المساعد الشخصي الرقمي

مشاهدة النسخة كاملة : سوال لاهل الخبرة في المواتر


بليهان الشمري
12/07/2006, 03:28 AM
السلام عليكم ورحمة الله وبركاتة


اخواني انا ابشتري موتر بس متردد وبصراحة هاوي البر وراعي بندق ومتردد وش اخذ هليكس

ولا جيب لا تبخلون بالنصيحة وشرايكم بالجيب وانواعة القوية اللى تصلح للبر ونوع القير

وبصراحة عندي3000 دينار كويتي وش تنصحون بة
سعد حمود
12/07/2006, 11:20 AM
السلام عليكم

اخوي ان كنت راعي بندق وطرد فانحش عن الهايلكس اسال مجرب ولا تسال طبيب انا كان عندي جيب سفاري 97وكنت اقنص فيه والله ياخوك انه موترثابت بالبر - قطه عرظ ورى الدحروج ولا تشيل هم -لانه الماني فالبر وجامد ولا فيه خرابات موسم كامل وانا اقنص فيه شبه يومي وماشاء الله ماتغير علي الموتر لا رجفه ولاهم يحزنون لكن مشكلته في البانزين تراه حرامي بانزين
وبعدين كثر ما اسمع عن الهايلكس والمدح الي يمدحونه الشباب في هذا المنتدي شريتلي هايلكس دبل قير2004 الصراحه انه شريت ليل ياخوي اذا دخلت البر يطامر كنك راكب حصان وخفيف جدا لدرجت انك اذا عديت ال80بالبر يلعب فيك واذا جتك رقله خفيفه والله ياخوك انه يقلبك اذا ما انتبهت وبعدين راعي البندق راعي سرعه وطرد والهايلكس ماينفع للطرد لانه مو ثابت لا تستطيع تلف بسرعه لانه رفيع وخفيف وخطر تقلب
الهايلكس ياخوك يصلح لراعي الغنم لشايب راكد بالبر
وعلى فكره ترى الهايلكس صرفيته ممتازه جدا
هذا الكلام من واقع تجربه شخصيه والاختيار الاخير لك واسال الله ان يوفقك
بليهان الشمري
13/07/2006, 12:35 AM
سعد حمود

الله يعطيك العافية ومشكور على النصيحة بس والله ياخوك انا اليوم حصلت جيبين بترووول الاول 94 قير عادي جيد
بس سعرة شوي خيالي

والجيب الثاني بتروول91 اخو الجديد مو متعوب عند حضري راعي بحر يسحب الطراد فية بس تماتيك القير وسعرة شوي غالي الا حد ما مناسب

وشرايكم يالربع وش تنصحوني بة بس لا طولون لانة الوعد باكر ارد خبر للحضري راعي التماتيك وبكم اخذة اخر سومة اعطية اياه لاني ماعرف قيمتهن
البيـــــراوي
13/07/2006, 01:34 AM
التماتيك ينفع للمطارد لانه مايحتاج تشغل يدك بالـ Dوالسلام عليكم اريح لك
والباترول ممتاز لكن زي ماقال الاخ سعد حمود حرامي بنزين والهايلكس خفيف مرة
لكن شف الاند كروزر تراه ممتاز واقل صرف من الباترول وعملي وله شعبيه
وشكرا
سعد حمود
13/07/2006, 02:10 PM
السلام عليكم
يالشمري الركاده زينه
وترىالتماتيك من وجهت نظري ما يصلح الجير العادي ويالله يمشي عجل وشلون التماتيك وبعدين سحبت الطراد تهلك الموتر
وانصحك انك تذهب للمكاتب الي في ابو حليفه راح تلقى ان شاء الله ضالتك وتتعرف على الاسعار
لكن احذر من الاماراتي لان اكثره يجي مصبوغ واتعب على البابطين
بليهان الشمري
14/07/2006, 03:29 PM
سعد حمود الله يعطيك العافية وماقصرت يالاجودي

وبغيت المكان اللى في ابو حليفة اذا ماعليك امرتوصفلي اياة وابيك توضحلي

لية الاماراتي وش فية


بانتظار الرد
صقر بني ياس
15/07/2006, 03:08 AM
اخوي انا انصحك بكروزر قير عادي vx-r

كان عندي واحد مديله98 والله انـــه

قام على لومينا 2004وانت

حـــــــــر
سعد حمود
15/07/2006, 10:32 AM
السلام عليكم
ابو حليفه يا طويل العمر تمسك خط الفحيحيل كنك رايح للفحيحيل و لي صارت الرقه يمينك ترى ابو حليفه يسارك انزل من تحت الجسر يسار وابد امش شوي ويجونك على يسراك وان غديت انشد عنها والناس انشاء الله تدليك
اما بالنسبه للاماراتي اكثره يجيك مقلوب ومصبوغ والمكاتب يشترونه وهو مقلوب- ارخص له - ويضبطه لك وبدبسك فيه
وانا اندبست بواحد اماراتي يوم اشتريه كانت صبغته ممتازه ومع الاستعمال وبعد سنه من شريته الصبغه تقشرت وبين المعجون الي فيه
فانصحك انك تفحص الموتر قبل الشرا لكي لا يحدث ما لا تحمد عقباه
بليهان الشمري
17/07/2006, 03:30 AM
صقر بنى ياس

سعد حمود

الله يعطيكم العافية

وشكر خاص ياسعد وبصراحة اتعبتك معي مغير انشد بس

الله يجزاك بالخير