المساعد الشخصي الرقمي

مشاهدة النسخة كاملة : استفسار: بخصوص الجكسار 8سلندر 2009م



PATHFINDER 4
08/08/2012, 03:36 AM
السلام عليكم ورحمة الله وبركاته

في البداية مبروك عليكم العشر والله يعينا وياكم على الصيام والقيام

السالفة يا اخوان
قريب لي شرا قبل يومين جكسار 2009 مكينته 8سلندر
الموتر بشكل عام مب نظيف مرة صدامات مرشوشة ومخوش واللزقة حقت الخطوط طالع طرفها مدري هل هي مركبة او اصلية

ممشاه قليل على موديله ماشاء الله

الرجال كبير وشراه بدون فحص (ثقة في من باعه وفي كلامه)

واسعار اخوان الموتر في السوق اكثر

وانا قلت للرجال عطني موترك ابفحصه

وين مراكز الفحص في الرياض ووش النقاط اللي اشيك عليها للجيب ؟؟؟

اخبر البدي رش او سمكرة والعضلات والمكينة والشاص وش غير هالامور

سمعت ان البعض الله يهديهم يوقف العداد او يرجعه هل ممكن يبين لي الفحص هالأمور او يبين لي ان الموتر جاه تعديل وش رايكم ؟

أبوغيث 2003
08/08/2012, 06:04 AM
وعليكم السلام ورحمة الله وبركاته

الله يبارك بك وبالجميع ,,

بالنسبه للفحص أنا أرشح لك البريدي عند معارض النسيم على شارع عبدالرحمن بن عوف

تأخذ الموتر لمهم وتقول الموتر طلعته من المعرض وتوي ما شريته

أبيكم تفحصونه كامل وتعطوني تقرير عن الموتر وتنصحون أخذه ولا لا


أنا ما تعاملت مع البريدي شخصياً لكن أعرف كم واحد فحصوا عنده ويمدحونه


والله ييسر لك وإن شاء الله الموتر يصير طيب ولا جاه شي

أبوصالح9
08/08/2012, 08:17 AM
مثل ماقالك ابو غيث رح لبوعبدالله البريدي واذا قدرت تقنعه انه هو اللي يجرب الموتر يكون افضل ولا خل السوداني يفحصه تراه زين فحصه ويعطيك علومه كله-الله يكتب لكم اللي فيه الخير ولا تنسون الاستخارة

تسانيم
08/08/2012, 04:32 PM
ماانصحك بالبريدي انا فاحصن عنده جيب ربع وقالي كل شي تمام

وبع مااخذته اكتشفت ان المكينه تنقص والمكينه موضبه

انا مااحط شي بذمتي بس والله انغبنت فحصت الموتر عنده ب ٥٠٠ ريال

وبعته بخساره ٤ الاف ريال

شف اي حل ثاني غيره

sgl2002
09/08/2012, 06:23 AM
^^^
معليش ياخوك

ماهوب كل شي ع الفحص

انت افحص الموتر بنفسك والموتر النظيف من سواقته تعرفه

بعدين وده لهم وشوف

البريدي فحصت عنده حتى الان اكثر من ١٥ سيارة

وفحصه قوي ودقيق بسبب العمالة اللي عنده

والشريطية اللي معنا في المعارض لامن صار موتره ماهوب بذاك الزود يقول للمشتري اذا قال بفحص عند البريدي قال لا

انا انصح اي واحد يروح للبريدي

مره طلع لي فكس ار منقص عداده ٢٠٠ الف

ومره البدي بالجهاز سليم ومع ذلك قال كبوت ورفرف مغير

PATHFINDER 4
10/08/2012, 06:17 PM
جزاكم الله خير على الافادة مشكورين