكم.
نتمنى من أصحاب الخبرة والتجربة المشاركة.

الله لايهينك ياالسحاب لكن عزالله إنك ماصدقت يااخوي :

- قوة عزم عند بدء حركة السيارة ( القومه ) = أنت قصدك إنه أقوى من الدفع الخلفي لكنه غير صحيح وبالعكس*

والله إنك ضحكتني = مايطيح العزم بسهوله كما في الدفع الخلفي !! = أنا أقول بالعكس وهذا شي معروف*

بالنسبه لي اشوف إن الدفع الرباعي أفضل من الدفع الخلفي بحاجة واحدة فقط = الثبات في المنعطفات فقط *

سؤال / وين حصلت على ذالمعلومات ؟ من واقع تجربه ؟

مشكور @

المرابط

20/07/2006, 04:12 PM

عـبـود 911

Abdulmalik

برادو

فتى البران

حياكم الله ياشباب اشكركم على ردودكم

السحاب

21/07/2006, 01:16 AM

المرابط

21/07/2006, 05:04 PM

السحاب

اشكرك على سعة صدرك ورقي كلامك

لكن ياشباب فيه سؤال ما احد جاوب عليه

وش افضل سياره دفع رباعي مستمر

بالنسبه لي على حسب مااسمع جيب

برادو vx-3 مجرب من شباب يمدحونه

ليس معنى كلامي انتقاص الجيوب الاخرى

نريد آرائكم وتجاربكم وتوقعاتكم ايضا

واشكركم شكلي كثرت عليكم :j

هاوي الله

22/07/2006, 07:21 AM

لاهنت اخوي فتى البران.:)
- قوة عزم عند بدء حركة السيارة ( القومه ) :confused: يعني مايجلس يفحط في مكانه بل العزم يتحول مباشرة الى حركة.
(والله إنك ضحكتني = مايطيح العزم بسهوله كما في الدفع الخلفي !! ) :D
الله يوسع صدرك بالعافية :D
إذا جيت في طلعة يعني مثل طلعة الغاط أو غيرها وانت تمشي 120 شف الفرق بين الدفع الخلفي والدفع الرباعي المستمر
اذا وصلت في أعلاها شف كم سرعة كل واحدة من السيارتين
الكلام عن تجربة شخصية 7 سنوات وليس من راسي.:no2:
أي استفسار انا في الخدمة :cool:

يسلم راسك :)

طيب يقولون إنه يفصل على سرعة 80 ! صحيح ؟

طلعة الغاط إذا جيتها وأنت تمشي 120 وطلعت بعدين استوى الخط , كم تكون السرعه تقريباً ؟

( بشرط إن الدعسه وحده يعني ماتزيد ) ;)
نسيت أقولك = الدفع الرباعي = فضيحه في حالة الدوران عند الإشارة الضوئيه :j (تفحيط) :D

مشكور @

بو خليفه

22/07/2006, 08:42 AM

الدفع الرباعي أفضل
الميزات
أنه قليل التعطل و يعمل الدفع الرباعي بالنسبة وليس 50-50 قد يعمل ثلاثين أمام و سبعين خلف و يكون في الرمال يعمل خمسين للأمام والخلف هذا بالنسبة للدفع الرباعي العادي
أما الأوروبي و البريطاني فيكون الدفع الرباعي بالنسبة و لا ننسى الدفرنش يقفل و هذا ميكانيكي و يكون الكفر أو الإطار ماسك في الزفلت و الرمال و الطين إذا كان اليمين انزلاق أعطى قوته لليسار التي تكون أقل انزلاق أو بعض الأحيان الأمام أكثر من الخلف كي يمسك الكفر في الأرض الخشنه الغير زلقه
و هذا متوفر في السيارة الأولى في الدفع الرباعي منذ السبعينات و هو لاندروفر صناعة بريطانية و هذه السيارة صنعت في بدايته للجيش ثم انتهت الحرب فتم تصنيعها إلى السوق المحلي والدولي و موجود منها (الرانج روفر - ديفندر - فريلاندر - ديسكفري - LR 3 الجديد و سابقاً ديسكفري) و من ثم بدأت جميع الجيبات الأوروبية بالتقليد ثم بدأ الياباني بالتقليد و من ثم الأمريكي

ابو ياسر2020

11/12/2013, 08:29 PM

السلام عليكم ورحمة الله وبركاته
مساء الخير للجميع . انا معي جيب gxr دبل مستمر 2006 ابي افصل الدبل هل فيه احد يعرف ميكانيكي جيد في حايل يفصل الدبل المستمر وشكرا للجميع

أبـوأسـد

12/12/2013, 01:44 AM

فيه 3 أنواع من الدفع الرباعي

النوع الأول أسمه بالأنجليزي PART TIME 4WD

وهذا غير مستمر بحيث أن الموتر يمشي طول الوقت بالدفع الخلفي لكن يقدر يشبك الدبل ويتحول لدفع رباعي طبعا بالخفيف أو الثقيل
وهذا مطبق بسيارات واجد مرة
باترول 2009 وتحت, يوكون, أكسبدشن, أرمادا, تاهو, سكويا, باجيرو, فورتشنر, أف جي كروزر قير تماتيك, أكستيرا, شاص, هايلكس, سييرا, وغيره ألخ

النوع الثاني أسمه بالأنجليزي FULL TIME 4WD
هذا مستمر وشابك على طول لكن على الخفيف الي يسمى HIGH وبالأساس يكون نظام الدفع فيه في الطرق العادية الأمام أقل من الخلف مثلا 40/60 أو 30/70 ويجي زر بالسيارة أسمه القفل الوسطي يخلي نظام الدفع أمام وبالخلف نفس القوة والنسبة 50/50 وطبعا هذا الزر فقط يتشغل في الدبل الخفيف HIGH أما الثقيل LOW ماراح يحتاج لأنه بيكون شغال تلقائيا 50/50 سواء ضغطت زر القفل الوسطي أو لا

وهذا ينطبق على سيارات قليلة مثل:
لاندكروزر, باترول 2010 وطالع, برادو, أف جي كروزر قير عادي, وغيره

طبعا هذا النوع يكون أفضل تماسك وثبات في الطرق المعبدة عن الأول لأن الدفع الرباعي شغال على طول ويكون أيضا أفضل تسارع حسب قوة المحرك لكن بيكون أستهلاك الوقود أعلى من الأول لأن نسبة الأحتكاك والمجهود أعلى من الأول

طبعا بعضهم يفضل النوع الأول عن هذا من ناحية وحدة بس وهي أنه يمديه يفحط فيها وهذي ميزة بالدفع الخلفي لدى الكثير يحب يكون موتره فيه هذي الخاصية سواء في الونيتان أو الجيوب كانت يقصد يفحط للأمام من قوة السيارة أو ينطل به
http://carphotos.cardomain.com/ride_images/2/3575/1881/21435940001_large.jpg?v=0

وهذا صورة كيف تشبك القفل الوسطي الي يخلي وضع الدفع 50/50 بنسبة لسيارات FULL TIME 4WD
http://tlcfaq.com/main/wp-content/uploads/2012/04/IMG_3397.jpg

بينما في نظام PART TIME 4WD مايحتاج هذا الزر لأنه تلقائيا من يوم يشغل الدبل يكون 50/50

أما النوع الثالث وأختصاره بألأنجليزي AWD
والي تعني معناها الدفع الرباعي المستمر All-wheel drive

وهذا النوع مخصص لسيارات للمدن فقط وليس للطرق الوعرة بتركيز على مسألة الثبات فقط
ممكن يكون يجي بعضها يخصص للطرق الوعرة لكن للخفيفة جدا الغير صعبة وبعضها يجي فيها قفل وسطي لكن ماتجي نهائيا بدبل ثقيل يعني على طول تمشي على HIGH وأن حصلت زر مكتوب عليه LOCK فهذا القفل الوسطي فيه وهي تقريبا تشابه نظام الثاني أنه يكون الدفع غير متساوي لكن مايتشابه بكل السيارات فبعضها يكون بالأمام أكثر من الخلف 70/30 وبعضها العكس 40/60 وطبعا مو شرط تكون النسبة موحدة كل شركة وفلسفتها

وهذا النوع تحصلونه في
أكاديا, لكزس RX, ايدج, مازدا CX-9, باثفاندر الجديد, أكسبلور الجديد, وغيرها ألخ
السيارات الي تسمى كروس أوفر الي يغلب عليها طابع المدينة عن طابع الطرق الوعرة والاعمال الشاقة
والسالفة المنتشرة بين الناس أن الدفع الرباعي يفصل على سرعة معينة تراها غير صحيحة وأستغرب من طلعها يمكن واحد من المناديب تفلسف على أحد وأنتشرت بسرعة هائلة بين كل الناس :D وطبعا ما اقول مستحيل أنها مو موجودة لكن حسب بحثي بأغلب السيارات ماحصلت أي سيارة كاتب فيها هذي الخاصية ولو فكرنا قليلا وش الفايدة ينحط دفع رباعي مستمر ويفصل على سرعة معينة؟! يعني ثبات بس تحت 100 كيلومتر/ساعة وفوق بسلامتك خخخخخخ تكاليف كذا على الشركات صناعة السيارات على الفاضي

كومبو

12/12/2013, 05:59 AM

يسلم راسك :)

طيب يقولون إنه يفصل على سرعة 80 ! صحيح ؟

طلعة الغاط إذا جيتها وأنت تمشي 120 وطلعت بعدين استوى الخط , كم تكون السرعه تقريباً ؟

( بشرط إن الدعسه وحده يعني ماتزيد ) ;)
نسيت أقولك = الدفع الرباعي = فضيحه في حالة الدوران عند الإشارة الضوئيه :j (تفحيط) :D

مشكور @
الدفع الرباعي المستمر من 0 إلى الفصلة

كومبو

12/12/2013, 06:42 AM

فيه 3 أنواع من الدفع الرباعي

النوع الأول أسمه بالأنجليزي PART TIME 4WD

وهذا غير مستمر بحيث أن الموتر يمشي طول الوقت بالدفع الخلفي لكن يقدر يشبك الدبل ويتحول لدفع رباعي طبعا بالخفيف أو الثقيل
وهذا مطبق بسيارات واجد مرة
باترول 2009 وتحت, يوكون, أكسبدشن, أرمادا, تاهو, سكويا, باجيرو, فورتشنر, أف جي كروزر قير تماتيك, أكستيرا, شاص, هايلكس, سييرا, وغيره ألخ
full time 4wd للفورتشنر

النوع الثاني أسمه بالأنجليزي FULL TIME 4WD
هذا مستمر وشابك على طول لكن على الخفيف الي يسمى HIGH وبالأساس يكون نظام الدفع فيه في الطرق العادية الأمام أقل من الخلف مثلا 40/60 أو 30/70 ويجي زر بالسيارة أسمه القفل الوسطي يخلي نظام الدفع أمام وبالخلف نفس القوة والنسبة 50/50 وطبعا هذا الزر فقط يتشغل في الدبل الخفيف HIGH أما الثقيل LOW ماراح يحتاج لأنه بيكون شغال تلقائيا 50/50 سواء ضغطت زر القفل الوسطي أو لا
أخالفك في الكلام المظلل حسب تجربتي
في تجربتي هذه تم استخدام الدبل الخفيف 4H
والدبل الثقيل 4L
ولم أستخدم قفل الدفرنس الوسطي أو التفاضلي
http://www3.0zz0.com/2010/09/12/23/357700169.jpg

نلاحظ أن الكفرات الأمامية لم تتحرك وهذا ينفي كلامك المظلل
qnW9bJhgg5Q

https://www.youtube.com/watch?v=qnW9bJhgg5Q

وهذا ينطبق على سيارات قليلة مثل:
لاندكروزر, باترول 2010 وطالع, برادو, أف جي كروزر قير عادي, وغيره

طبعا هذا النوع يكون أفضل تماسك وثبات في الطرق المعبدة عن الأول لأن الدفع الرباعي شغال على طول ويكون أيضا أفضل تسارع حسب قوة المحرك لكن بيكون أستهلاك الوقود أعلى من الأول لأن نسبة الأحتكاك والمجهود أعلى من الأول

طبعا بعضهم يفضل النوع الأول عن هذا من ناحية وحدة بس وهي أنه يمديه يفحط فيها وهذي ميزة بالدفع الخلفي لدى الكثير يحب يكون موتره فيه هذي الخاصية سواء في الونيتان أو الجيوب كانت يقصد يفحط للأمام من قوة السيارة أو ينطل به
http://carphotos.cardomain.com/ride_images/2/3575/1881/21435940001_large.jpg?v=0

وهذا صورة كيف تشبك القفل الوسطي الي يخلي وضع الدفع 50/50 بنسبة لسيارات FULL TIME 4WD
http://tlcfaq.com/main/wp-content/uploads/2012/04/IMG_3397.jpg

بينما في نظام PART TIME 4WD مايحتاج هذا الزر لأنه تلقائيا من يوم يشغل الدبل يكون 50/50

أخالفك في الكلام المظلل حسب تجربتي
في السيكويا مثلًا والتي تستخدم بارت تايم
http://img7.imageshack.us/img7/9869/36190169.jpg
نظام الدبل كما ترى
2wd دفع خلفي
4h دفع رباعي ثقيل
4l دفع رباعي خفيف أو منخفض

وأيضًا في الأسفل زر قفل الدفرنس التفاضلي أو الوسطي

لذلك في الدليل ينصح بتشغل 4H بدون ضغط زر قفل الدفرنس التفاضلي كل شهر لمسافة 16 كلم على الأقل

أما النوع الثالث وأختصاره بألأنجليزي AWD
والي تعني معناها الدفع الرباعي المستمر All-wheel drive

وهذا النوع مخصص لسيارات للمدن فقط وليس للطرق الوعرة بتركيز على مسألة الثبات فقط
ممكن يكون يجي بعضها يخصص للطرق الوعرة لكن للخفيفة جدا الغير صعبة وبعضها يجي فيها قفل وسطي لكن ماتجي نهائيا بدبل ثقيل يعني على طول تمشي على HIGH وأن حصلت زر مكتوب عليه LOCK فهذا القفل الوسطي فيه وهي تقريبا تشابه نظام الثاني أنه يكون الدفع غير متساوي لكن مايتشابه بكل السيارات فبعضها يكون بالأمام أكثر من الخلف 70/30 وبعضها العكس 40/60 وطبعا مو شرط تكون النسبة موحدة كل شركة وفلسفتها

وهذا النوع تحصلونه في
أكاديا, لكزس RX, ايدج, مازدا CX-9, باثفاندر الجديد, أكسبلور الجديد, وغيرها ألخ
السيارات الي تسمى كروس أوفر الي يغلب عليها طابع المدينة عن طابع الطرق الوعرة والاعمال الشاقة
والسالفة المنتشرة بين الناس أن الدفع الرباعي يفصل على سرعة معينة تراها غير صحيحة وأستغرب من طلعها يمكن واحد من المناديب تفلسف على أحد وأنتشرت بسرعة هائلة بين كل الناس :D وطبعا ما اقول مستحيل أنها مو موجودة لكن حسب بحثي بأغلب السيارات ماحصلت أي سيارة كاتب فيها هذي الخاصية ولو فكرنا قليلا وش الفايدة ينحط دفع رباعي مستمر ويفصل على سرعة معينة؟! يعني ثبات بس تحت 100 كيلومتر/ساعة وفوق بسلامتك خخخخخخ تكاليف كذا على الشركات صناعة السيارات على الفاضي

جزاك الله خير

أبو هشام راشد

12/12/2013, 09:11 AM

تجربتي مع الماونتنير تجربة رائعة لكن العزم ضعيف والأميريكي يأتي منه 8 سرندل

ابوياسر قروش

12/12/2013, 11:46 AM

السلام عليكم ورحمة الله وبركاته
اما عن تجربه مع فورتشينر قير عادي قبل فصل الدبل المستمر وبعد فصله
قبل فصل الدبل كانت اعاني مع الزحمة
1- اذا رفعت رجلك عن البانزين تحس انك بتحب الارض ينزل وجه الموتر وتهدي بقوة وغير مريح ابداً
2- صرفية البانزين اكثر
3- حمل ثقيل على المكينه
4- خرابات للعكوس بعد فترة
5- وما ينوفر بالنفود للي يحبون المنوفر
اما بصراحة الميزات الي فقدتها
الثبات بالمنعطفات خاصه اذا كنت مسرع فقط
وصلى الله وسلم على نبينا محمد

التمسساح

12/12/2013, 12:00 PM

انا معاي جي اكس أر ٨ سلندر ٢٠١١ ماشاء الله والله مالحضت عليه شي من ناحية الثقل بالنسبه لي احس ان السياره مافيها فرق عن الدفع الخلفي هذي وجهت نظري يمكن اني من الناس اللي ما تلاحظ

AL-OTAIBI

12/12/2013, 09:14 PM

نظام الدبل كما ترى
2wd دفع خلفي
4h دفع رباعي ثقيل
4l دفع رباعي خفيف أو منخفض

وأيضًا في الأسفل زر قفل الدفرنس التفاضلي أو الوسطي

لذلك في الدليل ينصح بتشغل 4H بدون ضغط زر قفل الدفرنس التفاضلي كل شهر لمسافة 16 كلم على الأقل

يا اخ كومبو,

شكلك تستخدم الثقيل على انه خفيف
كيف ال 4H ثقيل؟؟
و ال 4L خفيف؟

انا اخبر انها عكس

تأكد لا تجيب العيد

و بالنسبه للدليل يطلب منك تشغيل الخفيف شهريا مو الثقيل

الديلر

12/12/2013, 10:10 PM

الدفع الرباعي المستمرAWD
ياليت احد يفيدنا عن ابرز عيوبه لان معي ايدج جديد واحس انه غير مريح بالقياده +صرف عالي للبنزين وهل هناك امكانيه بالاستغناء عن هذا النظام مع العلم اني لست بحاجه للدبل؟

كومبو

13/12/2013, 06:50 PM

يا اخ كومبو,

شكلك تستخدم الثقيل على انه خفيف
كيف ال 4H ثقيل؟؟
و ال 4L خفيف؟

انا اخبر انها عكس

تأكد لا تجيب العيد

و بالنسبه للدليل يطلب منك تشغيل الخفيف شهريا مو الثقيل

أقصد بكلامي كترجمة ليس كاستعمال
لكن معروف أن H دبل خفيف , L دبل ثقيل

نعم يطلب تشغيل الدبل الخفيف

أبـوأسـد

15/12/2013, 04:54 AM

جزاك الله خير

هلا أخوي كومبو

بخصوص توضيحاتك

الأولى أن الفوتشنر من نوع FULL TIME 4WD صدقت

وهذي صورة تثبت ذلك

http://www.team-bhp.com/forum/ToyotaFortunerPictures/toyota_fortuner_india_interior_DSC03454_l.jpg

أنا أخطات فيها
وتوضيح للكل لما يكون الدبل بهذي الطريقة
H
HL
N
LL
معناه FULL TIME 4WD وهو نفس النظام الي موجود بالبرادو
أذا أحد يبي يعرف وش الفرق بين H وHL هذا أن الاول خفيف والثاني خفيف مع القفل الوسطي لذلك يختصر بكلمة L لجملة Lock center Differential

الظاهر أني شفت إذا ماخاب ظني وممكن أكون غلطان واحد بأول موديلات 2006 من الفوتشنر كان يجي كذا (مدري هو 4 ولا 6 سلندر)
2H
4H
N
4L

وهذي تعني PART TIME 4WD

وبخصوص توضيحك الثاني أن لما تشبك الخفيف لا ما يكون فيه 50/50 هذي نسيت توضيحها

وهي تعتمد على نوعية السيارة ولازم الرجوع لكتيب المستخدم لتأكد من كل سيارة طبعا أتكلم عن القديم أغلبها 50/50 وفيه من الجديد مطبق نفس الحركة لكن أغلب الجديد فيه ما يكون 50/50 ويجي زر مع القفل الوسطي زي مافي السكويا الي أنت حاط صورته

وكذلك حبيت أأكد أن الدبل الثقيل أذا شغلته راح يشغل القفل الوسطي تلقائيا سواء ضغطت الزر أو ما ضغطته لأن الزر مخصص للدبل الخفيف وهذا قاريه بكتيب اللاندكروزر وشايفه بالطبلون كذلك توضيح أنه يشتغل بدون ما تضغط على الزر وأغلب السيارات نفس الكلام
أذا السكويا عكس ذلك ياليت تخبرني أذا الطبلون يطلع لك أنه ما يقفل القفل الوسطي بدون ما تشغله بحكم أني ما جربت سكويا

وبخصوص كلامك

4h دفع رباعي ثقيل
4l دفع رباعي خفيف أو منخفض

حرف H أختصار لكلمة HIGH والي تعني عالي
و حرف L أختصار لكلمة LOW والتي تعني منخفض

وحنا صرنا نسمي H خفيف
و L ثقيل

تعليقي على الفيديو غريب جدا أن الكفرات الأمامية ما تحرك خير شر على أنك مشغل الدبل؟! على الأقل يدور لو أضعف من الخلف أو واحد من الكفرات الأمامية تدور

انا معاي جي اكس أر 8 سلندر 2011 ماشاء الله والله مالحضت عليه شي من ناحية الثقل بالنسبه لي احس ان السياره مافيها فرق عن الدفع الخلفي هذي وجهت نظري يمكن اني من الناس اللي ما تلاحظ

أخوي التمساح حبيت أوضح لك أن اللاندكروزر مايجي دفع خلفي ألا ما ندر
لأن نظامه FULL TIME 4WD
يعني طول الوقت يمشي على الدبل الخفيف
وهذا كان دبلك كذا
http://i01.i.aliimg.com/img/pb/810/997/109/109997810_922.jpg

فهو ما يمشي على الدفع الخلفي أطلاقا

أما أن كان كذا

http://www.toyota4arab.com/upload/i/00005/k2qouah32k7n.jpg

فموترك نظامه PART TIME 4WD يعني يمشي بالدفع الخلفي بسبب وجود رمز 2WD لين أنت تشبك الدبل

الدفع الرباعي المستمرAWD
ياليت احد يفيدنا عن ابرز عيوبه لان معي ايدج جديد واحس انه غير مريح بالقياده +صرف عالي للبنزين وهل هناك امكانيه بالاستغناء عن هذا النظام مع العلم اني لست بحاجه للدبل؟

اخوي الديلر أنصحك تشيل من راسك فكرة ألغاء الدفع الرباعي المستمر
لأن أغلب سيارات الكروس أوفر تعتمد بشكل كبير على الدفع الأمامي
تحصل لما تشتري السيارة مكتوب فيه نظامين دفع
الأول FWD وهو الدفع على العجلات الأمامية
والثاني AWD وهو الدفع الرباعي المستمر

يعني أن فصلته أغلب الظن بيتحول أمامي ومثل هذي الأنواع من السيارات إلكترونياتها وتعقيداتها واجد يعني اعتقد أن أزالتها راح تواجه مشاكل بالمستقبل أو يمكن أول ما تفصله وترى فرق الأستهلاك الي تتكلم عنه يمكن تقريبا 20 إلى 30% يعني مو ذاك الفرق الكبير جدا يمكن يكون عيب موترك الأساسي هو صغر تنكي مقارنة أنه سيارة مو سيدان فقط

وعلى فكرة أيضا ألغاء الدفع الرباعي المستمر ماراح تشوف فرق بالراحة لأن سيارات الكروس أوفر تحصل مساعداتها قاسية بزود أضافة لجنوطها أكبر مع صغر وطية الكفر علشان فكرة الثبات فقط والمقاعد ممكن تكون أقسى من جيوب البر الحقيقية

صياد الخبر

15/12/2013, 06:40 AM

السلام عليكم

معي

فورتشنر 2011 في اكس 1

دفع رباعي مستمر يفصل عند السرعة

مرتاح جدا لنظامه الدفع الرباعي

--

بارك الله فيكم لهذا الحوار الاكثر من رائع

استفد كثيرا بهذا النقاط والملاحظات

جزاكم الله خير ( كلن بأسمه )

بالتوفيق

ابوريان 470

15/12/2013, 10:08 AM

السلام عليكم
سيارتي جيب لكزس تجربتي اني يوم فكيته عز الله اني ارتحت لاحنه في القومه وصار عليه خفت نفس في كلش حتى في المنعطفات مالاحظت عليه شي ... ودمتم

digital99

15/12/2013, 08:21 PM

حسب علمي الرباعي المنفصل
لابد بين فترة وفترة يشبك الدبل
او انه يعاني من مشاكل تهريب الدبل وعكوس وغيره

ابو سمسم

16/12/2013, 10:05 AM

نظام الدفع الرباعي اعتبره افضل شي سوه هو والتراكشن
راحه ماشاء الله تبارك الله

hgaughk

16/12/2013, 11:44 PM

يا نااااااااااااااااس الموضوع له ثمان سنين 8 سنين

الرجاء عدم رفع الموضيع القديمة