المساعد الشخصي الرقمي

مشاهدة النسخة كاملة : هايلوكس 2012 فل كامل من قطر بالتفصل والصور



فارس العمور
19/08/2012, 08:44 PM
السلام عليكم
وكل عام وانتم بخير

مثل ما وعدتكم بتفاصيل الشراء من قطر والاسعار والمواصفات والصور !!

طبعاً بعد مابعت سيارتي الهايلوكس 2012 سعوديه والي شريتها بمبلغ خيالي فوق 90 الف ريااااال !!
قررت اشتري فل كامل من قطر لاسباب كثيره جعلتني اختار قطر فقط!! ومنها :

1- السعر ممتاز مقارنه بالحرامي عبداللطيف.
2-المواصفات هي الافضل بدول الخليج +الكويت.
3- قرب المسافه.
4- جميع مابداخل السياره وخارج السياره شد بلد (يعني من مصنع تويوتا)بدون اي تعديل بتاااتاً.
5-لا يوجد تعقيد بالشراء فالعمليه سهله جدااً وهذا مايعيب الكويتيه (لازم تكون كويتي).

---------------------------

التفاصيل: اتجهت لقطر ( 25-9-1433 )ومن منفذ سلوى دخلت (ببطاقة الاحوال فقط) 90 كلم وانا بالدوحه والمعارض مباااااشره يمين ويسار يعني اول ماتدخل الدوحه اصفط يمين هذي المعارض وبس !! (يعني لو تحاول تضيع ماتقدر :SnipeR (51):).
طبعاً معارضهم بسيطه وعلى قدهم وزبدت معارضهم الي تهتم بالهايلكس هي معرض ديار العز و معرض المشترك.

طريقة الشراء:اذا كانت السياره متوفره بالمعرض فقط ادفع فلوسك وطلب منهم يخلصون الاوراق وتستلمها بعد الظهر بالكثير والله يستر عليك اتجه لاهلك :SnipeR (94):
اما اذا كانت السياره غير متوفره فيطلبونها لك وبعد يومين تستلمها .

طبعاً وانت طالع من المنفذ تدفع 210 ريال ويبدلون اللوحات لك وانت واقف

ملاحظة : تقدر تشتري سيارتين فقط بالسنه لكل شخص

انصح الجميع يتصل بهم قبل يمشي افضل (الارقام بالاخير).

ملاحظة: اصرف فلوسك وحطها بجيبك كاش من السعوديه !!

الاسعار والمواصفات :

1- مكينه بحجم 2000 سعرها بالستينات ماركزت بالمواصفات

2- مكينه بحجم 2700 سعرها 73 الف سعودي وهذي نفس فئه سيارات ابوجميل قبل تركيب اكسسواراته الصينيه لكن مسجل القطريه اصلي من تويوتا وهذي الفئه تجي قزاز كهرب وبدون كشافات ولا ريموت ومراتب متصله وجنوط سوداء وهذي انصح بها من لا يهتم بالاكسسوارات ووجع الراس مثل كبار السن (اشتريت وحده)

3- مكينه بحجم 2700 سعرها 76 الف سعودي وهذي نص فل وممتازه وتفرق عن الفل كامل ان مراتبها مابينها درج بالوسط والجنوط سوداء وعيبها صدامها الخلفي نفس صدام 2006 فقط . طبعا هذي يجي فيها ايرباقين ومانع النغلاق للبريك ورموت اصلي بالمفتاح ودركسون رباعي مثل الكامري وكشافات اصليه تشتغل من عصى الانوار.

4- مكينه بحجم 2700 سعرها 79 الف سعودي وهذي فل كااااامل جنوط المنيوم وايرباقين ومانع النغلاق للبريك ورموت اصلي بالمفتاح ودركسون رباعي مثل الكامري ومراتب مفصولة ودرج بالوسط و كشافات اصليه تشتغل من عصى الانوار (اشتريت منها واحده )

الصور ::SnipeR (18):للفل كامل فقط :

http://www.toyota4arab.com/upload/i/00010/90z58dbp1sw5.jpg


http://www.toyota4arab.com/upload/i/00010/en2327jviibh.jpg
لاحظ والكشافات الاصليه مكتوب عليها تويوتا بشكل واضح وجوده عاليه!!
ومستحيل تحصلها بالهايلوكسات السعوديه لانها صينيه سيئه

http://www.toyota4arab.com/upload/i/00010/y5nue4qfd4sa.jpg


http://www.toyota4arab.com/upload/i/00010/p5bs8mrpedwq.jpg

لاحظ الجنوط الخاصة بهذه الفئه الفل كامل وستحيل تحصلها بالسعوديه لان هذه الفئه شبه معدومه عندنا ولو جائت كم سيكون سعرها ؟؟

http://www.toyota4arab.com/upload/i/00010/cov18u3daoxw.jpg


http://www.toyota4arab.com/upload/i/00010/pga4ikb8jv3q.jpg


http://www.toyota4arab.com/upload/i/00010/5vg0iqadhq7p.jpg

من الداخل مراتب مفصولة متحركه !! يعني السائق والراكب تتحرك للامام وللخلف !
والديكورات بالوانها الاصليه كما خرجت من المصنع لم تتعرض للفك والصبغ ثم التركيب وهذا من اسباب صدور الاصوات بالديكور بالسيارات السعوديه .
ودرج بالوسط .

http://www.toyota4arab.com/upload/i/00010/4d93w72jszxt.jpg

هذا مانع الانغلاق وهو ضروري جدا للهايلكس لان بريكها العادي سييييئ ولا يوجد بالهايلوس السعوديه الا بالدبل فقط وهذي تقهررر.

http://www.toyota4arab.com/upload/i/00010/ys5uduaa9y8s.jpg

ما تحت الكبوت مطابق للسعوديه تقريبا وتزيد القطريه بمانع الانغلاق

http://www.toyota4arab.com/upload/i/00010/ajn89mxduxjn.jpg

ايرباق (وساده هوائيه ) للسائق والراكب وشاشه بيانات فيها بوصله وحساب المتبقي من البنزيم ودرجة الحرارة ...الخ

http://www.toyota4arab.com/upload/i/00010/xdvejek5lsjy.jpg

لاحظ وجود لمبه للكشافات باليمين وطبعا كل الفئات طبلون ليزر

http://www.toyota4arab.com/upload/i/00010/p5mwezevbqlc.jpg

المسجل الاصلي من تويوتا وهو الموجود بكتلوج السيارة ولا يوجد صور لمسجل السعوديه بالكتلوج بتااتاً
شاشة البيانات

http://www.toyota4arab.com/upload/i/00010/e8err47ja0cs.jpg

الدركسون المميز بعكس السعوديه السخيف

http://www.toyota4arab.com/upload/i/00010/z7428ffhobog.jpg

الديكور للقير جميل ورايق ومنفذ USB ومنفذ ايبود وللمعلوميه منفذ الـ USB يشحن الايفون ويشغل الصوتياتا معاً يعني مايحتاج شاحن للايفون بس اشبك السلك واستمتع .

http://www.toyota4arab.com/upload/i/00010/wrpy2lvnjt9b.jpg

حامل اكواب خلفي مع 3 فرشات (من تويوتا) بلون احمر مناسب

http://www.toyota4arab.com/upload/i/00010/03wduinbmwy6.jpg

2 مفتاح بريموت (اصلي) وواحد عادي طبعاً رموت ابو جميل صينه فاشل والكل يعرف مشاكله


http://www.toyota4arab.com/upload/i/00010/2z1fqgcxof3d.jpg

واخر صوره هي وصل الشراء وفيها ارقام المعرض واطلب منهم رقم معرض المشترك للتتأكد قبل السفر من توفرها واسعارها .

وفي الختام هذي صورة لسيارات ابو جميل قبل تركيب الاجزاء الصينية مثل المسجل والرموت والمكيف والتخشيب والجناح والدعامية والخطوط والكشافات والحساسات ...الخ

http://img571.imageshack.us/img571/5532/80133724.jpg



http://up.arab-x.com/Aug11/Kzb13207.jpg

واي استفسار يليت يكون هنا بنفس الموضوع يعني بدون الخاص
والمجال مفتوووووح للنقل مع ذكر المصدر

تحياتي

كثير السؤال
19/08/2012, 09:32 PM
ماشاء الله تبارك الله الله يطعمك خيره ويكيفيك شره
حلو انه تشرى بالعمله السعوديه من غير تحويل ووجع راس
سؤال لو سمحت
يقولون لازم تعلم الجمارك السعوديه كم فلوسك ولازم مايتعدن 30 الف لكل شخص هذا بالكويت
ولا ادري عن قطر

الدبل الثقيل
19/08/2012, 10:21 PM
وعليكم السلام ورحمة الله وبركاته
ماشاء الله تبارك الله ، لاقوة إلا بالله

الله يبارك لك ويهنيك ، والله يجعلها عون على الطاعه

جزاك الله خير على التفصيل والافادة في الموضوع.

عيدكم مبارك

abo_hoor
19/08/2012, 10:24 PM
وعليكم السلام وعيدك مبارك اخوي فارس وتقبل الله طاعتك ماشاء الله تبارك الله الله يعطيك خيرها ومبروك احسن شي سويته انك
شفت الاسعار في قطر وموصفات مع سيارات في سعوديه وطلعت عليك ارخص وموصفات رائعه وجزاك الله خير على التوضيح لاخوانك

فارس العمور
19/08/2012, 11:10 PM
اشكر الجميع على الكلام الطيب
بخصوص قيمة السياره دخلنا المنفذ ومعنا حدود ١٦٠ الف وعدد نا ٣ وقسمناها بيننا وعمماً ماحد سالنا عنها
والي سمعته ان كل شخص ٦٠ الف

أنصر نبيك
20/08/2012, 01:45 AM
موفق خوي فارس عندي سؤال وين الحكومة عن ابو جميل هذا وايش دور مكافحة الفساد عنه والا الكل
عارف وساكت ومطنش بمزاجه حسبنا الله ونعم الوكيل على كل غشاش !!
أعتقد طرش البحر هذا لانه عنده امكانيات مادية كبيرة يستورد السيارات بمواصفات متواضعة لأجل يوفر في التكلفة
ويحقق عوائد ربحية عالية ولأنه يملك امكانيات يقوم بتركيب القطع الصينية بلا رادع من دين أو خلق

أما الاشقاء في قطر امكانياتهم مثل ماتفضلت على قدمهم وهذا مايجعلهم يتركون السيارات على حالة المصنع

اللهم ياشديد البطش ياقهار أطمس على أموال عبد اللطيف جميل وأجعله عبرة لكل تاجر غشاش

يسوي نفس سالفة الافلام المصرية يتظاهر بالاحسان ويفتح باب رزق جميل كستار وتجميل صورة وهو أكبر
غشاش حسبنا الله ونعم الوكيل عليه وعلى كل التجار الحثالة أمثاله

لكن أخوي فارس لو انك صبرت وأخذت 2013 بس ياطويل العمر هل يعترف الغشاش أبوجميل بالضمان
الخليجي والا مثل الحمراني حمر الله عيونه مايعترف فيه

كان نفسي يكون عندك فكرة عن سعر الهايلوكس الدفرنسين فل كامل في قطر
عيد سعيد لك ولجميع الاحبة في المنتدى

أبو تميم 506
20/08/2012, 03:00 AM
ماشاء الله تبارك الله اله بطعمك خيره و يكفيك شره

ابومارية
20/08/2012, 03:17 AM
موترا" مبروك تعلم عيالك عليه السواق ان شاء الله

والله أنك جيد تقرير فتح عيون الكثير

وبغيت اسأل عن الي مكينته 2000 هي مكينة الهويلكس 2005

فارس العمور
20/08/2012, 04:19 AM
اهلاً بالجميع
بخصوص الضمان نعم يضمنها ابو جميل مثل اي سياره سعوديه ويضمنها وكيل قطر ايضاً ثلاث سنوات وبدون مايطالبك بالصيانه
اما مكينه حجم ٢٠٠٠ فهذي ليس لها علاقه بمديل ٢٠٠٥ واذا فتحت كبوتها لا تفرقها عن ٢٧٠٠ بتاااتاً الا بأرقام معينه نوضحها بعدين
وهي متوفره سعوديه وخليجيه لكن ليس لها طلب بالسعوديه فقليل مانشوفها هنا

أحمد الدهمشي
20/08/2012, 05:49 AM
وعليكم السلام ورحمة الله وركاته

وكل عام وانت بخير
بارك الله فيك على ما ذكرت وطرحت لنا وجعله الله في موازين حسناتك
حقيقة شء مؤلم ما يقوم به ابو جميل يلعب بالمواصفات والسعر اغلى ..!!
وهل تسمح اخي بنقل الموضوع للفائدة وبدون تغيير حرف واحد مع اضافة منقول
تحياتي ..

شقردي حر
20/08/2012, 06:03 AM
الله يعطيك خيرها ويكفيك شرها

عندي استفسار عن اسعار الهايلوكس فل كامل.. دبل.. قير اتوماتيك وقير عادي ؟؟ كم يسوا

ابونبيل
20/08/2012, 06:18 AM
ماشاء الله الله يبارك لك

وموضوعك جدا رائع

المميـز
20/08/2012, 07:05 AM
:

ماشاء الله تبارك الله
الف مبروووووگ الموتر الله يعطيك خيره ويكفيك شره

وتقرير رائع جداً يوضح الفروق بين المواصفات

وخير ماسويت ان شاء الله

:

ابومحمدam
20/08/2012, 10:46 AM
مشاء الله مبروك
وكم سعر الغمارة فل كامل

Salamah.y
20/08/2012, 12:32 PM
ماشاء الله , ربي يطعمك خيرها و يكفيك شرها
و ياليت الكل يسوي زي ما سويت , و يخلي وكالة ابو جميل
بس خوفك , يزيد الطلب عليها بقطر , و ترتفع الاسعار

هل الأسعار لكل السيارات نازلة , و الا بس الهيلوكس ؟!
اتوقع الجيوب مافيها فرق كثير , او لا ؟!
,

عموماً ياجماعة الخير , حاولوا ما تدعون على عبداللطيف جميل
الرجال متوفي , و على ايامه كانت الاسعار معقوله و السيارات تجي زي ماهي من المصنع
حالياً الشركة بإدارة الورثه زي ما نسمع , و هذي قراراتهم , الله يهدينا و يهديهم و لا يشغلنا بالدنيا
الله يحمينا و كل المسلمين من الطمع و الجشع و الغلاء و كل البلاء ~

,

بارك الله لك بمالك , و شكر لك حبك لإفادة الناس
موووفق @~

اسبيدر مان
20/08/2012, 02:49 PM
الله يعطيك العافيه على هتقرير الجميل
ومركب السعد ان شاء الله

فارس العمور
20/08/2012, 03:26 PM
اشكر الجميع

بخصوص الغماره والله ما سئلت بس ارقامهم موجوده بالوصل اتصل بهم واستفسر عن اي شي قبل تمشي
واغلب المشترين سعوديين

والمجال مفتوووووح لنقل الموضوع مع ذكر المصدر
القصد من الموضوع الفائده ونشر مثل هذه المواضيع يزيد من فائدتها

هُمْهُوم
20/08/2012, 06:28 PM
الله يطعيك من خيرها ويكفيك شرها.

فيه شغله محيرتني لماذا وكالات السيارات في السعوديه اغلى من الوكلات الخليجيه ؟

أبوفيصل 2007
20/08/2012, 07:34 PM
ماشاء الله تبارك الله الف مبروك اخوي عصام ، لدي استفسار كم تكلفة الجمارك للسيارة ؟؟؟ وكم الفرق سعر السيارة مع سيارات ابوجميل ؟؟؟ نفس المواصفات

وكل عام وانت بخير

فارس العمور
20/08/2012, 07:47 PM
فيه شغله محيرتني لماذا وكالات السيارات في السعوديه اغلى من الوكلات الخليجيه
لانه ابوجميل حرامي

تكلفة الجمارك مع اللوحات ٢١٠ ريال فقط
فرق السعر بين ابو جميل والفئه المقاربه لها قطريه اكثر من ١٥ الف ريال

اليوسف2012
20/08/2012, 07:50 PM
أولا : الله يعطيك خيرها ويكفيك شرها
ثانيا : أخ فارس بارك الله فيك بغيت أسألك الهلي اللي بدون كشافات سعرها 73000 سعودي هل هي بدون ريموت
وكم ياخذ المعرض رسوم البيع والتحويل رجاء إذا فيه تفاصيل ياليت
وكم من الوقت تستغرق الإجراءات في قطر
أشكرك جزيل الشكر فإنني سوف أذهب لقطر الاحد القادم والله يسهل الأمور

فارس العمور
21/08/2012, 12:30 AM
نعم بدون ريموت وهي نفس فئه السعوديه فل كامل ورموت السعوديه صيني تركيب جده تقدر تركب مثله برخص التراب
٧٣ وكسور كل شي فيها وتشيل موترك بنفس اليوم

قبل تروح لقطر اتصل بهم وتاكد من توفرها فقط

.أبوعبدالرحمن
21/08/2012, 12:45 AM
وعليكم السلام ورحمة الله وبركاته


ما شاء الله تبارك الله


والله يعطيك خيرها ويكفيك شرها

وتشكر على هذا التقرير الرائع جدا

اليوسف2012
21/08/2012, 06:34 AM
يعني رسوم النقل واللوحات داخل قطر هل هي من غير ال 73000 ألف
شاكر لك وآسف على الإطاله

دايم العز22
21/08/2012, 09:26 AM
ماشاء الله تبارك الله
الف مبروووووگ الموتر الله يعطيك خيره ويكفيك شره

muhajer
21/08/2012, 03:13 PM
لانه ابوجميل حرامي

تكلفة الجمارك مع اللوحات 210 ريال فقط
فرق السعر بين ابو جميل والفئه المقاربه لها قطريه اكثر من 15 الف ريال


معقولة جمارك 210 ريال بس !!

اخبر يقولون 5% من قيمة السيارة

فارس العمور
21/08/2012, 03:57 PM
يعني رسوم النقل واللوحات داخل قطر هل هي من غير ال 73000 ألف
شاكر لك وآسف على الإطاله

يخوي مثل ماقلت لك ٧٣ ريال سعودي قيمة السياره بأسمك جاهزه بلوحات قطريه واذا جيت طالع من المنفذ يركبون لك اللوحات السعوديه بالجمارك بقيمة ٢١٠ ريال فقط

اخوي مهاجر ٥٪ للسيارات الي تحت مديل ١١ اما اخر مديلين ماعليها جمرك يعني بس ٢١٠ وهي (٦٠ريال قيمة اللوحات + اتعاب المخلص ١٥٠ ريال ) = ٢١٠ ريال

وسلامتكم

سلطان الغدرا
21/08/2012, 05:17 PM
الف مبروك والله يعطيك خيرها ويكفيك شرها

anas
21/08/2012, 05:46 PM
جزاك الله خير موضوع قيم صراحة
الله يعطيك خيرها ويكفيك شرها ومبارك عليك السيارة
انا استفدت بالموضوع في طريقة الشراء والدخول بالبطاقة فقط وطريقة الجمرك ..
الف شكر لك ،،،

muhajer
21/08/2012, 05:50 PM
الله يجزاك خير اخوي فارس على مشاركتك لنا بتجربتك ومعلوماتك, عز الله انك كفيت ووفيت يالطيب.

الله يعطيك خير المواتر ويكفيك شرهن

abo naser 1
21/08/2012, 11:56 PM
الله يطعيك من خيرها ويكفيك شرها.

فيه شغله محيرتني لماذا وكالات السيارات في السعوديه اغلى من الوكلات الخليجيه ؟



السلام عليكم

شي طبيعي
التاجر + شريك التاجر الخفي المسئول النافذ + وزارة التجارة + حماية المستهلك + الغرف التجارية
جميعهم صف واحد ضد ابناء الوطن


ويكون بعلم الجميع ان سعر ها الونيت الي ب 90 الف و في قطر ب 79 الف لايتعدى 40 الف ريال في شرق اسيآ وأفضل من ابو جميل ومن قطر في المواصفات

فارس العمور
22/08/2012, 09:05 PM
صدقت كلام سليم ١٠٠٪

أبوفيصل 2007
22/08/2012, 11:10 PM
لانه ابوجميل حرامي

تكلفة الجمارك مع اللوحات ٢١٠ ريال فقط
فرق السعر بين ابو جميل والفئه المقاربه لها قطريه اكثر من ١٥ الف ريال
يعطيك العافية على التوضيح

أبويوسف3
23/08/2012, 01:51 AM
أخي الحبيب فارس ما شفت في المعارض في قطر ددسن ، وكم سعرها .

فارس العمور
23/08/2012, 10:30 AM
موجوده الددسن
بس ماسآلت عنها للاسف
ارقامهم موجوده بصورة الايصال بالصفحة الاولى تقد تشيك بنفسك

أبويوسف3
23/08/2012, 07:38 PM
اتصلت عليهم بنفس الرقم
ويقول ( الرقم الذي طلبته غير صحيح ) ما الحل
كيف اتصل عليهم
أخي فارس أو أحد الأخوة ولكم جزيل الشكر

فارس العمور
24/08/2012, 12:10 PM
تفضل هذي ارقامهم بس لاتعتمد على المعروض بالصفحه من سيارات لان نصها انباع

هذا ديار العز

http://qatarsale.com/arPrivatePage.aspx?id=16478764

وهذا المشترك

http://qatarsale.com/arPrivatePage.aspx?id=145230

أبويوسف3
24/08/2012, 07:25 PM
جزاك الله خيراً وبارك فيك أخي فارس 0

راعي الهاوي
24/08/2012, 08:13 PM
جزاك الله خير

على الموضوع الرائع

ضرغام الشمال
25/08/2012, 09:34 AM
السلام عليكم ورحمة الله وبركاته اخوي سيارتي 2009 وارد عبد الطيف جميل نفس الموصفات

فارس العمور
25/08/2012, 04:57 PM
نعم نزلت بنفس المواصفات سعوديه اتوقع في مديل ٢٠٠٧ و٨ و٩ لكن بكميات قليله جدااااااً جدااااً

واذا كانت ٢٠١٢ السعوديه بحدود ٩٠ الف فكم تتوقع يجيب ابوجميل الفل كامل او الي تحتها ؟؟

عبلاوي
26/08/2012, 11:29 AM
بالمبارك لك ما اقتنيت .
؛؛؛
وأظن بحسب ما سمعت قبل سنوات , أن وكيل تويوتا هناك يعيد لك مبلغ في حدود الألف ريال , تحت نظام إعادة تصدير , والله أعلم

الرغيان
26/08/2012, 12:35 PM
مشكور يالغالي الله يكثر اشكالك ويطول بعمرك يالله ان يجعل هذي المعلومات تثمر في عيالك ياكريم ...

فارس العمور
26/08/2012, 03:23 PM
جزاكم الله خيررر

وماكتبت هذا الموضوع الا لتوضيح سهولة وسرعة الشراء من الخليج وليس كما يشاع من صعوبه وتعقيد ورعب من الشراء من الخليج
المواصفات افضل والسعر اقل والجوده اعلى

السبيعي000
26/08/2012, 09:39 PM
الله يعطيك خيره ويكفيك شره

هُمْهُوم
27/08/2012, 12:26 AM
لانه ابوجميل حرامي

تكلفة الجمارك مع اللوحات ٢١٠ ريال فقط
فرق السعر بين ابو جميل والفئه المقاربه لها قطريه اكثر من ١٥ الف ريال

ياساتر فرق القيمه كثير ومع ذالك الاضافات والاكسسوارات صينيه .

جزاك الله خيرا

rpk
27/08/2012, 11:59 AM
الله يبارك لك ما شاء الله وتقرير تشكر عليه

الرغيان
27/08/2012, 01:03 PM
السلام عليكم


شي طبيعي
التاجر + شريك التاجر الخفي المسئول النافذ + وزارة التجارة + حماية المستهلك + الغرف التجارية

جميعهم صف واحد ضد ابناء الوطن





ويكون بعلم الجميع ان سعر ها الونيت الي ب 90 الف و في قطر ب 79 الف لايتعدى 40 الف ريال في شرق اسيآ وأفضل من ابو جميل ومن قطر في المواصفات

مشكور يالغالي على الاهتمام بابناء هذا الوطن الله يكثر امثالك ياكريم .. لما يقرى الواحد هذي المقالات والله ينشرح صدره موفق اخوي من كل اعماق قلب شكرا

بدوري7
02/09/2012, 10:09 AM
اتمنى اخي ان تسوي مقارنو
يعني سعر السيارة بالسعودية
وكم سعرها بقطر
وانا ما شفت قيمة الهايلوكس الدفرنسين
لآنه مهم لحقين الكشاته
ارجو وضع قيمة الهايلوكس الدبل ضروووري للآهمية

rpk
02/09/2012, 10:24 AM
العدل يصبح عند الجبناء ظلم وعدوان وهذا هو العدل
http://www.youtube.com/watch?v=TfM1NXgYgzk

اعدام بأسم التأمر علي الشعب الله يرحمك ياصدام بس

GABER65
02/09/2012, 02:37 PM
بارك الله لك بمالك , و شكر لك حبك لإفادة الناس

فارس العمور
03/09/2012, 03:39 PM
حالياً السعوديه سعرها ٨٨ الف وفوق
وينقصها الكثيرًًًًًرررررر من المميزاات

قدها ونص
03/09/2012, 04:12 PM
يلغالي الفورتنر بدون دبل بكم عندهم .؟ قير عادي

الله لايهينك يلغالي

فارس العمور
03/09/2012, 07:12 PM
والله ماعندي خبر عنه للاسف

تقدر تتصل بهم وتاخذ العلم الاكيد

سيف رعدة
03/09/2012, 07:37 PM
بارك الله فيك اخونا فارس، والله يبارك لك فيما شريت واقتنيت

قدها ونص
04/09/2012, 09:29 AM
فارس الله يبيض وجهك ماقصرت

بنسبه للاتصال اتصلت كم مره مايردون

ونا ابي السعر منك لانه الاكيد بتلفون يزودون < تعرف حركات المعارض

انا ناوي على فورتنر وهايكلس غماره 2.7 فل
مامر عليك سعرها يبو فارس .؟؟؟

قطاع الأرماس
09/02/2013, 09:00 AM
بيض الله وجهك يا فارس تقريرك مميز ومفيد .. وفعلاً بعض الناس مرعوبين من الشراء من دول الخليج ولا يدرون ان الإجراءات اسهل مما يتصورون .. وهم بذلك يخدمون عبداللطيف جميل من حيث لا يشعرون .. وبخصوص قطر انصح دائماً بالإقامة في شقق السراج الفندقية القريبة من المعارض .. هو الفندق الوحيد اللي عند المعارض لكن اسعاره رخيصة جداً .. الشقة ذات الغرفة الواحدة بـ 250 ريال فقط .. كما انها تأتي قبل الدوحة وجنب المعارض يعني اريح وأفضل من الذهاب لزحمة الدوحة وفي نفس الوقت جنب المعارض (وهو الفندق الوحيد الموجود في منطقة المعارض) لكن كثير من الناس مايدري ويسكن في الدوحة الأعلى في سعر السكن .. وهذا رقمهم 0097444582811
وإذا كنت رايح في وقت ميت ( أيام دراسة او شهر رمضان) إنشب فيهم وقل باخذ الشقة بـ 200 ريال فقط بدل 250 و راح يوافقون لأنهم مضطرين :D طبعاً في أول شي بيقول لا السعر موحد ثم بيوافق .
و وصف الشقق هو :
إذا كنت جاي من السعودية مع طريق سلوى وتعديت معارض السيارات .. بيجيك دوار او دوارين ناسي بالضبط ( وأظن حولوها لإشارة ) .. تعدها بشوي وامش سيدا كأنك بتروح للدوحة لين تشوف يمينك مفروشات إسمها مفروشات البوقنان .. الشقق وراها بالضبط .. ادخل مع الحارة وتعال ورا المفروشات وتشوف الشقق .. وهي قريبة جدا من سوق السمك وسوق الخضار .. وإذا بغيت تتغدى إمش سيدا مع طريق سلوى لين يجي يسارك مطعم الكاتم المشهور .. هو الأفضل والأقرب للمعارض وأسعارهم هي نفسها أسعار فروعه بالرياض .. لكن إنتبه لأنه تحت مخرج فـ حاول تمسك الخدمة عشان تشوفه .

ولدحموله
21/02/2013, 08:42 PM
جزاك الله خير اخي فارس

أبويعقوب60
21/02/2013, 10:22 PM
احسن الله إليك على الموضوع القيم وبارك الله فيك
وجمل الله حالك وبارك الله في مالك .

ابو الوليد...
05/10/2013, 02:27 PM
السلام عليكم اخوي بكم القا الهايلوكس الدبل جديد في قطر ياليت تفيدني

فارس العمور
16/10/2013, 12:14 PM
اعتذر عن التاخير والرد خصوصا الرسائل بالخاص لاني مادخلت الموقع من فترة
بصوص الدبل ٢٠١٣ على خري ب ٨٦ الف للفل

الوحش z71
16/10/2013, 01:46 PM
ماشاء الله تبارك الرحمن
مركب الهناء ان شاء الله
تقرير مميز ورائع تشكر عليه اخي وخصوصا انك كشفت الغش والتدليس اللي تمارسة شركة عبداللطيف جميل على المسلمين
لكن الشرهه مهو عليهم الشرهه على وزارة التجارة اللي تعلم بهذا الغش وساكتة
صدعوا رووسنا بالمواصفات والمقاييس لا بغيت تشتري من الامارات او قطر قالوا لازم تمر على المواصفات والمقاييس مايدرون ان سياراتهم افضل مننا بكثير
يااخي عندكم عبداللطيف جميل لا يطبق ادنى مواصفات السلامة والامان
مشكور اخي ويعطيك الف عافية