الفرق بين كومبيوتر الغوص SCUBAPRO MERIDIAN وكومبيوترات suunto

[Burkooda]

السلام عليكم ورحمة الله وبركاته
لأهل الخبرة في كومبيوترات الغوص أبي مميزاتSCUBAPRO MERIDIAN وهل يجي معها ترانزميتر ويعطيكم ألف صحة وعافية .

[jeddahauto]

وعليكم السلام والرحمه والاكرام
اذا لغتك الانجليزيه تمام .. فدا الفديو فيه شرح كامل عن المريديان على اليوتيوب
http://www.youtube.com/watch?v=tEBJ65tQ19s

و ما يجي معاها ترانزميتر ولا يمكن اضافته لأن ما فيها جهاز استقبال داخلي لحساب عداد ضغط الهواء
لكن بشكل عام تعتبر من اجود الكمبيوترات و خصوصا انها صارت ببطاريه عاديه .. مو مثل الموديلات السابقه في سكوبا و اللي تحتاج لاعاده ارسالها للمصنع و بتكلف حدود 380 ريال لتغيير البطاريه
اما ذي بطاريتها مثل الساعات العاديه وسعرها عن وكيها الاحلام بحدود2450 ريال ... ولكن الكابتن مازن النعمان جاب منها كميه كان يبيعها بحدود 1800 ريال و تعتبر ما شاء الله سعر جدا لقطه

و السانتو طبعا أفضل كمبيوتر غوص حتى الان واللي تكون مخصصه للغوص الترفيهي او الديب ...لان بعض موديلاتها تقدر تضيف لها ترانزميتر و يكون فيها بوصله 3D الكترونيه و ترسم لك مخطط الغوصه و رسم بياني لها ... لكن اذا فكرت فيها لا تاخذ الا اللي تكون صناعتها فلنديه ... لأن ظهرت في هاذي الفتره صناعات ثانيه

و امس كنت عند غواص البحر الاحمر و كان في واحد يبغا يبيع ساعته السانتو D9 مع الترانزميتر بكرتونها لانه طالع بعثه عمل... و ما شاء الله كانت شبه جديده و باين انه جدا محافظ عليها ... اظن اسمه الكابتن اياد قربان