المساعد الشخصي الرقمي

مشاهدة النسخة كاملة : الافضل في الجيوب القير الاتوماتيك او العايدي


كادر
10/07/2006, 12:53 AM
السلام عليكم
نويت اشتري بأذن الله جيب هدد لاندكروزر بس واجد نصحوني بالقير الاتوماتيك وانا متردد بينه وبين العايدي الله عنده بخص يفيدني
عبوووود
10/07/2006, 01:21 AM
هلابك أخوي

و نصيحتي لك أخوي تاخذ عايدي لأنه أقوى

و يتحمل الجور,,,(مجرد رأي)...
غالي
10/07/2006, 01:30 AM
والله اخوي شف
كانك راعي كشتات بسيطه منت راعي بران بران خذلك توماتيك اريح لك في زحمة هالمدن وغثاها
واذا انت راعي بران وتتعمق خذلك عايدي والله يعينك عليه جوه المدينه موتر كبير وعادي الله من الغثا :)
واخيرا اتمنى لك التوفيق وجعلك تطيح في الخير ولاتندم انك خذته اللهم امين
ولد الشايب
10/07/2006, 01:59 AM
والله اخوي شف
كانك راعي كشتات بسيطه منت راعي بران بران خذلك توماتيك اريح لك في زحمة هالمدن وغثاها
واذا انت راعي بران وتتعمق خذلك عايدي والله يعينك عليه جوه المدينه موتر كبير وعادي الله من الغثا :)
واخيرا اتمنى لك التوفيق وجعلك تطيح في الخير ولاتندم انك خذته اللهم امين

وانا اتفق مع غالي
الـــــهدد
10/07/2006, 03:06 AM
اقول

ادخل هاذا الموقع

اتوقع تلفاء كل شي يختص في الهدد
الـــــهدد
10/07/2006, 03:23 AM
www.alhdd.com/vb (http://www.alhdd.com/vb)

منتديات الهدد
الرهدن
10/07/2006, 05:22 AM
السلام عليكم 00


خذ أتوماتيك وإن شاء الله تدعي لي00
سواء للبر أو الديرة00
وقديمآ قيل / أسأل مجرب00
kaaaatm
10/07/2006, 02:42 PM
انا أأيد كلام اخوي غالي
أبو أديب التميمي
10/07/2006, 02:58 PM
تماتيك وجيب !! ما تجي أبداً

معي جيب 2005 خليجي جي اكس آر تماتيك , ما ينبغى بتراب الله يعزك في البر !!

العايدي يا سنايدي

وبالتوفيق !!
راجح
10/07/2006, 03:10 PM
السلام عليكم أخوي وسيم .. تحية طيبة .. وبعد ,

التماتيك أريح لك ,, والجيب تماتيكه مافيه قل عزم ( ماشاء الله ) !!
المتليك
10/07/2006, 03:36 PM
العادي اريح بال واقوى
اذا الميزانية عندك زينه
خذ سياره صغيره تماتيك لداخل البلد
اما البر لاتقرب التماتيك واذا انت متعود على العايدي من قبل في البر واخذت تماتيك عزالله انك بتبيعه وبترجع للعادي
كادر
10/07/2006, 05:54 PM
مشكورين جدا على الردود السريعة
بس اللي ودي اعرف الاتوماتيك عزمه زين والا يجيب المر والشي الثاني وش ارغب عند البيع هو والا العايدي
ووشلونه في السفر
أبو إبتهال
11/07/2006, 02:22 AM
السلام عليكم ورحمة الله وبركاته
أجيب على سؤالك يا أخوي waseem9 من واقع تجربة مع سيارتي من نوع VX-R موديل 99 أوتوماتيك حيث أنه لا يعلى عليه في الاستخدام سواء في البر أو في البلد وما شفت منه أي مشاكل ولله الحمد ومريحني على الأخر ومن ناحية العزم والممشى فلا تسأل علماً أن الفي إكس آر يسير بدفع رباعي مستمر ... أما في التطعيس فما قد جربته لأن بلدتي لا يوجد بها كثبان رملية .
والناس عندنا أكثرهم يفضلون الــ VX-R على الــ GX-R لقوة عزمه وهدوء صوت محركه وقوته في صعود المرتفعات العالية بكل مرونة وسرعة ...
أما عن البيع فعلى حد ما أسمع من بعض الزملاء شريطية السيارات أن الأوتوماتيك يفرق عن العايدي بخمسة إلى ستة ألاف ريال في السوق .
هذا ما لدي وهناك من هو أفضل مني وأخبر في هذا المنتدى الرائع يستطيعون إفادتك أكثر .

وتقبل تحية أخوك : أبو إبتهال
القماري
11/07/2006, 08:32 AM
إذا نصيحة (فأنصح ) بالجير الأوتماتيكي
في السابق كانت السيارات اليابانية (حديثة العهد) مع التروس الأوتماتيكية أما حاضرا فهي غاية في السلاسة والقوة ولافرق بينها وبين الشركات والمصانع الأخرى
ومقارنة بين العادي والأوتماتيكي (لايوجد خلاف بين النوعين ) سوى أنك ترتاح أكثر في المدن وحتى في تسلق الرمال مع الجير الأوتماتيك
(شرط في الكثبان لا تضعه على النمرة D)
هذه وجهة نظر ومن واقع تجربة (الأوتماتيكي هذا زمانه)
عاشق نيساني
11/07/2006, 04:10 PM
والله يا الغالي انا جربت جكس ار عادي وجربت جكس ار تماتيك

التماتيك خذ راحه لكن يا الله يشيل عمره يعني قومته ضعيفه اما العادي يشيل عمره وتحس ان نفسه خفيفه وافضل عزم

واذا انت مدمن بران ونفود ومقناص لا تاخذ الا عادي

اما اذا كنت طلعات على خفيف خذ تمتيك وموفق
فتى شنه
12/07/2006, 04:24 AM
يااخي العزيز ان كنت تبي تماتيك لا تاخذ الى فكسار او لكزز بالعربي ثمانيه سرندل يعطيك على كيفك فزه اما سته سرندل خذ عايدي

والمرغوب حاليا بالسوق التمااتيك يدلك الجيوب التاليه الفكسار اغلبها تجيك تماتيك نادرا العايدي ويفرق السعر بعد

لكن في الرمل جربته التماتيك ثقيل لكن تراي مانزلت هواه وكفرات شاهين والسياره فكسار لكن في الخط يلحس الخط لحس لكن تراك بتشوف

انبير البنزين ينزل من الشرب
كادر
12/07/2006, 05:29 PM
شاكرين لكم ولكن على طاري الفكسار هل صيانته متعبه
والاتوماتيك اقل صرفية من العايدي او لا
الاستاد
12/07/2006, 10:32 PM
شف اخوي وسيم انا معي جي اكس ار قير عادي والحقيقة العادي متعب جدا داخل المدن فقط اما في البر والطعوس خاصة ممتاز لكن حنا بالمدن نسوق اكثر من البر ولكل شي ظريبة العادي والتماتيك

ونصيحتي بعد التجربة اشر تماتيك مع العلم كما قلت جيبي عادي ولكنك طلبت النصيحة
الباهي
13/07/2006, 02:03 AM
انا عندي سفاري تماتيك

وتراي راعي مقانيص ودواجه ومطامر بالبران

والله انه فكني من غثا العادي ومن ناحيه الجور جور عليه
والله مايقول الاهل من مزيد