من مكة للزلفي " استفسار "

[متمادي]

السلام عليكم ورحمة الله وبركاته

استفسار بسيط .. قبل العيد ..

ابي اعرف افضل وازين طريق من مكة للزلفي ..

وهل يوجد مطار قريب .. من الزلفي .. يعني تنصحوني اروح طايرة ولا سيارة ..

لاني مستعجل شوي ..

[ابوحمد766]

رح بالسيارة مع طريق الرس ضيريه خلها تمشية أحسن لك وإن شاء الله أمان هذاك الطريق

[متمادي]

يعني كم كيلو تقريبا ..

اجي مع الطايف وظلم وعفيف .. ولا اجي مع المدينة

يعني كم المسافه تقريبا

[SHAAIFK]

ياخوي 70 كيلو ع جده


واحجز طياره على الزلفي او اقرب مطار لها


افضل واسلم حل لك

والسياره اشحنها مع البسامي بجنب المطار مو بعيد


وتوصلون بالسلامه ان شاءالله


تحياتي

[متمادي]

الزلفي يقولون مافيها مطار .. واقرب مطار بالقصيم ويبعد 140 كم

^
هذا اللي وصلني ان كان خطا صححوني ..

[ابوعمرالفاروق]

عليكم السلام ورحمة الله وبركاته
إذا كنت ملزم على الطيارة فمطار القصيم هو الأقرب ومن بعده مطار الرياض ومن المطار تستاجر سيارة
وإن كنت تريد المجيء بسيارتك فعن طريق الرياض السريع ومن ظلم تفرق لعفيف فالدوادمي إلى شقراء وتفرق يسار للقصيم والزلفي حتى نهاية الطريق ومنه يمين إلى الزلفي
وإن شئت طريق الرياض فبعد الرياض تتجه للقصيم وبعد المجمعة مفرق الزلفي
وطريق عفيف الدوادمي أنسب وانتبه من الأخطار في المدن والقرى والسوائب على الطريق
حفظك الله ووفقك

[متمادي]

طيب وش اقرب تقريبا ؟

يعني كم كيلو الفرق بين الطريقين

[ابوعمرالفاروق]

عليكم السلام ورحمة الله وبركاته
إذا كنت ملزم على الطيارة فمطار القصيم هو الأقرب ومن بعده مطار الرياض ومن المطار تستاجر سيارة
وإن كنت تريد المجيء بسيارتك فعن طريق الرياض السريع ومن ظلم تفرق لعفيف فالدوادمي إلى شقراء وتفرق يسار للقصيم والزلفي حتى نهاية الطريق ومنه يمين إلى الزلفي
وإن شئت طريق الرياض فبعد الرياض تتجه للقصيم وبعد المجمعة مفرق الزلفي
وطريق عفيف الدوادمي أنسب وانتبه من الأخطار في المدن والقرى والسوائب على الطريق
حفظك الله ووفقك


طيب وش اقرب تقريبا ؟

يعني كم كيلو الفرق بين الطريقين

الأقرب طريق ظلم عفيف الدوادمي شقراء الزلفي فهو في حدود 640 كم
أما طريق ظلم الرياض المجمعة الزلفي فهو في حدود 800كم

[متمادي]

640 من مكة ؟

[متمادي]

^_^

640 من مكة ولا الطايف

[najd star]

اخوي تطلع من مكه على الطائف ولما تاصل ظلم تتجه لعفيف ومن عفيف إلى الدوادمي ولما تاصل الدوادمي لاتروح لشقراء اتجه شمال بأتجاه عرجاء بس تراه سيد واحد خلك مع الخط بتمر على قرى لين تاصل الرس ومن الرس إلى الزلفي بالنسبة للمسافة ما ادري لاكن الي اعرفه
من ظلم إلى عفيف 110 كم تقريباً
ومن عفيف إلى الدوادمي 220 كم تقريباً
ومن الدوادمي إلى الرس 180 كم تقريباً

ملاحظة بين الدوادمي وعفيف قرية أتوقع اسمها البجادية فيها مفرق على بريدة لاكن مارحت معه 300 كم تقريباً

[مسافر1]

حيالك الله اخي الكريم
يوجد عدة طرق ولأسهل لك الأمر
خذ طريق مكة المدينة السريع ومن ثم طريق المدينة القصيم السريع
حتى يأتيك مفرق الزلفي من مفرق أم سدرة
المسافة من مكة إلى الزلفي من هذا الطريق 1000كم
ومن طريق الطائف ظلم عفيف الدوادمي شقراء الزلفي المسافة 945كم
والأفضل بلاشك الطريق السريع