المساعد الشخصي الرقمي

مشاهدة النسخة كاملة : الخرازة


abdullah
22/10/2001, 11:14 PM
السلام عليكم ورحمة الله وبركاته :
كيف الحال ياشباب وش اخباركم عساكم بخير عندي سؤال واحد بـــــــــس:confused:
وش رايكم في الخرازات ووش الزين منها وش السعر المناسب منها واي نوع ارجو ان تجيبوا على سؤالي هذا ولكم افضل الشكر والتقدير اخوكم عبدالله:D :D
مساعد
23/10/2001, 09:03 AM
هلا بك ,الخرازات انواع منها البرنو وهي ارخص نوع وتعتبر جيدة,سعرها مايزيد عن 2000ريال ويوجد الالمانية وهي قليلة بالسوق وسعرها اغلى ,والامريكية نصف اوتوماتك تاخذ 17طلق
تلقمها من راس الماسورة وسعرةا ياصل من 4000-4500 بس لك وللزمن.
قروي
23/12/2001, 11:15 PM
جعلك ما تبيع لأحد :)



أعرف واحد ضاري خرازة بس لا تسألوني وش نوعها لأني ما بعد شفتها بس سعرها من 1200إلى 1700
ذيب البر
24/12/2001, 01:01 AM
السلام عليكم ورحمة الله وبركاته

هلاااااااااااااااااا فيكم

اخوي الخرازات أنواع ولكن المشهور منها والمعروف البرنو وهي المنتشره بالسوق

ونوعاً ما جيده وسعرها يتعدى الالف شي بسيط الظاهر ألف وميتين

أما قولك أفضلها فهي بلا منازع الالمانية بس وين تلقاها وان لقيتها غاليه تصل

ستة الاف وتسمى ( ام خده ) يمكن تلقاها عند شايب :D
طير شلوى
25/12/2001, 04:42 AM
عندي كلمة احب اضيفها
ان الخرازات انواع وبعضها ما تسوى مية ريال والشي هذا اقوله وانا مجربه
خذ عندك
انا عندي خرازة برنو يسمونها عندنا ام طيور مكتوب عليها 97 مشتريها وهي جديدة هذي ولله الحمد تجيب الصيد من مسافات ماتخطر على بالك
وكانت عندي قبلها وحدة ماادري وش اصلها بالضبط ولكن ماعليها طيور وكنت ارمي بالثنتين البرنو تصل والثانية والله ماتصل والطلقة تطيح دون الهدف مع أن الرصاص هو نفسه
المهم ياشباب
ترى الرصاص اللي عندي باقي منه علبه وحدة وابي فزعتكم
ابغى واحد يساعدني في الحصول على رصاص للخرازة وله اللي يبي
ترى موسم الصيد قرب لا توهقونا
اللي يحب يراسلني يرسل رساله على العنوان التالي ahmed830@yahoo.com
الترفي
05/01/2002, 03:46 PM
ازين شي البرنو لك وللزمن وهي ما تتعدى الالف وميتين1200
وبالنسبه للرصاص الستنجر هو الشي بين الانواع كلها
اخوك الترفي
وبل الحياء
16/01/2002, 03:10 AM
عبدالله اخوي ..
بالنسبة للخرازة النوع الطيب أم خده ألمانية لكن غالية وما تحصله لكن المشهور بين الناس البرنو تشيكية الصنع والبرنو تختلف يعني انا انصحك تدور شي قديم من موديل 96 وتحت لأن الجديد طويله السبطانه فيها بزيادة شبر عن القديم . واذا احتمت سبطانة الجديده تغير مرماه لكن القديم ما يختلف مرماه ولو احتمت
لكن ترا فيها زيادة قروش شوي يعني الجديد عندنا بالقصيم بسعر (( 1400 )) والقديم النظيف يزود سعره عن 2000 ريال وانا انصحك تدورلك موديل 93 _ 92 _ 91 احسنلك .
والرصاص انا جربت الاستنجر زين ما فيه كلام لكن اللي افضل منه الليزر كرتونه اسود وممتاز لأي صيد طير أو زاحف .. وسلامك وأسف على الاطاله .
راعي كيف
17/01/2002, 02:00 AM
كل ماذُكر في شأن الخرازات في الحقيقه أكثر من ممتاز
لآكن هناك فروق تخفى على الكثير
إذا أرت أن تبحث عن الجيد إنضر الى وصط الماصوره كم عدد المجرات الحلزونيه
الموجود حالين في اغلب الخرازات هوا العدد 7 مجرات حلزونيه
والجيد نادراً ماتجدة لأن اصحاب بيع السلاح يجعلونه لإصحابهم الخاصين أو الشخصيات الخاصة أو المدرهمين وهو العدد 11 مجري حلزوني وهو الأفضل في الحقيقة وهذي معلومه أخذته من أحد هوات الرمايه بالخرازة وله باع كبير فبها وفديم جداً .





[COLOR=seagreen]تحياتي وأشواقي[COLOR=seagreen]
غـــشـــام
17/08/2006, 05:22 PM
ازين شي البرنو لك وللزمن وهي ما تتعدى الالف وميتين1200
وبالنسبه للرصاص الستنجر هو الشي بين الانواع كلها
اخوك الترفي
<!-- / message --><!-- sig -->
حر ((قصاص))
17/08/2006, 07:42 PM
وانا اخوك البرنو اولا اسعارها عندنا بالقصيم موديل 97 وتحت تعدى الالفين وخاصة هذا الوقت وسابقا وقت الضبان والبرنو عمليه ولكن الالمانيه اطيب وعمليه اكثر وهي التوماتيك اما الامريكيه فهي اللتي في المقدمه وهي اللي عليه العلم واسال مجرب هي عندي الحين تشيل 16 طلقه ومريحه في التعشيق جدا ورميها يشفي الخاطر وشركاتها تختلف فيه اللي بــ1200واللي4500واللي عندي بــ7500 شريها من سنتين ولكن عزالله انه سلاح
رمو77
19/08/2006, 03:39 PM
والله انكم ظايعين

اجل سعر البرنو
1200

والله انها وصلت3000 ريال وانتم تقولون 1200 صحيح انها وصلت 1200 قبل سنتين لكن الاسعار الان ناررررررررررررررر
راكب الشاص
15/04/2007, 01:39 AM
احسن شيى البرنو بس اللي معي توني شاريها وهي سوبــــر بــرنـــــو شاريها بــــ 3600
العشة
15/04/2007, 02:51 AM
طيب شباب ابي لي تكفون فشق خرازه
مكه
15/04/2007, 06:22 AM
مساكم الله بالخير 000 افضل الخرازات الموجوده هي البرنو 000 وغاليه هالايام من موديل 99 وتحت قيمتها 3500 طبعا جديده 000 واذا لقيت سوبر برنو جاكوار جديده خذها ولاتشاور والله يعينك على سعرها حول 5000
الحر القطامي
15/04/2007, 03:02 PM
وين اللي ب1200
وين احصلها هذي
انا ابي وحده
تكفوون يالنشامى عطوني خبرها......
الرهدن
15/04/2007, 05:02 PM
البرنو ليست الأفضل لكنها دارجه لرخص ثمنها (سابقآ)
وتراه ماهيب شينة00 للضب دواء :good:
عليك باالألمانية إذا حصلته :confused: .

.
الشمالي 5
15/04/2007, 07:23 PM
حنا نبي من الي 1200 كان احد يعرف من عنده يرد لنا بسرعه
ابوعبيد الله الصالحي
15/04/2007, 07:40 PM
السلام عليكم

ياخوان الاسعار الان ناررررررررررررررررررررررر

وين 1200 ابي ثلاثه بـ 3600 ريال .........

انا قبل ثلاثه اشهر مشتري برنو بـ 3400 ريال وانتم تقولون 1200
بيت طين
15/04/2007, 11:05 PM
السلام عليكم انا عندى خرازه جاكوار مصرحه ومسيومه 4000 شبه جديده
وبالنسبه للفشق اللي يبي يراسلني على الخاص .
او zer0.o@hotmail,com
عبدالعزيز العبدلي
16/04/2007, 09:30 AM
يا اخوان وش فيكم انتم........ الموضوع صار له اكثر من 5 سنين يالله المستعان يعني الاسعار على ايام 2001 و 2002



وكل سلعة لها سعر يمكن يجي يوم تقلون الخرازة بـــــــــــ 600 ريال ويمكن تصير بـــــــــ 1000 ريال

ويمكن بــــــــ 7000 ريال كل شئ جايز :d
NaHar
16/04/2007, 09:37 AM
السلام عليكم ورحمة الله وبركاتة

كم اسعار الفشق يا اخوان ياليت نعرف اسعاره ذا الايام
الحضري
16/04/2007, 12:34 PM
موضوع قديم فعلا
حنوش
16/04/2007, 01:06 PM
اسعر الفشق من 600 -750 للثوب والله اعلم
ابوناصر10
20/04/2007, 12:58 AM
اسعر الفشق من 600 -750 للثوب والله اعلم

على يدك اسعفنا تكفا