شباب تكفون الي جرب الباجيرو مديلات 99 وفوق

[آل مهنا]

قولوا لي كيف هي السياره و ايش مشاكلها ان وجدت؟.... و هل تنفع لطلعات البر و الكشتات؟

صراحه السياره كشخه و مريحه جدا وفيها مواصفات ماهي في غيرها. لكن انا خايف منها.

تكفون افزعوا لي بالمعلومات قبل ما اتهور واشتريها.

ابغى الي عنده السياره ولا يعرف احد استعملها يشور علي.

اخوكم:
عنيد

[آل مهنا]

صورة للسيارة:
http://pajero.com/resources/library/3rd_gene_01.jpg

موقع السيارة باللغة العربية (خاص بالشرق الاوسط):
باجيرو (http://pajero.com/middle/arabic/top.html)

تحياتي للجميع.

[العليمي]

صراحه انا ما جربت الباجيرو في البر (( طبعا جرت غيره )) الباجيرو صراحه ما يصف جمب اللاندكروزر و الباترول في القوه . كثير من الناس يعيبون على الباجيرو مشكلة التبريد .
فلذلك ومن واقع تجربتي و نصيحه لوجه الله اذا انت راعي بر فلا تشتري غير :
1_ تويوتا لاندكروزر (( سواء اربع أبواب ، او مصندق ، او شاص )).
2_ نيسان باترول .
3_ نيسان باثفيندر الجديد .(( لاكن ما جربته بس كثيرين يمدحونه وهو قوي خاصه موديل 2003 قوت مكينته 250 حصان )).
لاكن اسئلني عن اللاندكروزر و الباترول .

وتذكر ان هذه السيارات هي التي تتحمل اجواء منطقتنا الحاره و تصبر مع السنين .
وتذكر نقطه مهمه جدا (( القناصه الذين يذهبون للسودان و الربع الخالي ما هي سياراتهم ؟ )).انا ما اعتقد انها امريكيه لاكن هي بالتأكيد تويوتا و نيسان. والا وش رايكم ......

[جــلــمــود]

السلام عليكم

الاخ عنيد

منذ مده طويلة قرأت موضوع مطول ومفيد عبارة عن مقارنه بين الاند كروزر والباترول والباجيرو
موديلاتها الحديثة

وقد بحثت عنه ووجدته

وهو في الساحة العربية للكاتب جاك العلم على مااعتقد

واليك الرابط

اضغط هنا (http://alsaha.fares.net/sahat?14@16.pWLDcdwJ8Ch.11@.ef1d78b)





جـــلـــمـــود

[آل مهنا]

اخوي العليمي:
بالاول اشكر لك تلطفك بالرد و ابداء النصيحه... جزيت خيرا اخوي.

بالنسبه للاندكروزر (انا ادور على سيارة صغيره يعني في الحاله هذي بالنسبه للاند بيكون المصندق). يخوك السياره فعلا تكد لكن والله ان تكد راعيها قبل ما يكدها. ركوبها يهد الحيل بعدين منتهى التقشف بالاضافه للقساوه( اطامر مطامر).

الباترول ماهو بعيد ابد عن الباجيرو من ناحية الاعتماديه (حسب علمي المتواضع).

القوه الحصانية التي تتميز بها السيارتين تعوضها الباجيرو في خفة الوزن و الانضمه الغير مسبوقه في القير.

تعرف ايش العيب الي يردني فعلا عن هالسياره... والله لو اقولك على الخبر ماتصدق.

الباجيرو حجم كامل سعرها 117000. كذا كويس يعني نزلت عن العام كثير . طبعا بسبب نزول البرادو الجديده.
نجي للسياره الي انا ابغاها الي في الصوره فوق (بابين) جاي منها بس مواصفات كاملة ( فتحة سقف ,مقاعد جلد, تخشيبة, كمبيوتر للرحله,...) العادي (105000) و التوماتيك(قير) سعرها (111000) و فيه منها الي يسمونه بوليسي (يعني سياره بلا اي اكسسوارات) سعرها 75000.

لو قارنتها بالرانجلر كاملة المواصفات (صحاري) سعرها (80000).

على الاسعار المذكوره والله ما احد بياخذها (هذا عيب في الوكيل). سمعت انه بينزل الاسعار لان الصغيره ماهي راضية تمشي بالسعر هذا (لكن الحجم الكامل عليه طلب كبير).

لكن صدقني اخوي الباجيرو ما يعلى عليها في الرمال و لاتقارن بالبقيه من ناحية الراحه في الركوب على الخطوط السريعه.

هذا رأيي الشخصي و اختلاف الرأي لا يفسد للود قضيه.:)

و نصيحتك بالبال... و الموضوع لسع قيد الدراسه و التحميص.:D

الاخ جلمود:
مشكور اخوي على الموضوع الرائع الي دليتني عليه.... وهو فعلا جاي على الجرح. سياره بمنتهى الروعه مع وكيل الله بالخير.... والله انك تعبت معاي وفدتني كثير الله يجزاك كل خير اخوي.

الموضوع مفتوح للمزيد من الاراء.... لا تبخلوا يا اهل الراي علينا.

عنيد

[القماري]

تحية للجميع
اليك أخوي العنيد تفضل مواصفات المحرك في باجيرو
http://www.alesayi.com.sa/Pajero-5.gif

يوجد نوعان من المحركات لهذه الفئة
1- 3000 سي سي 3,0 - 6 سلندر مع 24 صمام SOHC و 190 حصان .
2- 3500 سي سي 3,5 - 6 سلندر و 24 صمام SOHC مع 200 حصان.
كلاهما يعمل بالبنزين مع نظام دفع رباعي متطور سوبر سلكت SS4-II
ومن بعض مواصفاتها:
نظام منع غلق المكابح ABS ، ونظام المكابح الإلكترونية EBD ، ونظام المكابح الهيدروليكية HBB
نظام تكييف متطور مع مثبت للسرعات ووجود وسائد هوائية مع تحكم مركزي للنوافذ والأبواب وقارئ أسطونات .
وتمتاز هذا السيارة (ميتسوبيشي باجيرو) بالكثير من المواصفات والتقنية ولها أسم لامع في عالم الراليات خصوصا بطولة باريس - داكار (مع إختلاف في المواصفات والمقاييس مع ماهو متوفر بالسوق)

مقارنة هذه الفئة من باجيرو مع نيسان باترول أو تويوتا لاندكروزر غير متكافئة وذلك بسبب إختلاف واضح في القوة والحجم ( تتفوق باترول و لاندكروزر في هذه الحالة)
بل تقارن هذه السيارة مع لاندكروزر برادو أو مع نيسان باثفيندر أو جيب شروكي (ليس جراند شروكي)
عيوب هذا السيارة محليا وليس عالميا
1- وكيل محتكر للسيارة مع قلة العروض المقدمة لهذه السيارة ولمتسوبيشي على العموم (بسبب الوكيل أو الموزع)
2- إرتفاع كبير في السعر مع منافساتها ( باثفايندر88 الف ريال - تويوتا برادو - جيب شروكي )
3- عدم توفر قطع الغيار مع غلاء ماهو متوفر منها.
4- قلة شعبية هذه السيارة لدينا (السبب ما سبق)
5- وجود بدائل أفضل في السوق.
إذا كنت من هواة البر والتطعيس فعليك بـ (تويوتا لاندكروزر أو نيسان باترول) أسمين قويين ولن يخذلانك إن شاء الله.