ما افضـل إطـارات للشـروكـي

[الوشاح]

الســلام عليكــم


المعــذره .. مــاودي افتــح مــوضــوع علشــان كفــرات لاكــن .. ابــي مشــورتكم


موتــري شــروكــي جــنط 16


وش افضــل نــوع كفــرات .. ونا حــريــص علــى الكفــرات الينــه


الــي بموتــري الحيــن كوبــر .. قاسيــات بالحيــل


فيــه الهانكــوك .. والبــرجستــون .. والمــاكســس .. << وش رايكــم


الله يعطيكــم الــف عــافيــه


تحيتــي للجميــع

[مجنون ليلى]

مشكووووووووووووور



جزاك الله خير.



وبارك الله فيك

[الوشاح]

مشكووووووووووووور



جزاك الله خير.



وبارك الله فيك

وياك إن شالله .. مسوينا شي هذا الواجب

:D :D :D

صباح الخير .. شكلك سهران من البارح

يعطيك العافيه .. ولاتخلينا من هلخطمات :)

تحيتي لك

[الوشاح]

.....للــرفــع .....

[ابو فهد 1]

هلا اخوي الوشاح وشلونك ......

بنسبه للكفرات انا اشوف الهانكوك احسنهن لاني انا مركبهن على موتري الصراحه لينات وزينات بلخط مالهن صوت ولاشي
وسعرهن الواحد بـــ 300 ....... احط بلكفر العيار 35 وفارشات ..
مقاس الكفر 16\70\235
وهذا الي عندي .....
والسلام عليكم..

[ابو-الوليد]

اخى الوشاح كيف الحال ان شاء الله طيب...

خطك يبغاله مجهر عشان تقراه بارك الله فيك

مدري غيرت الكفرات والا لا. لاني افكر اغير كفراتي قريب ان شاء الله. ولو جربت نوع طيب بلغنا الله لا يهينك.

تحياتي للجميع.

[الوشاح]

ابو فهد 1


يعطيك العافيه .. الهانكوك ممتاز .. شفته امس لاكن المشكله بشكل الكفر ( الجنب )


ماعجبن ابد .. فيه خطين متوازيين !! وكتبه بايخه


اما.. كجوده .. لا يعلا عليها


حصلته عندنا بـ320 ريال


يعطيك العافيه




luminass_2002



هلا والله .. بخونا لومينا



خطك يبغاله مجهر عشان تقراه بارك الله فيك




غريبه .. الخط عندي بالشاشه واضح


إذا كان جهازك محمول 12 بوصه .. اكيد الخط يصير مغير


وإذا كان جهازك عادي .. المشكله من عندي


نرجع موضوعنا


ماغيرت الكفرات .. لأني مالقيت شي يعجبني


حصلت هانكوك .. مثل ماذكرت جنبه دمار


وحصلت ماكسس .. حليو لاكن الماركه هذي جديده


مع اني اشوفه دايم بسباقات الفورملا




يعطيك العافيه



ياشباب .. من جرب كفرات الماكسس ؟؟

[غالي]

والله اخوي انا قد جربت كفرات سوموتو من وكالة الشاهين ركبتها مرتين اعجبت فيها وعاشت معي تقريبا 3 سنوات
وغيرتها على فكره بدون ماينطق معي ولا كفر ولا خرب بس قلت مدة صلاحيتها خلصت منيب فاضي اتعطل وماقصرت وهي ماتغيرت
بس سلبياتها شيء واحد
انها ترا تزلق مو مثل شد البلد
هذا عيبها الوحيد
والا والله انصحك فيها رغم اني شريتها اول مانزلت كان قيمة الكفر ممايقارب 230 ريال في عز تقريبا عام 2000هالحين مدري صار بكم بس سمعت انه غلا
وزيادة على كذا انا اخذ ارتفاع 75 ارفع من كفرات شد البلد وتعطيك شكل رايق على الموتر بحيث تغطي مساحه اكبر لفتحة الكفرات الي بالبدي ونقشتها ترا ناعمه جدا جدا
والله اعلم والله يوفق :)

[الوشاح]

اخوي غالي

يعطيك العافيه على المرور والتعليق

السوما تومو كفرات يابانيه .. لينه بالحيل

اعتقد جنط موترك 15

لأن مايجي ضغط 75 على الجنط 16

شكرا على المرور

تحيتي لك

[الوشاح]

واخيرا .. ركبت إطارات ماكسس


http://www.laceibatireshop.com/imagenes/cauchos/maxxis/ht760.jpg

سعر الاطار مع التركيب 280 ريال

من التجربه الاولى

متوسط اليونه .. مايزلق .. شكله مررره حلو على الموتر

صورة الكفر على موتري
http://www.q5q5.net/uploads/1aad0eaae9.jpg (http://www.q5q5.net/)


الي مخوفني فيه .. هو الصناعه ( تايلندي )

لاكن بعض الشباب مجربه ويقول مافيه مشاكل >> ياليت

تحيتي للجميع

[عزيزو]

ياشباب

يعطيكم العافية على الموضوع حيث بقدوم فصل الصيف والعالم كلهم الليبي يروح وغير وانا مركب كفرات تويو يابانية الصنع ومقاس 16/225وبصراحه زينة وهي معي تقريبا سنتين .

1-وودي اسئل عن الماكسس للمجربين هل تحك في الكفرات اللي قدام

2-وش رايك بعد في الهانكوك بعد للمجربين .



................................. تحياتي

[ابو فهد 1]

مبروك اخوي الوشاح وانشاء الله تقطعهن بالعافيه .......


اما الاخ يأسل عن كفرات الهانكوك انا مجربهن الان لهن سنتين الصراحه ماقد اشتكيت منهن ابد المقاس

16\70\245 بس يحكن اذا لفيت يسار بس اما مقاس 16\70\235 هاذولي مايحكن وتراء فيه عده نقشات
فيه ناعمه الي يجي على الي بالجنب مكتوب عليه بالبيض اسم الكفر زين هذا ...
اما الخشنه الي مايجي عليه كتبه بالجنب هذا ازينهن كلهن بس ماتلقوه الا قليل لانه منقطع الى 2005 وصل..
تجيك النقشه كبيره يعني ادخل اصبعك يغيص .......

والسلام عليكم .......

[الوشاح]

عزيزو

الهنكوك كفرات ممتازه .. ولا تعدا كلام ابو فهد

عن تجربه لشروكي جنط 16 افضل مقاس 16\70\235

ابو فهد 1

الله يبارك فيك .. شكرا على المشاركه والمرور

تحيتي للجميع

[ابو-الوليد]

اخي الوشاح مبروك عليك الكفرات وجعلها سلامة لموترك باذن الله.
هل المقاس اللي اشتريته 16\70\235
ايش نوع الشوروكي اللي عندك.لان اللى عندي شوروكي ليبرتي زي اللي في توقيعي وهل المقاس واحد.

وبخصوص الخط ما يبغاله مجهر يبغاله تلسكوب ولا تزعل (دعابة عزيزي بارك الله فيك)

[عزيزو]

ابوفهد /



الله يعطيك العافية بس انت تكلمت عن الهانكوك طيب بس كم قيمتها وهل تتحمل الحراره بس انا خوفي من انها تحك لان اللي عندي 16/225/70 والماكسس وش رايك فيها بعد


........................ ومشكوووووووووووووور

[الوشاح]

luminass_2002

مراحبا ..


نعم المقاس 16\70\235


وهو افضل مقاس لشروكي جنط 16


سبق وركبو شباب 16\70\245 وصار كبير على الموتر


يحك وثقيل وشكله موب مقبول


بخصوص الخط .. غريبه ماحد اشتكى غيرك :confused:


لاكن كبرناه علشانك :)


موتري الله يحفضك كلسك 2000


زي الي بالصوره


http://dealer.webmakerx.net/Images/Picture/2006/March/lg_4171B-1.JPG
تحيتي لك

[ابو فهد 1]

ابوفهد /



الله يعطيك العافية بس انت تكلمت عن الهانكوك طيب بس كم قيمتها وهل تتحمل الحراره بس انا خوفي من انها تحك لان اللي عندي 16/225/70 والماكسس وش رايك فيها بعد


........................ ومشكوووووووووووووور
....

قيميت الكفر يترواح من 300 الي 330 هذا الحد الاقصى .......ترا الاسعار يمكن متغيره تراي انا مركب الكفرات لهن سنتين على مااظن انهن ارخس .....
وتتحمل الحراره وصراحه اكشت عليه وانواع البطانيج والردميات والحصاين والحمد لله ماقد انشق الكفر ابد.... افضل المقاس هو 16\70\235 هذا مايحك ابد

امـــــــا الي اكبر منه الي 16\70\245 هذا يحك اذا لفيت يسار ومثقل الموتر ........

والماكسس ... ماجربته.!.. اسئل اخوي الوشاح !!.......



مــــــــاشاءالله على الموتر ياالوشاح ....الصراحه وقفه الموتر ...

اللـــــــــــــــه يعطيك خيره ويكفيك شره.........

والسلام عليكم.......

[ابو-الوليد]

اخي الوشاح ما شاء الله على سيارتك الله يحفظها ويحفظك ان شاء الله.
هل مواصفات الماكسس جيده من تحمل حرارة وسرعة ....الخ
كم تاريخ صنع الكفرات اللي اشتريتها ؟


شكراً لك.

[shababi]

الشاهين على الشيروكي جيد بالبر لكنه اتعبنا وسبب مشاكل بالموتر

الان مركب كفرات ميشلان على جنط الشيروكي مديل 2000

بصراحه ممتازه جدا انصح اي واحد مهب راعي بر واجد ياخذها

ما عليها كلام من ناحية الثبات وتحمل الحراره

أخوكم / shababi

[عزيزو]

الاخ ابوفهد


بس صناعة الهانكوك اخبرها كورية صحيح وهي زينه على كلامك في كل شي بر وديرة ولاتبخل علينا بالجديد

انا انتظر رد الوشاح الى اليوم لاني ابي اركب كفرات وانا اجمع معلومات من الشباب الي مجربين بعض الانواع واشوف وش ينصحون فيه


......................... تحياتي

[الوشاح]

عفوا لومينا .. عفوا عزيزو ..

نسيت الموضوع .. المعذره :)


luminass_2002

الله يجزاك خير على دعائك :)

نعم .. من ناحية الحراره .. حصلت عليها حرف A ( افضل درجه )

اما السرعه .. ماعرفة الرمز الي يدل عليه !

إذا كنت تعرفه اخوي لومينا .. ارجو توضيحه



عزيزو

يا هلابك .. اسأل عن الي تبي

ونا حاضر :)

صوره للكفر

http://www.q5q5.net/uploads/acd02773f2.jpg (http://www.q5q5.net/)




اي استفسار ياشباب لاتستحووووووون


تحيتي للجميع

[ابو-الوليد]

بالنسبة للسرعة دور على الرموز التالية:

Q ويتحمل لغاية سرعة 160كلم
S ويتحمل لغاية سرعة 180كلم
T ويتحمل لغاية سرعة 190كلم
U ويتحمل لغاية سرعة 200كلم
H ويتحمل لغاية سرعة 210كلم
V ويتحمل لغاية سرعة 240كلم
W ويتحمل لغاية سرعة 270كلم
Y ويتحمل لغاية سرعة 300كلم
Z ويتحمل سرعة مفتوحة

اما بالنسبة لسنة الصنع يجيك زي كذا 415 ومعناها سنة 2005 الاسبوع ال 41

والحرارة زي ما قلت افضل شي A مناسبة لجونا في الخليج

بعض الكفرات يجي علها رمز LT ومعناه مناسب للشاحنات الصغيرة يعني Light Truck

اي استفسار ثاني انا حاضر....تحياتي

[عزيزو]

الاخ الوشاح

الله يسلمك ويخليك ربي حنا في هذا المنتدى نتكلم عن الكفرات وانا شدني الموضوع بصراحه لاني ودي اركب كفرات ومحتار جربت كفرات التويو وهي زينة بس شفت الشباب يقولون جرب الهانكوك والثاني يقول الماكسس واحترت بينها وحجم الكفر اللي عندي 16/225/70 ونحب ناخذ رايك بعد وماتقصر



.................... يعطيك العافية

[الوشاح]

لومينا .. بكل اسف الكفر لايتحمل اكثر من 180 كلم/ساعه ( s )

امممم اعتقد انه كافيه .. لي على الاقل ( ماتعدا 140 )

كان بودي تكون على الاقل( u )

لاكن الشكوا لله ..

بالمناسبه .. سيارة احد الشباب هايلكس ديزل تتحمل كفراتها سرعه حتى 210 ( h ) وهي ماتعدا 150 :D

الاخ عزيزو

انا ماقدر احكم على الكفر من تجربة اسبوع .. لاكنه جازلي

لين وشكله حلو .. لاكن ماقدر اقولك ركبه او لاتركبه لأن الماكسس جديد بالسوق ولا نقدر نحكم عليه إلا بعد سنه على الاقل

إذا الشكل مايهمك كثير انصحك بالهانكوك .. كفر مجرب ومعروف
وذا يهمك الشكل لاتتعدا الماكسس


16/225/70

المقاس هذا شوي صغير .. عليك بـ 16/235/70
اي استفسار ياشباب لاتترددووووون

تحيتي للجميع

[ابو-الوليد]

180 كفاية مع ان الشروكي في الخط ما يجيب راسة الا 185 هههههه

على العموم الكفرات شكلها حلو على الشروكي ومبروك عليك الشكل الجديد وتمنياتي لك بالسلامة في حلك وترحالك.

هذي مجموعة من كفرات شركة ماكسس بنفس المقاس 16/235/70
http://www.maxxis.com/intellicms/_exec/ecommerce_thumbnail.aspx?maxmode=true&noresizeiffit=false&dozoom=false&width=300&height=300&url=/temp/intellicms.modules.ecommerce/product_images//HT-750.jpg


http://www.maxxis.com/intellicms/_exec/ecommerce_thumbnail.aspx?maxmode=true&noresizeiffit=false&dozoom=false&width=300&height=300&url=/temp/intellicms.modules.ecommerce/product_images//MA-S1_marauder.jpg



هذا مقاس اخر وكفرات ماكسس تستخدم في سيارات السباق الان...
http://www.laramp.net/maxxis%20racing%20tire_files/image011.jpg

وهذا موقع الشركة:
http://www.maxxis.com/

[الوشاح]

شكرا لومينا ..

يبدو ان ماكسس شركه جيده .. اشوف دعاياتهم دايم بالفورملا

لاكن مادري وش جنسية الشركه ؟

يابانيه ولا امريكيه ولا فرنسيه ؟

تقدر تشوف اخوي لومينا ؟؟

دورت بالموقع ولا حصلت شي .. ماعليش كلفنا عليك :)

تحيتي لك

[ابو-الوليد]

حبيبي الوشاح انت تامر ما كلفت ولا شي..
شركة ماكسس ماهي جديدة الشركة انشأت في عام 1967 وهي تايوانية بس مقرها الرئيسي في امريكا (جورجيا).
والشركة لها شعبية عالمية في الوقت الحاضر وعندها فروع في 130 دولة بس شكلها مافتحت فرع عندنا عشان كذا نقول عليها جديدة.

بس سمعت من واحد جرب الكفرات وقال الكفر يتشقق من الجنب بعد فترة ( شكله اشترى كفرات بمواصفات غير مناسبة عندنا في الخليج ) ...مايهمك الكلام لانك راح تجرب الكفرات وتعطينا خبر طيب ان شاء الله ولا تنسى ايضاُ ان عندك ضمان سنة.

اي استفسار انا حاضر اخي الوشاح....

[الوشاح]

شكرا عزيزي لومينا ..

انا قصدت انها جديده عندنا .. اممممم تايوانيه بمواصفات امريكيه .. يبدوكذا !

اما الكفر يتشقق بعد فتره .. مشكله :confused:

يالله .. ركبنا الكفرات وابكرفهن إن شالله سنتين :D

يعطيك العافيه لومينا

تحيتي لك