اهل الجبيل ارجو الدخول

[dbdb1400]

السلام عليكم

ابحث عن هذه الماده (فايبر جلاس)نوع CORD MARINE EPOXY في الجبيل ولم اجدها
ارجو المساعده اين يمكن ا ن اجدها

الصور

http://www.mekshat.com/pix/upload06/images/2012/08/thumbnails/125.jpg

[صياد بحريني]

يفيدونك اصحاب الخبرة ^_^

[kharshoum]

السلام عليكم ورحمة الله وبركاته أخوي الماده هذي لاصق حق الفيبر جلاس حق القوارب وأو أي واسطه بحريه وممكن تسد فيها فتحات أو شروخ وما تتأثر بالماي أو الملوحه و في منها نوعين نوع مثل العجين والنوع هذا انا قد شفتها في ساكو في الدمام وعلى ما أظن في منها خمس انواع بس هذي خاصه بالبحر ومتوفره في فرع ساكو بالدمام الي على طريق الملك فهد فرع ساكو الي قبل بن خلدون بلازا وفيه أنواع ثانيه كثير عندهم

[sanad81]

أخوي في شبيه فيها أهم شي تكون marine epoxy تلاقيها عند ساكو ألي في الجبيل الصناعية أنا قبل 3 أيام شاريه تلاقي مكتوب عليه PC11

http://pcepoxy.com/images/prod-pic-pc11.png

[dbdb1400]

الاخوان
صياد بحريني,sanad81 ,kharshoum
الله يعطيكم العافيه على مشاركتكم اما بالنسبه ل PC11 اللي في ساكو جربته ولم يؤدي الغرض
فيا ليت للي عنده خبره ويدلني على شي يكون جودته عاليه زي اللي يستخدمونه اهل البحر وين القاه
مع العلم اني مريت مصنع القوارب في الجبيل بس كل ما اجيه القاه مقفل

[kharshoum]

أخوي نفس الماده هذي موجوده وأنا جربت المعجون حقها سعره على ما أذكر 19 ريال يجي أنبوب مثل الصلصال وهي ممتازه فعلا وموجوده مثل ماقلتلك وفيه انواع غيرها بس مدري عنها

[sanad81]

ممكن أعرف أش مشكلتك بالضبط
يعني عندك كسر ولا تبي ترقع جروح

هل المشكله في الفيبر ولا في الجلكوت

وبالنسبه لل PC11 هل أستخدمته صح , أقصد صنفرت المكان كفايه نضفت المكان وأفضل شي بأستون وتككته ينشف, أعطيت الأبكسي وقت ينشف صح


لأني أستخدمت الPC11 على طرادي من قبل وكان أكثر من رائع بس لازم تحطه صح

[dbdb1400]

السلام عليكم
اولا اشكر كل من شارك في الموضوع

المادة هذي طالبها واحد من الربع يقول عنده خزان ماي فايبر فيه شق ويبي يصلحه
اشتريت ال PC11 وارسلتها له وقال لي انها مانفعت
قلت ابي ارسل له نفس الماده اللي هو طلبها لانه ماعندي خبره في شغل الفايبر