ابوالجازي
12/07/2006, 05:05 PM
هذي قصيده من القصائد القديمه ارجو ان تحوز على رضاكم
متـى يقـال ســــهيل يشـعل كـما الـــنار =حتى يطـيب الكـــيف لاهــل الـــهدادي
مســكين راع الطــير لاصــار ماصـــار=وده يصــــــير الـــوقــت كلــه بـــرادي
وده يجيـــه الـوســم يكــثربـه امـــطار =حتـى يشــوف العـــشب بـيـن الكـتادي
لاشــاف لـه جـــره مـع روض وبــحار =يــنـسى مــن الـدنـــيا شــــرابٍ وزادي
طلع من احــراره كـما وصـــف رادار = لاشــافـها مـــعلـــوم طلــــعه وكــــادي
الطــير لـحـّاقٍ اذا صـــادهـــا طــــــيار =مــن عـــقـب رددهـا شـمــالِ وغـــادي
ماكـل مـن يشـــريلـه طـــيور صـقــــار =ولاكــل طــــير يصـــــيد ام الثـنـــــادي
احـدٍ قنـص مقـنــاصٍ ادروبـه اوعـــار =واحــدٍ قــنص مقنـاص دربه حمـــادي
بعــض العرب تقنص من الصيد تختار =وبعـض العــرب ما صاد حتّى الجرادي
ياما حـلا رفقــة طـويلــــين الاشـــــبار = اللـي عـلى صـــوت المــنادي تنــــادي
هـــذا ولـد خـــالٍ وهـــذا ولــد جــــــار =وهــذا ولــد عـــــمٍ بــرايــه ســـــدادي
راع الـولـع جـاهـز مـعا وقت الاسحار =فكــك سبــــوق الطـــير والـنور بــادي
صلـى وحـمّى مـوتـره وقـــت الافــجار = والليــل تـــــوّه بـاقـــيٍ بــــه ســـوادي
ودّه يحـــوف الارض يـمـــين ويـــسار =اقـفـا وخـلا النــار تصـــــبح رمــــادي
ذي لـــذة الـمــــقناص يانـأيـــم الـــدار = تســوى حيــاة اللــي يحــب الـرقـادي
اللـي يـبي المــقناص ياخـذ لـه احــرار =مـن بيــن شــقر وحــمر فيــهن ركادي
وصــــلاة ربـي عـــد مــا طـأيـرٍ طـــــار =علـى النبــي وعــــداد نـبـت البـــوادي
متـى يقـال ســــهيل يشـعل كـما الـــنار =حتى يطـيب الكـــيف لاهــل الـــهدادي
مســكين راع الطــير لاصــار ماصـــار=وده يصــــــير الـــوقــت كلــه بـــرادي
وده يجيـــه الـوســم يكــثربـه امـــطار =حتـى يشــوف العـــشب بـيـن الكـتادي
لاشــاف لـه جـــره مـع روض وبــحار =يــنـسى مــن الـدنـــيا شــــرابٍ وزادي
طلع من احــراره كـما وصـــف رادار = لاشــافـها مـــعلـــوم طلــــعه وكــــادي
الطــير لـحـّاقٍ اذا صـــادهـــا طــــــيار =مــن عـــقـب رددهـا شـمــالِ وغـــادي
ماكـل مـن يشـــريلـه طـــيور صـقــــار =ولاكــل طــــير يصـــــيد ام الثـنـــــادي
احـدٍ قنـص مقـنــاصٍ ادروبـه اوعـــار =واحــدٍ قــنص مقنـاص دربه حمـــادي
بعــض العرب تقنص من الصيد تختار =وبعـض العــرب ما صاد حتّى الجرادي
ياما حـلا رفقــة طـويلــــين الاشـــــبار = اللـي عـلى صـــوت المــنادي تنــــادي
هـــذا ولـد خـــالٍ وهـــذا ولــد جــــــار =وهــذا ولــد عـــــمٍ بــرايــه ســـــدادي
راع الـولـع جـاهـز مـعا وقت الاسحار =فكــك سبــــوق الطـــير والـنور بــادي
صلـى وحـمّى مـوتـره وقـــت الافــجار = والليــل تـــــوّه بـاقـــيٍ بــــه ســـوادي
ودّه يحـــوف الارض يـمـــين ويـــسار =اقـفـا وخـلا النــار تصـــــبح رمــــادي
ذي لـــذة الـمــــقناص يانـأيـــم الـــدار = تســوى حيــاة اللــي يحــب الـرقـادي
اللـي يـبي المــقناص ياخـذ لـه احــرار =مـن بيــن شــقر وحــمر فيــهن ركادي
وصــــلاة ربـي عـــد مــا طـأيـرٍ طـــــار =علـى النبــي وعــــداد نـبـت البـــوادي