اخواني ارجوا الدخول ابي نصيحة لا عدمانكم

[سلمان برجس]

السلام عليكم ورحمة الله وبركاتة

اخواني صبحكم الله بالف خير انا ماعندي ذيك الخبرة بالصقور وحاب استشير اهل الخبره

ومن استشار ما خاب ولا احد طلع من بطن امة متعلم وحبيت اسألكم يالوجية الغانمة

وابي الجواب الله يجزاكم خير ..

1 انا مثلا قررت اشتري شاهين هل افضل وحش ولا مدرب وهل المدرب لو افكه على حباري يصيد ولا ما يرجع ههههه ؟؟؟



تكفون ابي جواااب يالوجيه الطيبة


2 واذا ابي اروح لسوق الصقور اخذ فرخ ولا بكر وكيف اعرف انة مدرب علشان ما انغش ؟
3 لو كتب الله وشريتة اقدر اخلية بالبيت عندي غرفة بالسطح عادي ولا ما يأثر على الصقر وهل لازم كل يوم اطعمة ووش الطعام ؟

4 ماهو التلواح وهل هو للصقر المدرب أو الوحش ؟ وكيف انادي الصقر يجي باسمة ويصير وفي ويعرف انا صاحبة ؟

[سلمان برجس]

للرفع الله يرفع مقداركم

[عيد العازمي]

عليكم السلام ورحمة الله وبركاته

اخوي سلمان تبي تعرف الامور اللي قلتها


رح لاقرب صقار من معارفك وهو يعلمك من الصفر


واذا ماتعرف صقارين بيعلمونك اللي بالمنتدى ومراح يقصرون معاك


بس ما اقول الا عسى الله يوفقك .

[سلمان برجس]

عليكم السلام ورحمة الله وبركاته

اخوي سلمان تبي تعرف الامور اللي قلتها


رح لاقرب صقار من معارفك وهو يعلمك من الصفر


واذا ماتعرف صقارين بيعلمونك اللي بالمنتدى ومراح يقصرون

بس ما اقول الا عسى الله يوفقك .



الله يجزاك خير يا الطيب

[الغرشوب]

.. : نصيحه لك اذا ما تعرف احد عندك صقار ولا مبتدئ ابرك لك تسحب على الطيور لنها بتتعبك في البدايه والنهايه : ..

واذا ناوي تاخذ خذ لك شي مدهل لا تقرب الوحش عشان عز الله انه بيضرب الحوم ..

[سلمان برجس]

.. : نصيحه لك اذا ما تعرف احد عندك صقار ولا مبتدئ ابرك لك تسحب على الطيور لنها بتتعبك في البدايه والنهايه : ..




واذا ناوي تاخذ خذ لك شي مدهل لا تقرب الوحش عشان عز الله انه بيضرب الحوم ..


جزاك الله خير بس ودي اتعلم

[محتار والله]

نصيحه على قولت المصري اهرب يامدحت ههههه اخوي الصقار لازم تشوف قدام عينك ماهو سوال وجواب شف احد صقار من اللي تعرفهم وخاوه بالمقناص والله يعينه ويعينك ههههههه

[محتار والله]

واذا ناوي اشتر مدرب مالك ومال الوحوش الوحش اذا فكيت سبوقه ماتقضبه

[ذيب القرى]

بالأماني اذا ما عندك خبره وعندك احد خبير و الوقت كذلك لانه يباله وقت وتفرغ جنب عن الطريق هذا والإخوان متهم مقصرين معك في المنتدي واذا جازم خذ لك طير وحش وكري او غيره وتعلم عليه في التدريب هناك فيه كتب تعليم الصق اره قد مرت علي من زمان والله يوفق الجميع

[(هزاع)]

ابي انصحك
لاتقرب الوحش لاصرت مبتدي
ومهو لازم انك بولسنه تقنص الا برفقة صقاره
خذ وكري قرناس مدعي وبتدي به الين تعرف ثم انطلق
والصقر يعلف كل يوم وجبه واحده مساء اما فريه او نصف حمامه
والغرفه اللي بالسطح بالوقت ذا حر لازم مكيف وتكون امنه من القطاوه
وحاول تعرف على صقار وخلك خفيف نفس لايملك تكسب معرفته وتكسب مهاره وتخدمه
منول به مسما عند اهل المواتر يوم السيارات شوي مسمى معاوني
والمعاوني لجل يكسب الحرفه يخدم السواق بالشيل والحط والربط وبكل شي خفيف نفس ويكسب خبره ثم بعد كذا يسير سواق
والصقاره مهي هب طب يبيلها تعب ومثابره
اذا مالك بالتعب جنب

[الشامخ عرعر]

وعليكم السلام ورحمه الله ..
اخوي سلمان انا مع هززززاع بكلامه الطيب لاتشري وحش اذا انت مبتدى الا اذا عندك احد يعرفله خذ طير مولف يعني جاهز ومصقوربه قبل
وانصحك تواجد مع هل الطيور بالمدعى او غيره وتعلم وانا خوك وتحياتي لك بالتوفيق

[الشامخ عرعر]

4 ماهو التلواح وهل هو للصقر المدرب أو الوحش ؟ وكيف انادي الصقر يجي باسمة ويصير وفي ويعرف انا صاحبة ؟
التلواح اخوي هو الخيط او الحبل اللي تربط فيه الحمامه اوجنحان الحبارى وتدعي الطير به واكييييد للطير المدرب واللي يعرف الملواح بيجيك على طول عشان يعرف انت صاحبه لازم تنقلة على يدك كثير وتصوتله بسمه ويعرف صوتك وانصحك تشوف بعينك الدعووو للطيرقبل كل شي